教育王國

標題: 教養小朋友的小小心得 [打印本頁]

作者: 甘恩 時間: 13-11-26 22:17 標題: 教養小朋友的小小心得

最近大家都尋找小一面試成功秘訣，我的小朋友表現不算突出，聖保羅男女及拔萃都未能進入下一輪，幸好其他學校表現不錯，暫時有4間大家都認為好的小學offer（只hold一間，已決定放棄三間）。其實經過那麼多次面試，小朋友的性格絕對會影響面試結果。由於我的小朋友比較主動，喜歡說話，樂天，自然在面試時比較有利。所以若問我有什麼面試秘訣，真的談不上，亦難一朝一夕練成，反而我的小朋友學術表現真的比較出色，這方面可以和各位分享。
要小朋友中英文水平高，一定要小朋友喜愛閱讀，喜愛閱讀萬事可成。我的小朋友十分喜歡閱讀，他現在可以自己看書一小時，英文書可以自己閱讀Oxford Reading Tree Stage 9，只要有普通話拼音的書籍，他已可整本自行朗讀，數學方面加減乘除已懂。這些真的得力於從小的培養。
父母合作是必不可少，仔仔由歲半開始，每一晚都會閱讀中英文書各一本，爸爸一本媽媽一本，讓小朋友覺得在睡覺前一定要先閱讀，風雨不改。只有兩個情況下才不閱讀，仔仔病了，或他犯了大錯，就懲罰他不能閱讀，暫時這個方法好成功，仔仔覺得在睡前不能閱讀是一種懲罰。
晚上陪讀亦有策略，歲幾至兩歲多以講故事，認字為主。三歲開始，可以試讀文字，若小朋友習慣了，便要小朋友跟讀，嘗試連續幾晚重覆讀同一本書。三歲時便應該讓小朋友出外學英語拼音，跟著進度重覆練習，進步相當快速。當小朋友學拼音後不久，便可以嘗試讓他自己閱讀英文書，記得要不停讚賞，當小朋友有成功感，他便會更喜歡。而中文書方面，K2下學期便要求小朋友自己讀，我從旁協助，但記得一定要連續看同一本書一星期，小朋友才真的能完全記認那些中文字。
另外，身教亦是十分重要，若叫兒子閱讀，而自己卻看電視或上網是不行的。爸媽一定要在小朋友面前閱讀，乘地鐵時，一家人一起閱讀，在家中則有不定時各自閱讀。儘量不要在小朋友面前玩手機，上網，看電視。每次去街，爸媽儘量帶小朋友去書局，成為行街必到之處。
可能大家會覺得小朋友這樣便沒有娛樂？生活會否很沉悶？我會讓小朋友玩手機遊戲，但只玩益智遊戲。根據當時小朋友學什麼便讓他玩什麼，以前學拼音，便遊拼音遊戲；學乘數，便玩乘數遊戲；現在學重組句子，便讓他玩重組句子遊戲。但一定要限時限刻，一星期只可以玩兩次，每次15分鐘。另外，兩公婆會找一些益智玩具給孩子玩，又可玩又可學習，真是一舉兩得。去書店一逛，便可以找到很多益智的玩具了。
這些只是培養閱讀習慣的小小方法，還有其他教養方法，有機會再寫。其實教養小朋友真不是一朝一夕的事，亦沒有速成方法，只要持之以恆，一定可見成效，共勉之。

作者: 剛果公主 時間: 13-11-26 22:21 標題: 回覆：甘恩的帖子

提示: 作者被禁止或刪除內容自動屏蔽

作者: hoichun0813 時間: 13-11-26 22:28

提示: 作者被禁止或刪除內容自動屏蔽

作者: 执子之手414 時間: 13-11-26 22:30 標題: 引用：最近大家都尋找小一面試成功秘訣，我的小朋

原帖由甘恩於 13-11-26 發表
最近大家都尋找小一面試成功秘訣，我的小朋友表現不算突出，聖保羅男女及拔萃都未能進入下一輪，幸好其他學 ...

多謝分享，可以講下是甚麼apps嗎?

作者: longlokma 時間: 13-11-26 22:32 標題: 回覆：教養小朋友的小小心得

多謝分享，恭喜你獲得应有的回報

作者: ajfamily 時間: 13-11-26 22:39

甘恩：寫得很好，期待你其他教養方法的分享。

作者: bobo101^*^ 時間: 13-11-26 22:40 標題: 回覆：教養小朋友的小小心得

作者: zzzt 時間: 13-11-26 22:42

本帖最後由 zzzt 於 13-11-26 22:42 編輯

多謝你的分享！受教了！

祇看到你的成功，讀了這個，才知道成功從來都是只光顧有準備的人。

作者: 甘恩 時間: 13-11-26 22:53

回覆执子之手414 的帖子

其實都係尋找phonics，maths等等字眼，試吓玩，覺得ok先俾小朋友玩。

作者: angie0828 時間: 13-11-26 22:56 標題: 引用：回覆+执子之手414+的帖子其實都係尋找pho

原帖由甘恩於 13-11-26 發表
回覆执子之手414 的帖子

其實都係尋找phonics，maths等等字眼，試吓玩，覺得ok先俾小朋友玩。 ...

