教育王國
標題: 回歸基本步 - 背書 [打印本頁]
作者: owsc2010 時間: 13-11-20 10:06 標題: 回歸基本步 - 背書
大仔剛升上中一，從細個開始佢己經比較聰明，榘亦都知道自己聰明，結果係冇恆心，特別係中英文。做英文閱讀理解佢可以從上文下理估到意思，但係發音、生字同文法，需要耐性學習的，基本上都唔合格。一 d 好簡單的字係，例如 cell, 佢會串成 sell 。口語佢可以講得好流利，但係永遠都係 present tense, 仲要唔記得加 s。遇到唔識的字就 lur 過算數。
小學時問題唔大，但升中後，多左好多科，全部都係英文，phy, chem, bio 好多生字，因為佢唔鍾意，亦冇技巧去記，所以讀得好辛苦，成績亦一般般。
兩個星期前同佢去玩，跌親隻右手 要打石膏，打唔到機，寫唔到字，學校都理解，測驗同家課都可以延期。難得佢「放大假」，我地就諗辦法教返好佢英文先。中文因為多少要寫字，而家做唔到。數學暑假時放佢去補習社，當時佢已經學哂中一課程，開學後一直都八九十分，唔需要擔心。其他科目成績差，基本上都係語文問題，所以幫佢搞好英文先。
我地決定要佢做 d 最揼石仔野 - 背書。。。sorry,要落車，待續
作者: hapiness 時間: 13-11-20 12:58
追!
作者: bigfoothk 時間: 13-11-20 13:03
提示: 作者被禁止或刪除 內容自動屏蔽
作者: owsc2010 時間: 13-11-20 15:12
本帖最後由 owsc2010 於 13-11-20 15:13 編輯
其實任何方法都實有人會 work，重要的是唔係哪一套方法好過其他方法，而係要因人因時因地際宜，知道個小朋友有乜野需要，而再用適合的方法去引導。
我個人並唔覺得有某一種教學方法係萬能的，如果係咁，呢個世界一早就只會剩返一種方法。方法只係工具，重要係家長要做一個舵手角色，在有需要的時候，用有效的方法幫佢地。
呢個階段我知道小朋友係基本功唔得札實，影響左其他科進度，所以尋求一 D 方法去令佢對基本功產生興趣。標題雖然係背書，但中間都加插好多其他記憶訓練。
作者: owsc2010 時間: 13-11-20 15:31
要佢背書，首先當然要考慮材料，深淺同長度，我知道佢唔習慣背書，當然唔會好似我地細個果陣咁背法。同埋呢個背書練習只係引子，希望佢對語言產生興趣而己。
有左大方向，我就決定主要用名人演講作為誦材，主要為美國總統演辭。原因：
1. 這些演講辭文采非常優美；
2. 經常有些警句，背左第時可以拋下書包;
3. 用辭唔太深，句法又多變，為第時教佢作文鋪路；
4. 每篇演講辭背後都有歷史故事、時代背境。一來可以同佢講下歷史故事，沖淡對背書的抗拒，二來又可以為佢將來講通識科準備。
5. 著名演講 youtube 多數都有得睇，可以比佢對比發音，同埋感受講英文的節奏感。
我亦唔需要佢成篇咁背，畢竟時代唔同了，新一代唔似我地以前咁背得，而且我都唔係要佢為背而背。我只希望佢能夠通過背誦改善發音、累積生字、熟習句子結構、對文字產生興趣吧了。過長反而無用。所以我只係要佢每篇背一小段，第一篇係林肯的 Gettysbury Address，我只要佢背第一句，只係得三十字。
作者: grace_xian 時間: 13-11-20 19:50 標題: 回覆：回歸基本步 - 背書
背書是傳統好方法只要小朋友肯，一定見效
作者: owsc2010 時間: 13-11-20 22:38
多謝 grace_xian.
