教育王國

標題: 中產揀乜好?! 學券定私立?! 答案係: 唔到你揀!! [打印本頁]

作者: dogudiva 時間: 13-11-20 11:55 標題: 中產揀乜好?! 學券定私立?! 答案係: 唔到你揀!!

我自覺係中產家庭! (供樓,養車,養狗,養工人,養緊一個小朋友, 仲計劃生多個)
今年第一年同十月出世既囡囡報K1 (舊年無同佢報PN)
結果報左5間學券, 5間私立 (但面試時間撞期, 只IN4間學券;4間私立)

一路睇住EK咁多家長的建議留言! 都曾經好猶豫係咪俾亞囡讀返傳統有學券的村校就算, 因為我無諗住, 亦應該無咁既能力俾佢升讀直資小學, 中學.... (學費雜費條數, 真係諗起都驚)
不過, 亞囡都已經IN左7間, 有4間出左結果 (唔收既都係學券, 收既都係私立)
好明顯亞囡去私立INTERVIEW既時間表現都好D!!!
去有學券既村校都反應麻麻, 好HEA, 唔知係咪連亞囡自己都見到教育設備同師質上的分別...

因為剩返果兩間未IN的都係競爭好激烈的幼稚園, 我諗我已經可以叠埋心水俾亞囡去讀私立!!
唔單止係父母選揀學校, 學校會選揀小朋友, 連你自己的小朋友都會選揀學校!!!

真係俾我個囡吹到BEAR一聲!

作者: kittyland06 時間: 13-11-20 12:04 標題: 回覆：中產揀乜好

根本唔到我地揀，我都幫阿女報咗學券同龍校，學券競爭超激烈，唔係大 b 都幾難有 offer，所以當個個問我點解要讀咁貴，我就話爭唔到平嘅學位！無奈！

作者: valentinored 時間: 13-11-20 12:06

有學校收就算啦, 好多野唔到你控制
將來可能會升級加人工, 又或者阿囡叻到有獎學金....唔使你煩呢

作者: AgapePa 時間: 13-11-20 12:10

直資有學費減免( 由全免到25%), 其他收費多數自選.
而且勁多奬學金. eg. 達標奨, 最高分奬....
讀得私幼, 應該可應付直資中小學

作者: kaka1226 時間: 13-11-20 12:15

我女超細b, 有私立, 亦有學卷既收....亦有pn (私立) 收佢插班, 我會比佢讀住插班先(都係幾個月). 照計..$4k/mth, 20日, 每日3hrs...平過去playgroup(1堂, 45mins都$240). 佢又開心...讀到上k1, 先諗轉唔轉學卷. 因大女要打頭陣...上到間好既小學...咁細佬有位...就可慳返d, 讀學卷! 如果你case, 照俾佢讀, 但不停同佢apply 轉校.

作者: 藍藍媽 時間: 13-11-20 12:15 標題: 引用：我自覺係中產家庭!+(供樓,養車,養狗,養工人

原帖由 dogudiva 於 13-11-20 發表
我自覺係中產家庭! (供樓,養車,養狗,養工人,養緊一個小朋友, 仲計劃生多個)
今年第一年同十月出世既囡囡報 ...

我個都係十月細女，都係唔係大把offer 任我揀……不過中產家庭起碼多d機會啦，無學卷收都有私立讀，好過無書讀

作者: Shenjie 時間: 13-11-20 12:15 標題: 回覆：dogudiva 的帖子

same case like u, 真系好無奈！

作者: phoebewong123 時間: 13-11-20 12:21 標題: 回覆：中產揀乜好?! 學券定私立?! 答案係: 唔到你揀!!

唯有慳自己，咁你又冇學券k1，都冇得揀，而且大部分直資私小都貴唔過私幼。

作者: dogudiva 時間: 13-11-20 12:28

回覆 phoebewong123 的帖子

咁都係既... 但到時可能又多左一堆補習費, 興趣班的支出!!! 生一個還可以, 兩個就....