多謝分享！

作者: sh_yip 時間: 13-11-26 23:09 標題: 引用：最近大家都尋找小一面試成功秘訣，我的小朋

原帖由甘恩於 13-11-26 發表
最近大家都尋找小一面試成功秘訣，我的小朋友表現不算突出，聖保羅男女及拔萃都未能進入下一輪，幸好其他學 ...

多謝分享。我足足比你遲了2年先開始同小朋友閱讀、認字，學拼音。唉! 所以考小一得個桔! 所以你負出的努力同收成係成正比。

作者: Toffee888 時間: 13-11-26 23:12 標題: 回覆：教養小朋友的小小心得

多謝你

作者: erniewellie 時間: 13-11-26 23:27 標題: 回覆：教養小朋友的小小心得

抵你有咁好成績！

作者: kubbrick 時間: 13-11-26 23:35 標題: 回覆：教養小朋友的小小心得

同一星期同一本書，小朋友唔悶咩？

作者: seamama 時間: 13-11-26 23:38 標題: 回覆：教養小朋友的小小心得

謝謝分享！但其實阿仔睇書都好得，英文已看很深的故事書。中文就差d。都係唔知佢衰乜。

作者: catcc2000 時間: 13-11-26 23:56 標題: 回覆：教養小朋友的小小心得

越睇就越覺得亞仔會冇書讀，只能加減數，寫簡單句子，原來係唔正常。

作者: LondonSch 時間: 13-11-27 00:10 標題: 引用：越睇就越覺得亞仔會冇書讀，只能加減數，寫

原帖由 catcc2000 於 13-11-26 發表
越睇就越覺得亞仔會冇書讀，只能加減數，寫簡單句子，原來係唔正常。

...

奇怪，乜唔係咁先叫和常k3咩？唔應該覺得唔正常呀..好似而家好多人飲檸檬要小甜，唔駛小甜又叫正常？

作者: catcc2000 時間: 13-11-27 00:13 標題: 回覆：LondonSch 的帖子

要識加減乘除，重組句子，Oxford reading tree stage 9先有offer 喎

作者: LondonSch 時間: 13-11-27 00:13 標題: 回覆：教養小朋友的小小心得

好文章！

作者: cacanov06 時間: 13-11-27 00:22

呢位家長, 點解會咁講話無書讀? 我仔都只係懂加減數, 寫簡單句子, 有時仲寫錯字添, 無人講呢啲叫唔正常! 唔好睇埋一邊佢小朋友的學術表現, 應該要看看個小朋友的特質, e.g. 佢是一個樂天, 主動, 而且仲可以睇一個小時書, 証明佢亦係一個好專注又坐定的小朋友等等.... 呢啲先係學校喜歡收的小朋友呢!

作者: myfatgal 時間: 13-11-27 00:46 標題: 回覆：教養小朋友的小小心得

非常叻仔，佢應該會有更好offer.

作者: Apple_Orange_T 時間: 13-11-27 01:45 標題: 回覆：教養小朋友的小小心得

謝謝分享

作者: 甘恩 時間: 13-11-27 06:29

catcc2000 發表於 13-11-26 23:56
越睇就越覺得亞仔會冇書讀，只能加減數，寫簡單句子，原來係唔正常。

...

Catcc2000,千祈唔好咁諗，每個小朋友特質不同，最重要是小朋友學得開心，仲埋鍾意學習。我的理念係如果而家唔培養小朋友閱讀，到小三時，小朋友真係未必會乖乖坐下閱讀。

作者: 爸爸愛您 時間: 13-11-27 07:07 標題: 回覆：教養小朋友的小小心得

你小朋友真係能已經有以上才能的話，真係考乜學校都應該無問題，可以贏左好多人

作者: cherrieshum 時間: 13-11-27 07:23 標題: 回覆：教養小朋友的小小心得

作者: wwn 時間: 13-11-27 08:05 標題: 回覆：教養小朋友的小小心得

謝謝分享

作者: sy119 時間: 13-11-27 08:09

這篇文章是很好的提醒，多謝

作者: catcc2000 時間: 13-11-27 08:25 標題: 回覆：cacanov06 的帖子

所以我到依家都係一個offer都冇lo

作者: Cutemom0808 時間: 13-11-27 09:21

甘恩發表於 13-11-26 22:17
最近大家都尋找小一面試成功秘訣，我的小朋友表現不算突出，聖保羅男女及拔萃都未能進入下一輪，幸好其他學 ...

