教育王國

標題: 開始有點累了 [打印本頁]

作者: Charlie妹 時間: 13-11-28 19:48 標題: 開始有點累了

差不多個個星期都要面試，開始有點累

我有少少唔開心，日日都要叫bb認顏色，動物，做動作，去面試地方對佢又陌生，有啲心痛

作者: gingerbearbb 時間: 13-11-28 20:43 標題: 回覆：開始有點累了

Same here
壓力好大
日日唔係顏色，形狀，物件，睇書，砌圖，中文都未掂仲要全英。登個仔辛苦

作者: RMH 時間: 13-11-28 20:54

樓主 in 左幾多間呀?

作者: Charlie妹 時間: 13-11-28 21:01 標題: 回覆：開始有點累了

而家已in 5間，1間遠嘅有pm offer， 1reject， 1waiting，兩間屋企附近未有消息

作者: rc108 時間: 13-11-28 21:24

My feeling is the same as yours. We had 4 interviews continuously every week (well, actually 6 but we did not attend those 2 because we had 3 interviews on the same day and finally we only chose 1). Luckily now we have 2 AM offers so we will not attend any other interviews anymore.

作者: vincentchun 時間: 13-11-28 21:24 標題: 回覆：Charlie妹的帖子

其實咁谷都對小朋友唔好，如果小朋友in時係呆滯，就算識晒都未必收，順其自然好d

作者: cathleenli_0704 時間: 13-11-28 21:27 標題: 回覆：開始有點累了

我個仔見到要著去面試套衫，話“唔要"

作者: QQDawn 時間: 13-11-28 21:29

我都好累,最慘IN左7間都未有OFFER,否則一定唔再要阿女IN

作者: winnie1118 時間: 13-11-28 21:32 標題: 回覆：Charlie妹的帖子

我覺得依家搞到親子關係好似變成有目的咁。平時父母對小朋友好應該係出自內心，依家面試見到有家長用高八度聲、懶係關心小朋友的語氣同態度，但其實眼尾就睇下老師有無留意佢地的'親子'，係屋企其實應該玩、應該教一些生活技巧（例如大小便、自己食飯）但依家要教（甚至威迫利誘）小朋友學校學的知識，其實小朋友雖然細，但我相信佢地都會感受到壓力，要一個歲半小朋友承擔，好慘。

作者: siujumpjump 時間: 13-11-28 23:06 標題: 引用：我覺得依家搞到親子關係好似變成有目的咁。

原帖由 winnie1118 於 13-11-28 發表
我覺得依家搞到親子關係好似變成有目的咁。平時父母對小朋友好應該係出自內心，依家面試見到有家長用高八度 ...

讚成！之前我又係咁！迫個女學顔色形狀動物五觀⋯⋯佢唔識，自己又抆，但又要教！搞到第一間in啟思就失敗左⋯⋯明明識嘅去到變左唔識！明明唔怕陌生變左勁怕醜！於是我下定決心唔迫佢，只帶佢去多d街，見多d人同事，學自理同溝通⋯⋯十一月in左大埔安基司、金巴迦南、火炭boxhill、九龍英藝，in時輕鬆左，反而咩都做到，最後兩個offer，一個waiting，另一個等收信！本來想佢考埋York 同 st cat⋯⋯不過唔想我同佢都咁大壓力，in埋最心儀嘅樂基就收手！希望大家都放鬆d，祝大家好運！加油！

作者: Cupcakedream 時間: 13-11-28 23:16 標題: 回覆：開始有點累了

我都已經in左7間，個囡而家一見到學校門口就唔肯入，或者入到去就喊，真係迫唔到

我發現反而無特別train佢啲咩，有幾間佢唔識做幾樣野都有offer,可能老師係睇反應

作者: Bit2011 時間: 13-11-28 23:47 標題: 回覆：開始有點累了

U have picked too many k for your kids . That's the loop.