作者: HappyDay2008 時間: 13-11-20 12:35

我根本無報過任何私立學校,只報四間近屋企的學劵幼稚園,但有三間比offer我,我女仲係11月尾細B,之前無去上過任何playgroup,日日在屋企食瞓玩,其實唔好太緊張,太多面試比小朋友反而不好,一日趕幾場就更加唔好,小朋友都會覺得煩,表現會唔好
仲有讀私立幼稚園唔包一定入到直資同私立小一,可知直資同私立小一入學戰況更激烈,間間都千多人報,家長要訓練到小朋友十項全能週身証書都未必爭到一個位,到直資同私立小一面試,就可見識到真係天外有天,香港好多超能兒童

作者: mei_iiem 時間: 13-11-20 12:44 標題: 回覆：中產揀乜好

試過去間邨校in~個間學校我上ek d人話幾好米同幾個個仔playgroup同學一齊去in~一個住私樓一個住屋邨~我5係住個到公司係附近朝早c6可以送個仔返學先返工~我in個時不停問我家庭背景~又話甘遠乜乜乜~住私樓媽咪未坐底講野已經串佢話佢~反而住屋邨架對佢態度幾好~但出黎架結果係我同住私樓架都收~反而住屋邨架waiting都無~有時邨校都幾勢利

作者: siumak 時間: 13-11-20 14:37

我好認同唔單止學校揀學生﹐
個B自己都揀學校﹐
唔係家長想點就點。

作者: Elau719 時間: 13-11-20 14:51 標題: 引用：我根本無報過任何私立學校,只報四間近屋企

原帖由 HappyDay2008 於 13-11-20 發表
我根本無報過任何私立學校,只報四間近屋企的學劵幼稚園,但有三間比offer我,我女仲係11月尾細B,之前無去上過 ...

超能兒童

好攪笑，我都唔想做怪獸家長，不過有時都要做！！！我成日提自己當小孩岀世時同自己講過係希望她開心健康地成長，叫自己放鬆點

作者: phoebewong123 時間: 13-11-20 15:11 標題: 回覆：HappyDay2008 的帖子

講得好啱，超能兒童太多，而家唔係乜嘢贏在起跑線，係甲組同丙組對決，谷少d都落後人好多。打天才波只係以前年代嘅事，而家個個阿爸阿媽將所有時間資源擺哂落去個小朋友度，少d$少d時間都死

作者: monkitkit 時間: 13-11-20 15:18 標題: 引用：我自覺係中產家庭!+(供樓,養車,養狗,養工人

原帖由 dogudiva 於 13-11-20 發表
我自覺係中產家庭! (供樓,養車,養狗,養工人,養緊一個小朋友, 仲計劃生多個)
今年第一年同十月出世既囡囡報 ...

我唔打算升讀小學名校，只打算報讀地區中上程度小學，但我都比小朋友k1讀冇學券學校，因為冇學券課程好d, 語言學習相對強d, 我想小朋友從小打好學習基礎。另外一個原因係驚小一派位派得差，需要時叩門會有優勢。有d家長選擇讀學券學校，會幫小朋友課餘報語文班或其他學習班，我冇幫小朋友報，因為佢係學校都學到一定程度，課餘時間會帶佢周圍去玩，比佢放鬆下。

作者: cyan120 時間: 13-11-20 15:56

我都係中產,諗住小朋友讀冇學券既學校會好D,再報幾間有學券做後備,點知,冇學券既IN得好差,有學券既IN得好好,有offer既都係有學券,IN既過程令我覺得自己井底蛙,原來有學券既唔一定差過冇學卷既學校,感恩心儀學校收咗我小朋友

作者: monkeydiary 時間: 13-11-20 16:01 標題: 引用：我自覺係中產家庭!+(供樓,養車,養狗,養工人

原帖由 dogudiva 於 13-11-20 發表
我自覺係中產家庭! (供樓,養車,養狗,養工人,養緊一個小朋友, 仲計劃生多個)
今年第一年同十月出世既囡囡報 ...

