教育王國
標題: 我仔明年睇兒童精神科!係唔係多數要食藥? [打印本頁]
作者: wan_sosin 時間: 13-12-11 20:45 標題: 我仔明年睇兒童精神科!係唔係多數要食藥?
我仔而家K3,CAC話佢"教活躍及反叛"排了2014年10見精神科醫生,我其實唔覺得佢要食藥,或唔想佢食藥!
佢雖然成日乜都攪一餐,但上堂都算合作!起碼唔會離開位,只係鍾意攪下同學,同埋佢學習能力唔差!
我平時比佢放足電架!
有無小朋友唔食藥都還可以架?
我想早D知清楚下,唔該晒!
作者: lillymarie 時間: 13-12-12 05:11
妳可以堅持不讓他食藥的，沒有法例禁止。
不太嚴重的，可靠行為治療。
作者: wan_sosin 時間: 13-12-12 09:54
lillymarie 發表於 13-12-12 05:11 
妳可以堅持不讓他食藥的，沒有法例禁止。
不太嚴重的，可靠行為治療。
可以唔食,都想唔食藥!好彩已派了一間功課唔算多,但成績中上的小學!校長對教學好有心!
作者: lillymarie 時間: 13-12-12 10:01
我聽過兩個case, 一位小朋友是活躍多動，沒情緒問題，亦沒有學習問題，他媽媽每天引導他做運動，到十歲左右就沒問題了。
另一位小朋友，活躍，情緒激動，有時在班上發脾氣。試過一次舉起椅子摔在地上，嚇得全班同學要離開課室避難。校長要求家長帶小朋友見醫生食藥。媽媽起初堅持不食藥，怕副作用，但後來還是讓孩子食藥。之後情況好好。
亦聽過一位資優小朋友，上課感到悶，忽發奇想："若把石子丟向風扇，會否弄停它？" 想到就去做.......後來這孩子被安排跳級。
作者: lillymarie 時間: 13-12-12 10:04
wan_sosin 發表於 13-12-12 09:54 
可以唔食,都想唔食藥!好彩已派了一間功課唔算多,但成績中上的小學!校長對教學好有心! ...
作者: pollybell 時間: 13-12-12 10:21
如果無暴力問題，或容易發脾氣其實唔食都可以，學習又無問題，行為治療都足夠。
作者: wan_sosin 時間: 13-12-12 10:22
lillymarie 發表於 13-12-12 10:01
我聽過兩個case, 一位小朋友是活躍多動，沒情緒問題，亦沒有學習問題，他媽媽每天引導他做運動，到十歲左右 ...
很好的參考例子!
始終要上到小學先知實在情況!而家都諗緊如何幫佢順利上小學!
作者: wan_sosin 時間: 13-12-12 10:29
pollybell 發表於 13-12-12 10:21
如果無暴力問題，或容易發脾氣其實唔食都可以，學習又無問題，行為治療都足夠。 ...
我仔對人無惡意,唔會專登攻擊人!只係會唔聽人"點"!同埋攪攪震!搵人玩!係學校唱歌念書,改晒內容歌詞,引起同學大笑!如果上小學,相信老師一定唔接受,希望這幾個月,係幼稚園,教到佢收歛下,同埋尊重老師課堂!而家老師還會好言相勸!第日未必!
我自己訓練好佢,好過食藥!
作者: pollybell 時間: 13-12-12 10:46
回覆 wan_sosin 的帖子
如果小學可以配合會更好，而家要教佢多些因果關係，你做呢些行為會如何影響其他人，其他人會有乜反應，你會得到乜後果，講佢地就無敵，要做就難，要不停提醒，好漫長既路。
作者: wan_sosin 時間: 13-12-12 22:53
pollybell 發表於 13-12-12 10:46
回覆 wan_sosin 的帖子
...講佢地就無敵，要做就難，要不停提醒，好漫長既路。
我體會你呢句說話,真係講到口都爛!條路真係好漫長!仲要見唔到終點係邊!不過都會努力堅持嘅!
多謝你的意見呀!