為左要佢肯背，我用左３個方法：
1. 了解佢能力，比適合佢難度同長度的文章句子佢背。
2. 以身作則，任佢上網抽一段文字，當然唔好太長，然後我睇一陣背返比佢聽，令佢明白到只要有足夠詞匯量，識英文文法，理解文章內容，背書其實好容易，從而打破心理障礙。
3. 將文章內容同相關故事講比佢知，引發佢興趣。
作者: owsc2010 時間: 13-11-20 23:06
仲有第 4：我比佢背書完睇碟，成千套戲任佢睇。阿仔好鍾意睇戲，有戲睇可以飯都唔食。
呢個時候我任佢睇，但我冇當係鼓勵佢背書方法，因為我預備左一套電影學中文作文計劃，留返暑假招呼佢。。。
作者: 木子 時間: 13-11-21 16:45
owsc2010 發表於 13-11-20 23:06 
仲有第 4：我比佢背書完睇碟，成千套戲任佢睇。阿仔好鍾意睇戲，有戲睇可以飯都唔食。
呢個時候我任佢睇， ...
你好勁呀! 我就選了閱讀來增加興趣, 鼓勵他多學英文
作者: ppchan168 時間: 13-11-22 15:02
回覆 owsc2010 的帖子
你既然提到兒子比較聰明，我們應該理解成，你的兒子的數理能力比較好吧。其實，好多時候，數理能力跟語文能力是剛好相反的。語言能力強，數理能力就差。反之亦然。有些分析是說，數理能力和語文能力是分開在左腦和右腦管理的。所以，你的當務之急，就是要加強孩子的語言訓練。雖然是有點遲。因為最理想的催谷期，應該從小四開始。
作者: ANChan59 時間: 13-11-22 16:12
本帖最後由 ANChan59 於 13-11-22 16:14 編輯
回覆 owsc2010 的帖子
我贊成第二點，以身作則，這個原則最實際，但最難做到！
作者: ANChan59 時間: 13-11-22 16:17
回覆 ppchan168 的帖子
同意，兩者有些衝突，有時要取捨，及不同階段有不同訓練或聚焦。
作者: hw1115 時間: 13-11-22 16:23
ppchan168 發表於 13-11-22 15:02
回覆 owsc2010 的帖子
你既然提到兒子比較聰明，我們應該理解成，你的兒子的數理能力比較好吧。其實，好多 ...
我小朋友也是語文能力比較差( 英文說話, 中文作文, 中史),
請問除了READING 外, 還有其他方法 加強孩子的語言訓練嗎 ?
作者: owsc2010 時間: 13-11-22 16:26
ppchan168 發表於 13-11-22 15:02 
回覆 owsc2010 的帖子
你既然提到兒子比較聰明，我們應該理解成，你的兒子的數理能力比較好吧。其實，好多 ...
其實我唔覺得而家再訓練佢過遲，我自己讀書經驗都係咁，中一到中五基本上都係屋村中學合格同唔合格之間徘徊，除左會考果次之外數學從來未合格過。會考剛剛夠分， waiting list 排第一加埋好彩上到中六，之後再 hea 多半年，臨尾一年無啦啦開竅，結果由全港尾 5% 上到全港 top 5%，繼續學業。人有好多種，有人快 d 有人慢 d，對住唔同人有唔同教法，最重要係 keep 住學習興趣，總體成績唔好偏離太遠。Fast learner 可以用超前練習，slow learning 用滯後練習一樣有效。
第一段背書，搞左 4 日。主要係同佢 d 小聰明搏鬥。講到 our fathers，同佢呢度用眾數，因為係指美國國父，咁佢即刻發揮佢的遊花園神功，問係咪大峽谷總統巨像，開頭我都比佢帶開左，同佢講果 4 個入面，林肯同羅斯福都唔係等等。。。佢最叻就係扮問問題，然後就扯開話題，等到咁上下我都唔記得左本來要佢做乜。今次我早有準備，但多多少少都中招。
邊簡單講完美國開國歷史，內戰等故仔，邊教佢讀 D 字，有 3 個字佢無論如何都唔記得：continent, conceived in, dedicated to. 反反覆覆咁讀黎讀去，讀左超過 300 次，上 youtube 播 video 比佢睇，都係唔記得。無所謂，學習呢樣野，一張一弛好重要，而且又唔趕時間，第二日再黎過。我相信讀左幾百次的一個字，比佢休息一下，佢個腦自動會幫佢 process。
第二日，捉佢埋黎讀一次，果然進步左，只係得返 continent 唔記得，其他兩個己經 registered 左，咁就開始教佢則和 IPA，比佢知道兩個字雖然都係 con 開頭，但係發音唔同等等。。。。
第三日，記得 continent，又唔記得 dedicated，激死。又再讀幾十次 dedicated，然後講下 stress, liaison, intonation 等等。
第四日，終於似模似樣，可以照住 youtube 照讀。係時候 move 去第二篇文章。
sorry，職業病，愈講愈長氣，之後會 fast forward.