又唔好咁話小朋友，有時interview的老師有冇心引導小朋友答問題/評分準則都會影響結果，未必關小朋友事架

作者: Maibubuu 時間: 13-11-20 16:27 標題: 回覆：dogudiva 的帖子

提示: 作者被禁止或刪除內容自動屏蔽

作者: rgalc 時間: 13-11-20 16:44 標題: 引用：個人對中產嘅定義係：身家起碼五千萬以上,+

提示: 作者被禁止或刪除內容自動屏蔽

作者: karilau 時間: 13-11-20 16:49 標題: 引用：我自覺係中產家庭!+(供樓,養車,養狗,養工人

原帖由 dogudiva 於 13-11-20 發表
我自覺係中產家庭! (供樓,養車,養狗,養工人,養緊一個小朋友, 仲計劃生多個)
今年第一年同十月出世既囡囡報 ...

我家姐都係咁佢仔11年11月剛生日完即插班讀n順便留埋個k1位起碼有得讀,比得起叫有個後備,而我女係大女但性格慢熱次次in都唔講野而家先等人唔要位先有機會,我就係比唔起私立學費,有時真係唔到你揀

作者: Chirley 時間: 13-11-20 16:50

本帖最後由 Chirley 於 13-11-20 17:14 編輯

以財爺嘅月入都只係中產…少佢一半收入果d都要企埋一邊，
不過除非報over 7,8千/月或以上果d學校…
如果唔係都唔太關事嘅…
好認同樓上所講，小朋友都會自已揀學校

作者: 剛果公主 時間: 13-11-20 16:54 標題: 引用：講得好啱，超能兒童太多，而家唔係乜嘢贏在

提示: 作者被禁止或刪除內容自動屏蔽

作者: twolilmonkeys 時間: 13-11-20 23:11

回覆 Maibubuu 的帖子

Yes, this is what I consider middle class.
Anything lower than this is just working class.

作者: wawa~~ 時間: 13-11-20 23:26 標題: 引用：直資有學費減免(+由全免到25%),+其他收費多

原帖由 AgapePa 於 13-11-20 發表
直資有學費減免( 由全免到25%), 其他收費多數自選.
而且勁多奬學金. eg. 達標奨, 最高分奬....
讀得私幼, ...

請問入息上限多少,才有減免?

作者: wawa~~ 時間: 13-11-20 23:32 標題: 回覆：dogudiva 的帖子

中產人士都交唔起私校學費,仲有咩人去讀呢?

作者: Maibubuu 時間: 13-11-20 23:36 標題: 回覆：rgalc 的帖子

提示: 作者被禁止或刪除內容自動屏蔽

作者: AgapePa 時間: 13-11-21 09:59

wawa~~ 發表於 13-11-20 23:26
請問入息上限多少,才有減免?

間間不同計法. 所有學校網頁都有寫點計
最貴的SPCC, 全年學費$60,000. 年薪低於$630,000 巳可申請

近乎最平的李宗德, 全年學費$12,000. 月薪低於$24,000 先可減25%

作者: wawa~~ 時間: 13-11-21 10:04 標題: 引用：Quote:wawa~~+發表於+13-11-20+23:26+請問

原帖由 AgapePa 於 13-11-21 發表
間間不同計法. 所有學校網頁都有寫點計
最貴的SPCC, 全年學費$60,000. 年薪低於$630,000 巳可申請

謝謝回覆

作者: rgalc 時間: 13-11-21 10:08 標題: 引用：喺Hk搵兩萬幾點做中產吖!稍為住好D養返兩個

提示: 作者被禁止或刪除內容自動屏蔽

作者: 珠珠妹dy 時間: 13-11-21 10:51 標題: 引用：我都係中產,諗住小朋友讀冇學券既學校會好D

提示: 作者被禁止或刪除內容自動屏蔽

作者: 珠珠妹dy 時間: 13-11-21 10:57 標題: 引用：喺Hk搵兩萬幾點做中產吖!稍為住好D養返兩個

提示: 作者被禁止或刪除內容自動屏蔽

作者: bbrmb 時間: 13-11-21 13:02 標題: 引用：喺Hk搵兩萬幾點做中產吖!稍為住好D養返兩個

原帖由 Maibubuu 於 13-11-20 發表
喺Hk搵兩萬幾點做中產吖!稍為住好D養返兩個小朋友請個工人都唔夠啦!自問月入六萬樓下只會叫自己唔係窮人:ig ...