作者: 小貓1124 時間: 13-11-28 23:50 標題: 回覆：開始有點累了

我淨係in咗3間，1間waiting，2間am offer~之後可能in多1間，或者唔in~
大人都累，何況小朋友？

作者: ballg 時間: 13-11-29 00:06 標題: 回覆：開始有點累了

我都in咗4間，仲未有offer, 唯有平常心，當去見識下同參觀，無迫無扮親子，好似平時去玩咁，有就有，我信一定有機會嘅，大家都努力，唔好太大壓力俾自己，老公，同小朋友！

作者: JJJlove 時間: 13-11-29 00:17 標題: 回覆：開始有點累了

In左四間，兩間am offer,一間pm offer,還有一間還沒結果，面試果段時間真系搞度自己壓力爆煲，因為七月B,好怕無書讀，覺都訓吾好，6299都驚我精神過度緊張，好彩結果令我幾滿意，三月再in學之園就收手了，宜家其他間都吾去拉，不想個囝甘辛苦

作者: Franceschingyi 時間: 13-11-29 07:33 標題: 回覆：Charlie妹的帖子

我見左7間，3間reject 2個waiting 仲有2間未有結果，所以1個offer都無，
只好繼續努力，都叫自己不要期望太高!

作者: antheny 時間: 13-11-29 08:27 標題: 回覆：開始有點累了

做家長的為子女計劃好未來系無可厚非。但小孩的童年是得短暫的，如果他們都活的像機械人，那他們未來的生活，很難想像會怎樣！
很多家長的小孩明明已經有了不錯的offer，但他們還為了更好的offer繼續面試，這些心態對我來說是緊張過頭了。可能，他們和小孩都享受那個過程吧。
壓力是自己給的，教育制度是死的，更好的教育制度，如果家長對孩子的態度不變，那結果也是一樣！

作者: RMH 時間: 13-11-29 08:54

我暫時 in 左三間，可能我同老婆平常心，唔會有咩壓力，阿 b 梗加唔會 (我認為)，因為佢都唔知 in 緊

作者: chengv 時間: 13-11-29 09:04

Cupcakedream 發表於 13-11-28 23:16
我都已經in左7間，個囡而家一見到學校門口就唔肯入，或者入到去就喊，真係迫唔到

我發現反而無特別train佢 ...

這其實同時是在考父母處理方法. 我只面試了三家. 每次提前去學校, 讓她玩車, 滑梯等等, 面試玩, 又玩. 她知道每次進學校都有玩的, 就沒有問題了.

作者: chengv 時間: 13-11-29 09:08

JJJlove 發表於 13-11-29 00:17
In左四間，兩間am offer,一間pm offer,還有一間還沒結果，面試果段時間真系搞度自己壓力爆煲，因為七月B,好 ...

妳小朋友好叻, 面試四間有三間.

作者: Cupcakedream 時間: 13-11-29 10:47

我覺得interview最辛苦係大人, 壓力大到仲慘過自己考, 而家有offer我唔唔打算去餘下果d啦, 等個囡(其實係我)休息下

大家都要加油呀!!

作者: cclin2011 時間: 13-11-29 11:28 標題: 回覆：開始有點累了

我地in咗3間，2間有offer，1間waiting。b仔其實唔係好知是面試，只係同佢講媽媽同你去玩，b仔表現很自然。作為媽媽的一定有壓力，所以收到心儀offer已決定收工，唔想再去了。

作者: Joball 時間: 13-11-29 11:40 標題: 引用：我淨係in咗3間，1間waiting，2間am+offer~

原帖由 小貓1124 於 13-11-28 發表
我淨係in咗3間，1間waiting，2間am offer~之後可能in多1間，或者唔in~
大人都累，何況小朋友？

...

我in 兩間，八月B一間am
一間waiting
其實我覺得最多in 四間好收手la
星期六去公園好過

作者: wingyan008 時間: 13-11-29 12:53 標題: 回覆：開始有點累了

In左4間，1 waiting 1 offer, 2間下月至知！明天再in一間好近屋企既全日n, 和三月in學之園，因為已有offer,雖不是最心儀，但已心足，所以心情好輕鬆

作者: Mimimuel 時間: 13-11-29 13:42

我地同阿B講係去玩，平常心，完全唔比壓力佢, 有時佢仲玩到唔啥得走。so far so good, 3個 offers 1 個 waiting

作者: bolanming 時間: 13-11-29 13:44

rc108 發表於 13-11-28 21:24
My feeling is the same as yours. We had 4 interviews continuously every week (well, actually 6 but w ...

where is these two offer???

