教育王國
標題: 都市日報報導 [打印本頁]
作者: abby0624 時間: 13-12-12 15:44 標題: 都市日報報導
搵到之前都市日報以下報導:
攝影:鍾錦榮
林立於九龍塘名校區的香港創價幼稚園,一直是家長的口碑推介,連教育局06年的視學報告,都對創價有讚無彈,指「學校關懷備至」,兒童熱愛校園生活,「課程貼近兒童的興趣和發展需要」,可見名校地位絕非浪得虛名。
教育局有讚無彈
校長黄素玉表示,該校着重「人本教育」,透過活動教學,提升學生自理、自律、主動學習能力和培養良好品格。
學校實行「三班主任制」,師生比例低至1比10,學童們都得到貼身照顧。而創價的另一個特色是,學生每天有75分鐘自選活動時間,他們可按自己喜好和程度,與其他年級和班別學生進行多元化活動。黄素玉指,這種安排好處是提高學童的學習興趣,鼓勵主動學習,而混齡混班的學習模式,亦可提高學童社交技巧。「高年級同學會學懂照顧年紀較小的,低年級同學則可以有學習對象。」
該校由佛教團體日本創價學會創辦,但學校本身並無宗教,收生亦以本地學生為對象。
http://www.metrohk.com.hk/index.php?cmd=detail&open=1&id=116191
好鐘意佢75分鐘自選活動時間
作者: Elau719 時間: 13-12-13 03:26 標題: 回覆:都市日報報導
返三個鐘有一半時間係度hea???

作者: abby0624 時間: 13-12-13 09:02
大家方向唔同,所以創價唔啱你
作者: SYSYGLKP 時間: 13-12-13 09:40 標題: 回覆:都市日報報導
我的女兒都是坐不定,所以我揀創價!今年巳經幼低班啦!由幼兒班那時不喜歡上學到現在很喜歡上學!我很喜歡創價的教學方式!同普通傳統的幼稚園很不同!

作者: ccycsy 時間: 13-12-13 10:23
Elau719 發表於 13-12-13 03:26 
返三個鐘有一半時間係度hea???
學習不一定是用100%的時間對書本及老師, 透過這75分鐘令小孩學到的知識及溝通技巧是祗有創價家長才能體會到的.
作者: Elau719 時間: 13-12-13 10:29 標題: 引用:大家方向唔同,所以創價唔啱你
原帖由 abby0624 於 13-12-13 發表
大家方向唔同,所以創價唔啱你
都應該是不適合我,因為我小朋友PN 都很喜歡每天上英語及普通話,如果這教學方式都應該不適合,恭喜你們可以入到比小朋友咁開心去快讀

作者: CuteBshop 時間: 13-12-13 10:48
有自由時間活動幾好, 不過75 分鐘就實在太多了... 如果每日30 分鐘左友就會合理好多!
作者: abby0624 時間: 13-12-13 11:04
我比較注重可以提高小朋友學習興趣,鼓勵主動學習,提高學童社交技巧呢幾方面,所以我應該唔會比我個仔直升劍鳴國際班。
作者: Elau719 時間: 13-12-13 11:16 標題: 引用:我比較注重可以提高小朋友學習興趣,鼓勵主
原帖由 abby0624 於 13-12-13 發表
我比較注重可以提高小朋友學習興趣,鼓勵主動學習,提高學童社交技巧呢幾方面,所以我應該唔會比我個仔直升 ...
劍X都唔讀你們真是很喜歡創價,恭喜你們,劍XPN同創價分別好大,朋友個小孩在創價三年都是好開心嘅

