教育王國

標題: 老師建議去健康院評估 [打印本頁]

作者: sweetsugarapple    時間: 13-12-10 21:29     標題: 老師建議去健康院評估

我仔25個月,pn老師話佢成日離座,坐唔定,建議我去做評估。請問除左健康院,有咩機構幫呢個年紀既小朋友做評估?謝謝。




作者: wan_sosin    時間: 13-12-10 22:23

回覆 sweetsugarapple 的帖子

你間乜嘢學校?老師有無經驗,得嗰兩歲,坐唔定有幾大問題?點解而家d人,要小朋友成個公仔咁,先叫乖,先叫所謂"正常"!

你自己點睇係小朋友,你又覺得你小朋友有乜嘢係你擔心架?

作者: sweetsugarapple    時間: 13-12-11 08:17     標題: 回覆:wan_sosin 的帖子

我帶個仔出去食飯,佢最多只坐十分鐘。老師話全班得佢一個係咁,坐一陣又離位,唔肯坐定。我開頭都認為佢仲細,但比老師講一講,搞到我都唔知點。




作者: pak_mama    時間: 13-12-11 10:47     標題: 回覆:老師建議去健康院評估

我仔3歲4個月,岩岩响健康院見完醫生唔合格.轉介CAC做智能評估,但見醫生的過程做的評估我有保留。你個細路咁細,真係唔知可以點評。




作者: 邪惡小天使    時間: 13-12-20 13:45     標題: 回覆:老師建議去健康院評估

政府個評估我覺得要大啲先做到,我個仔3歲幾去做個陣,好多都唔識讀同埋有啲都幾深下,個醫生最後要我6歲再去做多次




作者: hobby    時間: 13-12-20 15:29

回覆 邪惡小天使 的帖子

我個女剛4歲都去咗CAC做評估了, 我覺得個小朋友要超級專心坐定定先有可能做晒成個測驗, 我囡幾次俾醫生叫佢專心聽題目, 請問有冇印象, 啲題目的WISC IV 還是WPPSI-R?
作者: 邪惡小天使    時間: 13-12-20 16:20     標題: 回覆:老師建議去健康院評估

我冇印象啦,因為係幾年前做,我個仔今年6歲,會再去評估多次,而家學校都要我帶佢評估多次




作者: louise1008    時間: 13-12-23 22:39

提示: 作者被禁止或刪除 內容自動屏蔽
作者: candytsy    時間: 14-1-15 13:37

現在的學校是否很喜歡叫學生做評估而方便校方做事?
作者: wan_sosin    時間: 14-1-15 17:40

sweetsugarapple 發表於 13-12-11 08:17
我帶個仔出去食飯,佢最多只坐十分鐘。老師話全班得佢一個係咁,坐一陣又離位,唔肯坐定。我開頭都認為佢仲 ...
最後你有無問健康院?基本上如果只係坐唔定而無其他行為問題或發展問題,未必評估到架!
作者: sweetsugarapple    時間: 14-1-16 18:42     標題: 回覆:wan_sosin 的帖子

我有去,因見姑娘時我仔好定又有反應,姑娘都話我仔無問題,係講野慢d同我地要嚴d教佢。但姑娘都比左張form叫我比老師填,醫生睇完老師張form都覺有問題先見。我仔唔知點解唔答老師問題,又唔出聲,搞到老師覺得佢好多野都唔識。




作者: sweetsugarapple    時間: 14-1-16 18:44     標題: 回覆:candytsy 的帖子

姑娘話我仔間學校成日比
case佢地




作者: wan_sosin    時間: 14-1-17 12:49     標題: 回覆:sweetsugarapple 的帖子

間學校老師經驗唔夠,亦唔想煩!男仔發展係慢小小,坐唔坐得定,都睇老師功力,有能力吸引到小朋友,小朋友都會合作D,係就係要小心小朋友發展,但邊有得咁多人有事!
比D時間教,同比D時間小朋友!成果會見到!




