教育王國
標題: 淺談幼稚園申請、面試、收生 [打印本頁]
作者: worldcat 時間: 13-11-25 13:37 標題: 淺談幼稚園申請、面試、收生
咁啱係早輪面試時遇到一位幾熟嘅舊同學、之後約左出黎食飯。係佢口中得知部分幼稚園收生流程就一齊分享下。
但首先、舊同學只做過三間幼稚園、唔代表全港幼稚園。之前係村校做過5年、宜家係一間較出名幼稚園做左差唔多5-6年。佢所講嘅都係自己所知、又方便講我知嘅野。
歡迎其他家長可以提供其他資料、但唔洗質疑我所打嘅野、因我只係純分享等其他家長有多啲資料。
申請篇之問題:
各種方式的好壞已經好多人討論, 又表達下同朋友討論後的意見.
排隊攞表 – 呢種方式係較多地區及細幼稚園採用. 個別地區排幾日幾夜係因為特殊因素, 睇到呢方面係申請潮後期已經有改善. 因為細幼稚園人手問題, 要限表限申請對校方黎講係有需要.
可郵遞/網上交申請表 – 呢種方法一般被較出名幼稚園採用. 自己愚見, 留意到收生比例(收生人數:申請人數)大約1:10~1:15的, 都會採用呢種方式. 因為交表人數都比較平均, 所以校方已經分配一定人手去處理收生事宜.
郵寄/下載攞表, 親身交表 – 可以留意下, 呢類學校9成係出名學校, 收生比例一般超過1:20, 部份到1:30或更多. 排隊交表可以話係學校第一輪甄選, 你可以話係誠意分. 但學校目的只係減少申請人數, 對交到表者係好安排, 相對就係壞安排. (啱定錯只在於你係咪受益者, 所以無意見.)
申請篇之解說:
1. 有關限表限量, 多數人都會覺得學校可以請人解決問題. 但問題係學校好難請一兩個TEMP只係做入學事宜. 第一係錢方面(非牟利、特別係學卷), 所有開支都要上報教育局, 任何額外開支都有機會唔批. 如果唔批或批唔足, 即係要係已批經費中扣減. 加上, 有無人做同應徵者信唔信得過都係一個問題(處理申請者資料私穏, 近距離接觸幼童). 最後接見學生同評分都係教師處理. 今年適齡兒童多所以多人話有問題, 但早幾年出生率低殺校時. 有幾多家長會唔讀名幼讀村校?
朋友的舊同事講, 有校長以前已經向教局提議中央設立報名系統再由學校以申請人數交返使用費, 但教局覺得無必要/資源. 係今年後期出左事後, 教局先用資源做北區統一申請. (對唔太清楚IT者解說一下, 軟件同硬件上的配合並非想像中咁易. 唔係係電話裝個APPS就可以用, 當中包括好多技術支援同配套.)
2. 郵遞/網上交表 – 多數會係每年有一定申請量的學校先會咁做. 因為係人手同硬件都會比較穏定, 就算適齡兒童人數低都無乜影響. 所以一般安排都會較流暢. 另外就係家長心態, 名幼排一兩個鐘都無所謂, 村校就排一分鐘都嚴多。
3. 最後無限額但要求親身交表, 大部分都係好出名學校或龍校. 家長可以話學校大牌, 但個人唔否認排隊可以減少報名人數. 要知道學額有限, 當申請人數高於一定數目, 再多都只會產生混亂和影響整體運作. 要明白現今社會交通/資訊發達, 如果唔設少少限制, 跨區(講緊係NT, KLN, HK ISLAND)多更誇張, 對小朋友壓力更加大.
之後再淺談有關面試同收生問題.
