教育王國

標題: 林文燦小學 [打印本頁]

作者: ritapoking 時間: 13-11-28 15:00 標題: 林文燦小學

有人在崇小及林文燦post內問到: 「有D印象之前睇過D舊post, 學校不是有locker 嗎? 另外，今天天氣寒冷，見到網頁D校服，想起學校是否只有外套而沒有較厚的校褸或羽絨？穿裙仔的小朋友是否一定要穿學校長襪而不可穿襪褲呢! 希望知道的家長能幫忙回答，謝。」
答：其實學校小一是沒有locker的，但老師會收作業及功課紙，需要做時才派回家！另除外套外，亦有一件厚棉褸，十度以下亦有長褲可穿！

作者: ipcecigirl 時間: 13-11-28 15:02 標題: 引用：有人在崇小及林文燦post內問到:+「有D印象

原帖由 ritapoking 於 13-11-28 發表
有人在崇小及林文燦post內問到: 「有D印象之前睇過D舊post, 學校不是有locker 嗎? 另外，今天天氣寒冷，見 ...

謝謝。

作者: mosquito_chu 時間: 13-11-28 15:20 標題: 回覆：ritapoking 的帖子

還可以著自己䄛，只要是深色就可以

作者: ritapoking 時間: 13-11-28 15:21 標題: 回覆：ipcecigirl 的帖子

亦有家長Helen提到：「欠帶書罰企幾分鐘是真的，但多帶了書要罰就真係未試過。嗰啲班際比賽係間唔中舉行，此外仲有個人比賽，老師和社工會根據表現評分，有金銀銅獎作一個小鼓勵囉。整體嚟講我覺得lmc老師係好好人，校長話過唔喜歡用嚴厲責罰去教孩子，要訓練學生自覺，自控，關愛，尊重。」Helen：是真的！我開頭都以為個仔講錯，後來問多幾位家長原來是真的！有部份同學都因為帶多了書而罰企，不過我又覺得無咩問題，因為只係罰企五分鐘，同埋應該係老師提咗幾次，佢都帶多老師才會罰！小朋友學下有責任心都是好事。

作者: ritapoking 時間: 13-11-28 15:47 標題: 回覆：ritapoking 的帖子

至於有家長問到：「想問上年你放棄左咩offer?LMC鍾意收邊類小朋友多呢？或者面試最難係邊部份呢？」哈哈！其實Lee個問題最難答。我覺得開名會對學校唔公平，因為我放棄嘅小學，全部都係好學校，如果唔係我都唔會投考啦！佢地未必係學術或徳育比LMC差，只不過係我覺得LMC比較適合我小朋友（我只能透露有直資及私小龍校，亦有出名學術好而谷的私小），開名可能會俾人閙架....哈哈！至於LMC比較鍾意收邊類小朋友，我諗因為是全英面試，如果英文好會較有優勢。另面試最難是那部分？其實LMC面試比起其他學校唔會特別難，小朋友都係聽下指令玩下，串少少字，平常心便可！

作者: yipbebe 時間: 13-11-28 17:37

想請教林文燦是否雙班主任制？

作者: bloody 時間: 13-11-28 17:52 標題: 回覆：yipbebe 的帖子

係

作者: 剛果公主 時間: 13-11-29 00:13 標題: 引用：至於有家長問到：「想問上年你放棄左咩offe

提示: 作者被禁止或刪除內容自動屏蔽

作者: luluhaha 時間: 13-11-29 07:44

因多帶書而受罰會否令小朋友失去一DD對學習書本的興趣？因我仔一定會多帶因想睇多D或溫習，佢應好難明，因多帶書沒影響到其他人wow，

幼稚園也從未罰企，因老師己講咗罰企是體罰，如果家長接受罰企，跟住就嚟打手板，然後到掌摑，、、、上次報紙講有人接受唔到被掌摑(唔知邊間)，其實都是由罰企演化出嚟，我主觀認爲老師唔分資歷深淺，而系有冇心去引導、幫助犯錯的小朋友。

作者: ritapoking 時間: 13-11-29 08:44 標題: 回覆：luluhaha 的帖子

咁我又唔係太擔心喎！因為我覺得小朋友大咗，對佢嘅要求應該要增加D，唔可以再將佢當BB或幼稚園生，而且我前文都提過，老師會叫佢地寫手冊及同佢地對手冊，亦會提佢地幾次，佢地都帶多老師才會罰，而且開學至今，暫時只發生過一次。至於你擔心會否變本加厲？我諗宜家資訊咁發達，老師都幾難隻手遮天...哈哈！其實好快已經有家長同老師了解過(因有whatsapp同facebook羣組)，老師都表明因為已經寫晒手冊，又提咗多次先要佢地罰企五分鐘，提佢地要留心上堂，同埋將學校嘅資訊話比家長知。而且幼稚園同小學唔同，因為幼稚園小書，小學如果你咩都放晒入書包就會好重架喇，老師都會盡量幫同學存練習薄在校內，要做功課時才派回！而且我當初選擇LMC就係鍾意佢係一間注重鼓勵、分享同尊重為方針嘅小學，所以我都唔擔心「體罰」會喺LMC發生！另外，學校好鼓勵閲讀，禮堂/課室四處都會放圖書，如你不怕書包重而帶課外書回校亦可！如你有時間可到學校走走，你自然會見到每逢小息/早會前，好多同學都會拖住老師手同老師傾計，或者一大班小朋友在操場玩嘅開心樣，你就自然會放心㗎喇！

作者: luluhaha 時間: 13-11-29 09:40

多謝妳咁有耐心回複我昵個敏感、唔怕書包重的家長

作者: angiejoe 時間: 13-11-29 22:45

mosquito_chu 發表於 13-11-28 15:20
還可以著自己䄛，只要是深色就可以

請問是低過幾多度才可以穿自己褸?和穿長褲呢（男仔）?

作者: mosquito_chu 時間: 13-11-30 00:06 標題: 回覆：angiejoe 的帖子

通吿寫10度，但遇到好像這兩天的溫度的話，學校都也可以著啦！

作者: angiejoe 時間: 13-11-30 10:35

Thank you!!

作者: southplay 時間: 13-11-30 11:13 標題: 回覆：林文燦小學

多謝分享，已經註冊加入LMC 大家庭

作者: manmanchubb 時間: 14-2-3 03:19

回覆 ritapoking 的帖子

多謝妳既分享

歡迎光臨教育王國 (/)