教育王國

標題: 馬鞍山 think [打印本頁]

作者: mlbidbid 時間: 13-11-19 13:20 標題: 馬鞍山 think

请問有無人知馬鞍山 think 行IB,其實讀番傳统小學，有無問题架？中英可否並重？
學費都幾贵，仲有雜費。。。30號要交留位費。考慮中。
另等緊康傑，不過名氣同英文程度好似think好些，有無jm可以分享下？

作者: lovebb003 時間: 13-11-19 13:37 標題: 回覆：馬鞍山 think

一個月平均幾錢？其實如果近屋企都可以考慮。幼兒園最緊要方便以免太辛苦。

作者: mlbidbid 時間: 13-11-19 13:40 標題: 回覆：馬鞍山 think

學費4500另書薄 2xxx
仲有其他吧。。
我都估吾到平均一個月幾多

作者: laijody 時間: 13-11-19 13:44 標題: 回覆：mlbidbid 的帖子

宜家讀書真係好貴，燒银紙

作者: laijody 時間: 13-11-19 13:46 標題: 回覆：mlbidbid 的帖子

好似話下學期重会加價，起碼加10%

作者: 新人物 時間: 13-11-19 15:35

mlbidbid 發表於 13-11-19 13:20
请問有無人知馬鞍山 think 行IB,其實讀番傳统小學，有無問题架？中英可否並重？
學費都幾贵，仲有雜費。。 ...

國際班先行IB,妳可以報中英文班咪適合讀傳统小學囉.

作者: mlbidbid 時間: 13-11-19 21:27 標題: 回覆：馬鞍山 think

打去問話未行ib 。 n班廣東话先，英語輔助。每日有15mins 普通話。
4500 外，無雜费，書薄分上下學期2次。

作者: lilbabe 時間: 13-11-20 13:01

mlbidbid 發表於 13-11-19 21:27
打去問話未行ib 。 n班廣東话先，英語輔助。每日有15mins 普通話。
4500 外，無雜费，書薄分上下學期2次。

...

請問知唔知一日幾多分鐘英文?

作者: mlbidbid 時間: 13-11-20 13:25 標題: 引用：Quote:mlbidbid+發表於+13-11-19+21:27+打

原帖由 lilbabe 於 13-11-20 發表
請問知唔知一日幾多分鐘英文?

話會唱下歌仔，玩下但無講明幾耐呀，jm都考慮中嗎

作者: lilbabe 時間: 13-11-20 13:29

mlbidbid 發表於 13-11-20 13:25
話會唱下歌仔，玩下但無講明幾耐呀，jm都考慮中嗎

係呀, 因為我估BOXHILL應該會有OFFER, 煩緊邊間好。睇D舊POST有D人話THINK好差, 又有人讚好, 因為唔識人讀緊, 唔知實際情況點

作者: ckadull 時間: 13-11-20 15:08 標題: 回覆：lilbabe 的帖子

boxhill同 think點揀？！

作者: mlbidbid 時間: 13-11-20 17:01

boxhill targeting going to international sch.
n think can go to normal primary sch.
so the stream is different.

n u can check the 2013 primary sch placement on the leaflet u got after interview. just a few students going to international primary sch

作者: lilbabe 時間: 13-11-20 17:38

ckadull 發表於 13-11-20 15:08
boxhill同 think點揀？！

boxhill我識人讀緊/讀過, 話小朋友好開心好鍾意, 唔錯。而且佢地都有中文學, OK的。
學校又新淨D。
不過我考慮係佢地既老師夠唔夠專業, 因為眼見有D好young。
另外都係中文問題, 因為我覺得學好中文都好重要。

think我IN果日個老師好似唔錯, 幾有經驗。另外, 鍾意佢地N班打好母語基礎。
整體OK, 但校舍較細, 我又無睇清楚佢地D課室得唔得...

作者: lilbabe 時間: 13-11-20 17:58 標題: 引用：boxhill+targeting+going+to+international

原帖由 mlbidbid 於 13-11-20 發表
boxhill targeting going to international sch.
n think can go to normal primary sch.
so the stream i ...

