教育王國

標題: 睇書看到的，有幾多人同意？ [打印本頁]

作者: stockmike 時間: 13-11-28 23:45 標題: 睇書看到的，有幾多人同意？

反覆練習或考試，不管如何加强也只能製造出反覆練習型，考試型的頭腦，長時期，千篇一律的灌輸，無異讓小孩頭腦規格化，弊害無窮。（一日本人出的書）

作者: kitbebe 時間: 13-11-29 09:37

無奈香港教育係咁填鴨式

作者: kwokbobo 時間: 13-11-29 09:38

我同意

作者: MrBeast 時間: 13-11-29 10:26

Me2 .

作者: bobbob 時間: 13-11-29 11:25

所以我唔多buy嗰啲不斷操練嘅限時練習課程，所謂熟能生巧，但其實係dum懶人個腦

作者: eviepa 時間: 13-11-29 12:05

用非填鴨教育教仔的家長佔很小的一個部分，但在EK分享的個案，非填鴨而獲得很出色成績的孩子卻佔一個相大的比例。

我相信，EK令不少家長改變非填鴨不能培養出學業優良孩子的信念。

作者: 小曳人 時間: 13-11-29 13:35

小兒好學，佢問我：點解要練習？點解要測驗/考試？

小量練習係必須嘅，但過多就無必要
考試測驗係人生無法避免嘅嘢，亦係練習嘅一部份
最近跟教育心理學家傾談時，我話：學到，識，測驗考試會>85分，如果小心d，應該>90，再加上考試技巧好應該會有>>95嘅成績
佢好同意我嘅講法，亦好開心見到我無俾太大壓力阿仔同自己
填唔填鴨，好睇點去傳受知識，同一本課本都可以有唔同方法去教，其實e+學校教法都已經變得比我地個年代生動，學生會多d機會响互動中得到課文以外嘅經驗

作者: 已刪除用戶 時間: 13-11-29 14:43 標題: 引用：用非填鴨教育教仔的家長佔很小的一個部分，

原帖由 eviepa 於 13-11-29 發表
用非填鴨教育教仔的家長佔很小的一個部分，但在EK分享的個案，非填鴨而獲得很出色成績的孩子卻佔一個相大的 ...

隨住非傳統學校有公開試成績，家長觀念開始改變喇

作者: mansum92 時間: 13-11-29 16:01 標題: 回覆：睇書看到的，有幾多人同意？

作者: dobbybabie 時間: 13-11-29 16:20 標題: 引用：Quote:原帖由+eviepa+於+13-11-29+發表用非

原帖由 Charlotte_mom 於 13-11-29 發表
隨住非傳統學校有公開試成績，家長觀念開始改變喇

但是非傳統式的學校背後的資源絕對唔少(家庭支援).自問草根的出路都是跟大隊.

作者: stockmike 時間: 13-11-29 16:48 標題: 回覆：dobbybabie 的帖子

我都草根呀!考小一前完全無諗點教，無上BK，就是考小一而家先開始研究各校方法，點話活動其實大多都係填鴨制。
而家先學師兄講故仔，又鼓勵吓佢估故事點發展。出街就成日問佢嘢（例如點解青蛙跳得高過巴士），等佢腦keep住諗同多想。全部no pay.

作者: stockmike 時間: 13-11-29 16:52 標題: 回覆：bobbob 的帖子

本書都講，馮熟練了而又過關，腦便會不去想，變相生銹，鼓勵制造不同環境保持兒童頭腦

作者: manwaimail 時間: 13-11-29 17:23

同意

作者: MrBeast 時間: 13-11-29 17:28

本帖最後由 MrBeast 於 13-11-29 18:19 編輯

回覆小曳人的帖子

同意練習是必須的，interestingly, 就算一個沒什麼talent的人, 只要能練習10k hrs, 也一樣可以reach top level.
香港小孩閱讀能力高但思考能力比較弱，所以如樓上mentioned, 伴讀階段和出街時就要多問些聯想性問題。我也發現現時小學的課程並不如我想那樣死板，which is good for the kids but hard for the parents.

作者: HaYi 時間: 13-11-29 19:44

很同此棲主,

只是現在我接觸的直資私立小學用此類方法較多, 以此評核的亦較多, 官津的雖然相對我們時代已有改善, 但仍較多注重背誦.

作者: WKDRB 時間: 13-11-30 10:26

提示: 作者被禁止或刪除內容自動屏蔽

作者: HaYi 時間: 13-11-30 18:27

Agreed

作者: stockmike 時間: 13-11-30 21:14 標題: 回覆：WKDRB 的帖子

我同意明白又點，如要考TSA我都會由四年班開始谷谷谷，所以我會揀相對較活動學校及龍校，唔想谷到小朋友晒興趣

作者: c1234 時間: 13-11-30 23:00

講得好!

