教育王國
標題: 小朋友經常被同學蝦 [打印本頁]
作者: amymail 時間: 13-12-3 10:17 標題: 小朋友經常被同學蝦
小朋友小一, 返學經常被一名同學蝦, 鬧佢, 推佢, 但又唔禁同老師講, 你哋會點做, 想同老師反映, 但又驚老師會針對
作者: longyiu 時間: 13-12-3 10:29 標題: 引用：小朋友小一,+返學經常被一名同學蝦,+鬧佢,+
提示: 作者被禁止或刪除 內容自動屏蔽
作者: jc2009 時間: 13-12-3 11:03
一定要出聲, 否則小朋友心靈會受影响
作者: kipapa 時間: 13-12-3 11:17
小女也遇過同樣問題, 她也是小一生. 當時, 我問她會怎樣處理, 她說會避開該同學, 我向她解釋逃避是解決不了問題的, 而該同學亦會變本加厲. 我再向她說不用怕, 如該同學再欺負妳的話, 妳可向他表明會向爸爸說, 而爸爸亦會向學校匯報情況. 結果, 同樣事情並沒有再出現過, 女女仲話現時小息時亦會與該同學一起玩, 並沒有再現衝突. 當然, 有小部份小朋友是比較好動亦不會理會後果的, 遇到這些情況就必須向學校匯報, 要求作出進一步跟進.
作者: skkeung 時間: 13-12-3 11:44 標題: 回覆：小朋友經常被同學蝦
這是人生必經階段，有些人去投訴，有些要求調班！全不正面確，應要小朋友去面對及一起尋找解决方法，才是正路！
作者: amymail 時間: 13-12-3 12:15
我小朋友就係唔禁出聲, 只係返屋企講同學經常蝦佢, 我講過好多次要同老師講, 等老師知道, 同學先會唔蝦, 但因為太怕事, 一時話老師唔准投訴(因幼稚園時, 試過同老師講同學打佢, 但老師竟然話不准投訴), 一時又話驚同學調轉頭話佢, 一時又話唸住一陣先同老師講, 其實佢喺唔會講
我唸佢係驚投訴完同學仔後, 同學唔認, 老師唔相佢, 反而罰佢, 因為幼稚園時就係咁
作者: notcool 時間: 13-12-3 13:20
回覆 amymail 的帖子
>> 我再向她說不用怕, 如該同學再欺負妳的話, 妳可向他表明會向爸爸說, 而爸爸亦會向學校匯報情況The above is a good idea.
First, train up your kid. You can practice with your kid. Do a role play and let the kid speaks out. You can also pretend to be your kid and teach your kid how to speak up.
作者: kipapa 時間: 13-12-3 13:23
你小朋友就讀之幼稚園很有問題, 幼稚園所發生的事可能已令你的小朋友蒙上陰影, 變得怕事, 個人認為這會對他日後發展有影響. 大家都做過小朋友, 有些事情6歲小朋友是不懂表達亦不懂處理的, 我建議最好是先安撫一下他叫他不用害怕, 然後告訴他你會為他向學校反映此事而不是投訴, 當然你亦必須做到. 向學校反映時, 應要陳述實況並告訴老師你小孩之所以一直不敢向老師說的原因(包括沒有人證, 怕會增添老師麻煩..等等), 希望老師能留意一下, 個人認為小學老師在這方面均會有充足之經驗應對.
作者: orangebb 時間: 13-12-3 17:00
回覆 amymail 的帖子
我小朋友當年小一時都試過, 開學一個月突然同我講, 媽媽同我轉校, 我問佢點解, 佢話比我聽, 日日比同一個同學, 排隊企佢後面踢, 我問佢, 你有無同佢講咁做唔好呀, 佢話有, 但無用......
