教育王國

標題: 研究靈糧堂 [打印本頁]

作者: seaseme 時間: 13-11-27 14:54 標題: 研究靈糧堂

靈糧堂給人第一印象是Happy School,，想有更深入研究，邀請各位在學的，畢業的，準備入學的也來分享一下，讓有心入讀或考慮中的可了解多些。謝謝。
我有教小學的朋友，聽我講考慮讀靈糧堂，佢話讀完都未識寫字喎！
又另一教幼稚園的資深教師跟我分析過，靈糧堂主張啓發思考，而事實上學校無論師資，教材資源各方面都配合得很好，這方面是家長在家很難做到的，至於學術上她認為家長是可以在家替孩子提升的，一般來說更深的幼稚園課程家長自能應付，當然前提是家長孩子合作到，兩者不能兼得。
我自己則在面試過程中，對老師表現很有好感，相信囡囡會愉快三年，但又同其他媽媽一樣考慮將來考小一的困難，明白難有完美決定，好在還有BK這個平台比我探下路，甚至一齊行。

作者: luckyveronique 時間: 13-11-27 22:14

讀完都未識字？實在無可能wor。。。

K1開學無幾耐已經派發學校自製的字卡，又有請聽我讀呢項貫穿幾年的作業。學校門口有高班作文展示，小朋友不僅會寫字，而且寫的很整齊漂亮。

我囡囡三歲都識咗幾十個字（我無特意教，4歲前都唔會特意教識字）

作者: lilbabe 時間: 13-11-27 23:03 標題: 引用：讀完都未識字？實在無可能wor。。。K1開學

原帖由 luckyveronique 於 13-11-27 發表
讀完都未識字？實在無可能wor。。。

K1開學無幾耐已經派發學校自製的字卡，又有請聽我讀呢項貫穿幾年的作 ...

請問係咪真係一個字／一個故事都讀俾十幾廿人聽然後要人簽名？我對靈糧有興趣，但聽到呢樣野令我有啲卻步

作者: luckyveronique 時間: 13-11-27 23:27

lilbabe 發表於 13-11-27 23:03
請問係咪真係一個字／一個故事都讀俾十幾廿人聽然後要人簽名？我對靈糧有興趣，但聽到呢樣野令我有啲卻步

...

呢個學習計劃幾好，點解會卻步呀？其實都無咁嚴格，只是簽滿24個簽名的小朋友會得到額外獎勵，其實媽媽一個人都可以一日簽一次，前提是小朋友真的有讀比你聽。
另外，好多小朋友會在朝早上堂前讀比學校里的任何一位老師或者EE聽，而她們都是100%願意協助小朋友讀完整本！我囡囡都是如此，提前去到學校15分鐘，便有時間獲得一個老師的簽名~
學校借的圖書有時是英文，有時是中文，幾好。

作者: seaseme 時間: 13-11-28 12:25

luckyveronique 發表於 13-11-27 22:14
讀完都未識字？實在無可能wor。。。

K1開學無幾耐已經派發學校自製的字卡，又有請聽我讀呢項貫穿幾年的作 ...

謝謝分享，這方面我放心了，其實我也不贊成太細個要寫太多字，小孩子愛講愛寫就好了。請問英文課程如何？會教拼音嗎？拼音我沒信心自己教。

作者: lilbabe 時間: 13-11-28 13:22

luckyveronique 發表於 13-11-27 23:27
呢個學習計劃幾好，點解會卻步呀？其實都無咁嚴格，只是簽滿24個簽名的小朋友會得到額外獎勵，其實媽媽一 ...

因為我聽聞係同一個字/故事要重覆讀...次數好似太多咁。我聽到有D家長會幫小朋友簽哂就算。不過只係傳聞, 如果係真都係家長問題。

作者: mawingyinhk 時間: 13-11-28 13:36

其實唔簽夠都可以照交啊....都係一個學習計劃黎姐.....其實除左識字外, E個計劃仲可以訓練倒小朋友主動, 同埋禮貌.