多謝分享

坦白講你所說教養方式我相信與不少人一樣，但效果可以差很遠，我諗你小朋友性格好、叻、專注力高是一大關鍵

作者: erniewellie 時間: 13-11-27 09:47 標題: 回覆：教養小朋友的小小心得

阿 Q d 咁睇，甘恩呢個 case 係 high water benchmark，唔係個個家長同孩子都咁叻，咁我小朋友就仲有機會！

作者: rainbowcov 時間: 13-11-27 09:50

回覆甘恩的帖子

謝謝你的分享, 很有用啊!

作者: bobochow 時間: 13-11-27 09:54

" 小朋友的性格絕對會影響面試結果。由於我的小朋友比較主動，喜歡說話，樂天，自然在面試時比較有利。" - 最關鍵的地方.

作者: noplanner 時間: 13-11-27 09:57

回覆甘恩的帖子

多謝分享！

作者: 2ndsister 時間: 13-11-27 10:00

本帖最後由 2ndsister 於 13-11-27 10:04 編輯

想問你仔是否資優？有冇去驗？如是，那你仔是exceptional case...我覺得好多學校好注重interview表現, 就算平時幾叻都好，interview唔合作就唔惦！所以除了培養閱讀興趣，也要培養品行！希望大家家長共勉之！

作者: Rambowun 時間: 13-11-27 10:04 標題: 回覆：甘恩的帖子

感謝真心的分享。我會努力讓小朋友有興趣閱讀。

作者: nicee 時間: 13-11-27 10:52

咁咪好谷？
事實係谷先有offer

作者: swcon 時間: 13-11-27 11:11

想請問樓主有沒有信仰?課外活動同主日學呢?

作者: bobochow 時間: 13-11-27 11:14

閱讀是要培養不能谷, 從小每晚都有睇書習慣,現在已養成不睇不肯睡

,亦已可整本自行朗讀 e.g.stage 9 . 最緊要父母肯付出,一起配合.

作者: citygirl 時間: 13-11-27 11:19 標題: 回覆：教養小朋友的小小心得

感謝分享，真的好文章。小兒三歲多，都是習慣每日睇唔同書,ORT stage 4, 可以試用你方法同一本書睇幾日，可加深印象。

作者: shanshan16 時間: 13-11-27 12:26

謝分享

作者: camomile00 時間: 13-11-27 13:55 標題: 回覆：教養小朋友的小小心得

我一路都有留意甘恩嘅留言。佢比我感覺係有教養，說話大方嘅家長。點樣嘅父母自然教出點樣嘅小朋友。我相信除咗學術上，佢仔都係一個有禮貌同得體嘅小朋友。如果我係interviewer的話，都會鐘意呢類學生。大家除咗追小朋友學術之外，我諗身教都好緊要。
大家一齊加油。

作者: myga 時間: 13-11-27 14:16

Thanks for sharing

作者: chrislaw001 時間: 13-11-27 15:43

Thanks for sharing.

作者: 甘恩 時間: 13-11-27 16:04

回覆 2ndsister 的帖子

家長日見老師，老師不止一次話仔仔可能係資優，但我唔打算去檢查，我只希望當佢係普通小朋友教養。在品德方面，我更加重視，暫時仔仔都聽教聽話，有機會再打一篇教養小朋友品德心得的文章。

作者: grassmama 時間: 13-11-27 16:13

很多謝樓主分享

作者: 甘恩 時間: 13-11-27 16:16

回覆 nicee 的帖子

個人覺得「谷」呢個詞語好負面，我認為小朋友不喜歡，家長迫小朋友做先叫做谷。如果小朋友喜歡閱讀，讓他多閱讀，我並不認為是谷。又例如我仔仔已學懂兩個位乘兩個位，我告訴他明天學三個位乘兩個位，他的反應：「好嘢！好好玩，我好鍾意！」咁又算不算谷呢？我認為只要小朋友喜歡學，讓他學便不算谷。

作者: 剛果公主 時間: 13-11-27 16:33 標題: 引用：回覆+nicee+的帖子個人覺得「谷」呢個詞

提示: 作者被禁止或刪除內容自動屏蔽

作者: 丘師奶 時間: 13-11-27 16:35 標題: 回覆：甘恩的帖子

同意！
咁細個小朋友若無興趣，好難「谷」得起。如果「谷」到，我「谷」食飯先。(￣∇￣)

作者: 甘恩 時間: 13-11-27 17:28

camomile00 發表於 13-11-27 13:55
我一路都有留意甘恩嘅留言。佢比我感覺係有教養，說話大方嘅家長。點樣嘅父母自然教出點樣嘅小朋友。我相信 ...

