教育王國

標題: 高主教同玫瑰崗大家點揀？ [打印本頁]

作者: 月桂樹小姐 時間: 13-11-26 14:15 標題: 高主教同玫瑰崗大家點揀？

小朋友有呢2間am offer, 點揀好？

2間都有小學，但我最希望讀津校，而2間都係私小，所以就算幸運考到都未必會讀。

我小朋友如讀高主教都啱佢讀嘅，比較穩定有條理。但我覺得玫瑰崗好似語言好啲。。

玫瑰崗家長可唔可以分享你喜歡佢啲咩，同埋有咩覺得不足。。。學術方面夠唔夠升小學？

作者: salsalee 時間: 13-11-26 14:27 標題: 回覆：高主教同玫瑰崗大家點揀？

仔Or女？

作者: figo10 時間: 13-11-26 15:33 標題: 回覆：高主教同玫瑰崗大家點揀？

高主教中學band one,玫瑰崗中學band three,睇你諗唔諗住讀上去

作者: catcle 時間: 13-11-26 15:59

如果你唔諗讀上去, 小學讀津校, 咁我會揀玫瑰崗. 因為學費佢2014年都係$2,300, 高主教今年已經係$3,9xx, 出年肯定係$4,xxx. 雖然兩間都係中文為主, 但玫瑰崗係偏重英文, 高主教係更偏重中文. 玫瑰崗重有spanish同蒙特利梳. 課程比高主教豐富. 如果小學係諗派位, 我會留多d錢比小朋友出去學其他野. 玫瑰崗學術係好好, 涵接小學一d都冇問題. 而且英文讀高人地1年. 讀高主教都係因為想一條龍上佢小學. 如果你唔諗, 我會偏向揀學費平d.

作者: winpuf 時間: 13-11-27 00:35 標題: 引用：小朋友有呢2間am+offer,+點揀好？+ 2間都

原帖由 月桂樹小姐 於 13-11-26 發表
小朋友有呢2間am offer, 點揀好？

2間都有小學，但我最希望讀津校，而2間都係私小，所以就算幸運考到都未 ...

我都有玫瑰崗AM offer, 都考慮緊佢地學術同上小一問題!

作者: 月桂樹小姐 時間: 13-11-27 14:37

回覆 catcle 的帖子

其實玫瑰崗係咪HAPPY SHOOL? 佢多唔多寫字呢？紀律嚴嗎？

實在比高主教真係平一節, 係好吸引...如果唔出去學英文, 係咪上小學都跟到呢？

聽你咁講, 課程都好吸引, 我好喜歡蒙特梭利教學, 老師有愛心嗎？

作者: happy2bbs 時間: 13-11-29 17:50

rhs部份老師有愛心, 課程都好, 不過實際其實唔係蒙特梭利教學, 只係一星期有一堂俾小朋友去玩吓蒙特梭利玩具咁~

同意上述講如果一條龍就高主教~
因為玫小都唔平的~

作者: feiji 時間: 13-11-30 21:45 標題: 引用：回覆+catcle+的帖子其實玫瑰崗係咪HAPPY+

原帖由 月桂樹小姐 於 13-11-27 發表
回覆 catcle 的帖子

其實玫瑰崗係咪HAPPY SHOOL? 佢多唔多寫字呢？紀律嚴嗎？

玫瑰崗 K2 K3 功課量頗多，高主教的功課量則較適中。

作者: siukaipp 時間: 13-12-2 18:10

My friend's girl studied in RHS K3, she has 8 pieces of homework during weekend.

作者: bckobi 時間: 13-12-2 18:39

提示: 作者被禁止或刪除內容自動屏蔽

作者: annawong827 時間: 13-12-3 00:10

俾我感覺高幼無咩興趣班, 而玫幼就多姿多采, 高幼everyday都有英文堂,玫幼一星期只有兩日, 高幼升小唔知有幾多%可升到, 但可玫幼就90%仲可以自行考私校, 大抽獎, 最後又可返去玫小, 所以我都好頭痛.

月桂樹小姐, 你最後選邊間呀?

作者: yuenwaiho 時間: 13-12-3 00:28 標題: 回覆：annawong827 的帖子

提示: 作者被禁止或刪除內容自動屏蔽

作者: Siusammama 時間: 13-12-3 00:41 標題: 回覆：高主教同玫瑰崗大家點揀？

高主教of course

作者: 月桂樹小姐 時間: 13-12-3 09:04 標題: 回覆：annawong827 的帖子

其實學費平都係玫幼吸引我嘅到地，不過功課多到一日有8樣，我又覺得幼園生唔需要。。。bcboki.想知勸退資料來源係邊？如果係真咁佢語言幾好都無用，可唔可以講多啲點解會勸退學？