作者: worldcat 時間: 13-11-25 13:37
本帖最後由 worldcat 於 13-11-25 14:09 編輯
面試篇:本人見識少、只知大至上面試型式有以下幾種。
1. 唔洗小朋友面試、部份以育兒為主、出世就可以開始排隊。一般有位會見下家長同小朋友、無特別問題就會收。同時、好多國際學校都係唔洗面試、有$有面就得。
2. Group in, 主要係抽一部份學生出黎2nd in。但呢兩年申請人較多所以學校傾向in一次。宜家係比較少幼稚園採用。其中主重係小朋友環境嘅反應同性格(一般會in得比較耐).
3. pk賽 兩個小朋友一齊in。 據朋友所講、唔係答得多同啱就得、老師會觀察小朋友a答題時、小朋友b嘅反應、觀察能力。同時更重要嘅係家長反應、自己小朋友比其他小朋友好/差時、家長有乜態度!? 點樣係好無絶對嘅答案、因為間間學校標準唔同。一般重學術會揀啲"主動"家庭、happy school就喜歡較"純"嘅家庭。以朋友今年學校收生就主重"合作"嘅家庭。但如果小朋友比較少同其他小朋友一齊活動會較輸蝕。
4. 最簡單1:1, 老師都係想認下小朋友嘅認知能力、反應。其實同兩個學生一齊in無乜分別、只係跟學校傳統多。
作者: worldcat 時間: 13-11-25 13:37
本帖最後由 worldcat 於 13-11-25 16:45 編輯
收生篇:做家長講乜都假、最關心嘅緊係點先可以被學校取錄。
同得在職幼教人員傾計、緊係問下有乜貼士。但唔好意思、佢自己都話睇彩數多於一齊。
唔係喎! 有家長話識人有著數、但真係睇下你識邊個。你話識校長/副校可能有用、但識普通教師作用都係只有少少幫作。
而且再傾落去已經知係無公平呢樣野。
以佢所教過幾間學校同佢所知嘅學校收生流程會係:
1. 面試評分中、小朋友會分大約8-10項、認知、反應、禮貌等。佢經驗都係只俾ranking、唔係俾marking. 即係類似做到、提示後做到、有反應但做唔到、無反應etc. 當然每一個ranking都代表一個分數、但唔係100滿分果種。
2. 家庭分但唔係講有無錢住邊、而係講面試時家長外觀談話感覺。朋友宜家果間幼稚園較出名、佢地對家長嘅評分係佔一定分數。佢都話太強勢嘅家長唔會高分、太優都係一樣。
3. 十幾二十個老師一齊見、有好多評分都係好主觀。就算同一老師、唔同時間、日期都會有手鬆手緊嘅時候。唔同於小學/中考試、唔會有0.01分黎判斷小朋友能力高低。再加上眼緣分、更加無得計。
4. 見完學生、老師會俾個總ranking. 以佢間學校今年分5個ranks、大約係咁分
A. 小朋友+家長、表現好好。
B. 小朋友 或 家長、一邊好好一邊合格。
C. 小朋友+家長, 表現合格。
D. 小朋友好好、但家長唔合格。
E. 未能歸類…..
首選當然係第一類、如似類推。可能第一類已經超額或到第二第三類唔夠位分咁點算!? 唯有靠最公平或最唔公平或少少公平嘅方法。一係校長揀(校長點揀無人知), 一係幾位資深教師小組揀出黎、但當中都有運數成份。相信無家長會天真到認為係呢個情況下校長/老師仲會張張申請review一次、或多或少都係先抽先得。
最後、waiting都有兩種、一種係學校有位會優先考慮(如rank a), 另一種係合格但相對低rank申請。所以求位信有無用好睇本身已有嘅rank.
呢個post唔係代表乜野、只係分享下玩法。就算暫時未有offer, 都未必係小朋友問題。
作者: florence.lau 時間: 13-11-25 15:34
interested to know.
作者: WinnieCatCat 時間: 13-11-25 15:47 標題: 回覆：淺談幼稚園申請、面試、收生
解釋得好好呀，等你再分享
作者: sheryl.lam 時間: 13-11-25 16:12
多謝分享
作者: Mrs.Luckycat 時間: 13-11-25 16:46 標題: 回覆：淺談幼稚園申請、面試、收生
多謝分享。Good topic
作者: mountain220 時間: 13-11-25 16:50 標題: 回覆：淺談幼稚園申請、面試、收生
Nice! Thx for your sharing!!!!