作者: Aphrodite 時間: 13-11-29 14:26 標題: 引用：我個仔見到要著去面試套衫，話“唔要" +

原帖由 cathleenli_0704 於 13-11-28 發表
我個仔見到要著去面試套衫，話“唔要"

我個B勁唔中意著新衫，我冇得迫佢，所以次次in都著到好似剛剛瞓醒

作者: cheung2000 時間: 13-11-29 14:51

我報左大約10間，每次去都當pg&平常心，幸好好早就有offer所以壓力唔算太大，但in到尾聲幾間時都覺得幾攰(但亦係競爭最大嗰幾間)，所以放棄左最後一個面試，因地點唔方便，收都唔讀就唔好浪費大家時間

作者: pandey 時間: 13-11-29 15:03

暫時in咗4間，1 waiting，1 offer，1 reject，1未有result，但有offer果間唔係心儀果間。下個月仲有一間in，仲有1、2間可能一或二月先有得in。每次去in當去playgroup，唯有係咁諗會無咁大壓力！

其實都唔知收生標準係點，我仔咩都做到晒，interview果陣又好主動，但居然結果係未被取錄！

作者: rc108 時間: 13-11-29 17:16

本帖最後由 rc108 於 13-11-29 17:19 編輯

回覆 bolanming 的帖子

Star of the Sea in Chai Wan (AM) and Xi Yao Kindergarten in Siu Sai Wan (AM). My baby is a September baby.

Actually I applied for more than 10 but only got 6 interviews invitations (attended only 4) and the rests are either saying my baby is too young or no news at all. Among those 4 interviews, my daughter got 2 AM offers and 2 waiting lists.

I did not do anything on purpose to force her to learn something. I just let her play her own toys naturally everyday. Even for interviews, I just told her to play only. So, don't worry and relaxed! Take it easy and it will be over soon.

作者: rc108 時間: 13-11-29 17:20

回覆 cheung2000 的帖子

Agree. I also took it as attending to playgroup for every interview.

作者: Potato001 時間: 13-11-29 17:26 標題: 引用：Quote:原帖由+cathleenli_0704+於+13-11-28

原帖由 Aphrodite 於 13-11-29 發表
我個B勁唔中意著新衫，我冇得迫佢，所以次次in都著到好似剛剛瞓醒

...

我俾bb著平時出街著的衫，唔會特登著新衫，最緊要舒服。in 咗四間，一間遠的am offer, 其他全部waiting. 教過眼耳口鼻唔識，顏色唔識，形狀識配對唔識名稱。我面試的學校，冇問動物和形狀，有一間問顏色，其他都係玩玩具冇問野。今個星期in埋屋企附近一間，之後就要明年才有面試。bb多數下午面試，為了令佢早上小睡，面試日會帶bb去公園放電，所以佢好開心，唔會有壓力。

作者: nasu 時間: 13-11-29 18:01 標題: 回覆：開始有點累了

我都小孩報了多間幼稚園。

in啟思又時失敗，不過我覺得係啟思安排問題。

我又無迫仔仔，只是沖涼時畀D彩波佢玩下，平日畀DVD佢睇下，in時，當去pg，當去公園玩，無壓力。

不是仔叻，有信心，相反，正因為仔仔知識上好好，但情緒在陌生環境一般，無得迫，所以順期自然。

知識上有缺，都可以補，但情緒上要慢慢成長。

我覺得只要父母的態度積極及方向一致，小孩pn有書讀唔緊要，K1一定有位。

及我安排小孩穿平常衫，沒有戰衣。

作者: Cakesss 時間: 13-11-29 19:45 標題: 回覆：開始有點累了

yes its really tiring! so its better just take it easy. 抱著去玩的心態! I Juz let my gal to choose whatever she wanna wear for the interviews. no pressure. Juz regard interviews as playgroup sessions.