多謝誇獎，我真係好重視品德教育，更甚於學術，有機會再打一篇教養品德的心得。

作者: whychan777 時間: 13-11-27 17:54 標題: 回覆：教養小朋友的小小心得

多謝甘恩分享

作者: daidai 時間: 13-11-27 17:54

本帖最後由 daidai 於 13-11-28 09:50 編輯

我囝囝同你兒子情況好似, 不過我仔今年三年班啦, 稚園開始, 我已培養他閱讀習慣, 他現已看金庯小說, 數學我已買五, 六年班的練習給他做, 唔識佢會主動問，或上網找資料，現階段培養佢自學。
從稚園至小學, 班主任和教過佢老師都話佢有資優的特徵, 叫我地去check, 當然我冇帶他去, 因為我也是注重囝囝的品德多過佢係咪資優, 我不想所有人標籤他, 感覺到時他會有壓力, 宜家睇番轉頭, 我覺得自己做法正確, 現在他輕輕鬆鬆上學, 成績也不錯, 也和同伴融洽相處, 我更高興的是，有同學有問題請教他，他十分樂意教，還會用不同方法令同學完全明白為止。

甘恩發表於 13-11-27 16:04回覆 2ndsister 的帖子

家長日見老師，老師不止一次話仔仔可能係資優，但我唔打算去檢查，我只希望當佢係 ...

作者: ailimama 時間: 13-11-27 17:58 標題: 引用：回覆+nicee+的帖子個人覺得「谷」呢個詞

提示: 作者被禁止或刪除內容自動屏蔽

作者: NT-1 時間: 13-11-27 18:08 標題: 回覆：教養小朋友的小小心得

我也在大囡三歲及细囝出世後開始陪讀，但唔知點解他們仍未到書不離手的階段。他們寧可選擇在bedtimes 時我讀佢聽當催眠曲用

好灰。至于大囡，文字感弱，看了很多書仍未見對其閱解有幫助。見樓主小朋友肯讀肯學，真好。

作者: tinaleung 時間: 13-11-27 18:15 標題: 引用：最近大家都尋找小一面試成功秘訣，我的小朋

原帖由甘恩於 13-11-26 發表
最近大家都尋找小一面試成功秘訣，我的小朋友表現不算突出，聖保羅男女及拔萃都未能進入下一輪，幸好其他學 ...

想問下點教中文字？點記筆順同認多d 字

作者: 甘恩 時間: 13-11-27 18:36

daidai 發表於 13-11-27 17:54
我囝囝同你兒子情況好似, 不過我仔今年三年班啦, 稚園開始, 我已培養他閱讀習慣, 他現已看金庯小說, 數學我 ...

記得第一次聽老師咁講，兩公婆反應係：「唔係嘛？死火！點算？」因為我哋認識的資優生，大部份都有啲行為問題，我哋唔希望自己小朋友係咁。我認識有位會考數學拿U的朋友，但原來細個檢到是數學資優，屋企人結果狂谷佢數學，反而令佢害怕數學，唔想學，數學成績亦好差。所以我唔會帶小朋友去檢，既唔想比壓力小朋友，亦唔想比壓力自己。你的囝囝小三便看金庸，實在太厲害。

作者: 甘恩 時間: 13-11-27 19:10

ailimama 發表於 13-11-27 17:58
甘恩，可以分享一下點樣教甘細個小朋友數學呢？你自己教還是讓小孩外面學數昵？

...

仔仔學公文數，最初真的好爭扎，因為好多人學公文數會對數產生厭惡，我個仔仔起初都唔鍾意，本來打算放棄，因為唔想小朋友討厭計數，幸好問過公文數老師意見，讓小朋友隨心做，不強迫，做啱就加以讚揚。慢慢仔仔鍾意了。現在佢每日自己做，唔識就問。