作者: DCMaMe 時間: 13-11-25 17:03
Can't agree more !!!
其實每所學校都有自己收生的取向，係一個matching game 加運氣。入唔到唔等如小朋友唔叻，可能係運氣差左D。
不過見近年有D家長好喜歡投訴，抱住唔好的心態，小朋友自然IN得唔好，家長或多或少面試時可能亦會流露出來。
平常心，我相信每所學校都希望培育小孩的！
作者: worldcat 時間: 13-11-25 17:23
本帖最後由 worldcat 於 13-11-25 17:25 編輯
DCMaMe 發表於 13-11-25 17:03 
Can't agree more !!!
其實每所學校都有自己收生的取向，係一個matching game 加運氣。入唔到唔等如小朋友 ...
係呀、朋友都話騎呢家長真係唔少、特別係早排俾人標籤果一代(即係我呢代
).
越後生嘅家長、諗法越難明。我只係窒左佢一句、我地呢啲老野係唔會明。
有啲例子真係笑死人。
作者: corachanyy 時間: 13-11-25 19:59 標題: 回覆：淺談幼稚園申請、面試、收生
最常見D家長話自己小朋友識晒（有D可能話只有少少唔識）但唔明點解冇offer，跟住一輪勁插…
每次見到呢D po我都會諗個家長真係唔明自己衰乜，或接受唔到同Rank嘅人太多，表現好都未必收得晒呢個事實囉！
作者: Connie97 時間: 13-11-25 20:05 標題: 引用：最常見D家長話自己小朋友識晒（有D可能話只
原帖由 corachanyy 於 13-11-25 發表
最常見D家長話自己小朋友識晒（有D可能話只有少少唔識）但唔明點解冇offer，跟住一輪勁插…
每次見到呢D p ...
作者: Sso2011 時間: 13-11-25 20:40
Good sharing. thanks.
作者: ronlui 時間: 13-11-25 21:29 標題: 回覆：淺談幼稚園申請、面試、收生
分析得很好謝分享！
作者: vvann 時間: 13-11-25 23:55 標題: 引用：最常見D家長話自己小朋友識晒（有D可能話只
原帖由 corachanyy 於 13-11-25 發表
最常見D家長話自己小朋友識晒（有D可能話只有少少唔識）但唔明點解冇offer，跟住一輪勁插…
每次見到呢D p ...
作者: oooasis 時間: 13-11-26 00:16
我自己經驗，錄取與否同小朋友／家長表現，係絕對有關係的。
而且每間學校有自己的偏好，有d喜歡活潑型，有d喜歡斯文型，有d純粹注重學生表現，有d卻觀察家長行為。
當然一次兩次成敗唔代表d咩。
但如果次次都話自己表現好好，但不獲錄取，就要檢討下，而唔係一味鬧學校有眼無珠。
作者: bonbon1220 時間: 13-11-26 00:55 標題: 回覆：淺談幼稚園申請、面試、收生
很同意 
作者: Elau719 時間: 13-11-26 01:06 標題: 回覆：淺談幼稚園申請、面試、收生
我今年都是買得最多六合彩了，等派彩!咁想問老師會見到小朋友著到去飲咁會加分嗎?(我們每次都causal wear會唔會無分呢?)
作者: xoshan1025 時間: 13-11-26 08:15 標題: 引用：最常見D家長話自己小朋友識晒（有D可能話只
原帖由 corachanyy 於 13-11-25 發表
最常見D家長話自己小朋友識晒（有D可能話只有少少唔識）但唔明點解冇offer，跟住一輪勁插…
每次見到呢D p ...
作者: leyland88 時間: 13-11-26 11:28 標題: 回覆：xoshan1025 的帖子
作者: cherrybeepbeep 時間: 13-11-26 11:48
corachanyy 發表於 13-11-25 19:59
最常見D家長話自己小朋友識晒（有D可能話只有少少唔識）但唔明點解冇offer，跟住一輪勁插…
每次見到呢D p ...
