教育王國

標題: 民生幼園拒借廁面試女童逼瀨尿 [打印本頁]

作者: samso0730 時間: 13-11-21 12:28 標題: 民生幼園拒借廁面試女童逼瀨尿

今日睇新聞至知道唔至我個女係咁慘, 原來仲有其他小朋友同一遭遇. 記得當日面試完阿囡尿急,問人廁所係邊就俾人點左去後門又無廁所, 行返去前面阿囡已經忍尿忍到面青青, 問小童軍入去課室借洗手間佢決定唔到問老師, 學校老師都無情講仲叫你地自已去對面公園揾廁所, 原來個公園好大要問路人, 未捱到去已經瀨左. 真係激氣, 咁無愛心既學校真係收左都唔會讀.

【太陽報專訊】【本報訊】九龍城區民生書院（幼稚園部）被指不人道對待面試學童。有家長不滿兩歲女兒等候面試期間，遭校方拒絕借用校內洗手間，反着家長自行往鄰近公園的公廁解決，批評校方未有體恤幼童需要。事件在網上討論區惹來大批家長激烈討論，部分炮轟學校絕情。該校解釋，幼稚園的廁所設於課室內，面試進行期間為免影響學童表現才拒絕開放，強調學童如有需要亦可於非面試進行期間使用。

着行10分鐘有公廁

幼稚園正值面試高峰期，家長劉先生上周六帶子女參與民生書院（幼稚園部）面試。他在討論區得悉，有家長帶着兩歲女兒排隊進入校內面試期間，女兒想小便，向職員提出借用廁所，反被通知往鄰近公園或九龍城廣場的公廁，估計步行需十分鐘，批評校方做法難以理解，「報咗十幾間幼稚園都無一間話唔用得廁所，咁細個急起上嚟你話點呀？」

被拒借廁所的家長在討論區貼文，批評該校做法絕情，「阿女忍唔住要瀨片（瀨濕尿片）都冇辦法，好唔開心」。有網民指，「正常人都唔會咁做啦，何況係一個教育工作者」。該校陳主任回覆查詢時解釋，幼稚園的廁所設於課室內，由於課室正進行面試，學童進出會對面試構成影響，而學校對面公園已設有廁所可供幼童使用。

作者: pmking168 時間: 13-11-21 18:49 標題: 回覆：民生幼園拒借廁面試女童逼瀨尿

其實大家可以留意討論區都知道民生不會為學生諗的學校，
為何大家仍然要一頭熱去呢間學校？？

究竟小朋友重要還是學校名氣重要？？？

講真一句，我見啲民生中學生放學後的品德行為已無興趣讓子女入讀，就算佢讀得幾叻都好，德行差已夠讓我傷心絕望。

揀咗民生的家長請不要埋怨（牛唔飲水點禁得牛頭低）, 因為咁嘅無情學校只會諗自己，佢哋唔會諗學生，更唔會諗你哋家長囉:;pppp:

作者: konggood 時間: 13-11-23 12:05 標題: 回覆：pmking168 的帖子

冇錯、民生真係好不知所謂，我係過來人，不過有好多家長吾知佢嘅問題

作者: assado 時間: 13-11-23 20:59 標題: 回覆：民生幼園拒借廁面試女童逼瀨尿

我對民生幼稚園印象己大打折扣，講一套，做一套，厠所點會在課室內？

作者: zxc123 時間: 13-11-23 21:19 標題: 回覆：民生幼園拒借廁面試女童逼瀨尿

提示: 作者被禁止或刪除內容自動屏蔽

作者: bonboncat 時間: 13-11-23 23:37

D新聞真係信一成都死得，由民生校門行去九龍仔公園公廁只要2分鐘（我尋日至拖住個女行過），佢要行十分鐘？唔好玩啦！

作者: konggood 時間: 13-11-24 00:08 標題: 引用：今日睇新聞至知道唔至我個女係咁慘,+原來仲

原帖由 samso0730 於 13-11-21 發表
今日睇新聞至知道唔至我個女係咁慘, 原來仲有其他小朋友同一遭遇. 記得當日面試完阿囡尿急,問人廁所係邊就 ...

老師冇愛心、校長、校董亦是不堪、小童在咁嘅環境長大、祝好運

作者: cyberz 時間: 13-11-24 18:29 標題: 回覆：konggood 的帖子

民生唔係咩名校，只係現時制度下佢有類似一條龍先多人報。要講名校佢真係排唔到

作者: cyberz 時間: 13-11-24 18:31 標題: 引用：D新聞真係信一成都死得，由民生校門行去九

原帖由 bonboncat 於 13-11-23 發表
D新聞真係信一成都死得，由民生校門行去九龍仔公園公廁只要2分鐘（我尋日至拖住個女行過），佢要行十分鐘？ ...