作者: Cowbit 時間: 13-11-27 19:16 標題: 回覆：教養小朋友的小小心得

謝謝分享

作者: 臻臻爸及媽 時間: 13-11-27 19:18 標題: 回覆：甘恩的帖子

好期待！多謝分享！

作者: mimics218 時間: 13-11-27 21:58

提示: 作者被禁止或刪除內容自動屏蔽

作者: ok2008 時間: 13-11-27 22:18

樓主,謝謝分享

期待你教養品德的分享

作者: edpo 時間: 13-11-27 22:47 標題: 回覆：甘恩的帖子

我的小朋友三歲多，我也走緊你這條路，他覺得外出上活動班是獎勵，這些班全是他有份選擇，一起報名，晚上講故事也是乖時就有的，是獎勵，他喜愛每晚攬著不同的ort故事書來睡覺，可是他喜歡自己選書，所以未認得太多字，phonics也開始了，現在簡單的三個字母拼在一起也懂得了，其實我反而欣賞他能在外籍老師前能全句對答，中文字我也開始教，亦開始慘入重組句子、標點，…仲有好多，平日外出多看多講…他的common sense也好，重點是他比較乖巧，有禮貌，是人件人愛，懂關心人的孩子，他可以坐得定學習，不過仍有很多小缺點，因為他仍是一個小孩子，…其實這真是從他很小很小是開始培養的，我仲未知會同佢考咩學校，但我只知道盡我所能去培養他…其實入到咩學校都好，替他打好個底總是好的開始，曾幾何時我有奢望過可以考到心儀神級學校，但只維持了一段很短的時間就放棄了，反而我會繼續好好培養他，希望將來他去到那所學校都可以發揮所長，我唔覺得這叫谷，反而是我不停在引導他在學習上找尋樂趣，我主張玩樂時也是同時可以學習…

作者: 魚兒小寶貝 時間: 13-11-27 23:09

甘恩發表於 13-11-27 16:16
回覆 nicee 的帖子

個人覺得「谷」呢個詞語好負面，我認為小朋友不喜歡，家長迫小朋友做先叫做谷。如果小 ...

超級同意! 小朋友天資聰敏外，亦要有好好既引導，再配合埋家長正面既身教。我絶對相信就算冇＂考小學＂呢個環節，你兩公婆都會照這步法教養小朋友，因為好既習慣與態度，當然要從小培養啊!

期待下一篇呢！

作者: c1234 時間: 13-11-28 00:04

Thank you for sharing

作者: kvvvcheung 時間: 13-11-28 00:24 標題: 引用：樓主,謝謝分享期待你教養品德的分享

原帖由 ok2008 於 13-11-27 發表
樓主,謝謝分享

期待你教養品德的分享

Thanks for sharing !

作者: Cheungcc728 時間: 13-11-28 01:41

回覆甘恩的帖子

Thanks

作者: 大白豬 時間: 13-11-28 09:34

Thanks for sharing.

作者: hollymama1124 時間: 13-11-28 10:24 標題: 回覆：甘恩的帖子

提示: 作者被禁止或刪除內容自動屏蔽

作者: daidai 時間: 13-11-28 10:29

本帖最後由 daidai 於 13-11-28 10:33 編輯

你朋友的情況十分同情他, 天父赐他特異功能, 反被他的父母破壞, 可惜, 可惜

我怕有同一情況發生在我兒子身上, 結果適得其反, 若他真是有特異功能, 只要我們引導和用合適方法培育, 不是吹谷和強逼, 他將來一定能發揮所長的, 看見你用心的培育兒子, 十分欣賞和支持你, 也希望能和你互相交流
話說爸爸買了一本電子書, 內有中華英雄, 金庸, 古龍名著的長篇小說, 囝囝由中華英雄開始睇, 好快的看完, 跟住問他好唔好睇, 佢話好精彩, 我便順水推舟, 金庸的仲精彩, 他現在追到書不離手

甘恩發表於 13-11-27 18:36
記得第一次聽老師咁講，兩公婆反應係：「唔係嘛？死火！點算？」因為我哋認識的資優生，大部份都有啲行為問 ...

作者: 已刪除用戶 時間: 13-11-28 11:10

版主按: 已將此文移到小一選校, 多謝留意

作者: 樹熊包包 時間: 13-11-28 19:58 標題: 引用：最近大家都尋找小一面試成功秘訣，我的小朋

原帖由甘恩於 13-11-26 發表
最近大家都尋找小一面試成功秘訣，我的小朋友表現不算突出，聖保羅男女及拔萃都未能進入下一輪，幸好其他學 ...

多謝甘恩的好文! 我十分同意你的講法！我每晩都會講最少2本故事書，除非佢曳曳，就罰佢無得聽，佢好鐘意聽傢，故事傢細節佢都記得好清楚！平時我地同佢講過傢說話，佢亦記得好清楚，老師都話佢醒，不過我就發現佢對一d要死記傢野例如A B C 就末係記得好好，佢末叫做大瞻，但比一年前，一見陌生人就喊已經好左好多，起碼上堂會主動舉手答問題同參與，佢講說話都幾清晰。甘恩，唔知可唔可以俾d意見我，現階段我有乜野要再做好d呢？多謝！

作者: 甘恩 時間: 13-11-28 21:11

edpo 發表於 13-11-27 22:47
我的小朋友三歲多，我也走緊你這條路，他覺得外出上活動班是獎勵，這些班全是他有份選擇，一起報名，晚上講 ...

