教育王國

標題: 請問大家點同自己仔女講帶佢地去interview? [打印本頁]

作者: Kongtk 時間: 13-12-12 15:18 標題: 請問大家點同自己仔女講帶佢地去interview?

其實我只係in左2間，但我個小B性格好慢熱，突然間去一個陌生既環境佢會好驚，有咩辦法令佢無咁怕呢？大家點同小朋友講去interview?

作者: cherrybeepbeep 時間: 13-12-12 15:39

越怕醜越要IN多幾次, 等佢知道係去玩, 玩完有禮物攞, 我同小朋友講去開放日, 有得玩又有禮物攞

, 但想攞禮物就要答問題, 攞完記得要講多謝

作者: wynnlitheboo 時間: 13-12-12 15:48

因為個囡鐘意返學, 所以同佢講返學, 我話答左老師問題, 會有禮物收架, 仲要教佢老師送禮物要講乜

作者: abby0624 時間: 13-12-12 15:54

我同佢講去學校搵老師傾計。佢跟住就會話:好呀，傾完計去反斗城吖!!!

作者: happytummy 時間: 13-12-12 16:10

本帖最後由 happytummy 於 13-12-12 17:55 編輯

我個女去過幾次open day之後好鍾意去學校玩, 成日話要返學。所以我同佢講去學校同老師玩, 提醒佢要有禮貌, 唔識唔緊要, 但最緊要有禮貌要應人, 唔識就答老師"唔識" , 無問題的

我個女平時好慢熱, 要d時間warm up, 但好好彩in咗3次佢每次都好肯答老師問題, 所以我覺得佢表現已經好好

作者: happytummy 時間: 13-12-12 17:55

我個女去過幾次open day之後好鍾意去學校玩, 成日話要返學。所以我同佢講去學校同老師玩, 提醒佢要有禮貌, 唔識唔緊要, 但最緊要有禮貌要應人, 唔識就答老師"唔識" , 無問題的

我個女平時好慢熱, 要d時間warm up, 但好好彩in咗3次佢每次都好肯答老師問題, 所以我覺得佢表現已經好好

作者: ckfamily 時間: 13-12-12 17:57 標題: 引用：其實我只係in左2間，但我個小B性格好慢熱，

原帖由 Kongtk 於 13-12-12 發表
其實我只係in左2間，但我個小B性格好慢熱，突然間去一個陌生既環境佢會好驚，有咩辦法令佢無咁怕呢？大家點 ...

我小朋友好鍾意睇海盜卡通片，所以次次都話去歷險，尋寶，去到新環境就當玩

作者: cloudwingwing 時間: 13-12-12 18:00 標題: 回覆：請問大家點同自己仔女講帶佢地去interview

話帶他返學玩，無提及過面試呢2個字，就算講左他應該唔知咩意思

作者: bibi521 時間: 13-12-12 18:05

我都係話帶佢返學玩~

作者: oooasis 時間: 13-12-12 18:30

話去學校玩，同老師傾計，然後老師會送禮物，媽咪之後會帶你去玩，買野食。

作者: CuteBshop 時間: 13-12-13 11:33

我都係同仔仔講去新學校玩下... 之後通常會早d 去, 跟住同仔仔玩下學校既設施, 跟住問佢開唔開心, 好唔好玩... 通常有得玩小朋友都會答好玩同開心, 跟住就即刻同佢講:"咁一陣老師問你野, 你要答老師啦..答左先可以繼續係到玩同返學架"... 對我個仔黎講好work, 佢每次都會真係肯答老師野, 當然收唔收係另一回事, 但係佢做到應該要做既野就己經盡左力啦!!

作者: kissobaby 時間: 13-12-13 12:21 標題: 回覆：請問大家點同自己仔女講帶佢地去interview?

話去玩咋，interview 呢個概念太抽象

作者: 寫我心中話 時間: 13-12-13 12:22

提示: 作者被禁止或刪除內容自動屏蔽

作者: Kongtk 時間: 13-12-13 12:28

當然無講去interview,小朋友點會識，但我話去學校同老師傾計，老師有禮物想送比佢，好唔好，佢答我唔好

作者: myheiheibb 時間: 13-12-13 13:14

我話同佢去學校玩，同老師傾計玩玩具，佢浄係以為出街街玩咋，一d都冇抗拒，可能佢唔怕陌生地方。

作者: daisylhn 時間: 13-12-13 15:06 標題: 回覆：請問大家點同自己仔女講帶佢地去interview?

我本來同阿女話去學校玩，後來爸爸月一廿佢講面試，佢就知勒。仲成日話好想去面試，因為有禮物收

歡迎光臨教育王國 (/)