我唔見左份野，有人可以scan俾我啖？thanks

作者: mlbidbid 時間: 13-11-20 18:21 標題: 回覆：lilbabe 的帖子

i took pic n need ur email add. or any other way to send to u.
pm me pls

作者: halflower 時間: 13-11-20 18:31 標題: 引用：打去問話未行ib+。+n班廣東话先，英語輔助

提示: 作者被禁止或刪除內容自動屏蔽

作者: littlebeany 時間: 13-11-20 22:50 標題: 回覆：馬鞍山 think

方方和think 點揀？

作者: lilbabe 時間: 13-11-20 23:38 標題: 引用：方方和think+點揀？ +

原帖由 littlebeany 於 13-11-20 發表
方方和think 點揀？

晌bk搵到用家媽媽分享。
THSo #2
生產值：339 複式洋房前天 13-11-18
你有 offer 了？LN？？

我小朋友讀緊LN，以前考果時，原本唔係我首選，但讀左三個月，我覺得非常好，雖然貴，但在我來說覺得值得。

佢地係小班活動教學，max.一班12人，一個中文班主任，一個 NET 老師，同時間照顧，即係1:6，另外有普通話老師每日20 mins 輪班上。其實因為地方細，一個課室會容納兩班，但佢地會編到唔同時間係唔同地方活動，如果兩班真正一齊同一時間的時候，會拉簾分開，兩班小朋友係唔會分心的。除了音樂堂，就係四班一齊上堂。

除了上課前早操時間，其他小息活動時間唔同年級都會唔同，排洗時間又會唔同，所以小朋有足夠時間做每一樣野 (包括玩)。佢地大約有四個姨姨負責同小朋友排洗，即使小朋友未介片片，佢地都會因返d 時間同佢地換片，唔會話唔夠人手等小朋友係咁 up 住，或者"逼"小朋友介片，佢地只會協助同鼓勵幫佢地介，因為我有朋友讀其他學校，係要逼佢地介，仲要求今年12月N班一定都唔可以著片.....對一d 超細B來講呢樣真係會有難度我小朋友屬於細B，未完全介到，佢地話會繼續協助，直到介到為止。。。

至於上堂，每日都有英文同粵語主題課，佢地d 書唔同坊間的，係自己編，一個主題可以伸延好多野，每個主題大約講3 weeks，粵、英、普、圖工、音樂等，3星期都同一個主題。8月初開學都依家，講過我的學校、我自己、節日、我的家、秋天、食物.... 有時會有出外活動，例如我的家就試過去同學屋企上堂，大約30-45 mins，介紹下家中地方、設備等，講秋天，又執下樹葉，講食物，又去下麵包鋪....總之好實際生活上接觸到嘅。。。

自返左兩個星期學之後，到現在3個幾月，我小朋友都日日返來會同我講好鍾意邊個姨姨，邊個老師，就算病佢地都要話起身返學校搵老師，所以係學校一定係好開心。
而我每日係會送佢地返學嘅，可能學生人數少，d 老師唔一定係班主任，姨姨，甚至校長，都會記得晒小朋友d 名，因為每朝排隊入學校，佢地都叫到佢地名講早晨，好親切。

上學初期，老師會天天打來匯報小朋友情況，直到小朋友完全適應，佢地先會隔幾日、或者一個星期打一次來，或者我地有問題可以打去問老師。

每星期有圖書、隔星期中英輪流，估唔到我用英文講故事，我小朋友竟然會明我講乜。因我係純粵語媽媽來，未試過講英文故事，我係打返去問 NET 老師教我應該點講架~~~

因為我唔鍾意傳統嚴肅果d學校，太死板，又唔一定係課程深嘅就好(有d 學校 hard sell 課程深可以涵接小一)，而且呢度每天英普粵，所以我好鍾意Think.....小朋友返到家，我無刻意問課堂學左d 乜或者用英普溝通，但有時佢會無啦啦彈個英文字話我知果樣係乜，或唱下英文、普通話歌，所以我知道佢地真係學到野同好開心。

作者: BERNICEJUNE 時間: 13-11-20 23:53

我想問D圖書是買定輪流看？

作者: BCoLick 時間: 13-11-21 12:19

回覆 BERNICEJUNE 的帖子

家長可以參加閱讀計劃, 免費的, 咁每星期二老師會放一本書响小朋友書包, 下星期一還. 書係輪流每星期一中一英咁0既.

作者: lilbabe 時間: 13-11-21 12:37 標題: 引用：回覆+BERNICEJUNE+的帖子家長可以參加閱

原帖由 BCoLick 於 13-11-21 發表
回覆 BERNICEJUNE 的帖子

家長可以參加閱讀計劃, 免費的, 咁每星期二老師會放一本書响小朋友書包, 下星期 ...