咁要睇個家長熟唔熟地區，如果唔熟兜左10 分鐘先到唔出奇

作者: samso0730 時間: 13-11-24 23:46 標題: 回覆：cyberz 的帖子

如果拖住自已個非常尿急既仔女去找厕所，過程簡直係渡日如年啦!

作者: DevilPig 時間: 13-11-26 08:40 標題: 引用：冇錯、民生真係好不知所謂，我係過來人，不

原帖由 konggood 於 13-11-23 發表
冇錯、民生真係好不知所謂，我係過來人，不過有好多家長吾知佢嘅問題

...

請問可以講詳細D嗎？

作者: fungcarmen 時間: 13-11-30 21:59

我是民生的家長，我覺得這校有規模有制度，非常好，孩子又讀得開心。至於借廁所問題，真的，你們不知嗎，學生的廁所是在課室內，當課室用作面試，廁所怎能借呢？
我見的老師個個都好有愛心。

作者: DevilPig 時間: 13-12-1 16:26 標題: 引用：我是民生的家長，我覺得這校有規模有制度，

原帖由 fungcarmen 於 13-11-30 發表
我是民生的家長，我覺得這校有規模有制度，非常好，孩子又讀得開心。至於借廁所問題，真的，你們不知嗎，學 ...

怕唔唔廁所係課室入面，衛生無咁好？

作者: ipod123 時間: 13-12-11 10:45

fungcarmen 發表於 13-11-30 21:59
我是民生的家長，我覺得這校有規模有制度，非常好，孩子又讀得開心。至於借廁所問題，真的，你們不知嗎，學 ...

你真的是現時的民生的家長? 全新裝修完的校舍廁所已不在課室內。
就算學生的廁所是在課室內, 總可以安排到其他廁所,如借用小學部/中學部都應該不難安排。

作者: dixdix 時間: 13-12-11 14:39

ipod123 發表於 13-12-11 10:45
你真的是現時的民生的家長? 全新裝修完的校舍廁所已不在課室內。
就算學生的廁所是在課室內, 總可以安排到 ...

裝修完的廁所是在課室內(地下)

另外, 中學同小學都有課外活動進行, 如果校方放人入去, 就要確保校內既人的安全, 點解唔體諒校方既困難?

作者: dixdix 時間: 13-12-11 14:49

cyberz 發表於 13-11-24 18:31
咁要睇個家長熟唔熟地區，如果唔熟兜左10 分鐘先到唔出奇

就算放你入校園, 你就一定識路??

作者: ipod123 時間: 13-12-11 15:06

dixdix 發表於 13-12-11 14:39
裝修完的廁所是在課室內(地下)

另外, 中學同小學都有課外活動進行, 如果校方放人入去, 就要確保校內既人 ...

我相信好多家長都不只in1間,都去過好幾間學校,我未見過其他唔肯借洗手間(除左民生); 有部份學校更有指示如何去洗手間。難道這些學校不會有保安問題? 其實咁大間學校相信要安排好借用一個中學或小學的洗手間並不是難事。

民生書院校訓, 光與生命 人人為我我為人人 ~~~似乎有所不合

我明白可能你小朋友正在讀緊,你想維護學校,我下年會是家長,但我認為指出不當的地方加以改善會更好。

作者: cyberz 時間: 13-12-11 15:26 標題: 引用：Quote:cyberz+發表於+13-11-24+18:31+咁要

原帖由 dixdix 於 13-12-11 發表
就算放你入校園, 你就一定識路??

你入到大把老師或學生問，指你去正確方法都易d. 你覺得民生校舍會大過九龍城？而且我既回覆係講唔係人人識路兩分鐘就可到公園厠所，同係民生熟唔熟路又有咩關係？

作者: dixdix 時間: 13-12-11 16:56

本帖最後由 dixdix 於 13-12-11 17:33 編輯

ipod123 發表於 13-12-11 15:06
我相信好多家長都不只in1間,都去過好幾間學校,我未見過其他唔肯借洗手間(除左民生); 有部份學校更有指示如 ...

呢個係用家同非用家既分別, 如果間學校好似閣下講得咁差, 你當我地D家長傻, 我地仲比D小朋友係呢讀?

我想講無必要把事無限放大, 連校訓都出埋, 校方接到意見佢地會改善, 入到學校就會借比你,

作者: dixdix 時間: 13-12-11 17:04

cyberz 發表於 13-12-11 15:26
你入到大把老師或學生問，指你去正確方法都易d. 你覺得民生校舍會大過九龍城？而且我既回覆係講唔係人 ...

咁你唔識路去公園洗手間, 你唔可以問人咩?