加油！感覺真的像兩年前我的囝囝，只要繼續走下去，小一面試對你的囝囝應該不難。記得英文外，中、數都緊要，若能培養他中英數都有興趣，便十分成功。

作者: 樹熊包包 時間: 13-11-28 21:59 標題: 引用：Quote:原帖由+甘恩+於+13-11-26+發表最近大

原帖由 樹熊包包 於 13-11-28 發表
多謝甘恩的好文! 我十分同意你的講法！我每晩都會講最少2本故事書，除非佢曳曳，就罰佢無得聽，佢好鐘意聽 ...

Sorry. 唔記得講小女今年K1, 但A B C 等字母都唔係好記到，有小小擔心

作者: 魚王 時間: 13-11-28 22:30 標題: 回覆：教養小朋友的小小心得

入了心儀小學才是遊戲的開始！慢長的歲月，有排行！現在得失不緊要，將來大把還在前面，大仔升上小一，考小一的失敗己忘了，看着他成長，才感實在！

作者: 甘恩 時間: 13-11-28 23:01

回覆 daidai 的帖子

你囝囝小三看金庸作品，還看得津津有味。老實說，不是資優生是不可能做到。不知你會否考慮用金庸作品作為幫助囝囝提升中文水平的橋樑呢？

作者: 甘恩 時間: 13-11-28 23:04

本帖最後由甘恩於 13-11-28 23:05 編輯

回覆樹熊包包的帖子

已發短訊給你。始終每個小朋友特質不同，不能用單一方法。若發覺有一方法可行，亦唔好行得太急，小朋友要慢慢適應。

作者: hadwinboy 時間: 13-11-29 00:26 標題: 引用：回覆+nicee+的帖子個人覺得「谷」呢個詞

原帖由甘恩於 13-11-27 發表
回覆 nicee 的帖子

個人覺得「谷」呢個詞語好負面，我認為小朋友不喜歡，家長迫小朋友做先叫做谷。如果小 ...

小一上堂時會悶而冇心機上嗎? 好多小一數學由1-10加數開始教。

作者: eviepa 時間: 13-11-29 11:58

謝謝分享。

家庭對孩子的影響遠大於學校。

作者: daidai 時間: 13-11-29 15:42

本帖最後由 daidai 於 13-11-29 17:53 編輯

bobbob

謝謝你的提點, 中華英雄是馬榮成所編繪的武打漫畫, 爸爸把小說版加入電子書內, 給自己看的, 後來囝囝也跟住睇..... 一直以來囝囝自己選書看, 不是兒童不宜的, 我也不會干預, 好讓他多看不同種類的書

甘恩
囝囝睇金庸小說, 我不是刻意安排的, 亦冇諗過他有興趣睇下去, 畢竟只是小三學生, 咁多文字的小說, 好多小朋友已把他放在一旁, 暫時他能夠找到閱讀的樂趣已足夠, 我觀察到囝囝閱書能力不段在提升, 小一時他鐘意看科學, 太陽系, 恐龍, 火箭, 太空人的書, 之後係三國演義, 西遊記, 水滸傳, 中國皇帝和歷史的書籍, 到現在看金庸小說, 對比英文書他比較少看, 要諗方法改善

至於數學, 我没有給他上什麼課程, 幼稚園時帶他到超市買野時教加減數, 當中已接觸到乘數和除數, 再買一些補充練習就可以已學懂加減乘除, 乘數表跟學校小二先背熟, 我睇過小學數學課程, 我相信好多父母都可以親自教導的, 應用題多做幾條練習已可應付, 若小朋友數學思維強, 建議小二暑假開始學奧數, 好多學校出卷會加插幾條奧數題目, 要攞100分就睇小朋友有幾多斤兩,

分享學校小二時出過的類似題目,
1. AB-BA=25, 問 A?, B? (A,B 數值是1-9之內)
2. 有竹枝15支及泥膠10粒, 可剛好製造一個錐體和一個柱體, 請問可制造出甚麼錐體和柱體呢?
要寫埋過程才可攞足分數, 若果小朋友靠背/記先識計數, 以上兩題已考起他了

作者: 甘恩 時間: 13-11-29 22:27

回覆 daidai 的帖子

真的感謝你對數學的提點，其實半年前打算不讓囝囝學公文數，因我都覺只是不停做，欠理解。但見囝囝又做得Ok,問佢辛唔辛苦，佢又話唔辛苦，所以一直做到而家。其實我覺得奧數好玩啲。

作者: alicekeith 時間: 13-12-3 19:27

edpo 發表於 13-11-27 22:47
我的小朋友三歲多，我也走緊你這條路，他覺得外出上活動班是獎勵，這些班全是他有份選擇，一起報名，晚上講 ...