作者: 月桂樹小姐 時間: 13-12-3 09:05 標題: 回覆：月桂樹小姐的帖子

bckobi 先啱。。。。打錯名添

作者: cyhh 時間: 13-12-3 10:04 標題: 回覆：高主教同玫瑰崗大家點揀？

我係高幼家長，之前亦有玫幼offer。就高幼嘅課程，我係非常滿意嘅，教嘅常識好多，中文程度俾英文程度更深（英文其實k2已用k3書，而中文喺k2開學無耐已經寫詞語了），我唔知老師點教，但小朋友都無因為程度深而有學習問題。咁我都知道玫幼課程都係唔錯嘅，2間出去考私直都有一定競爭力。但高幼直上有一樣野好，就係萬一小學成績一般，直上85%高主教中學都仲係band 1英中。但玫小呢，我諗無咩人願意直上。。。所以比較過，如果高幼50%上高小（以有報嘅計，有d家長無報）同玫幼80%上玫小，我寧願揀高幼。

作者: cyhh 時間: 13-12-3 10:06 標題: 回覆：高主教同玫瑰崗大家點揀？

雖然你心目中係津校，但如果派得唔好，可能都會要私小offer嘛，咁2間私小都係有中學，自然要比較埋。

作者: happy2bbs 時間: 13-12-3 11:15

玫幼功課真係好多, k2上學期每日都已經2-3份~ 學校係谷的~ 每星期都要家長同學生做assessment, 不過都係開心既學校~

亦同意cyhh講, 如果想一條龍, 就真係揀高主教~ 中學好好多~
其實讀完呢d好既幼稚園, 到時心態就會想讀返私小或直資,
因為始終會欣賞私小/直資既教學模式多d~
所以有間好既私小同中學back up好緊要~

作者: cyhh 時間: 13-12-3 11:28 標題: 回覆：高主教同玫瑰崗大家點揀？

係架，有back up俾自己，到時唔揀又一回事。高幼k2嘅功課係每日2板寫字連畫圖，加一張工作紙，星期五就有埋閱讀報告。大概4星期學校會派一次評估表俾家長。

作者: manyjennifer 時間: 13-12-3 11:54 標題: 引用：係架，有back+up俾自己，到時唔揀又一回事

原帖由 cyhh 於 13-12-03 發表
係架，有back up俾自己，到時唔揀又一回事。高幼k2嘅功課係每日2板寫字連畫圖，加一張工作紙，星期五就有埋 ...

我囝都有2014 k1 offer，聽你咁講啲功課量真係有啲擔心小兒是否應付得來

作者: bckobi 時間: 13-12-3 12:45

提示: 作者被禁止或刪除內容自動屏蔽

作者: jenjenny 時間: 13-12-3 13:24 標題: 引用：回覆+catcle+的帖子其實玫瑰崗係咪HAPPY+

原帖由 月桂樹小姐 於 13-11-27 發表
回覆 catcle 的帖子

其實玫瑰崗係咪HAPPY SHOOL? 佢多唔多寫字呢？紀律嚴嗎？

如你喜歡蒙特梭利，rhs會適合你，雖然一星期只有一堂，但是這堂是正規蒙氏課程，老師亦是認可蒙特梭利老師。我以前上過蒙氏parent course及我女亦在pn前上過montesorri school,我就覺得學校提供的蒙特梭利課程很不錯，當然和正式蒙校如天后的International Montesorri School (學費過萬) 比較尚差很遠，但和一般幼稚園只提供教具及没有認可老師比較已好很多了，這亦是我揀玫幼原因。致於龍校，又是另一種考慮，龍校我會睇中學，中學當然是高主教好很多。不過如果你是打算抽津小，我認為玫幼較好，因課程較高幼豐富，學術又好，而且學費又平好多

作者: cyhh 時間: 13-12-3 14:18 標題: 引用：不過聽朋友講RCK2老師比K1老師嚴好多,+比較

原帖由 bckobi 於 13-12-03 發表
不過聽朋友講RCK2老師比K1老師嚴好多, 比較上K1老師和藹D, 實程係咪這樣?

咁我唔知k1老師係點呀，因為我係k2插班的。但老師係嚴，例如小朋友交漏功課（有做但交漏，因為有好幾樣野要自己拎出去交），第二日係唔可以去禮堂玩架，但當然唔會用個罰字，只係要佢地承擔後果，老師仲同佢地講下次交齊就可以玩了。咁我覺得係好嘅，我果個係仔，我中意嚴嘅學校

作者: feiji 時間: 13-12-3 15:33 標題: 回覆：高主教同玫瑰崗大家點揀？

要注意兩間的書簿費差很遠，以K2為例，去年玫幼$6000一年，高幼約$1600一年。其中有幾本中文書一樣，但高幼比玫幼便宜一半。我覺得高幼的學費雖然貴些，但其他收費（比如參觀活動、旅行等等）都很老實，也沒有遊學團、豪華畢業禮這些花巧而不切實際的東西，是一間平實而重德育的幼稚園。

歡迎光臨教育王國 (/)