要唔要做report? thanks

作者: BCoLick 時間: 13-11-21 12:47

本帖最後由 BCoLick 於 13-11-21 12:48 編輯

回覆 lilbabe 的帖子

唔使. 純綷想小朋友多D機會睇書, 養成習慣.

作者: TabbyDong 時間: 13-11-21 21:06 標題: 回覆：馬鞍山 think

我唔清楚以下寫既野能唔能夠作實，呢啲係我兩個朋友既仔女讀完pn之後既comment。佢地兩個細路讀得唔開心，日日唔願返學，實際點解佢地兩pair父母都唔知，因為小朋友表達唔到，就算之後轉左校，行經大快活都有恐懼話唔去嗰度，可想而知佢真係好驚再要返間學校，相反之後轉左第間區内學券，小朋友開心好多仲多野講好多。佢地既小朋友原本唔係咁，但自從佢地confirm唔係度升k1開始就係咁，所以佢地不禁聯想兩件事有關聯。而且以我了解佢地既小朋友應該唔算好聰明，未必肯聽指，所以唔知老師會唔會因為咁而冇咁有愛心？另外，我朋友覺得得個簾分開兩班都係會令小朋友分心，始終聽到隔離講野。而自己偏課程亦有機會令家長難啲係屋企跟返教過咩內容。佢地既comment令人覺得小朋友如果聰明啲乖啲老師就有愛心啲，唔聽指令就可能差啲，亦有可能唔繼續讀就有唔同待遇。係咪真係咁就真係靠估。

作者: puipui20030910 時間: 13-11-21 22:23 標題: 引用：我唔清楚以下寫既野能唔能夠作實，呢啲係我

原帖由 TabbyDong 於 13-11-21 發表
我唔清楚以下寫既野能唔能夠作實，呢啲係我兩個朋友既仔女讀完pn之後既comment。佢地兩個細路讀得唔開心， ...

好彩reject咗我仔！

作者: lilbabe 時間: 13-11-21 22:36 標題: 引用：我唔清楚以下寫既野能唔能夠作實，呢啲係我

原帖由 TabbyDong 於 13-11-21 發表
我唔清楚以下寫既野能唔能夠作實，呢啲係我兩個朋友既仔女讀完pn之後既comment。佢地兩個細路讀得唔開心， ...

多謝分享，等我地知道多啲唔同cases...我雖然in完幾鍾意think, 但都想了解多啲過來人意見。Anyway 都會照留位先，因為鍾意佢地教學模式

作者: lilbabe 時間: 13-11-21 22:41 標題: 引用：+本帖最後由+BCoLick+於+13-11-21+12:48+編

原帖由 BCoLick 於 13-11-21 發表
本帖最後由 BCoLick 於 13-11-21 12:48 編輯

回覆 lilbabe 的帖子

恭喜你可以兩個小朋友一齊返學！以你所見書既數量多嗎？小朋友一年睇既唔會重覆？啲書新淨嗎？另外，佢地自己編既課程係有課本嗎？有另一個媽媽寫佢朋友話因為係學校編課程，家長好難知道教緊咩。你覺得點呢？唔好意思，太多野問，因為唔識人仔女讀緊

作者: c_heidi 時間: 13-11-21 22:48 標題: 回覆：馬鞍山 think

如果GF同think, 會揀小班教育嘅think.
但如果GH同think又唔知點揀咯

作者: TabbyDong 時間: 13-11-21 23:01 標題: 引用：Quote:原帖由+BCoLick+於+13-11-21+發表本

原帖由 lilbabe 於 13-11-21 發表
恭喜你可以兩個小朋友一齊返學！以你所見書既數量多嗎？小朋友一年睇既唔會重覆？啲書新淨嗎？另外，佢地自 ...