我就係你口中既窮人，家庭收入超過六萬，一家三口，仍然每日活在赤貧線下！香港地搵六七萬養全家其實啱啱好。

作者: Potato001 時間: 13-11-21 13:35 標題: 引用：我根本無報過任何私立學校,只報四間近屋企

原帖由 HappyDay2008 於 13-11-20 發表
我根本無報過任何私立學校,只報四間近屋企的學劵幼稚園,但有三間比offer我,我女仲係11月尾細B,之前無去上過 ...

其實私立幼稚園都有啲係活動教學，用遊戲學習的，尤其那些有較耐歷史的國際學校。仲有，其實揀幼稚園即係幫小朋友揀朋友，雖然有錢供小朋友讀私校，唔代表父母有教養或者有學識，但小朋友父母多數是本地出生的香港人，大家文化背景較接近，會較易溝通。

作者: jenjenny 時間: 13-11-21 19:47 標題: 引用：講得好啱，超能兒童太多，而家唔係乜嘢贏在

原帖由 phoebewong123 於 13-11-20 發表
講得好啱，超能兒童太多，而家唔係乜嘢贏在起跑線，係甲組同丙組對決，谷少d都落後人好多。打天才波只係以 ...

無錯，時間和資源，少其中一樣都唔得

作者: Atkse 時間: 13-11-21 23:38 標題: 引用：我自覺係中產家庭!+(供樓,養車,養狗,養工人

原帖由 dogudiva 於 13-11-20 發表
我自覺係中產家庭! (供樓,養車,養狗,養工人,養緊一個小朋友, 仲計劃生多個)
今年第一年同十月出世既囡囡報 ...

樓主家庭收入約多少？中產的定義是如何？我都唔知自己算否中產，但最近懷第2胎，都考慮是否要選學劵幼稚園才負擔得起。

作者: dogudiva 時間: 13-11-22 11:35

其實所謂的"中產", 大部份都係搵得多, 就駛得多!! 因為作為中產, 唔多唔少都會覺得"我有能力"去搵錢的想法, 應該要享受生活~ 所以我"自覺"中產, 因為我好識駛錢!! 哈哈
當我家庭收入超過八萬, 若果我選揀供一楝800萬既樓;同我選楝供一個二百萬居屋單位, 兩者生活質責都可以相差好多~ 所以大家父母絶對係有決定權在手, 如果分配運用你份糧!!
雖然,政府公佈的中產定義我都唔係好認同, 不過眼見社會大把人窮過你,慘過你!! 我都唔好意思伸窮! 所以我自認中產!!
我諗Atkse 媽媽你唯有計清楚自己條數, 或者會唔會慳自已來供仔女讀書, 畢竟每個家庭的狀況環境都真係唔同....

作者: 傻太 時間: 13-11-22 12:15 標題: 回覆：中產揀乜好?! 學券定私立?! 答案係: 唔到你揀!!

其實最貴都係幼稚園階段，私立+學野，到上小學返全日，興趣班自然少d，又相比起學費，普遍私立、直資貴唔過無學卷幼稚園。。。不過唯一擔心就係人會老，份工捱得到中學畢業嗎？

利申: 2個小朋友讀緊無學卷幼稚園

作者: 傻太 時間: 13-11-22 12:17 標題: 回覆：中產揀乜好?! 學券定私立?! 答案係: 唔到你揀!!

同埋e+你都無得揀，有咩好煩呢？

作者: Chirley 時間: 13-11-22 13:14

dogudiva 發表於 13-11-22 11:35
其實所謂的"中產", 大部份都係搵得多, 就駛得多!! 因為作為中產, 唔多唔少都會覺得"我有能力"去搵錢的想法, ...

好贊同呀...
如果夾硬要認係中產...
我同老公咪就係住D 3百幾萬居屋樓既人囉...(而家都無咩樓可以UNDER 2百萬啦)
住屋駛費同私人樓係有點距離, 負擔細少少...
原先搵學校我都無特別留意佢地有無學券先,
只係搵左D自己覺得OK既學校再計數...
而家有間有學券既收全日,
學費+飯錢+茶點未計車費、雜費都去4千2、3一個月...
都有人覺得搞乜有學券都咁貴...
所以我都好認同, 自己既能力同取捨先係最重要

歡迎光臨教育王國 (/)