教育王國

標題: 請問優才同油基顯點選擇好？ [打印本頁]

作者: winmom 時間: 13-12-11 12:24 標題: 請問優才同油基顯點選擇好？

如題，可否比啲意見，謝謝！

作者: SKB 時間: 13-12-11 16:12 標題: 回覆：請問優才同油基顯點選擇好？

2間好唔同喎，問下自己想要咩先？

無論點，優才肯定高一班。

作者: winmom 時間: 13-12-11 19:59 標題: 回覆：請問優才同油基顯點選擇好？

油基顯都係一間唔錯既學校，但係諗到6年後又要再玩一次選校遊戲，就好頭痛！

作者: 魚兒小寶貝 時間: 13-12-11 22:32

回覆 winmom 的帖子

我之前都有留意油基顯及油基法，考慮邊間放第一選擇，後來揀基法。因基顯係1）大班（我支持小班教學）；2）網頁話P1-P6活動教學，但實際上好似唔係（有錯請指正）；3）管教上較鬆（純粹個人觀察後感覺），我囝活躍得黎算乖，所以寧願學校嚴些（你都知有些小朋友都幾。。。d父母真係唔理架，我在屋村幼稚園見得多啦!）4）依家好似冇左精靈班（有錯請指正）（我支持因程度施教）。
如經濟許可，又冇細佬妹跟尾，只差在屋企與學校距離，我地住油塘，如校巴出旺角好似係頭二站，自己搭車可能仲快d，P1-P3返學真係遠少少了，而P4打後，只係相距一個地鐵站，又變得幾方便呢！其他仲有乜野分別，我諗你都應該明。

最後我地當然註冊左GT。

作者: 魚兒小寶貝 時間: 13-12-11 22:57

winmom 發表於 13-12-11 19:59
油基顯都係一間唔錯既學校，但係諗到6年後又要再玩一次選校遊戲，就好頭痛！

...

可能6年後對我或小朋友黎講都幾遙遠，因為連小學都未上，所以我自己還未feel到有幾big pan，只單純諗，小朋友到時係咩野banding咪入咩banding學校囉。。。另一方面又諗，就算入左一條龍學校唔通我會比佢hea住讀咩!? 不過咁，當有左龍校offer時，個心確實係鬆左口氣，而當聽到一d人講升中問題時，又會暗暗慶幸覺得自己比其他人少左一d煩惱咁。。。

歡迎光臨教育王國 (/)