其實學校編課程都係有主題有課本，我去open day時都有特別留意，實際上點教我就唔知，但相信可以好靈活，但你未必知老師點教，例如教節日，一本有好多頁，每版就有一個節日一兩幅圖，當然啲圖係o係網上copy落黎，解像度又唔夠高，得幅圖又欠缺故事性，所以家長要係屋企想重覆講都有難度，可能要自由發揮，呢樣就係難根既意思，同書商出既書比真係比下去。不過如果老師教得好，講得寬，小朋友吸收到應該都可以學好多，視乎點教。呢啲係去完睇課程既感覺，或者實際上老師點利用教材可能用家更清楚，我都想聽多啲用家意見，有錯請糾正。

作者: BERNICEJUNE 時間: 13-11-22 08:08

唔駛買坊間書咩？唔係呀！只得自編教材？？？

作者: lilbabe 時間: 13-11-22 08:34 標題: 引用：唔駛買坊間書咩？唔係呀！只得自編教材？？

原帖由 BERNICEJUNE 於 13-11-22 發表
唔駛買坊間書咩？唔係呀！只得自編教材？？？

一個學期二千幾都好貴下。請問有現任家長可以影下啲書俾我地睇下嗎？

作者: BERNICEJUNE 時間: 13-11-22 10:59

上blog睇又冇家長分享think

作者: BCoLick 時間: 13-11-22 11:03

回覆 lilbabe 的帖子

有書, 係學校自編教材, 會派返屋企, 因為學校有另一set一樣的比佢地响學校用. 我又覺得OK, 我唔知點解另外果位家長咁抗拒咁大反應, 我覺得比本書商出0既書你, 你都係唔知老師响學校點教架啦, 你點知佢係咪頁頁講, 同埋點講?! 可能佢係比佢朋友的經歷影响左. 但我覺得D書係冇咩問題.

我唔係催谷型, 放工返屋企會同小朋友玩下, 睇故事書, 唔會再攞住本課本再睇囉. (影書上黎我就覺得唔係咁好喇, 始終係學校0既材料.)

作者: BCoLick 時間: 13-11-22 11:28

其實除左課本, 學校在開每個主題前會貼一張notes在手冊, 詳細解釋果個主題係學D乜野, 如果家長想响屋企同小朋友重溫, 都可以跟住講.

作者: lilbabe 時間: 13-11-22 13:23

BERNICEJUNE 發表於 13-11-22 10:59
上blog睇又冇家長分享think

我搵到一個, 不過比較舊, 幾年前
http://blog.yahoo.com/_I5DMAVYILO3HNXIP26443AVNQI/articles/139701/category/2007%E5%B9%B4%E7%B6%B2%E8%AA%8C

睇左佢D POSTS, 覺得學校唔錯
但個小朋友K1去左SC

作者: BERNICEJUNE 時間: 13-11-23 16:36

自编教材，D老師工作量咪好重？？好辛苦？

作者: lilbabe 時間: 13-11-23 18:56 標題: 回覆：馬鞍山 think

今日去留位，先再留意下間學校同啲壁報。校舍比較舊，但壁報上睇啲小朋友學習既野好似幾有趣。我個女晌playground玩到唔願走, 要夾硬抱佢走，上次interview又係咁。其實佢個playground雖然有蓋，但有陽光感覺幾好。雖然未知係咪一定會讀think, 但如果讀呢度我估應該都唔錯，我特別鍾意係佢小班教學。

作者: sweetylady 時間: 13-11-24 00:07 標題: 回覆：lilbabe 的帖子

Thx share !

作者: sweetylady 時間: 13-11-24 00:11 標題: 回覆：lilbabe 的帖子

你讀邊間think ?

作者: mlbidbid 時間: 13-11-24 07:45 標題: 引用：今日去留位，先再留意下間學校同啲壁報。校

原帖由 lilbabe 於 13-11-23 發表
今日去留位，先再留意下間學校同啲壁報。校舍比較舊，但壁報上睇啲小朋友學習既野好似幾有趣。我個女晌play ...

小班教學係好緊要，老師睇緊些都好吾同，所以學费贵些。
你甘快留位啦，我過幾曰都去了。。如果最後無其他更好的offer, 都會讀

作者: lilbabe 時間: 13-11-24 08:28 標題: 回覆：sweetylady 的帖子

mos

作者: lilbabe 時間: 13-11-24 08:35 標題: 引用：Quote:原帖由+lilbabe+於+13-11-23+發表今

原帖由 mlbidbid 於 13-11-24 發表
小班教學係好緊要，老師睇緊些都好吾同，所以學费贵些。
你甘快留位啦，我過幾曰都去了。。如果最後無其他 ...

因為星期六先去到，下星期六又唔得閒。我見到壁報有個停車場設計既習作，好impressive, 無諗到咁細個會教呢啲。感覺學習內容好生活化，又好生動（可能係從中學習方向啦）。我相信學習應該同生活聯繫，而唔係一味抄寫背誦。

作者: mlbidbid 時間: 13-11-24 15:52 標題: 引用：Quote:原帖由+mlbidbid+於+13-11-24+發表小

原帖由 lilbabe 於 13-11-24 發表
因為星期六先去到，下星期六又唔得閒。我見到壁報有個停車場設計既習作，好impressive, 無諗到咁細個會教呢 ...