小女就快兩歲半，在學校都有學phonics. 想問問，當佢地讀到英文書的內容出嚟，佢地明唔明白呢？

作者: picture 時間: 13-12-3 20:55 標題: 引用：最近大家都尋找小一面試成功秘訣，我的小朋

原帖由甘恩於 13-11-26 發表
最近大家都尋找小一面試成功秘訣，我的小朋友表現不算突出，聖保羅男女及拔萃都未能進入下一輪，幸好其他學 ...

Thank you
我也在努力中

作者: kennies18 時間: 13-12-4 19:20

甘恩: 囡兒現26個月，習慣睡前床上一起看書。一向喜歡坐我膝上聽及翻書，但近期要求自己看一本，很快翻看又另一本。我中途插入說故事她不准，又翻得快冇次序我難以講說。她會派給我一本，我照講/讀，很快又給她搶過去。如何是好呢？隨她喜歡，喜歡看書便可，OK嗎？

作者: 甘恩 時間: 13-12-4 20:29

kennies18 發表於 13-12-4 19:20
甘恩: 囡兒現26個月，習慣睡前床上一起看書。一向喜歡坐我膝上聽及翻書，但近期要求自己看一本，很快翻看又 ...

唔好阻止佢，佢咁細個唔識分你為什麼阻止佢。如果因為咁可能得不償失。如果得咁細個人仔，睇書目的唔係要認字，最重要係培養興趣和習慣，任佢睇啦。如果想佢認字，可以睇一些學單字的書，一樣可以學好詞語。

作者: halflower 時間: 14-4-4 21:53 標題: 回覆：甘恩的帖子

提示: 作者被禁止或刪除內容自動屏蔽

作者: chung0731 時間: 14-4-4 23:27 標題: 回覆：甘恩的帖子

你好，想請教你小朋友的數學是你自己教還是出去補習呢？我現在自己教(已懂三位加減及文字理解題)但又驚未能應付小一面試

作者: edpo 時間: 14-4-4 23:56 標題: 回覆：alicekeith 的帖子

我亞仔的phonics並未學晒，但其實識讀之前，佢已對英文的基本生活用語明白，所以不存在著解釋問題，重點係，我地仲會陪讀，在過程中仲會解說，所以仍然是不停在吸收

作者: 甘恩 時間: 14-4-5 00:23

chung0731 發表於 14-4-4 23:27
你好，想請教你小朋友的數學是你自己教還是出去補習呢？我現在自己教(已懂三位加減及文字理解題)但又驚未能 ...

我的囝囝是學公文數。若你的小朋友已懂得三位數加減及文字題，足夠應付了。如果可教六個蘋果三個小朋友分，每人分得幾個等簡單乘數題會更好。

作者: lamlamfei 時間: 14-4-5 00:38

Thanks for sharing.
My gal is now K2. Can read ORT stage 6 but I personally think that stage 4 and 5 are more suitable at her age.
Do you all have any suggestions of books similar to ORT stage 4-5?
Thanks

作者: 甘恩 時間: 14-4-5 09:13

lamlamfei 發表於 14-4-5 00:38
Thanks for sharing.
My gal is now K2. Can read ORT stage 6 but I personally think that stage 4 and ...

其實你會唔會考慮，stage5可讓小朋友自己看，而stage6或以上的則陪讀，小朋友如果不明白，可以即時解釋。

作者: 甘恩 時間: 14-4-5 23:54

edpo 發表於 14-4-4 23:56
我亞仔的phonics並未學晒，但其實識讀之前，佢已對英文的基本生活用語明白，所以不存在著解釋問題，重點係 ...

陪讀真的十分有用，這是培養小朋友喜歡閱讀最有效方法。

作者: cherrieshum 時間: 14-4-6 00:15 標題: 回覆：教養小朋友的小小心得

你的小孩真是好叻！

我覺得我阿女都不錯，但你阿仔更高幾班！
阿女都看完oxford tree stage 9
，但大多都是我讀給她聽，我想她可以自己朗讀到stage 7左右，她不肯讀stage 9的書籍。現在沈迷mr men and little miss系列，差不多全套讀畢，不過多是我讀給她聽，她不斷自言自語講故事內容。
你阿仔真聰明，已經懂得加減乘除; 我阿女只會雙位數加減！

作者: 甘恩 時間: 14-4-6 15:21

cherrieshum 發表於 14-4-6 00:15
你的小孩真是好叻！我覺得我阿女都不錯，但你阿仔更高幾班！
阿女都看完oxford tree stage 9
...