之後, 我思前想後, 打比老師, 表明唔係投訴, 亦唔係想有人被罰, 係商量下點做, 當時老師問我, 佢(指我女)識唔識自己解決, 我話唔識, 心諗識都唔洗打比你.....後來老師建議掉位排隊, 踢人個同學掉去最前, 隔幾日, 過程中, 我同老師都協議咗, 唔比阿女同那個踢人小朋友知成件事點解要調位.
作者: maggie789 時間: 13-12-3 20:37
一定要同老師講架,我相信會打比老師的唔止你一個,唔會被老師標籤.
作者: 剛果公主 時間: 13-12-4 00:30 標題: 回覆：maggie789 的帖子
提示: 作者被禁止或刪除 內容自動屏蔽
作者: nieualma 時間: 13-12-4 09:01
如果小朋友點都唔肯同老師講, 教佢至少講比風紀或班長知
作者: JackalB 時間: 13-12-4 09:39
我個仔都試過，佢同我講每次排隊都俾後面的同學扯衫，扯學生証條帶，上落樓梯時又推又撞，我知道後都好嬲想打電話同老師講，但亞仔要求我唔好同老師講，佢話會自己解决，我問佢會点處理，佢話會同個同學仔傾，同埋會同佢做好朋友。佢話如果我同老師講，老師會罰個同學仔，而佢又會無左個好朋友。我考慮左好耐，因為唔想亞仔對我失去信任，但又覺得危險，但我都有同老師講，但唔係投訴，我將整件事同老師講，叫老師留意下，因為上落樓梯推撞太危险，老師話會用另一個方法演譯同成班同學講，叫佢地要注意安全。最終亞仔用自已方法同果位同學做左好朋友。
作者: amymail 時間: 13-12-4 12:16
唔該哂各位
作者: pcy307 時間: 13-12-4 21:09 標題: 回覆：小朋友經常被同學蝦
我教我的小朋友係絶對唔可以做蝦人果個，但亦絶對不會做俾人蝦果個。
作者: sukilan 時間: 13-12-9 13:32
作者: feiji 時間: 13-12-9 14:17 標題: 引用：小女也遇過同樣問題,+她也是小一生.+當時,+
原帖由 kipapa 於 13-12-03 發表
小女也遇過同樣問題, 她也是小一生. 當時, 我問她會怎樣處理, 她說會避開該同學, 我向她解釋逃避是解決不了 ...
作者: pandamommy 時間: 13-12-10 14:41 標題: 回覆：小朋友經常被同學蝦
依家做家長真慘，自己仔女俾人蝦但唔敢向校方反映，怕俾人話怪獸，怕人針對，咁嘅情況真聽唔少。其實好可憐，本來已經係受害者...
如果小事一次兩次，俾小朋友自己學下處理係好。但如果大事，又或者只小事但被欺情況重覆又重覆，家長一定要插手幫忙，一定要告之老師。欺負人嘅一方應受教訓，小一時蝦人俾佢過到骨，大下大下，當佢身量和power更大嗰時d欺凌事件就好可能唔小嘢。一定唔可以俾佢有機助長!
作者: littleteapot 時間: 13-12-10 21:34 標題: 引用：依家做家長真慘，自己仔女俾人蝦但唔敢向校
原帖由 pandamommy 於 13-12-10 發表
依家做家長真慘，自己仔女俾人蝦但唔敢向校方反映，怕俾人話怪獸，怕人針對，咁嘅情況真聽唔少。其實好可憐 ...
而家睇新聞，d欺凌case咁嚴重, d 欺凌者可能細細個已經有跡可尋，只係當佢一二年級細個嗰時，大人掉以輕心，助長咗，到佢大d就做出更嚴重嘅欺凌!到時要管就更難!勸家長勿唖忍!
作者: birdbird522 時間: 13-12-10 23:01 標題: 引用：依家做家長真慘，自己仔女俾人蝦但唔敢向校
原帖由 pandamommy 於 13-12-10 發表
依家做家長真慘，自己仔女俾人蝦但唔敢向校方反映，怕俾人話怪獸，怕人針對，咁嘅情況真聽唔少。其實好可憐 ...