停車場設計，幾得意啊。

作者: zchow 時間: 13-11-25 00:52

我女去年在此讀PN，返學非常開心，就算而家在新幼稚園返左K1幾個月，都仲經常有提番朗思的生活，仲話好掛住班主任!
學校課程生活化又實際，老師、姨姨都好好，我覺得值得讀!

作者: winnietingting 時間: 13-11-25 09:14

zchow 發表於 13-11-25 00:52
我女去年在此讀PN，返學非常開心，就算而家在新幼稚園返左K1幾個月，都仲經常有提番朗思的生活，仲話好掛住 ...

咁啱。我囡又係上年讀mos think pn, 今年返咗另一間幼稚園讀k1，佢都話好掛住think的同學仔，老師同陳校長

。think is very good.

作者: mlbidbid 時間: 13-11-25 11:17 標題: 引用：Quote:zchow+發表於+13-11-25+00:52+我女去

原帖由 winnietingting 於 13-11-25 發表
咁啱。我囡又係上年讀mos think pn, 今年返咗另一間幼稚園讀k1，佢都話好掛住think的同學仔，老師同陳校長 ...

如果甘鐘意學校，係咪有更好學校所以先走呢

作者: THSo 時間: 13-11-25 14:04

讀左幾個月，就係因為覺得佢教得好生活化，d 教材好好，老師、EE 同校長都好好，小朋友一起身就話要洗面換衫返學，就算病住都係咁，日日都提住鍾意邊個老師，所以我本來考左d 學券幼稚園，都打算放棄了~~好驚去到第二間，佢地唔適應就仲死~~~~

至於大家講嘅課本，BCoLick 都提到，係有書派返家的，而且每星期手冊有進度表寫果個星期學左d乜，所以係唔會跟唔到架，一定知道佢係學緊乜架！而且，有咩唔明，放學時間可以打俾老師，佢地好詳細咁解答，我唔明點解上面有媽媽話有兩個朋友嘅小朋友經過門口都驚囉，真係唔知佢地個 case 係點......
每個星期d 圖書好新，同佢地有個表寫住借過咩書，唔會重複。我仲打左個 list 俾老師，話我有邊d 書，叫佢唔洗重複借俾我添~~ 同埋，佢地會按小朋友上堂個進度來借書，有深淺唔同，有d一頁幾個字，有d 一頁兩三行字，好細心呢~~
佢收費貴，因為小班教學，PN 每班一對6，仲有NET，日日有英普上，仲想點？！

我只係用家，返左幾個月學，只講出我同小朋友對學校個觀感，絕對唔係 Hard Sell，請勿介意。

作者: THSo 時間: 13-11-25 14:23

halflower 發表於 13-11-20 18:31
咁唔值4500 wor....如果英語為主，廣東話輔助就話姐。。。

值唔值真係見仁見智。我本身家中全粵語，返左幾個月學行行下街我小朋友會指下樣野同我講d 英文單字囉..... 我問佢邊個教，佢話老師教，我算佢學左野返來架喇.... 兩歲人仔仲想佢點？！唔通返來同我全英對答？！呵呵

作者: BCoLick 時間: 13-11-25 16:09

回覆 THSo 的帖子

冇錯, 其實我都覺得學費係貴架, 但係佢真係小班教學, 我仔果班得8個小朋友, 每一班固定跟一個中文老師一個NET, 另外仲有得上普通話. 針冇兩頭黎啦係咪?

我屋企係完全冇普通話語景, 但上次去親子旅行, 三個老師跟我地架旅遊車 (兩個班主任同一個普通話老師), 佢地帶唱歌, 個普通話老師叫得出我個仔個名, 仲同我同我老公講 "他上課很棒的", 我都好surprise個仔竟然上普通話堂係跟得到! 我唔知上堂情形, 但即係老師係有方法教得到小朋友囉, 所以呢間學校真係幾好架.

仲有一樣好係每年都可以比你選一次班, 真係好靈活, 你可以按你目標同小朋友進度去選, 例如你想選英普班, 但覺得小朋友今年未ready去用新0既語言學習, 咁咪下年先選英普囉. 唔會話day 1選了就4年都係咁.

