教育王國

標題: 有感而發, 有冇人覺得原來學校都有黑暗一面？有冇公平可言 [打印本頁]

作者: ahirun 時間: 13-11-21 20:56 標題: 有感而發, 有冇人覺得原來學校都有黑暗一面？有冇公平可言

容許我喺度宣泄一下, 我就係因為同學校表達意思, (事緣因學校混亂做錯嘢影響到我)俾老師話我唔好咁多聲, 學校唔喜歡多出聲家長, 如果唔係會影響小朋友interview 結果, 初時我都唔信, 以為成間學校由一兩個人隻手遮天？只要小朋友in 得好便可, 結果到今日不得不相信, 連interview 唔出聲嘅小朋友都收咗, 而我。。。。？？
大家同一時期嘅家長, 唔好好似我咁傻, 唔好天真地信學校講歡迎發表意見, 唔係就好似我咁, 累咗小朋友, 我真係好唔安樂, 希望你哋唔好介意我咁講, 真的有某些學校係咁

作者: MissMusic 時間: 13-11-21 21:05 標題: 引用：容許我喺度宣泄一下,+我就係因為同學校表達

原帖由 ahirun 於 13-11-21 發表
容許我喺度宣泄一下, 我就係因為同學校表達意思, (事緣因學校混亂做錯嘢影響到我)俾老師話我唔好咁多聲, 學 ...

邊間？老師又會咁直接連扮野都廢事，真係估唔到。

作者: iamiris 時間: 13-11-21 21:09 標題: 回覆：ahirun 的帖子

開名

作者: salem8899 時間: 13-11-21 21:14 標題: 回覆：有感而發, 有冇人覺得原來學校都有黑暗一面？有冇公平可言

咁又唔好咁自責，可能同你無直接關係呢？
唔好話累左小朋友，佢有你錫係幸福嘅

不過面試係好奇，你以為做得好，佢就唔收。無心插柳，又反而收左。

作者: Holam920 時間: 13-11-21 21:14 標題: 回覆：有感而發, 有冇人覺得原來學校都有黑暗一面？有冇公平可言

其實呢個係好正常嘅情況，即係一盤正常生意咁諗，明知個客人麻煩，梗係唔要呢個客啦，又唔係無生意！

唔好以為真係有教無類呀！

作者: Holam920 時間: 13-11-21 21:15 標題: 回覆：有感而發, 有冇人覺得原來學校都有黑暗一面？有冇公平可言

不過咁直接講就奇怪d囉！

作者: siukeung37 時間: 13-11-21 21:17 標題: 回覆：有感而發, 有冇人覺得原來學校都有黑暗一面？有冇公平可言

會吾會你自己諗多左？

作者: ALOY 時間: 13-11-21 21:26

喺邊間學校來架？

作者: lilyrico 時間: 13-11-21 21:27

有人既地方，就會有黑暗。
因為人性係最黑暗！

作者: ahirun 時間: 13-11-21 21:28

唔係龍校, 只係荃灣
係真的咁同我講, 真係扮下嘢都冇, 個老師仲話你小朋友咁乖又有反應, 就算我哋唔收, 大把學校收
我小朋友interview 全部自動自覺答哂, 只係答唔到佢問船係去邊, 係咪真係答唔到船去邊就衰咗？
佢自己學校行政混亂做錯嘢我都唔可以問？連問一句都話我唔好多事

作者: cloudwingwing 時間: 13-11-21 21:29 標題: 回覆：有感而發, 有冇人覺得原來學校都有黑暗一面？有冇公平可言

唔收都好，第時學校處處針對你小朋友，你小朋友讀得唔開心仲麻煩。

作者: Cattdogg 時間: 13-11-21 21:32

老師叫你吾好甘多聲?我唸老師吾會甘講掛，佢都係打份工啫

作者: kiukiu1017 時間: 13-11-21 21:38 標題: 回覆：有感而發, 有冇人覺得原來學校都有黑暗一面？有冇公平可言

「學校混亂做錯野」可否詳述？要不這事很難判斷。

作者: ahirun 時間: 13-11-21 21:38

回覆 cloudwingwing 的帖子

你講得啱, 多謝你安慰係自己傻, 明知老師咁, 就係因為佢派位好, 仲同其他不滿家長講大家忍三年算

作者: joannec05 時間: 13-11-21 21:41 標題: 引用：有人既地方，就會有黑暗。因為人性係最黑暗

原帖由 lilyrico 於 13-11-21 發表
有人既地方，就會有黑暗。
因為人性係最黑暗！

沒有最黑暗。。。只有更黑暗。。。。。

作者: ahirun 時間: 13-11-21 21:46

我講嘅係真人真事, 一字不漏轉述, 唔信都冇辦法, 又冇錄音, 我已經好心痛自己多事累到個仔
到下星期我會同佢校長講, 因為佢上次連主任校長都唔俾我接觸, 我會問佢哋

作者: smallb2011 時間: 13-11-21 21:57

GREEN SHEEP?