作者: WKDRB 時間: 13-12-1 11:35

提示: 作者被禁止或刪除內容自動屏蔽

作者: 溋溋 時間: 13-12-1 14:01

我卻覺得一個個小朋友唔同，曾經我女都係讀活動式教學幼稚園，

好坦白講句，我女吸收度是10(若100為滿分)，在幼稚園因表現未算出眾，

個人變得無晒自信，而且3年黎都俾老師編佢靠邊靠後坐，

實在好惡劣，去觀課時見坐喺老師前的都係大B。細B靠邊站。

迫住帶個女去KUMON，反而學得識。而家我俾佢讀傳統津校，

終於可以正常咁坐返第一二排，返左兩個月，仲變得主動舉手答老師問題，

我覺得好欣慰。心中實在怕了那活動教學，怕惡夢重演。

而家小女做功課默書測驗考試都知道要靠自己上課留心先得，

好過以前活動教學乜都要出去學OR 我教好得多。

保持良好學習態度好緊要，我自問都唔會迫佢一定要名列前矛，佢又何來壓力?

佢今次第一次小一考試，英默90，GE 83，中文77，數學90，我都覺得OK，

無話過佢，只提佢分數太低會留班，要自己努力~~同佢講，相信佢可以更上一層樓

咁又何來壓力大之說?

作者: WKDRB 時間: 13-12-1 14:29

提示: 作者被禁止或刪除內容自動屏蔽

作者: 溋溋 時間: 13-12-1 14:46

WKDRB 發表於 13-12-1 14:29
你孩子幼稚園的痛苦經驗，我孩子以前也經歷過，但那不是活動教學之錯，那只是那些話用活動教學，但學校及老 ...

我已離開kumon，我的小朋友自己受不了，所以我取消學。

除左幼稚園，我在小女k1時帶她去過british council 上英文playgroup，曾聽人覺得ok吧。

我女的吸收度同樣是10。

你也說得對，那間幼稚園的確是無愛心。

所以我放棄了活動教學。再無信心了，當然我不是完全否決活動教學，我信有小朋友真的可從活動教學中學習。

但我唔想再賭了。

現時除左上學，已完全沒有學術的課外活動了，以運動為主，平日放學後，小女做完功課後，佢可以自由的玩，

落街踏單車，睇電視，希望keep 住佢靈活頭腦&想像力吧~~

作者: stockmike 時間: 13-12-2 01:55

本帖最後由 stockmike 於 13-12-2 02:57 編輯

一般家長,只要小孩考試叻, 便滿足, 成績好便是聰明的孩子. 但自從我最近上BK及睇育兒書, 我發現這是很不足, 考試叻不等於聰明,我諗好多家長都明白.

你孩子攞高分的同時, 你有無留意佢其他方面呢?例如佢愛說話嗎?佢愛問嗎?佢愛創作嗎?你問佢對一啲事件感受, 佢會俾長說話回覆你, 定係答一句"開心"就算?佢應付到改變嗎(搭MTR 用開 OCTOPUS, 你俾錢佢, 佢會去試吓買票定呆企望你) ?呢啲都係腦筋好的表視,你小孩天生這樣.

恭喜你,你仔仔有粒好 CPU,但原來有好 CPU 而父母不能配合也會限制佢發展的,
1) 例如你仔仔晝晝時你有無講太陽應該係天到(你真的怕他不知太陽在那裏嗎?), 呢度應該嗊晝嗊晝.
2) 你多同佢玩嗎? (推介行街時玩吓有趣 IQ 題, 玩吓語言接龍, KEEP 住佢腦轉. 其間鼓勵吓, 佢仲會好開心.)
3) 你有無用"總之我話唔得就唔得!""呢啲嘢細路仔唔准問!""嗊細個唔使學住" 之類去回答他的題問呢? 原來長期用呢啲不經意的說話會令仔仔唔去想及不明白, 好 CPU也會生锈.
4) 你有無係人臉前話人哋個仔好叻,叫仔仔學吓人呢. 教極都唔識有無話佢蠢呢?

仲有,比起他温書意願,我而家更會注意小孩的自願閱讀意向及閱讀能力, 他有興趣的書就揾俾佢讀, 自願的閱讀可以自然吸收知識, 認字之餘, 也能訓練腦袋去諗嘢, 人自然聰明. 不過講就EASY, 我而家先對仔女用咗一個月..........如有成效再向大家報告吧!

作者: skkeung 時間: 13-12-2 08:04 標題: 回覆：睇書看到的，有幾多人同意？

低分留班，都話無壓力給小朋友！

作者: longlokma 時間: 13-12-2 08:59 標題: 回覆：睇書看到的，有幾多人同意？

有些壓力是必須的，人生每个階段也面對不同壓力，学習承受壓力及懂得把壓力轉化為動力也是重要的一環

歡迎光臨教育王國 (/)