作者: ccycsy 時間: 13-12-13 11:44
尋找適合自己的學校很重要, 我個人就喜歡學校在教育品德, 學生之間的交流, 自由選擇喜歡的活動這方面, 學術上家長可以在家配合學校或自行學習都不難, 難的是在與其他人交流及合作方面的培養, 在學校可以發揮得淋灕盡致, 他們在活動中會學會忍讓, 溝通, 發表自己的意見, 顧及他人的感受, 由於現今家庭小朋友人數不多, 這方面在家中是很難教導的.
有部份家長都奇怪自己的小朋友學術上很強, 為何在考小一時很多學校都不取錄. 個人愚見, 其中有些原因就是大部份學校都會在面試時透過小朋友的行為{例如集體遊戲, 面試場所所設的角落(包括玩具, 圖書, 晝晝等等自選活動)}觀察其是否合群, 遇困難或爭執時的反應, 有沒有守規則, 禮貌等等, 這些都是日積月累, 小朋友自然會表現出來的, 學校在挑選學生時對於這方面的表現都會計算分數. 當然, 除了應付小一面試, 更重要的是良好的品德令小朋友受惠一生.
這就是我非常喜歡創價的原因之一, 所以, 別小看了這 "75分鐘"!
作者: yip_ching 時間: 13-12-13 12:11
現今嘅都市人都係生一個起兩個止,有啲甚至乎會唔生,所以形成好多自我中心嘅小王子小公主唔識同人溝通同埋唔合群,自理能力亦好差~其實俾孩子去同其他同齡小朋友去玩都係學習嘅一種,呢啲野係要親身經歷,係書本上面學唔到~~
可能某啲家長會覺得要小朋友贏在起跑線先夠威,所以不斷push個小朋友讀書識字,甚至放學都要去補習,只顧學術而忽略人格重要性,其實,學術上,孩子總有追回嘅時間,相反,三歲定八十,人格思維唔正確就一世都冇得改變,學校長話齋,我需要一個正面積極愉快嘅孩子,都唔需要一個“好叻嘅壞人”囉
作者: lymhappyforever 時間: 13-12-13 12:36
回覆 yip_ching 的帖子
非常同意!!
作者: SYSYGLKP 時間: 13-12-13 12:43 標題: 引用:現今嘅都市人都係生一個起兩個止,有啲甚至
原帖由 yip_ching 於 13-12-13 發表
現今嘅都市人都係生一個起兩個止,有啲甚至乎會唔生,所以形成好多自我中心嘅小王子小公主唔識同人溝通同埋 ...
講得非常之好!同意!

作者: lauwingtai 時間: 13-12-13 12:56
在創價面試的時候, 我也驚奇為何老師跟家長的面談份量如此重, 現在終於明白了, 大概校方正在選育兒理念跟創價不謀而合的家長吧! 難得大家都那麼著重小孩的品德育成, 別校討論區的家長在關注「升小前景」和「去邊補習好?」的時候, 創價討論區的家長就在討論「德育」與「合群」, 實在難能可貴。很榮幸小女可跟各位的子女同校, 希望大家的子女都能在創價養成優良的人生價值觀吧。
作者: IvanL 時間: 13-12-13 17:07 標題: 引用:在創價面試的時候,+我也驚奇為何老師跟家長
原帖由 lauwingtai 於 13-12-13 發表
在創價面試的時候, 我也驚奇為何老師跟家長的面談份量如此重, 現在終於明白了, 大概校方正在選育兒理念跟創 ...
就是大家(學校及家長們)都持同一信念,超喜歡PTA及各位家長對師生們的愛與支持!!!
雖然教育重點(學述vs待人、品格)跟外面某些名幼稚不同,看不出對入小學有很大差異。
明白家長對小孩有不同期望,喜歡便來吧

作者: ccycsy 時間: 13-12-13 22:55

作者: yip_ching 時間: 13-12-14 10:06
其實我又唔覺得happy school一定冇成就
小朋友愉快學習,喜歡學校,能建立自律人生,相信學習已經事半功倍~總好過不斷加以壓力,要求孩子上知天文下知地理,push得太勁都唔會讀得開心,分分鐘會壓力爆煲
我唔係一個好媽媽,我只係一個愛孩子嘅媽媽,帶佢嚟呢個世界,係希望佢能夠健康幸福快樂成長,擁有豐盛人生,相信選擇創價嘅家長大部份都同我一樣~可能會有家長唔認同,認為要做到band 1孩子,物質豐富,才可做到無憂無慮,咁先快樂得起,但臭皮囊的物質豐盛遠遜於心靈上的滿足,你認為cy等高官而家能擁有真正快樂嗎
作者: lauwingtai 時間: 13-12-14 11:37
突然有一鼓想「返老還童」的衝動, 想「自己」親身去創價幼稚園上學, 感受下係度返學有幾開心, 老師校長有幾好。如果我細個都有d咁既幼稚園就好了。
作者: alicelki 時間: 13-12-14 22:10 標題: 回覆:都市日報報導
我真係好鍾意尼間學校,但佢唔收我阿仔

作者: gouramip 時間: 14-7-5 12:49 標題: 回覆:yip_ching 的帖子
好贊同你嘅意見,你的一番說話令我更鎖定創價

作者: dannyyau302 時間: 14-7-11 23:40 標題: 回覆:都市日報報導
升讀小學後,初時仍擔心適應不到傳統教學,苦了三個月終於磨合!創幼生不太專注苦讀,喜愛活動式教學,在溫習時別有一套功夫!在品德上亦主動幫助有需要同學,愛人如己;學懂分享及尊卑,非常感謝黃校長及師生們努力。這份恩賜禮物比起分數更開心、更實用!