作者: sweetsugarapple    時間: 14-1-18 17:38     標題: 回覆:wan_sosin 的帖子

多謝你,我依家開始跟下姑娘既方法教,同埋我仔又真係濕水欖核咁,好難搞,唉。




作者: wan_sosin    時間: 14-1-20 00:34

本帖最後由 wan_sosin 於 14-1-20 00:40 編輯

回覆 sweetsugarapple 的帖子

留意下係好的!有D男仔係比較活躍,不過一般情況下,慢慢大了會定小小!
另外也可看看小朋友嘅精力是否真的比一般小朋友多!

有D小明友係跑唔停,但好快攰,玩完就去瞓!咁樣好正常!未必就係"過度",這樣只需安排適當活躍比小朋友,等佢放下電就OK!

有D好似我仔,玩幾轉都唔攰!唔洗瞓,可以早上8點玩到晚上10點!唔洗休息唔洗瞓,我仔兩歲已完全唔瞓晏覺!
好多小朋友上車就瞓,我仔都好少係車瞓著!我瞓著咗佢都仲精神!

呢D精力同教養無乜關,好難去教一個小朋友唔識攰!所以我仔真係有點問題!

另外,試下每天比小朋友安坐幾分鐘,唔講嘢,唔做嘢,做到比小小奬佢,一個貼紙都得!讚下佢可以坐得好好!初頭一兩分鐘,慢慢加長小小都得,比個timer佢自己計時都得!
我仔由兩三歲左右,就咁樣叫佢坐,大咗之後要佢面向牆打坐咁坐!佢到而家上堂都算坐到係位!坐係到搖來搖去會有,但都算唔會走開位!


作者: sweetsugarapple    時間: 14-2-4 16:59

回覆 pak_mama 的帖子

請問你去健康院見醫生會做D咩, 因為我二月尾都要見醫生了。姑娘話要見45分鐘。
作者: 雪晴25    時間: 14-2-13 14:50     標題: 回覆:sweetsugarapple 的帖子

請問點解咁快可見醫生?我上年11月見完姑娘仲未有消息見醫生




作者: wan_sosin    時間: 14-2-14 09:53     標題: 回覆:雪晴25 的帖子

你快D打電話去問下,如果見咗姑娘,應該會即排見醫生,而唔係等通知,邊間健康院?




作者: wan_sosin    時間: 14-2-14 10:00     標題: 引用:請問點解咁快可見醫生?我上年11月見完姑娘

原帖由 雪晴25 於 14-02-13 發表
請問點解咁快可見醫生?我上年11月見完姑娘仲未有消息見醫生
見醫生會問你小朋友嘅日常情況,叫下小朋友做D能力發展嘅嘢,e.g.認下嘢,講下嘢,砌下積木!好基本!如果你想有得轉介再check清楚D,咁要堅持去要求!




作者: 雪晴25    時間: 14-2-14 10:43     標題: 回覆:wan_sosin 的帖子

我唔係健康院係CAC




作者: wan_sosin    時間: 14-2-14 13:05     標題: 引用:我唔係健康院係CAC +

原帖由 雪晴25 於 14-02-14 發表
我唔係健康院係CAC
樓主係去健康院,唔係CAC,你誤會了!所以好快見到醫生!
CAC最少等半年啦!你都可以打去問下嘅!




作者: pak_mama    時間: 14-2-17 00:30     標題: 回覆:sweetsugarapple 的帖子

唔好意思,岩岩先見到msg。我上次響健康院見醫生係上年12月中的事,個次係個醫生會問番少少家庭背景,然後問下阿仔問題睇佢識唔識答,俾啲積木砌起然後叫阿仔跟住砌。我個仔當時40個月大,醫生後來問左啲問題,其實連我同老公聽完都唔知即時可以點答,好似“bb點解喊“, “架車點解會停“, “咩係開心“, 所以結果係唔合格,要轉介CAC做評估。然後我地12月尾就去左尤德見姑娘。去尤德見姑娘主要係俾佢地做資料搜集,要講俾姑娘聽日常覺得阿仔行為異常的例子,所以你要好好記錄,俾多啲例子。然後填qurstionnaire俾佢地計分。同一份表佢地亦會要求交俾學校老師填,睇下阿仔響唔同場合係咪會有唔同表現。見姑娘後仲要等起碼6-9個月至排到見心理醫生或專家,我宜家排緊,已經等左2個月喇,黎緊的星期二會去聽佢地其中一個講座。暫時分享到咁多,希望有機會唔洗等咁耐喇。