作者: siukeung37 時間: 13-11-21 22:03 標題: 引用：回覆+cloudwingwing+的帖子你講得啱,+多

原帖由 ahirun 於 13-11-21 發表
回覆 cloudwingwing 的帖子

你講得啱, 多謝你安慰係自己傻, 明知老師咁, 就係因為佢派位好, 仲同其他不滿 ...

想問吓派位關幼稚園咩事？請指教

作者: Shirleyng428 時間: 13-11-21 22:15 標題: 回覆：有感而發, 有冇人覺得原來學校都有黑暗一面？有冇公平可言

好想知咩事？？？

作者: ahirun 時間: 13-11-21 22:15

只係佢有大部份學生派去區內好的小學, 因為校長同小學校長相熟, 寫信都好啲

作者: teambuilder 時間: 13-11-21 22:17

我諗個老師咁講都係善意提醒;你唔係interview的時候同老師講覺得學校行政混亂下話！咁真係唔太適合。

作者: ahirun 時間: 13-11-21 22:32

事緣我想報嘅學校, 當我交報名表時聽到有play group , 所以報咗名亦想了解下間學校, 我interview完 play group 話冇位要到九月, 我照等, 後來電話通知有位問我時間啱唔啱就去交錢,第一天上堂時我同另一位家長都不知道提早了15mins上堂, 沒人通知, 老師上堂亦好唔專業, 好混亂, 都算了, 我老公想俾小朋友下月再上堂, 後來先知20號前要交學費, 但老師21號先在上堂講, 我22號去交錢佢已經唔收, 然後話通告有寫20號交, 但我真的沒有人俾通告我, 我之後同老師講番, 問佢可唔可以睇我情況留返個位, 係你哋當初冇俾通告,可以問下主任嘛？佢問完同我講話如果我出聲就會影響我仔in k 1, 學校唔喜歡家長多意見, 佢仲話, 你個仔表現又乖又合作無謂影響佢, 不過就算我哋唔收佢, 你個仔大把學校收
之後連play group 都唔收, 係我傻以為k1 以小朋友表現收, 係我多事咗, 當初我唔係係咁爭取可能今日唔會咁

作者: littlefly 時間: 13-11-21 22:39 標題: 引用：事緣我想報嘅學校,+當我交報名表時聽到有pl

原帖由 ahirun 於 13-11-21 發表
事緣我想報嘅學校, 當我交報名表時聽到有play group , 所以報咗名亦想了解下間學校, 我interview完 pla ...

就樓主所言，間學校真係好混亂又大鼻，假如入咗都未必開心，唯有相信塞翁失馬焉知非福

作者: monkitkit 時間: 13-11-21 22:42 標題: 引用：事緣我想報嘅學校,+當我交報名表時聽到有pl

原帖由 ahirun 於 13-11-21 發表
事緣我想報嘅學校, 當我交報名表時聽到有play group , 所以報咗名亦想了解下間學校, 我interview完 pla ...

可以暗示下邊間幼稚園嗎？

作者: iapple 時間: 13-11-21 22:56 標題: 回覆：有感而發, 有冇人覺得原來學校都有黑暗一面？有冇公平可言

邊區架？

作者: 魚王 時間: 13-11-21 22:57 標題: 回覆：有感而發, 有冇人覺得原來學校都有黑暗一面？有冇公平可言

其實大部份幼稚園都係咁，in家長不是in小朋友。所以interview家長要除和些，唔好小朋友唔識就超緊張，家長不要問太尖銳的問題。小朋友不要好叻，只要没學習問題，乖更好。若同分，家庭背景好的優先。

作者: cloudwingwing 時間: 13-11-21 22:59 標題: 引用：事緣我想報嘅學校,+當我交報名表時聽到有pl

原帖由 ahirun 於 13-11-21 發表
事緣我想報嘅學校, 當我交報名表時聽到有play group , 所以報咗名亦想了解下間學校, 我interview完 pla ...

我覺得你叫老師問學校完全唔係一種投訴，只不過想學校了解番個情況而俾番個位你，如果呢啲都唔俾問，咁我一定唔會選呢啲學校，如果第時小朋友係學校有咩事，家長都唔可以了解？

作者: ahirun 時間: 13-11-21 23:05

回覆 teambuilder 的帖子

我更係唔會interview 講啲咁嘅嘢, 我明知個老師唔俾我反映, 明明佢做錯, 我仲要interview 嗰日唔該佢, 佢應都唔應我, 我仔同佢bye bye 都冇採, 唔駛咁吖我見完都知冇行, 係咪怕我話俾主任知

作者: ahirun 時間: 13-11-21 23:20

回覆 cloudwingwing 的帖子

我當初都好似你咁諗, 估唔到佢咁應我, 講到咁嚴重, 原來連講都唔俾講, 問都唔好問, 我只係話係你哋學校疏忽咗我, 唔關我事,可以俾我小朋友讀番嘛？咁都叫我唔好讀, 你寧願唔好影響你小朋友

作者: ^GGmami^ 時間: 13-11-22 01:00 標題: 引用：回覆+cloudwingwing+的帖子我當初都好似

原帖由 ahirun 於 13-11-21 發表
回覆 cloudwingwing 的帖子

我當初都好似你咁諗, 估唔到佢咁應我, 講到咁嚴重, 原來連講都唔俾講, 問都唔 ...