作者: iamverysleepy 時間: 13-11-30 23:03

我無特登train個女，教眼耳口鼻、顏色、生果、動物，其實一般成長過程啫，佢唔識咪由佢，始終都會識。有朋友好熱心咁話幼兒園會考乜嘢玩具，叫我要去買，甚至話借俾我，我都沒有特別的處理。我自己都係教書，知道in學生其實未必係睇佢係咪乜都識晒，反而睇佢性格同埋臨場表現，甚至眼緣，所以都係抱平常心。

帶阿女去in時，我沒有讓她穿什麼戰衣，都係一般去街衫。也不會煞有介事的令氣氛好緊張，只會告訴她我們去同老師玩。我自己都當帶佢去playgroup（$30一堂playgroup，抵到爛），出下街。我同佢都好開心。

作者: lamcat327 時間: 13-11-30 23:17 標題: 回覆：開始有點累了

我地in左3間，2間offer，1間waiting，其實期間都無扮親子既，係真係同小朋友玩同順道教下佢嘢，不過倦在成日係咁睇住好多資訊，想update 住，又怕選錯校，而家仲要等d最難入既York, St.Cat, Vic同學之園見埋好似先放心收手，都覺得自己變態，唉…但無奈，又放心收手咩？好彩阿囝次次都以為係去玩……

作者: 良月日希 時間: 13-11-30 23:33

我in 咗5間好好彩有4間am offer 及1間waiting...interview 呢個遊戲真係另大人好大壓力。而家又要準備留意k1學校啦...超級煩！！！

作者: happybbpig 時間: 13-11-30 23:56

RMH 發表於 13-11-29 08:54
我暫時 in 左三間，可能我同老婆平常心，唔會有咩壓力，阿 b 梗加唔會 (我認為)，因為佢都唔知 in 緊:happy ...

我都係咁話

作者: wsg1015 時間: 13-11-30 23:58 標題: 回覆：開始有點累了

我一開始都好緊張架，有一次女女in 得唔好我勁唔開心，後來諗通左，得一歲幾咁迫落去大人細路都辛苦，都係平常心，女女in 左5間，4間有offer..... 但未係心儀學校，等下年心儀學校面試

作者: happybbpig 時間: 13-12-1 00:07

iamverysleepy 發表於 13-11-30 23:03
我無特登train個女，教眼耳口鼻、顏色、生果、動物，其實一般成長過程啫，佢唔識咪由佢，始終都會識。有朋 ...

我同個女講當去玩下得啦，平常心啦

係，平過pg好多，我都有offer, 但未係最想讀的，所以之後的我都會照in, 當羅多個經驗又好，睇下學校環境又好，去pg玩都好，比左錢唔好浪費

作者: happybbpig 時間: 13-12-1 00:10

良月日希發表於 13-11-30 23:33
我in 咗5間好好彩有4間am offer 及1間waiting...interview 呢個遊戲真係另大人好大壓力。而家又要準備留意k ...

係啦，無停架，明年個女開學時，要報k, 面試

作者: ballg 時間: 13-12-1 00:31 標題: 回覆：開始有點累了

但而家啲學校又要做問卷，以前都無！好煩厭！只想盡快有一間offer就算！其實有好多好學校都只有k1，真係唔想年年咁考，不如有唔嘅都讀住先！

作者: 小鼠 時間: 13-12-1 05:28 標題: 回覆：開始有點累了

我都in到好攰，in咗7間，有2間有offer，2間reject，3間未有消息，我唸唔得既機會多……自己最鐘意個架，唔得既機會多……已經in到好辛苦，做媽媽只係想搵間好少少，但都幫唔到bb搵到，又攰又覺得自己失敗

作者: Chujai 時間: 13-12-1 09:23 標題: 回覆：Charlie妹的帖子

路過。見N已經係小事，下年你見K仲辛苦!

作者: bolanming 時間: 13-12-1 13:50

Chujai 發表於 13-12-1 09:23
路過。見N已經係小事，下年你見K仲辛苦!