冇錯冇錯, 我覺得唔係答晒就要人地一定收, 好可能當中有d家長留意唔到嘅細節扣咗分
, 又或者, 個老師一眼已經feel到你係個麻煩家長呢
無論如何, 都係一個緣分遊戲, 我相信過程中, 大人同小朋友一定有得著的, 平常心, 平常心
作者: joeyhui622 時間: 13-11-26 11:52
Thanks for sharing !
作者: ngchuklam 時間: 13-11-26 12:26 標題: 引用：最常見D家長話自己小朋友識晒（有D可能話只
原帖由 corachanyy 於 13-11-25 發表
最常見D家長話自己小朋友識晒（有D可能話只有少少唔識）但唔明點解冇offer，跟住一輪勁插…
每次見到呢D p ...
作者: worldcat 時間: 13-11-26 12:39
Elau719 發表於 13-11-26 01:06
我今年都是買得最多六合彩了，等派彩!咁想問老師會見到小朋友著到去飲咁會加分嗎?(我們每次都causal wear會 ...
正正常常就得、當然大人小朋友都唔好casual到背心短褲人字拖。
著到飲咁唔會加分、但公主皇子衫會減分。
作者: worldcat 時間: 13-11-26 12:49
cherrybeepbeep 發表於 13-11-26 11:48
冇錯冇錯, 我覺得唔係答晒就要人地一定收, 好可能當中有d家長留意唔到嘅細節扣咗分, 又 ...
所以可以的話試下由另一位家長帶。
自己原本兩公婆一人in一半學校、只係玩玩下。但朋友話係好嫁、因為有時人自己嘅小動作真係自己唔知。認識得嘅人會覺得無乜大不了、但對第一次見面嘅老師黎講可能會有唔好嘅感覺。自己做例子、佢話我成日講野前話反一下眼(眼珠望一望天), 如果唔係識得耐、佢都有感覺我係咪作緊故仔做回答。
作者: pisontam 時間: 13-11-26 13:10
thanks so much for sharing! 令我領略唔少!!
作者: annayu 時間: 13-11-26 13:46 標題: 引用：Quote:原帖由+corachanyy+於+13-11-25+發表
原帖由 xoshan1025 於 13-11-26 發表
但唔少家長係咁，叉輪柱到一定要收個小朋友咁
作者: KOALASHAU 時間: 13-11-26 16:46
睇到呢度都好想分享吓，唔係識晒一定收，亦都唔一定唔識就唔收。我覺得除左有一定運氣之外，小朋友同家長既質素都係一個好重要原因。
我同小女上星期到救恩面試，一間房有差不多8-10個小朋友，老師叫小朋友們係地墊上面玩玩具，其中一個我估係超大B(因為佢高我女半個頭有多，但我女算偏高嗰個)既男仔走去玩度門，佢家長企係後面無出聲，直至老師見到出聲阻止佢，話怕佢夾親，佢亞媽先拉開佢。跟住個小朋友又攪課室入面部CD機同CD
，佢亞媽仍然企係後面唔出聲。
到所有小朋友完成單對單面試，一齊坐係地墊上聽故事時間(家長企開一邊)，老師問小朋友識唔識一齊舉手，呢個超B大小朋友既亞媽終於出手，佢好大聲叫：XX(佢個仔個名)，怄啲舉手啦，你識舉手架，快啲舉啦.......(下刪十數字)！！
因為佢仲大聲過個老師講故事，差不多所有小朋友(除左佢個仔)都擰轉頭望住佢，比佢把聲吸引左去...
我諗呢位小朋友單對單面試時IN到識飛都無用囉，係咪有學校會喜歡收呢類家長呢？我都好懷疑
作者: worldcat 時間: 13-11-26 17:21
KOALASHAU 發表於 13-11-26 16:46
睇到呢度都好想分享吓，唔係識晒一定收，亦都唔一定唔識就唔收。我覺得除左有一定運氣之外，小朋友同家長既 ...