作者: MASAYA 時間: 13-11-28 16:31

點為之唔識寫字？
1-9, a-z, A-Z, 一至十，自己名，爸媽哥姐弟妹上下出入呢類常用字都一定識，可能討論區，選校攻略，發帖回覆呢d未必識。
請聽我讀呢個學習計劃可培養小孩溝通能力，如果小孩極度內向或家長是屬於學術至上，咁同靈糧堂既教學方法不同步的確需要考慮係咪適合，除左家校雙方理念一致，其實仲要配合埋小孩性格，係睇三方面

作者: alsonl 時間: 13-11-29 08:55 標題: 回覆：研究靈糧堂

題外話，九龍靈糧堂係獨立分家，咁其實邊間好d，有乜唔同？

作者: poodlema 時間: 13-11-29 17:13 標題: 回覆：研究靈糧堂

本帖最後由 poodlema 於 13-12-12 16:23 編輯

咁難先入到，我會珍惜哩個學位。
係阿囝20-22個月時，為應付面試，我自己教佢圖型，英文字，顏色等，佢都學會，我覺得要質佢學哩啲，只要佢吸收到，我日日係家自己重覆又重覆咁教佢佢都會識，有啲所謂谷嘅學校都係逢星期一教完學生字跟住果個星期每日再重覆又重覆同佢溫架啦！
但係學校裡有專業嘅教師門負責啓發啲方面，我唔係專家，所以真係唔識，所以我會覺得哩方面比返靈糧堂做係最好！
老老實實，講英文方面我就唔掂，所以等佢大啲會出去同佢補英文，同埋我同意英文係易學過中文的。
我覺得如果家長想放晒手乜都唔理，靈糧就唔適合你，我聽過有職員講校長好睇親子，家校合作，我諗如果家長肯出啲力嘅，就可以讀到靈糧囉。
我想阿囝出年入學，熟綷我個人愚見，大家討論下，不喜勿插。

作者: 天悅 時間: 13-11-29 17:32 標題: 回覆：研究靈糧堂

我鍾意你這句：不喜必插

作者: peachcreamy 時間: 13-11-29 20:15

我係靈糧堂家長，對學校99滿意，唯一要挑剔的就係沒有小學，不能直上

靈糧堂小朋友開心、主動、自信，佢地識得分析推理，舉一反三，呢D唔係硬記生字就學到的。

作者: finayeung 時間: 13-12-2 22:11 標題: 引用：題外話，九龍靈糧堂係獨立分家，咁其實邊間

原帖由 alsonl 於 13-11-29 發表
題外話，九龍靈糧堂係獨立分家，咁其實邊間好d，有乜唔同？

我都想知，九龍靈糧堂都係一間happy school, 教學理念會唔會同其他既一樣呢？

作者: Himchumama 時間: 13-12-3 11:48 標題: 引用：我係靈糧堂家長，對學校99滿意，唯一要挑剔

原帖由 peachcreamy 於 13-11-29 發表
我係靈糧堂家長，對學校99滿意，唯一要挑剔的就係沒有小學，不能直上靈糧堂小朋友開心、主動、自信 ...

May i know you are talking about 九龍靈糧or others? I got offer from九龍靈糧，but still considering... Could you tell me more about this school? Thanks!

作者: peachcreamy 時間: 13-12-3 17:06 標題: 引用：Quote:原帖由+peachcreamy+於+13-11-29+發

原帖由 Himchumama 於 13-12-03 發表
May i know you are talking about 九龍靈糧or others? I got offer from九龍靈糧，but still considering. ...

My kid is in HKLLC!

作者: hippoo 時間: 13-12-10 00:21

作者: babyyau98 時間: 14-2-12 17:25

請問"九龍靈糧堂"同"香港靈糧堂"是否有別?

作者: heisonmama 時間: 14-2-15 23:36 標題: 回覆:研究靈糧堂

請問藍田靈糧堂好嗎?

作者: davinchiu 時間: 14-2-25 11:53

個人最鐘意以兒童為本既學校. 尊重小孩為首要. 小朋友返學一定會好開心, 好吸收.