作者: Charlotte_mom 時間: 13-12-12 23:02 標題: 回覆：我仔明年睇兒童精神科!係唔係多數要食藥?
我仔都係屬多手多腳果種，無咩大規模破壞行為。但唔食藥就甩甩漏漏個人好似無電咁踢一下郁一郁。家長亦要留意，平時屋企自己教1：1同大班學習情況唔同。有需要等候、合作、集中，欠專注力會影響，同時亦影響社交，因為醫生話社交無得學，係要靠自己接觸領悟，所以專注力一樣影響。你可以等上左小學睇定d再決定
作者: wan_sosin 時間: 13-12-12 23:40
Charlotte_mom 發表於 13-12-12 23:02
我仔都係屬多手多腳果種，無咩大規模破壞行為。但唔食藥就甩甩漏漏個人好似無電咁踢一下郁一郁。家長亦要留 ...
多謝你的分享和意見!我會上小學時密切留意佢!
我仔老師及醫生都唔覺得佢有專注力問題!反而當佢想做一件事時,佢會狂做唔放手,要畫畫時,一畫十幾二十張!
試過做功課,我叫佢休息一下,佢話要一次過做完!廢事轉頭要做過,係學校,佢係第二,三個做完課堂功課!不過我覺得咁樣都係過動嘅一種,停不下來,好忙好忙!佢話如果停底坐定就話好似呼吸唔到咁!佢好似裝漏咗個"off"制咁!off唔到!所以就咁睇唔出佢有事!
所以佢好似企係中間,又唔係專心唔到!真係要返學睇到佢嘅表現先知!當然如果有必要,我又唔會堅持已見,唔比佢食藥!
作者: pollybell 時間: 13-12-13 11:01
回覆 Charlotte_mom 的帖子
有樣疑問想請教你，其實正常人食左藥都比平時專注？呢個說法係一個媽媽想試驗自己囝囝既藥後，得到既結論，所以我諗幫助一定有，問題係要𧗾量食藥後既得失呢？如無明顯既進步，試完幾個月無進展停藥有乜後遺。
作者: Charlotte_mom 時間: 13-12-13 11:33
講真丫, 有時我自己都想試下究竟D藥有咩影響
, 係咪真係靈精D, 等我返工都食下 (家長指引, 個人立場呀下)
我仔食唔食分別都幾大, 唔食咪立下立下, 踢一下郁一下, 問佢野, 唸都唔唸就叫唔知(腦都唔想用), 悶就搵野黎攪, 督下人呀, 攪人檯面D野, 連人件衫上面條線都唔放過, 總之唔悶得唔等得
就係呢D野, 令到我覺得唔食唔得LOR! 影響課堂秩序, 影響同學對佢印象
SIDE EFFECT暫時我唔見有, 一樣食得訓得, 不過真係要試藥, 我聽過有人食最普通RITALINE都好大副作用, 勁發脾氣勁失控要家長接走LOR
作者: lillymarie 時間: 13-12-13 12:40
回覆 wan_sosin 的帖子
聽妳咁講，妳囝囝完全唔似有專注力問題。係極為好動多些，講真唔多似ADHD喎。
作者: bee918 時間: 13-12-13 13:15
老師說隻bee較易發脾氣...
容易發脾氣也要吃藥嗎? 很多成年人也要吃呢.
作者: lillymarie 時間: 13-12-13 13:26
回覆 bee918 的帖子
如果發脾氣拿椅子摔，又或者向老師同學丟鉛筆，如何？
好多個案都不是三言兩語說得清。
食藥不食藥都要付代價。小朋友有事，最讓父母頭痛。
作者: wan_sosin 時間: 13-12-13 23:12
lillymarie 發表於 13-12-13 12:40
回覆 wan_sosin 的帖子
聽妳咁講，妳囝囝完全唔似有專注力問題。係極為好動多些，講真唔多似ADHD喎。 ...