作者: pak_mama    時間: 14-2-17 00:32     標題: 引用:我唔係健康院係CAC +

原帖由 雪晴25 於 14-02-14 發表
我唔係健康院係CAC
我都係上年12月見左CAC的姑娘,宜家排緊隊,起碼要等半年




作者: sweetsugarapple    時間: 14-2-20 03:02     標題: 回覆:pak_mama 的帖子

唔該晒,我見左醫生了,醫生話我隻b兩歲應識既野佢都識,但情緒行為等問題咁短時間好難睇到,由於老師出左聲話坐唔定,所以都係refer CAC..下星期先去CAC見姑娘。




作者: wan_sosin    時間: 14-2-20 10:36

回覆 sweetsugarapple 的帖子

你個醫生都幾好人下!我上次見嗰個,唔出到聲都唔肯寫紙,仲要好唔情願!
我都係有學校嘅評估帶去,我仔當日仲要係醫生間房玩到撞到個頭!醫生都仲想話係OK!

我話佢係街試過走失幾次,個醫生仲話係我問題,佢哋無湊個呢D細路,佢哋唔知個細路可以走得有幾快,因為佢哋可以串過人群,大人就追唔到!



作者: sweetsugarapple    時間: 14-2-20 17:54

回覆 wan_sosin 的帖子

我覺得去cac都好, 如果真係有問題早d知, 可對症下藥。我有同我隻b train下, 唔知係唔係大左, 都有d進步。但佢響學校既表現, 我就控制唔到啦。希望佢大個d會好d啦,佢對於無興趣既野係望下就走左去, ai....d醫生好多野都唔覺有問題架。

作者: wan_sosin    時間: 14-2-20 22:50

回覆 sweetsugarapple 的帖子

去到CAC係好架!見咗又會安心D!小朋友點都會長大的,多少都會有進步,加上努力教導佢哋!有愛嘅小朋友係會改變的!
加油!也需要耐心等下,最少要半年先見到醫生!

作者: Piggy-Baby    時間: 14-2-21 11:08

本帖最後由 Piggy-Baby 於 14-2-21 11:23 編輯

我仔上年(兩歲11個月)都係喺CAC做語言評估, 姑娘同治療師都話咁細個專注力係會差D, 係正常。BTW, 當日都TEST咗個半鐘,攪到我仔最尾D TASK都亂咁做。時間太長
作者: tomato0765    時間: 14-12-16 10:58

我想問點樣可以去到健康院check , 我女2歲幾, 佢講野好成熟,
例如同我講,  媽咪, 電話我當玩具,你唔好甘上心, 唔駛甘緊張....重有好多好多, 成熟既說話 :  我唔開心, 你等我冷靜下 . 佢唔係甘鐘意同同齡小朋友玩, 鐘意同d 家長玩, 傾計, 有時去playground, 佢都唔係甘鐘意玩, 話悶....

我身邊的朋友個個都覺得佢係資優,要我去check 下, check 左睇下點教, 但我又覺得甘細check 唔到d 咩,   , 同埋私家check 太貴...唔考慮..你地覺得呢
作者: wan_sosin    時間: 14-12-16 22:27

tomato0765 發表於 14-12-16 10:58
我想問點樣可以去到健康院check , 我女2歲幾, 佢講野好成熟,
例如同我講,  媽咪, 電話我當玩具,你唔好甘上 ...
政府只會幫發展/行為有問題嘅小朋友做智能評估,單單想知有幾聰明,政府唔會做.




歡迎光臨 教育王國 (/) Powered by Discuz! X1.5