作者: owsc2010 時間: 13-11-22 20:05
hw1115 發表於 13-11-22 16:23
我小朋友也是語文能力比較差( 英文說話, 中文作文, 中史),
請問除了READING 外, 還有其他方法 加強孩子的 ...
不論中英文作文，其實即係講故事，細節及組織比修辭及生字重要。可以同佢做口頭練習，要小朋友講個簡單故事，然後問佢問題等佢諗下點豐富個故事。除左多睇書外，睇戲同睇漫畫都可以訓練小朋友作文能力，例如同佢地講下分鏡，情節推進咁。
中史最大問題係太多陌生人名地名年份。我會話比阿仔知，其實佢識的親戚朋友數目更多，佢可以記得每個人姓名同幾時做過甚麼事，其實歷史都係一樣，當書入面的人事都發生在自己身邊，然後用口語講返出黎。背唔到唔駛勉強，當佢記得哂 D 重要詞滙之後，再背應該好容易。
英文說話可能係最容易的，我相信 TRS (Total Respons Storytelling) 方法。用一則好短的故事，不停用好簡單的問題同小朋友做對答，然後加上身體動作同表情，令佢全方位記得英文的用法。
作文同 TRS 我都有少少網上 download 的 sample，有需要可以 pm 我。
另外有一套叫「龍櫻」的日本漫畫，台灣譯「東大特訓班」，講點樣訓練一班地底泥學生一年內入東大，入面好多讀書方法，全部都有根有據，家長可以睇睇。呢套漫畫都改編左做日劇，都係非常好睇。
作者: hw1115 時間: 13-11-22 20:52 標題: 回覆：owsc2010 的帖子
多謝你的分亨。
作者: 天使麵 時間: 13-11-23 19:17 標題: 回覆：owsc2010 的帖子
好期待你的分享！多謝！
作者: ANChan59 時間: 13-11-25 00:24
回覆 owsc2010 的帖子
有時候看看本漫畫！
不過対特訓班有 d 介心。不然，好似一些網友，由幼稚園陪讀到高中，將來到大學㗎。
作者: anitawong21 時間: 13-11-25 03:10
owsc2010 發表於 13-11-22 20:05
每個小朋友興趣同能力都唔同，要自己多觀察同埋不停試各種方法，搵到個佢受的方法之後就容易了。
不論中英 ...