ADHD有三種情況,我仔單純過度活躍,亦即只係HD,無AD!所以亦真係會唔覺!只要有嘢佢好鍾意,就可以專心!不過如果覺得課堂唔係佢鍾意,就會坐唔定!想搵嘢攪!
但佢嘅活躍情況,社工都覺得佢超過一般小朋友!同佢看圖書講故事,睇一本書佢可以坐底起身10數次,但佢係聽到我講嘅,問佢佢識答!有時同佢傾偈,動作多到眼都花!
我聽過黃重光醫生講座,話有部份小朋友係會唔多覺!
作者: wan_sosin 時間: 13-12-13 23:22
bee918 發表於 13-12-13 13:15
老師說隻bee較易發脾氣...
容易發脾氣也要吃藥嗎? 很多成年人也要吃呢. ...
我唔係主張食唔食藥,我自己都只係了解緊!
不過,大人發脾氣,如果身邊都是大人,多少會知如果面對嗰個人!
但小朋友返學,一班二三十人,有小朋友發脾氣,其他小朋友都會唔知點算!影響到其他小朋友心情,亦上唔到堂!
其實真係無乜父母想仔女食藥,呢個真係好理解!
作者: Charlotte_mom 時間: 13-12-15 15:51 標題: 回覆：我仔明年睇兒童精神科!係唔係多數要食藥?
如果情緒管理唔得，除左食唔食藥外，亦可積極考慮上堂。你知啦，呢d仔就係衝動，你之後問佢應唔應該、下次點做、而家點解錯左，佢咩都答得出架！不過果下控制唔住之嘛（醫生說法咪就係個腦無撻著，要靠食藥刺激佢粒yes/no button ,經左大腦至做）。而上堂就係1。用環境/互動等因素做到case study/親身經歷效果，由社工再帶領小朋友明白點可以面對得正面d 2。繼續train落去令小朋友潛而默化，自動會做出適當反應。我仔幾work，你都考慮下丫
作者: wan_sosin 時間: 13-12-16 22:12
回覆 Charlotte_mom 的帖子
我都希望行為治療就ok!我仔無情緒問題!只會開心過頭!有時要適當地"潑下佢冷水",個腦先會正常運作返!
作者: hobby 時間: 13-12-17 10:56
回覆 wan_sosin 的帖子
你好, 請問你仔仔個幾時開始排期見兒童精神科醫生?我今日去排, 要排到2016年
作者: wan_sosin 時間: 13-12-17 16:15
本帖最後由 wan_sosin 於 13-12-17 16:20 編輯
回覆 hobby 的帖子
我係今年一月去的,排到明年10月!即是22個月!當初醫生話要再睇定d!但佢哋唔諗,條龍有幾長!睇定d再排,到是我都無眼睇啦!一等要兩年,好多時話要6歲左右先肯定到,到時再等都三年班啦!加上又唔係有錢可以隨便搵出面服務同醫生!到時點算!有錢都唔想求政府,都係搵私家開支實在太大啦!
作者: hobby 時間: 13-12-17 16:47
回覆 wan_sosin 的帖子
.... 我就要等27個月... 
作者: wan_sosin 時間: 13-12-17 22:35
回覆 hobby 的帖子
條隊真係長得咁緊要!
作者: hobby 時間: 13-12-18 17:30
回覆 wan_sosin 的帖子
其實我好想自費check 一次, 但老公唔想, 佢一直都係話個囡冇問題
我覺得如果真係咁冇問題, 政府應該唔會俾佢見完CAC醫生再轉介排精神科, 只不過問題未必咁明顯或令人覺得咁嚴重, 因她只是焦慮, 不會影響到別人
作者: kk1186 時間: 13-12-18 22:39
回覆 hobby 的帖子
小朋友幾多歲? 因什麼事焦慮? 嚴重嗎? 如嚴重建議看私家, 以免嚴重.