今年入到間好嘅N，那下年咪不用in K，舒服D

作者: Chujai 時間: 13-12-1 16:08 標題: 引用：Quote:Chujai+發表於+13-12-1+09:23+路過。

原帖由 bolanming 於 13-12-01 發表
今年入到間好嘅N，那下年咪不用in K，舒服D

到時你未必咁諗。好多龍校都無N。

作者: Looeysa 時間: 13-12-1 19:06 標題: 引用：Quote:原帖由+bolanming+於+13-12-01+發表

原帖由 Chujai 於 13-12-01 發表
到時你未必咁諗。好多龍校都無N。

龍B PN已爭餐死，仲諗住再戰龍校

作者: Ada~kwong 時間: 13-12-1 19:08

報左6間，in 左3間，有一間am offer.一間等,一間暫時未有消息，平時同個仔去面試，我都唔會比壓力他的，我會同個仔講:一真同你去學校玩、和同老師傾計等……講到好好玩甘樣。但是我都覺得近排身心好累啊！收左這間都算心儀，我都算啦！唔去面啦！

作者: bolanming 時間: 13-12-1 22:59

Looeysa 發表於 13-12-1 19:06
龍B PN已爭餐死，仲諗住再戰龍校

同意
所以咪揾間好的一口氣讀4年

作者: QQDawn 時間: 13-12-1 23:06

我已家已經IN左9間喇,但3REJECTED,2 WAITING,4間未有消息,仲已經IN晒TIM,咪仲累仲驚,而且之後等結果個4間仲不太有信心TIM

作者: blythe_baby 時間: 13-12-1 23:13 標題: 引用：我已家已經IN左9間喇,但3REJECTED,2+WAITIN

原帖由 QQDawn 於 13-12-01 發表
我已家已經IN左9間喇,但3REJECTED,2 WAITING,4間未有消息,仲已經IN晒TIM,咪仲累仲驚,而且之後等結果個4間仲 ...

你是細b?

作者: QQDawn 時間: 13-12-2 00:13

回覆 blythe_baby 的帖子

8月B呀

作者: ballg 時間: 13-12-2 00:14 標題: 回覆：bolanming 的帖子

我都想，真係咁，我就唔爭龍，年年咁考，命都短幾年

作者: Charlie妹 時間: 13-12-2 08:32 標題: 回覆：開始有點累了

最慘係有苦自己知，有些朋友親戚三姑六婆以為我虐待個囡

作者: HAPPYT 時間: 13-12-2 09:15

係呀，有啲有十歲八歳既小朋友既媽咪，仲話n班好易入姐，你吾駛咁緊張，又話呢間吾好嗰間馬馬地，唉，佢地吾明龍年競爭大，而且呢幾年多左好人讀n,有苦自己知。

作者: 剛果公主 時間: 13-12-2 09:55 標題: 回覆：HAPPYT 的帖子

提示: 作者被禁止或刪除內容自動屏蔽

作者: ballg 時間: 13-12-2 10:18 標題: 回覆：Charlie妹的帖子

又話我，嘩，原來你都係怪獸！我咪話：係呀，地球好危險，送客！

作者: kungks 時間: 13-12-2 18:40 標題: 回覆：開始有點累了

絕對同意。

作者: jason1978 時間: 13-12-2 19:19 標題: 回覆：開始有點累了

我比較好彩，in 第一間收咗，之後無再去in. 諗住一月報埋km就收手。

作者: QQDawn 時間: 13-12-2 23:33

成日去IN, BB得個一YR多D,真辛苦

作者: ballg 時間: 13-12-3 00:00 標題: 回覆：QQDawn 的帖子

當去參觀open day, 放鬆點，有時只係講運氣，開開心心當玩可能會得！

作者: karinawong1031 時間: 13-12-3 12:34

報咗8間，IN咗7間，2間有OFFER，3間waiting, 1間reject, 1間等消息，1間未IN。
有OFFER嗰兩間都係group in, 老師冇特別考乜嘢，只係從旁觀察。其餘幾間老師要小朋友做呢樣做嗰樣。阿仔淨係聽我同爸爸話，陌生人叫佢係唔睬的，所以都冇辦法

我當INTERVIEW係去參觀學校，所以報咗唔同類型既學校。今年當熱身，出年報K就可以目標為本淨係報心儀類型既學校

歡迎光臨教育王國 (/)