作者: heyaheya 時間: 13-11-25 16:21 標題: 回覆：馬鞍山 think

仔仔都喺mos think返咗幾個月pn,好開心好鐘意返學，而經有兩次field trip, 一次去同學家，一次去參觀商場面包店，活動教學

作者: mlbidbid 時間: 13-11-25 16:44 標題: 回覆：馬鞍山 think

謝謝各位分享

作者: BCoLick 時間: 13-11-25 18:17

回覆 heyaheya 的帖子

你小朋友讀上晝定下晝架？

作者: heyaheya 時間: 13-11-25 19:12 標題: 回覆：BCoLick 的帖子

上午

作者: BERNICEJUNE 時間: 13-11-25 21:54

我在商場看見think的小朋友很乖，還有學校門口的玻璃櫃內，學生的作品及製作過程非常吸引，所以才報名，現要放棄幾間學校的offer來入讀，希望真的冇揀錯。不過，很想了解K1以上是否一定要上全日班，全日班的名額是多少？如還有，教英文的老師是班主任定另一位外藉net teacher？

作者: lilbabe 時間: 13-11-25 22:36 標題: 回覆：THSo 的帖子

請問係8月8號返一日之後等九月先正式返學，定8月8號開學呢？另外我想問pe堂時間多嗎？thx!!

作者: lilbabe 時間: 13-11-25 22:38 標題: 回覆：THSo 的帖子

唔好意思，想問埋多唔多要家長平日請假參與既活動呢？

作者: THSo 時間: 13-11-26 10:00

BERNICEJUNE 發表於 13-11-25 21:54
我在商場看見think的小朋友很乖，還有學校門口的玻璃櫃內，學生的作品及製作過程非常吸引，所以才報名，現 ...

K1有全日有半日，上次校長講會視乎N升K個申請有幾多人先決定點樣分配。
而我之前就問過老師，全日班有十幾人 (around 15-16咁上下)，但我就唔 sure 佢係指一班定兩班加埋了.....
因為全日班嘅選擇係，上午同半日班一樣上堂(有英粵、英普、全英班)，放學LUNCH然後午睡後上兩個鐘堂，一班係全普主題教學，一班係全英做 project。
英粵班班主任係一個粵語老師，另有一個NET英文老師係全程同時間上課，即兩個輪流上堂。(註：佢NET teacher唔一定係鬼，係大部份係鬼，另有 ABC 但母語係英文來所以講得好正，唔洗擔心)

作者: THSo 時間: 13-11-26 10:09

本帖最後由 THSo 於 13-11-26 11:55 編輯

lilbabe 發表於 13-11-25 22:36
請問係8月8號返一日之後等九月先正式返學，定8月8號開學呢？另外我想問pe堂時間多嗎？thx!!

...

如果8/8 夠2歲，就一路繼續返架喇，頭一個星期一個鐘，第二個星期兩個鐘，第三個星期先開始正常三個鐘。
LN & UN (即PN & K1) 新入學就係咁樣返。。。
如UN係舊生，就9/1先開學。
無獨立話PE 堂，因佢地朝朝返去都要做早操，都有半個鐘時間，之後先分班上堂。
而我見到每個星期本手冊，係有寫果個星期做左咩運動 / 訓練咩大小肌肉之類.....

以下係 LN 班schedule 參考：

08:45-09:00	Washroom / Exercise
09:05-09:35	Gross Motor Movement
09:35-10:10	Washroom / Snack
10:10-11:10	Topic/Group Activities
11:10-11:20	Washroom
11:20-11:35	Putonghua
11:35-11:55	Songs and Musical Movement
11:55-12:00	Get ready to go home

老師話班班大致一樣，係d 上堂時間上上落落調來調去，同埋有時就返小朋友d 排洗時間有d 堂多5 mins 少 5 mins 咁上下......
音樂堂就合班上。

作者: 歐陽太 時間: 13-11-26 10:13

回覆 winnietingting 的帖子

想問問你轉左邊間k1?