作者: lambeanmama 時間: 14-7-12 17:12 標題: 回覆:都市日報報導
我的孩子還小,未滿一歲,但已鎖定創價是我第一首選幼稚園。孩子是12月細b,明年一定報考,唔得後年再考多次做超大b。會密切留意各位前輩家長的分享。

作者: niclicma 時間: 14-7-12 18:16 標題: 引用:我的孩子還小,未滿一歲,但已鎖定創價是我
原帖由 lambeanmama 於 14-07-12 發表
我的孩子還小,未滿一歲,但已鎖定創價是我第一首選幼稚園。孩子是12月細b,明年一定報考,唔得後年再考多 ...
真係好正!👍👍👍物超所值!我小朋友下年先K3,但我已經開始唔捨得。

作者: dolphinjelly 時間: 14-7-22 15:11 標題: 回覆:niclicma 的帖子
「物超所值」形容得最合適不過!慶幸囡囡入咗呢間學校。校長、各老師同職工的教育熱誠實在令人感動!
囡囡今年畢業了,好唔捨得,仲話之後得閒&每年舊生日就要返去探校長、老師,話學校好歡迎舊生隨時返去!

作者: Okok_boy 時間: 14-8-24 00:23 標題: 回覆:都市日報報導
我仔仔今年都畢業了,9月上小學啦,真的,別睇少果75分鐘,所有品德教育就是咁培養出來,家長要學科要知識,小朋友每天回校就是玩中學,這3年仔仔學到的一切一切比我想的更多更多,時光倒轉我仍會選創價,創幼出來的王子公主完全見得人,看看今年的叩門成功率就知!再說,愉快學習,不一定是hea的,至少創價一定唔係,好唔捨得學校呀!

作者: Mattliz 時間: 14-8-25 09:31 標題: 回覆:都市日報報導
起初仲未決定到讀邊間,但睇完你地嘅發言,俾咗我好大信心,呢間正係我同老公想要,尤其老公好希望仔仔可以有個快樂嘅童年,仔仔而家8個月,到時一定要報名,希望會收啦

作者: 晴天公主 時間: 14-8-25 19:44




作者: cccysfcsy 時間: 14-9-5 23:29
創價真係一所真心愛護, 關心小朋友, 亦愛屋及烏, 關心家長的學校, 真遺憾冇創價小學......
作者: konew720 時間: 14-10-6 17:38
abby0624 發表於 13-12-12 15:44 
搵到之前都市日報以下報導:
攝影:鍾錦榮
75分鐘自選活動時間係做咩架?
聽落同蒙特梭利教學好似, 又係混齡, 又係以兒童為中心, 又係自由選擇自己既活動....
作者: JoyceMum 時間: 14-11-13 10:25 標題: 回覆:konew720 的帖子
十幾年前,當時還未結婚,看到一本描述曰本一間非一般小學的書,忘了書名,但當時很受感動,書中描述在傳統的日本教育中有這樣一所學校,每個小朋友可自選科目,小朋友在傳统学校不開心的,在這學校重新找回學習的樂趣,我想就是這個理念吧

作者: Phoenix325 時間: 14-11-13 12:04 標題: 回覆:abby0624 的帖子
thi

作者: kvvvcheung 時間: 14-11-23 22:15 標題: 回覆:都市日報報導


作者: siu_baby 時間: 14-12-21 04:01 標題: 引用:現今嘅都市人都係生一個起兩個止,有啲甚至
原帖由 yip_ching 於 13-12-13 發表
現今嘅都市人都係生一個起兩個止,有啲甚至乎會唔生,所以形成好多自我中心嘅小王子小公主唔識同人溝通同埋 ...
全對!
與其他不同年齡嘅同學仔相處,可以令小朋友學到更多,完全冇諗過會有人覺得係「hea」!

作者: helenmelody 時間: 14-12-21 21:31 標題: 回覆:都市日報報導
我超級喜歡創價,面試時我好像太含蓄,唔知老師有無感覺到?!
歡迎光臨 教育王國 (/) |
Powered by Discuz! X1.5 |