作者: lamacy 時間: 13-12-11 15:19 標題: 回覆：pandamommy 的帖子
Agree!
作者: lamacy 時間: 13-12-11 15:19 標題: 引用：依家做家長真慘，自己仔女俾人蝦但唔敢向校
原帖由 pandamommy 於 13-12-10 發表
依家做家長真慘，自己仔女俾人蝦但唔敢向校方反映，怕俾人話怪獸，怕人針對，咁嘅情況真聽唔少。其實好可憐 ...
作者: yamyau 時間: 13-12-12 12:20
agree 
作者: ANNAFRIEND 時間: 13-12-12 14:04
其實唔投訴得甘多. 我小朋友小三, 當然小一亦有投訴同學蝦佢之類. 我當時都有同老師反映, 老師也有幫忙. 但發覺之後久唔久小朋友都會投訴邊個蝦佢, 邊個鬧佢. 我就教佢唔好再理那個同學. 又問佢有冇好朋友一起玩. 她說有, 我就叫她只理會對她好的, 不好的不用理會. 到現在巳經做左三年小學家長, 會開始對小朋友投訴冇甘緊張, 而且比佢地面對下麻煩同學係一件好事. 他們將來要面對的麻煩人會比現在多更多, 我會同佢地講係一種考驗, 幫助你堅強地成長. 當然最緊要叫佢有唔開心要同你講, 同時話佢聽永遠支持他.
作者: pandamommy 時間: 13-12-12 14:36 標題: 引用：其實唔投訴得甘多.+我小朋友小三,+當然小一
原帖由 ANNAFRIEND 於 13-12-12 發表
其實唔投訴得甘多. 我小朋友小三, 當然小一亦有投訴同學蝦佢之類. 我當時都有同老師反映, 老師也有幫忙. 但 ...
作者: KaYingPaPa 時間: 13-12-12 14:57
learn TKD ... train up the mind and fist! 
作者: 溋溋 時間: 13-12-12 22:08
pcy307 發表於 13-12-4 21:09 
我教我的小朋友係絶對唔可以做蝦人果個，但亦絶對不會做俾人蝦果個。
...
我個女自細就唔會俾人蝦，我集中火力教佢唔好蝦人，
佢若果唔係被迫到走頭無路佢唔會還擊，卒之佢俾個同學推佢心口，
佢迫住還手，果位同學仲打左我女十四次，我女每次都還手，
事發後兩天，果位同學主動同我女講，希望我女別把她打人既事同班主任講，
我話若再有下次，就一定會講架嘞~~
有時候要教自己小朋友別過份忍讓，一忍就隨時係6年，應鼓勵小朋友自己解決。
作者: naughtybj 時間: 13-12-13 11:49 標題: 回覆：小朋友經常被同學蝦
提示: 作者被禁止或刪除 內容自動屏蔽
作者: cocokan2004 時間: 13-12-14 02:01
咩而家D小學生咁差架?
作者: sweethoho 時間: 13-12-14 12:07 標題: 回覆：小朋友經常被同學蝦
其實幼稚園小小年紀也有些喜歡蝦人呀!
現女兒仍讀幼稚園中, 間中她都會說“有小朋友推人, 搞人頭髮, 扯人件衫, 掉你D野落地… 甚至打人” 
我一直都教女兒, 首先自己唔可以蝦人, 如果遇到有推撞和打人時, 要盡快避開 (切勿還手) , 然後告知老師！危急時要大聲呼叫, 好讓大家都知道 
我從未試過向老師投訴過任何, 慶幸亦冇老師或家長投訴過女兒!
K1時, 女兒曾給女同學打了一巴, 而女兒指甲刮傷了少少臉, 女兒在學校暴喊, 她回家後持續嬲暴, 我們是用平常心及正面教導女兒這件事! 現在她們是很好的朋友
| 歡迎光臨 教育王國 (/) |
Powered by Discuz! X1.5 |