教育王國

標題: 日日都要寫巴士路線....是自閉的行為嗎? [打印本頁]

作者: derek0811 時間: 13-11-29 11:59 標題: 日日都要寫巴士路線....是自閉的行為嗎?

日日都要寫巴士路線....是自閉的行為嗎?
仔仔K3(5歲), 大半年前寫完地鐵路線後, 近半年來改為不斷寫巴士路線....日日如是, 每天至少總要寫上一兩張才舒服(●見附圖--他自己埋首苦寫的, 也不用問我們, 自己識寫晒, 不讓他寫便會發好大脾氣.).

這種每天的重覆行為是自閉嗎? 正排期看醫生.....

他每天寫的路線都會有些變化(不是一樣的), 尤其如果搭過新路線, 佢又會寫新的; 並會批評有些路線不完美, 會自己規劃一條他理想的路線...-_-!

他經過巴士站/小巴站, 都要細看路線圖, 然後回家後便憑記憶+創作寫返條路線出來. 一句講晒沉迷路線。

不過除此之外, 他其他生活及社交上問題不大, 學野又快, 記性又好, 數學仲超晒幾班, 心算好快. 除了日日都要寫巴士路線外, 唔覺有很明顯的其他自閉特徵.....

咁佢究竟發生咩事?? 各位家長, 你們小朋友有無類似情況可分享? 好擔心!

border=0 />

作者: Ononma 時間: 13-11-29 12:56

嘩，又有伴啦，我仔呢兩年背晒鐵路路線圖、巴士站No, 的士，街道圖，各種地圖、交通工具，街道名，.........

不過靜係背得出，吾識寫。

作者: derek0811 時間: 13-11-29 13:09

Ononma 發表於 13-11-29 12:56
嘩，又有伴啦，我仔呢兩年背晒鐵路路線圖、巴士站No, 的士，街道圖，各種地圖、交通工具，街道名，........ ...

你小朋友多大? 我仔都鐘意地圖及街道的, 商場平面圖及舖頭編號等. 咁你小朋友其他方面如何? 人際關係及社交方面.....脾氣又如何? 你們有何方法令佢對多些其他方面都產生興趣呢?

作者: pollybell 時間: 13-11-29 14:08

5 歳識寫咁多字好厲害，完全唔似如果只係沈迷佢有興趣既事物上。

作者: derek0811 時間: 13-11-29 14:42 標題: 回覆：pollybell 的帖子

佢—日到黑沉迷睇書，睇好深的字海書，所以識好多字，睇完就記得，而且有時用自己説話寫返出來。

超強記憶力也是自閉其中一個特徵，佢喜歡的東西便會病態地沉迷。

不過不限於一樣，例如佢數學又喜歡，科學都喜歡，兩類書都會睇。
叫佢唔好睇，夠鐘做其他事，即發火又哭。不似正常應有與人合作及有商量的行為，故擔心佢係高功能自閉。

仲有，佢睇完書會教返佢班毛公仔學生，又會教我們。不過只圍繞他有興趣的課題，其他則無咩心傾同你分享。

有經驗的家長，他上述情況似是自閉嗎?

作者: LeeCC 時間: 13-11-29 14:56

本帖最後由 LeeCC 於 13-11-29 14:57 編輯

我個仔自閉，半年前都仲係咁背路綫圖，平面圖，乜圖物圖

近半年興趣改變，背琴譜，字典

試下發掘其他嘢俾他背，至少係有用的嘢

作者: bauhiniakan2000 時間: 13-11-30 02:57

我個仔三歲8個月都識好多字,識讀全班同學D名,成本三字經,所有地鉄站名,K1所有課本D字,數目字1-100,附近屋苑,街道,學校,常去D地方D字都識,在街上見到唔識D字要我教佢讀,連上ST 個INSTRUTION 都讀埋至肯係 ST 家居訓練,重要問我英文点講,考起我,可惜衹係識 D 字,有時我都唔知点敖佢.

作者: bauhiniakan2000 時間: 13-11-30 13:26