可能有結果後、你會見到個post話救恩差。
自己個仔全部答啱、group in只有佢識舉手、但學校都唔收。
作者: sweetsugarapple 時間: 13-11-26 17:30
我身邊既朋友, 其中一位考PN, 個B lur地同喊, 有pm offer。另一位又係喊同lur, 又有k1 offer。所以真係唔知佢地點收生。收佢地既學校雖然唔係sc kv level, 但都係好多家長都識既kg。
作者: terrybk 時間: 13-11-26 17:30
謝謝分享！
作者: KOALASHAU 時間: 13-11-26 17:33
worldcat 發表於 13-11-26 17:21
可能有結果後、你會見到個post話救恩差。
自己個仔全部答啱、group in只有佢識舉手、但學校都唔收 ...
GROUP IN時佢個仔無舉到手呀，得佢個仔無擰轉頭望佢咋(可能都見怪不怪、費事睬佢)，其他小朋友、老師加埋家長都一齊望住佢就真。如果咁啱比我知救恩收左呢個小朋友，我諗我唔會比個女讀囉，不喜勿插
作者: KOALASHAU 時間: 13-11-26 17:38
我都見SC有家長話佢小朋友十問九唔應，又攞錯玩具比老師，更加唔肯唱歌都收左PM。但有時都係時也運也，只能講個小朋友有某啲特質係學校想要既而咁啱又比老師睇到。我都係咁安慰自己(我囡SC係WAITING)。
作者: rgalc 時間: 13-11-26 17:49
提示: 作者被禁止或刪除 內容自動屏蔽
作者: Fion_Wu 時間: 13-11-26 17:58
謝謝分享
作者: 6903658 時間: 13-11-26 22:29
回覆 rgalc 的帖子
你講到我心聲啊！
作者: 6903658 時間: 13-11-26 22:33
KOALASHAU 發表於 13-11-26 17:38
我都見SC有家長話佢小朋友十問九唔應，又攞錯玩具比老師，更加唔肯唱歌都收左PM。但有時都係時也運也，只能 ...
作者: kvvvcheung 時間: 13-11-27 00:41 標題: 回覆：淺談幼稚園申請、面試、收生
謝謝分享
作者: YS_mommy 時間: 13-11-27 00:56 標題: 回覆：6903658 的帖子
所以我好奇怪，佢地靠人事定玩化我們!
作者: Ada~kwong 時間: 13-11-27 01:40
嘩！原來是甘樣，多謝分享
作者: lionivy 時間: 13-11-27 11:28
我都分享一下面試所見所聞，最怕面試見老師前的自由玩玩具時段，一來唔知要等幾耐，大人也等到很悶，要keep住老細好心情唔易，有些家長見冇老師在場會放任小朋友搶人玩具四圍走，自己玩手機打發時間，像怕得罪老細一陣心請不好影響面試，到真正面試開始叮一聲家長小朋友合作得很，無言。
作者: KOALASHAU 時間: 13-11-27 12:11
lionivy 發表於 13-11-27 11:28
我都分享一下面試所見所聞，最怕面試見老師前的自由玩玩具時段，一來唔知要等幾耐，大人也等到很悶，要keep ...
作者: dogudiva 時間: 13-11-27 12:24
樓主, 靚post!!
作者: Ichikobaby 時間: 13-11-27 12:29
作者: chywong 時間: 13-11-27 12:42
我同亞女考左兩年, 無數reject, 唔知衰d乜, 最初都覺得hurt, 不過睇開d就冇乜野.
其實猛咁估點解唔收都冇用, 主觀評分冇得解釋, 間間學校都有自己preference. 人夾人緣, 隨緣囉! 
最緊要唔好怪小朋友表現 (兩三歲你想佢點啫?!) or 怪自己冇$$$ 
| 歡迎光臨 教育王國 (/) |
Powered by Discuz! X1.5 |