陪讀看深一些的並不要緊，反而藉這個機會教英文及中文。另揀他喜歡的書種亦有很大幫助。現在囝囝陪讀時間，英文看Horrid Henry故事，已不看圖畫；而中文則看兒童西遊記。真不要小看小朋友的閱讀能力。

作者: Bear999 時間: 14-4-7 22:13

想請教k1小朋友的中文書目。

作者: little_yolky 時間: 14-4-8 10:24

真係唔明白同一個方法點解會有咁大出入！

我當然也是從小就有講故仔, 大啲就伴讀。但阿細已經K2, 雖然可以專注看一小時事, 不過, 係看一小時書入面既公仔！

佢真係大字都唔識得幾多個, 睇完書就作故仔我聽, 最鐘意睇爸爸細個時本牛仔, 因為無字, 得公仔, 佢講乜都得。唉！

去買玩具, 揀啲益智既俾佢, 佢又唔鐘意玩, 剩係揀埋啲無聊芭B, 變身棒。近排仲衰到同我講鐘意玩blue tack, 張啲鬼畫符痴到成屋都係。問佢媽媽有一日假期, 你想媽媽陪你做乜, 佢就一定答：去公園, 係標準答案。我話落雨喎, 佢就話留响屋企砌城堡。我最憎砌puzzle, 最憎砌積木, 整到間屋鬼咁亂, 佢就剩係鐘意呢啲, 越亂越開心, 又唔見佢自己主動攞本書出嚟睇下。唉！

作者: picture 時間: 14-4-8 13:01 標題: 回覆：教養小朋友的小小心得

知道你小朋友也是Victoria 想問一下在小孩班裡閱讀能力這麽高的是少數還是大多數。

學校有冇further support.

作者: 甘恩 時間: 14-4-8 16:30

picture 發表於 14-4-8 13:01
知道你小朋友也是Victoria 想問一下在小孩班裡閱讀能力這麽高的是少數還是大多數。

據老師表示，囝囝閱讀能力較一般同齡小朋友高，但肯定不是唯一一個。每一班應該有數人閱讀能力比較高。而我欣賞學校的做法是將不同能力的小朋友分組學習，能力較高的一組設定的學習目標及要求會較高，另外，老師亦會根據學生的能力每星期派一本英文書回家閱讀，囝囝喜歡看Horrid Henry的書，正是老師要求囝囝看，他一看便喜歡。

作者: picture 時間: 14-4-8 17:40 標題: 引用：Quote:picture+發表於+14-4-8+13:01+知道你

原帖由甘恩於 14-04-08 發表
據老師表示，囝囝閱讀能力較一般同齡小朋友高，但肯定不是唯一一個。每一班應該有數人閱讀能力比較高。而我 ...

Thanks是Guided reading program?

The teacher started my daughter recently too

作者: picture 時間: 14-4-8 17:41 標題: 引用：Quote:picture+發表於+14-4-8+13:01+知道你

原帖由甘恩於 14-04-08 發表
據老師表示，囝囝閱讀能力較一般同齡小朋友高，但肯定不是唯一一個。每一班應該有數人閱讀能力比較高。而我 ...

Were you requested to bring your son for ziQ test?

作者: Jane1983 時間: 14-4-8 17:54

本帖最後由 Jane1983 於 14-4-8 17:56 編輯

甘恩發表於 14-4-8 16:30
據老師表示，囝囝閱讀能力較一般同齡小朋友高，但肯定不是唯一一個。已每一班應該有數人閱讀能力比較高。而我 ...

維記教英文系做得好好，吾單只看書，英默亦分組，深果d真系好深吓。
我女英文好好，因為她好主動看吾同主題的video，詞彙豐富，但在班裏面，和她差不多的小朋友也有好幾個！有些已自發看很厚的chapter book

作者: 甘恩 時間: 14-4-8 18:46

picture 發表於 14-4-8 17:40
Thanks是Guided reading program?

The teacher started my daughter recently too

維記英文的reading program分三種，一種是小朋友自己揀書，根據活動指引寫不同的閱讀報告，由於是小朋友自己揀，可能會揀到程度較淺的英文書，大概兩星期一次。另外一種是老師依學生程度揀書俾小朋友，一星期一本，寫閱讀感受，如果老師俾兒童小說，則分Chapter完成報告。最後一種則定期一本英文書帶回家看，不用做功課，不知是否老師揀。所以維記英文書閱讀量真不少。

歡迎光臨教育王國 (/)