教育王國

標題: 今年有沒有人20分收左? [打印本頁]

作者: bbgirllee 時間: 13-11-25 10:33 標題: 今年有沒有人20分收左?

如題?

作者: myfatgal 時間: 13-11-25 10:37 標題: 回覆：今年有沒有人20分收左

有！

作者: 進爸爸 時間: 13-11-25 11:06

本帖最後由進爸爸於 13-11-25 11:10 編輯

過去幾年，20分中，機會不高，因為近幾年20分都要抽。

如今年20分考入，實在可喜！

作者: babyjoshua 時間: 13-11-29 22:50 標題: 回覆：今年有沒有人20分收左

咁少人20分入咗？

作者: terencechanhkhk 時間: 14-2-5 10:49

回覆 babyjoshua 的帖子

小女20分入o左........感恩!!

作者: 進爸爸 時間: 14-2-9 00:26

恭喜！確是"感恩了"。因20分成功機會其實好低。....

作者: summertown 時間: 14-7-30 19:24 標題: 引用：恭喜！確是"感恩了"。因20分成功機會其實好

原帖由 進爸爸 於 14-02-09 發表
恭喜！確是"感恩了"。因20分成功機會其實好低。....

我都知20分機會是低的，機會率似抽獎咁。但係自行係咪應該放最愛最心儀，而唔係放所謂的穩入的呢？

作者: terencechanhkhk 時間: 14-7-31 11:35

本帖最後由 terencechanhkhk 於 14-7-31 11:35 編輯

回覆 summertown 的帖子

好難俾意見你的...........因為又唔知你想抽邊間? 所謂穩入果D又係指邊D呢? 最重要係俾意見容易, 但最終結果都係要你地自己評估, 你地自己面對............所以你地都係自己諗清楚好D......
我選循道學校當然係間學校都幾好, 而且我又係住呢區, 我又係基督徒........我相信如果收, 係天父安排.......如果抽唔到, 相信係神覺得間學校唔o岩我個女........

作者: summertown 時間: 14-8-1 10:35

terencechanhkhk 發表於 14-7-31 11:35
回覆 summertown 的帖子

好難俾意見你的...........因為又唔知你想抽邊間? 所謂穩入果D又係指邊D呢? 最重 ...

想入就當然係想入循道學校啦，我都係基督徒，不過係誇區，最多只能做到1-1；
至於所謂「穩入」的想法，係因為有說來年競爭會更激烈，所以如想在自行已有一間自己可接受的學校在手，二十分就可能要選一些二線學校了。

撇開間學校係迷適合小朋友呢個大前提，近來呢個「最心儀」和「穩入」的迷思，常在我腦中盤旋，煩！

作者: terencechanhkhk 時間: 14-8-1 15:55

本帖最後由 terencechanhkhk 於 14-8-1 15:55 編輯

回覆 summertown 的帖子

的而且確, 所謂「心儀」和所謂「穩入」的選擇真係會攪到好多父母傻哂...........慶幸我真係一

朦查查的父親, 雖然都有報o左幾間私校直資, 但都係一隻手指數得哂 (算小吧), 因為我覺得去考

私校直資, 都係想要個backup而且當作一個經驗law.........係自行收o左我個女, 我先多d上o黎EK.........可能你會問我, 點解會選擇循道, 其實當初我地係想佢報協恩 (而且表都填好哂), 但交表前兩日, 偶然聽到有人提過, 唔係所有基督教小學都接受所有不同教會洗禮o既小朋友, 我先即刻打去協恩問, 原來佢真係只接受聖公會洗禮, 果d先計10分.......我地先即刻再去民政事務處攞表再填, 先填循道 (因

為盧龍光牧師真係一位好好o既牧者), 而且私教會有牧者的小朋友都係果度讀書畢業, 佢地都係好乖好有禮貌的小朋友~~~

或者咁講丫.......小朋友最終係入到邊間, 可能好好彩派得好, 可能好好咁有私小直資收, 亦可能唔好彩派o左去d比較冇咁出名o既學校..........但有樣野我深信係不變的, 就係天父會看顧佢, 佢會有最合適的安排!!!

如果你都係基督徒, 多D祈禱啦, 交俾神~~~

作者: 悠揚 時間: 14-8-4 09:25

回覆 terencechanhkhk 的帖子

同意神是會有安排的

我心儀循道, 但因得20分要抽, 機會不大, 而另一間基督教小學有25分但離家較遠, 我們決定先自行入了25分那一間, 因為一鳥在手, 無咁大壓力. 後來因女兒考到不錯的基督教私校加上離家較近, 我們都打算入讀, 但期間亦沒放棄, 預備女兒嘗試叩門.

最後, 我們叩門循道成功了!

作者: goodmorningsir 時間: 14-9-13 23:19 標題: 引用：回覆+terencechanhkhk+的帖子同意神是會

原帖由悠揚於 14-08-04 發表
回覆 terencechanhkhk 的帖子

同意神是會有安排的

我想問下，咁幾時叩門？要準備D咩？因為我又係得20分，但我囡下年先K3，想問定先！

作者: rabbit.melody 時間: 14-9-18 00:23 標題: 回覆：terencechanhkhk 的帖子

宗教分唔係 5 分咩？點解聖公會受洗會有 10 分？

作者: 悠揚 時間: 14-9-18 10:48

回覆 goodmorningsir 的帖子

叩門基本上同考直資私小一樣, 學術, 禮貌, 應對都要預備. 循道叩門有考做卷的, 小朋友要識睇題目. 老師有要求我女唱首歌.

作者: 030409 時間: 14-9-18 14:13

回覆悠揚的帖子

你們好，想請教各位，小兒快要交表，我地有20分，不過我不是31校網，少左一個大抽獎機會，到時扣門，係咪多數都有得interview?
見到今年報紙話油尖旺區欠1千多個學額，咁扣門位係咪少好多?

作者: 悠揚 時間: 14-9-18 14:19

不一定有得叩，會揀人見。

作者: 030409 時間: 14-9-18 14:26

回覆悠揚的帖子

其實真係好想知道佢會揀邊D人見?會唔會同讀邊一間幼稚園有關

作者: 悠揚 時間: 14-9-18 21:58

我認識叩門成功都來自不同 kg, 但確實較著重學術的幼稚園，比例上較多。

作者: MicFred 時間: 14-9-19 20:35

2019年起循中留50%俾循小,是否即少咗位俾自己人多咗位比其他學校呢?

作者: 悠揚 時間: 14-9-22 08:54

回覆 MicFred 的帖子

應是最少有50%, 即是將會收少些循小band 2 學生. 對比以往, 應是少左位比循小.

作者: MicFred 時間: 14-9-22 09:55

明白了,謝謝。

作者: terencechanhkhk 時間: 14-9-24 11:41

回覆 rabbit.melody 的帖子

丫......係喎.......手快快打錯.....你O岩係得5分......
即係:

申請學童是家庭中首名出生的子女。 5分

與該校的辦學團體有相同的宗教信仰。5分

適齡入學（即九月開學時年滿五歲八個月至七歲）。 10分

一共20分!!

歡迎光臨教育王國 (/)