作者: keep-calm 時間: 14-2-27 10:16 標題: 回覆：研究靈糧堂

請問所有靈糧分校係咪課程一樣，有英普時間嗎？

作者: mki 時間: 14-3-4 12:07 標題: 回覆：研究靈糧堂

請問各位，靈糧堂N班是否可以直升K1？
因為小兒不打算讀N班，但又怕靈糧堂N班可直升上K1，好難插入。
請賜教。

作者: poodlema 時間: 14-4-16 09:10 標題: 回覆：mki 的帖子

夠出席率可直升

作者: CapricornO 時間: 14-5-30 23:01

提示: 作者被禁止或刪除內容自動屏蔽

作者: IceMoca 時間: 14-6-2 09:26

荃灣靈糧堂好嗎？係咪水準同其他靈糧堂一樣?

作者: IceMoca 時間: 14-6-2 09:27

將來多數入讀咩小学？

作者: siufafa 時間: 14-6-4 13:52

回覆 CapricornO 的帖子

http://www.lingliang.org.hk/form/frmSchoolLT.aspx

http://www.lingliang.org.hk/form/frmSchoolHK.aspx

http://www.lingliang.org.hk/form/frmSchoolDH.aspx

http://www.lingliang.org.hk/form/frmSchoolMO.aspx

作者: 宮二 時間: 15-3-9 09:08 標題: 回覆：研究靈糧堂

小朋友來到人生第一個交叉點，已有另一間語璄較好但新校offer, 追查舊post看意見。心大心細

作者: MiffyShe 時間: 15-3-21 12:59

回覆宮二的帖子

我都考慮緊HK 靈糧同另一間N。好多家長like靈糧，不過我想考直資，驚太淺；另一間語景好，不過冇靈糧咁多positive comment，商業味重d。我都唔知點。

作者: MiffyShe 時間: 15-3-21 13:05

不過有朋友教小學，話靈糧小朋友上小一較坐唔定同唔願做功課，因為唔習慣同覺得深，有冇用家比d意見

作者: 宮二 時間: 15-3-21 14:06 標題: 引用：不過有朋友教小學，話靈糧小朋友上小一較坐

原帖由 MiffyShe 於 15-03-21 發表
不過有朋友教小學，話靈糧小朋友上小一較坐唔定同唔願做功課，因為唔習慣同覺得深，有冇用家比d意見 ...

好矛盾。我好欣賞靈糧堂的教育理念，但也好想孩子入神校，但似乎多功課和要坐定定已是norm 了。

作者: 佈太 時間: 15-3-28 00:57

I feel good about the school too. We speak English at home so we dont care about the language environment there.

The teachers are so friendly and helpful at interview. I am confident that the kids will have a happy learning time there. May be in 3 years' time, schools will change the way they teach children again. All schools are changing all the time. Let tomorrow worry about itself, focus on today. Kid do learn whilst playing. Parents should be more concerned about getting more time to spend with their children. Not just time to do more school work with them but really quality time where the parent is not too tired and just be.

作者: Miloeva 時間: 15-3-28 12:37 標題: 回覆：佈太的帖子

cannot agree more! let tmr worry itself

作者: Fish777 時間: 15-3-28 18:45 標題: 引用：Quote:原帖由+MiffyShe+於+15-03-21+發表不

原帖由宮二於 15-03-21 發表
好矛盾。我好欣賞靈糧堂的教育理念，但也好想孩子入神校，但似乎多功課和要坐定定已是norm 了。

...

不一定，也有功課少，教學活潑的學校，入神校比率也高，但highly competitive。説穿了，是學生資質問題，學校可揀精英入學，便不用谷，自然出到good results，學校"有教無類"便要靠谷。

作者: MiffyShe 時間: 15-3-29 00:09

本帖最後由 MiffyShe 於 15-3-29 00:10 編輯

回覆 Fish777 的帖子

得2歲人，如何可選出精英？請教那些學校算是可選出精英入讀的學校？

作者: Fish777 時間: 15-3-29 13:19 標題: 引用：+本帖最後由+MiffyShe+於+15-3-29+00:10+編

原帖由 MiffyShe 於 15-03-29 發表
本帖最後由 MiffyShe 於 15-3-29 00:10 編輯

回覆 Fish777 的帖子

看背景，看眼神，專注力，看行為動靜，
有經驗的老師就會看，當然可以看漏眼。

作者: MiffyShe 時間: 15-3-30 23:47

回覆 Fish777 的帖子

請教靈糧堂可算是嗎?

歡迎光臨教育王國 (/)