作者: hobby 時間: 13-12-19 11:18
回覆 kk1186 的帖子
小朋友剛4歲, 應不嚴重, 焦慮原因不明, 應算是廣範性那一種, 我己報名下月JOIN 1 DAY WORKSHOP, 睇吓有沒有幫助
作者: kk1186 時間: 13-12-19 12:19
回覆 hobby 的帖子
咁邊個發現她有焦慮? 小朋友的焦慮一般是兩方面, 一方面是學校, 另一方面是家裹, 她現在是否不想上學? 在家裹誰照顧她? 又冇被人虐待? 等侍二十七個月看精神科太長了, 小朋友宜抓緊時間治療, 否則到了小學, 只會更嚴重.
作者: mingdhk 時間: 13-12-19 14:06
排期快慢除左因應輪候人數多少之外,精神科當收到評估報告同小朋友資料之後,會交比精神科專家再做一次評估.睇下個嚴重性‧然後再決定會唔會改早d比個細路應診.
至於須要食藥與否.............都係見左精神科e生再決定
作者: wan_sosin 時間: 13-12-19 23:13
hobby 發表於 13-12-18 17:30
回覆 wan_sosin 的帖子
其實我好想自費check 一次, 但老公唔想, 佢一直都係話個囡冇問題
而家你囡囡嘅情況,日常生活最影響到嘅係什麼?例如社交,學習......
作者: wan_sosin 時間: 13-12-19 23:29
mingdhk 發表於 13-12-19 14:06
排期快慢除左因應輪候人數多少之外,精神科當收到評估報告同小朋友資料之後,會交比精神科專家再做一次評估. ...
作者: hobby 時間: 13-12-20 11:51
回覆 kk1186 的帖子
其實現在她算沒有大問題, 我們發現有大問題是今年3月的事, 她差不多由日到夜都會哭, 嚴重影響到學校屋企生活, 之後帶她看家庭醫生, 同佢傾過一陣, 就慢慢正常返; 但最近呢個月, 她會因跌倒(其實檢查過沒問題), 而以為自己痛到隻手不能動, 最後帶佢照完X-RAY就即係好返9成 ...另外也幾件差不多的事發生, 她又會有時擔心我會老會死又會喊, 加埋學校有時對自己物件過份擔心會遺失的表現所以CAC醫生都話佢有焦慮
但話嚴重, 咁一定唔係, 不過我怕佢會太負面, 有時都怕佢會做傻事, 如她早2個月同我講, 如果佢死咗, 叫我生過另一個, 將佢啲玩具俾晒佢
, 她的想法, 不太像一個3/4歲小孩會說的
作者: lillymarie 時間: 13-12-20 14:50
回覆 hobby 的帖子
聽妳所形容，那些就是焦慮的徵狀。小朋友辛苦，家人亦會辛苦，因為你們要常常處理她的情緒和担心，都咪話無壓力。
4歲小朋友可能無藥食，最終還是要靠她身邊的照顧者去幫她。其實你們現在可考慮循處理兒童焦慮的方向多了解，多研究。好似妳說準備去上workshop是一個很好的開始。小小孩，以我有限了解，除了你們在日常生活中給她的輔導之外，遊戲治療可能會有幫助。如果你們自己努力過，仍然沒改善，27個月後見醫生，時間亦差不多。就當這等候期是你們努力去了解探索嘗試的時間。
作者: kk1186 時間: 13-12-20 17:50
回覆 hobby 的帖子
照顧她的人是否很緊張的人? 家族上有冇人有焦慮? 在等待排期期間, 可帶她多作戶外活動, 或旅行, 以舒緩她的情緒, 祝早日康復
作者: hobby 時間: 13-12-20 18:19 標題: 回覆：kk1186 的帖子
奶奶算是超級容易緊張的人，少少事已失眠，但唔認自己有問題
我們平日都帶阿女周圍玩，佢的課外活動算是多姿多彩，旅行大大小小一年4次
但可惜呢2次搭飛機的，都是5人行，我自己想放鬆都唔得
作者: kk1186 時間: 13-12-21 16:49
回覆 hobby 的帖子
可以給其他人照顧嗎? 照顧者最好性格樂觀, 能給小孩正面.積極的影響
| 歡迎光臨 教育王國 (/) |
Powered by Discuz! X1.5 |