始終唔響現場，唔知大家語氣，好難講對錯。但如果事實如你講咁，係咪應該慶幸佢地無收你個仔k1呢？問心，佢比offer你，你會唔會讀先？

作者: abby0624 時間: 13-11-22 11:25

算把啦，有錯唔敢認，用強勢壓人希望你收聲，呢啲學校唔讀都罷，無謂比佢教壞你小朋友

作者: vinng1 時間: 13-11-22 12:09

呢個世界點會有完全公平ga ....
esp 現在的香港.....

真實例子(不吐不快): 我報左間幼稚園,結果連waiting都冇,但我可以講個小朋友真係做足晒要求,有問必答,做晒老師的要求,都唔收!!!!
跟住後尾聽到個家長講,佢個仔interview時唔出聲,唔理老師,都收左,因佢識得校長主任,我真係好氣憤,對呢間學校好鄙視,而家比我都唔讀:;pppp:

作者: MAMAFUNG 時間: 13-11-22 13:01

其實間間都係咁識人優先，好似九龍塘st. 貓咪又係明星仔女面試好唔好都實收.我相信小部分名额係睇面試表現，其餘係靠關係，兄弟姊妹優先，父母係舊生優先。

作者: 小兔子乖乖 時間: 13-11-22 13:10

回覆 ahirun 的帖子

行政混亂老師又系咁講呢D說話，你唔入呢間學校先系岩既。唔收更好啦

作者: ahirun 時間: 13-11-22 13:15

有個媽咪朋友, 佢就只報一間, (我諗現時嘅家長冇人夠膽啩), 因為佢屋企人學校揸車, 以佢所講入硬, 仲要報名表都係屋企人攞埋, 完全不用經歷我哋呢幾個月所受, 每個weekend 帶個仔去玩, post 上fb ,不用好似我哋每個星期六去interview, 等結果。仲要名校, 真係唔公平

作者: 天悅 時間: 13-11-22 13:26 標題: 回覆：有感而發, 有冇人覺得原來學校都有黑暗一面？有冇公平可言

請問可否pm我係邊間學校？我都係住荃灣的

作者: tc001039 時間: 13-11-22 14:41 標題: 回覆：有感而發, 有冇人覺得原來學校都有黑暗一面？有冇公平可言

如果間學校老師質素係咁，佢收你都唔好讀啦

作者: MAMAFUNG 時間: 13-11-22 14:59

我只知荃灣區聖X嘉有playgroup。咁係咪聖X嘉？

作者: poodlema 時間: 13-11-23 07:20 標題: 回覆：有感而發, 有冇人覺得原來學校都有黑暗一面？有冇公平可言

教育教不嬲黑暗，間間學校都唔鐘意收麻煩家長架啦

作者: corachanyy 時間: 13-11-23 09:08 標題: 引用：教育教不嬲黑暗，間間學校都唔鐘意收麻煩家

原帖由 poodlema 於 13-11-23 發表
教育教不嬲黑暗，間間學校都唔鐘意收麻煩家長架啦

作者: Aprilbaby 時間: 13-11-23 12:58 標題: 引用：教育教不嬲黑暗，間間學校都唔鐘意收麻煩家

原帖由 poodlema 於 13-11-23 發表
教育教不嬲黑暗，間間學校都唔鐘意收麻煩家長架啦

非常認同。但無可厚非，試諗：如你做生意，有兩个客，一个容易話為，另一个，唔使好極端，只系會問得仔細少少，跟得緊少少。要你放棄一个，你會点揀？

作者: fablee 時間: 13-11-23 18:13

揀幼稚園本身係雙向既事，你既然對學校咁不滿，其實就算收左都唔想去讀，如果從呢方面諗，佢offer比你又有乜意思呢....

作者: circleb11 時間: 13-11-24 10:01 標題: 引用：揀幼稚園本身係雙向既事，你既然對學校咁不

原帖由 fablee 於 13-11-23 發表
揀幼稚園本身係雙向既事，你既然對學校咁不滿，其實就算收左都唔想去讀，如果從呢方面諗，佢offer比你又有 ...

right

作者: ahirun 時間: 13-11-24 13:01

回覆 fablee 的帖子

你要明白我in時係未知道會咁, 我從來都以為佢講下, 冇諗過會影響小朋友, 我都冇迫間學校做啲乜俾我, 出呢個post, 只係見到有關幼稚園interview 嘅事有感而發, 覺得原來咩都盡量唔好出聲, 唔想日後有家長好似我咁, 衰咗都唔知乜事

作者: xoshan1025 時間: 13-11-24 17:13 標題: 引用：回覆+fablee+的帖子你要明白我in時係未知

原帖由 ahirun 於 13-11-24 發表
回覆 fablee 的帖子

你要明白我in時係未知道會咁, 我從來都以為佢講下, 冇諗過會影響小朋友, 我都冇迫間學 ...

其實喺老師代表學校同你講時,你都要好好消化下同決定下一步！

歡迎光臨教育王國 (/)