教育王國

標題: 請教：有無媽媽能夠令怕陌生怕羞慢熱的小朋友… [打印本頁]

作者: fatrabbit 時間: 13-12-2 12:03 標題: 請教：有無媽媽能夠令怕陌生怕羞慢熱的小朋友…

請教：有無媽媽能夠令怕陌生怕羞慢熱的小朋友回答老師問題？有無秘技分享？thx

作者: ludamom 時間: 13-12-2 13:24

係長久的環境及培養... 小朋友性格都係大因素, 所以秒技,應該係冇.

作者: princesssnowy 時間: 13-12-2 13:57 標題: 回覆：請教：有無媽媽能夠令怕陌生怕羞慢熱的小朋友…

首先要家長自己多主動，我in 完pn覺得小朋友對住陌生人冇反應。諗諗下先覺得自己少帶佢出街，依家同樓下保安，搭lift 見到人都say hello, 見朋友時又叫朋友同佢講下野，問下佢叫乜名，到今年見k, 最差佢都肯講自己名同幾多歲，我覺得已經進步得好好了

作者: cherrybeepbeep 時間: 13-12-2 14:23

我用D唔正途但冇辦法之中嘅辦法, 就係利誘, 每次我都話係開放日, 有好多禮物, 如果想攞貼紙, 汽球, 玩具...就要答老師問題, 老師淨係問你叫咩名同幾歲架咋, 跟住老師會送禮物比你架啦, 記得要講多謝喎, 然後你得閒就扮下老師送禮物比佢, 最好真係報多幾間當熱身, 亦都有實際例子話比佢知真係有禮物攞

希望幫到你

作者: RADOBB 時間: 13-12-2 14:42

我小朋友都係好怕陌生怕羞慢熱的，係ＰＮｉｎｔｅｒｖｉｅｗ都唔太出聲，之後成日陪佢去公園同其他小朋友玩，另外因為返左幾個月ＰＮ，由怕陌生慢熱的小朋友，宜家已改變左好多，今年Ｋｉｎｔｅｒｖｉｅｗ　ｏｆｆｅｒ　ＳＣ，ＫＶ& LH.....Add Oil

PN學校幫左一大忙......

作者: fatrabbit 時間: 13-12-2 14:43

多謝咁多位意見，同樣方法已用過，威迫利誘樣樣齊，在家大大聲，一有陌生人即沈默，真係無晒乎。

作者: cherrybeepbeep 時間: 13-12-2 14:56

RADOBB 發表於 13-12-2 14:42
我小朋友都係好怕陌生怕羞慢熱的，係ＰＮｉｎｔｅｒｖｉｅｗ都唔太出聲，之後成日陪佢去公園同其他小朋友玩 ...

好勁呀, 借問聲係邊間學校?

作者: cherrybeepbeep 時間: 13-12-2 15:05

fatrabbit 發表於 13-12-2 14:43
多謝咁多位意見，同樣方法已用過，威迫利誘樣樣齊，在家大大聲，一有陌生人即沈默，真係無晒乎。 ...

唔好氣餒住呀, 可能你未搵啱方法啫, 再慢慢試下啦, 大人小朋友都要努力呀

作者: antoniochanbbc 時間: 13-12-2 15:05

部分同天生性格有關，有部分小朋友更有害羞過度期，係呢段時間，利誘係最好方法，不過要多練習。

作者: RADOBB 時間: 13-12-2 15:24 標題: 回覆：cherrybeepbeep 的帖子

我小朋友york讀pn, York offer K Intelnatonal am, 其實自已都好鍾York,每次同朋講小朋友係York讀都話學校係人都收，好多謝佢收左我小朋友，係短短幾個月，由怕羞變成有自信及開心小朋友，成日係屋企教我phonics，日日講比我知A-z边個，c係catman，最緊要返學開心，成日講今日同边個玩，仲記得同學仔D名，爸爸話想留番係york, 現在大家商量緊！我知班上表現好D小朋友會升上國際班am—班裡唔係好去intl am......

作者: cherrybeepbeep 時間: 13-12-2 15:52

RADOBB 發表於 13-12-2 15:24
我小朋友york讀pn, York offer K Intelnatonal am, 其實自已都好鍾York,每次同朋講小朋友係York讀都話學校 ...

確實YORK的行政有好多負面的COMMENTS, 好開心聽到你的意見, 咁你知唔知學校點幫到小朋友, 好多SHOW & TELL? 定有另一D好方法?

作者: RADOBB 時間: 13-12-2 16:09 標題: 回覆：cherrybeepbeep 的帖子

英普教得幾好，每星期有不同主題學習，特别係節曰活動安排好好可親子一起參加，小朋友學得特别快，英文進步不少，當然屋企都係英語溝通，我自己特别喜愛letterland教拼音，小朋友好鐘意，学得好快，致於禮貌方面，我小朋友成日講要乖，過馬路要睇清楚green light才可過，教番我同爸爸！

作者: gulolo 時間: 13-12-2 16:35

冇咩符，我細仔勁怕陌生人又點都唔開口講野，我只係成日迫佢落街叫人，唯一佢對老師都仲肯蚊滋聲答問題，所以只好隨緣

作者: fatrabbit 時間: 13-12-2 17:34

多謝咁多位意見，作為媽媽要做都做啦，真係要平常心面對，不過我住名校區附近，自己個囡入唔到，自己返工搭車行上路下路一定經過是但一間，確實好難過。

我囡係屋企威迫利誘係ok既，要講同做都ok，但在老師面前就😱😱😱😱😱

歡迎光臨教育王國 (/)