PLS CHECK PM
作者: awah112 時間: 13-11-25 08:11 標題: 回覆：回歸基本步 - 背書
提示: 作者被禁止或刪除 內容自動屏蔽
作者: owsc2010 時間: 13-11-25 09:04
第五日，今日背新文章，揀左 I Have a Dream 中 my four little childrn 果段，都係好短。今次比段易的，等佢有返 D 成就感，唔好打殘佢。最主要係想借 D 意同佢講下平等係乜野意思。講返當年巴士運動，問佢如果係佢佢會點做，問下佢會點樣評價同學等等。比起好成績，我更加希望佢可以成為一個有正義感的人。當然如果兩樣都得就最好啦。呢段無深字，一日就搞掂。睇佢模彷 Martin Luther King 語氣背出黎，非常搞笑。
第六日，今日係奧巴馬的 Election Night Speech，揀左 'To those who would tear the world down' 到 'unyielding hope' 一小段。難度唔高，但就長左，今次有成 80 字。講左講下恐怖主義之外，主要係比佢知道記憶力訓練入面 chunking 同 grouping 技巧。文章長唔緊要，只要分開一個個小節咁背，好快就會背哂。今次又係 3 個字出問題：tear, security, wealth。
'tear' 解撕裂要讀做 [tεə]，佢讀黎讀去都係眼淚 [tɪə]。無奈只好 list 出一堆帶 'ear' 的字，例如 bear, clear, dear, fear, gear, hear, Lear, near, pear, rear, tear (n), tear (v), wear 然後要佢分做 εə 同 ɪə 兩組。做左幾次，終於搞掂。
'security' 又係唔明點解讀極都係 se-coo-ri-ty，明明佢知道護衛係實Q，咁都讀唔到，唯有又係 cure, cute 咁話佢知，cu 好多時都係讀 [kjʊ]。
’wealth' 見到 ea 又係讀極都係 [i:] 音，又花左好耐時間糾正佢。
懷疑係佢細細個果陣讀 phonics 果陣，比左個錯誤觀念佢，以為某種串法就一定係咁讀，又或者佢偷懶只記其中一種讀法。但英文相對其他歐洲語言黎講，呢方面比較無系統，有時真係要死記，功多藝熟。讀書果陣老師用一首叫 Chaos 的詩說明相同串法唔同發音的問題，但太長。搵到第二首淺 D 的，遲 D 要佢背埋：
I take it you already know
Of tough and bough and cough and dough?
Others may stumble, but not you
On hiccough, thorough, slough, and through.
Well don't! And now you wish, perhaps,
To learn of less familiar traps.
Beware of heard, a dreadful word
That looks like beard but sounds like bird.
And dead: it's said like bed, not bead,
For goodness sake don't call it deed!
Watch out for meat and great and threat
(They rhyme with suite and straight and debt).
A moth is not a moth as in mother
Nor both as in bother, nor broth as in brother,
And here is not a match for there,
Nor dear and fear, for bear and pear.
And then there's dose and rose and lose--
Just look them up--and goose and choose
And cork and work and card and ward
And font and front and word and sword
And do and go, then thwart and cart,
Come, come! I've hardly made a start.
A dreadful Language? Why man alive!
I learned to talk it when I was five.
And yet to write it, the more I tried,
I hadn't learned it at fifty-five.
作者: owsc2010 時間: 13-11-25 09:08
ANChan59 發表於 13-11-25 00:24
回覆 owsc2010 的帖子
有時候看看本漫畫！
但始終都係漫畫，好誇張，要消化左用黎教小朋友，千祈唔好當育兒手冊咁用，唔係真係可能會迫死小朋友。
作者: owsc2010 時間: 13-11-25 09:35
awah112 發表於 13-11-25 08:11
小學背下幾好，易入腦，上中學就盡量唔好背了。
今次只係情況特殊，我亦唔係永無止境咁要佢背書，我只打算要佢背十段簡單段落。等佢記熟左之後，就用這些材料較有系統地從頭講一次 grammar, sentence structure and writing skills. 呢 D 本來應該小學就教的內容，佢間直昇機學校從來冇教過，睇黎亦冇打算教，唯有屋企自己補返。
作者: birdy09 時間: 13-12-3 18:12
我都覺得要背下書至可以幫佢地
作者: kitbebe 時間: 13-12-11 09:31
真實個案, 阿女有個同穿學science成績好好, 向佢請教, 都係答佢背書就得
作者: lingchuling 時間: 13-12-16 00:45
繼續追, 有時間請繼續分享
| 歡迎光臨 教育王國 (/) |
Powered by Discuz! X1.5 |