作者: 吉蒂小豬 時間: 13-12-11 17:54 標題: 引用：Quote:dixdix+發表於+13-12-11+14:39+裝修

原帖由 ipod123 於 13-12-11 發表
我相信好多家長都不只in1間,都去過好幾間學校,我未見過其他唔肯借洗手間(除左民生); 有部份學校更有指示如 ...

可能我大肚，interview果日學校有借toilet比我去，反而係培正排隊交表果日真係唔借toilet，叫我去對面圖書館樓下個toilet

作者: cyberz 時間: 13-12-11 19:33 標題: 引用：Quote:cyberz+發表於+13-12-11+15:26+你入

原帖由 dixdix 於 13-12-11 發表
咁你唔識路去公園洗手間, 你唔可以問人咩?

好簡單你係商場想去厠所你會唔會走出去商場係街問人公厠係邊？第二你有無試過係街問路d 人都唔知係邊，係民生入面唔會老師學生唔個厠所係邊呀！

作者: dixdix 時間: 13-12-12 08:02

cyberz 發表於 13-12-11 19:33
好簡單你係商場想去厠所你會唔會走出去商場係街問人公厠係邊？第二你有無試過係街問路d 人都唔知係邊，係 ...

點解你係商場唔去商場廁所，又要去公園？
學校廁所係design for 師生，唔會有好多路標指路，公園就design for public，指示應該淸楚。

總之為左保謢校內小朋友安全，為免有立心不良既人有機可乘，未夠鐘面試既人除非有特別原因，例如樓上既大肚媽咪，係唔該比太多人進入校園。

作者: cyberz 時間: 13-12-12 08:28 標題: 引用：Quote:cyberz+發表於+13-12-11+19:33+好簡

原帖由 dixdix 於 13-12-12 發表
點解你係商場唔去商場廁所，又要去公園？
學校廁所係design for 師生，唔會有好多路標指路，公園就design f ...

其實我對借唔借厠所無咩comment, 只係有人話去公園厠所兩分鐘我指係講有人未知公園厠所係邊甚至唔知有個公園係度我先講兩句。既然你連一個商場比喻你都收唔到，我都無謂再同你解釋。又或者你鐘意只針著一些句子，又或者斷章取義幾一些句子無限放大，只是五十步笑百步

作者: dixdix 時間: 13-12-12 08:29

吉蒂小豬發表於 13-12-11 17:54
可能我大肚，interview果日學校有借toilet比我去，反而係培正排隊交表果日真係唔借toilet，叫我去對面圖書 ...

妳呢D咪理性家長，妳唔會因為小事開post鬧培正，值得一讚。

作者: lamlamkids 時間: 13-12-12 09:15

本帖最後由 lamlamkids 於 13-12-12 09:17 編輯

臨近註冊日又舊事重提，不要再炒冷飯啦，件事過左咁耐，司馬昭之心，人人皆知。

有 offer 既朋友，民生於教導小朋友學術同德育方面都不錯，放心做個明智既決定。

作者: cyberz 時間: 13-12-12 11:26 標題: 回覆：民生幼園拒借廁面試女童逼瀨尿

我都唔明，11 月24 號既post 到而家仲囉出來嘈，樓主都無再出聲

作者: ipod123 時間: 13-12-13 14:57

cyberz 發表於 13-12-12 11:26
我都唔明，11 月24 號既post 到而家仲囉出來嘈，樓主都無再出聲

為何不可繼續討論? 難道過了兩星期成為舊文就不值一提?
本人非edu-kingdom的每天常客,不過知道下年會成為家長,過來看看及發表個人意見

我只是想提出校方這種做法不恰當,身為幼兒教育團體,應該會從照顧幼兒的方向著想,什麼保安問題都一定有方法可以解決。洗手間的確有些是設在課室內,但一定有其他洗手間,就算地下冇,上一層都有。

作者: BoDingMaMa 時間: 13-12-13 15:24 標題: 引用：Quote:cyberz+發表於+13-12-12+11:26+我都

原帖由 ipod123 於 13-12-13 發表
為何不可繼續討論? 難道過了兩星期成為舊文就不值一提?
本人非edu-kingdom的每天常客,不過知道下年會成為 ...

如果出發點係為了希望校方為網上傳出面試不肯借廁所的事件，作出改善措施，而閣下將會成為民幼家長，我建議閣下去信學校，就閣下對事件嘅看法，憂慮及建議向校長提出，謹記註明閣下為來年民幼嘅家長，包括閣下姓名，因為沒有下款嘅書信，學校難以跟進。既然小朋友將會成為民幼嘅一份子，而對學校一些傳聞而不滿，我認為真的有必要從正面及直接嘅途徑處理，心結解不開，怎能安心讓孩子上學呢？ EK只是一個討論區，沒有人可以代學校發言，更加冇能力去干預學校行政，所以閣下只在EK表達不滿，何不直接向學校表達呢?

歡迎光臨教育王國 (/)