作者: THSo 時間: 13-11-26 10:17

lilbabe 發表於 13-11-25 22:38
唔好意思，想問埋多唔多要家長平日請假參與既活動呢？

如果平日請假果d，就係節日 party，但唔一定要家長出席。
佢地只係提早半個鐘放學時間開門，俾家長入學校同佢地影下相咁，無乜特別。

開學到依家，一次中秋，一次 Halloween，來緊下一次係聖誕 Party 校內表演。
有一次係民族晚會，係放左工後晚上返學校玩的，都係 optional。
其他旅行、講座、家長會都係星期六上午。

功課方面，就要預備多d相 (細時嘅相、同家人唔同活動嘅相等都要左幾次，下年讀LN 的依家好影多d，哈哈)，weekend 功課好多時都要用相，平時堂課要用的相 / 圖片，都要家長預備俾小朋友帶返去。

作者: winnietingting 時間: 13-11-26 11:00 標題: 引用：回覆+winnietingting+的帖子想問問你轉左

原帖由 歐陽太 於 13-11-26 發表
回覆 winnietingting 的帖子

想問問你轉左邊間k1?

我囡k1轉咗去劍鳴。

THSo, very good,

好詳細。記得上年12月聖誕，在think, 就是我囡囡第一次上台表演，其實全班都要，very cute.

作者: rayseed 時間: 13-11-26 11:25

好清楚呀，多謝分享！我是出年讀 LN(pm)的，但我想轉 am

作者: BERNICEJUNE 時間: 13-11-26 13:20

咁有冇生日會架？兩個月一次？

作者: ms_ketchup 時間: 13-11-26 13:27

回覆 winnietingting 的帖子

Why you finally choose KM? Not stay at THINK?

作者: THSo 時間: 13-11-26 14:12

本帖最後由 THSo 於 13-11-26 14:12 編輯

BERNICEJUNE 發表於 13-11-26 13:20
咁有冇生日會架？兩個月一次？

有呀，每月月中都有，仲有生日禮物~~

作者: THSo 時間: 13-11-26 14:17

ms_ketchup 發表於 13-11-26 13:27
回覆 winnietingting 的帖子

Why you finally choose KM? Not stay at THINK?

其實好多人都會試考出面九龍塘，畢竟係九龍塘，如果第時考直資聽落好似易d。
我小朋友d 同學好多都係咁報，剛剛先有收到SC 信所以UN 會走..... 但我會考慮埋路程問題同自己個 scheudle，所以一間九龍塘都無報，反正小朋友讀得開心，唔洗下年佢地又再適應過~~~

作者: BERNICEJUNE 時間: 13-11-26 14:40

生日禮物是否給所有學生？好開心的校園生活

作者: BCoLick 時間: 13-11-26 16:03

BERNICEJUNE 發表於 13-11-25 21:54
我在商場看見think的小朋友很乖，還有學校門口的玻璃櫃內，學生的作品及製作過程非常吸引，所以才報名，現 ...

有全日有半日, 家長選擇. 例如THSo的小朋友K1返全日 (有錯請更正 :) ), 我個仔下年K1讀半日.

THINK有好多班種比你選, 英普班得下晝班, 雙語班有上/下/全. 全日又有唔同配搭咁.

其實佢地每班係都有一個固定的NET跟0既, 英文就會係NET教返.

作者: BCoLick 時間: 13-11-26 16:14

回覆 lilbabe 的帖子

lilbabe, 你小朋友幾月出世? 8月8號係大家一齊返, 家長可以陪的. 然後已足兩歲0既小朋友就繼續返啦, 第一星期返一個鐘, 第二星期兩個鐘, 第三星期就正常喇, 未足兩歲0既就等到足兩歲先再返喇.

開學前都會有個briefing的,會派校服, 到時老師會俾張紙你, 寫左你小朋友係邊日邊日返幾點咁0既, 照跟就OK.

作者: THSo 時間: 13-11-26 16:15

BCoLick 發表於 13-11-26 16:03
有全日有半日, 家長選擇. 例如THSo的小朋友K1返全日 (有錯請更正 :) ), 我個仔下年K1讀半日.

THINK有好 ...

我今年係 LN (PN) 呀，出年先返全日

作者: lilbabe 時間: 13-11-27 17:53 標題: 引用：回覆+lilbabe+的帖子 lilbabe,+你小朋友幾

原帖由 BCoLick 於 13-11-26 發表
回覆 lilbabe 的帖子

lilbabe, 你小朋友幾月出世? 8月8號係大家一齊返, 家長可以陪的. 然後已足兩歲0既小 ...

thx so much!! 我女到時已經兩歲多。好期待呀, 想快啲到八月！

作者: BERNICEJUNE 時間: 13-11-27 19:21

我想問朗思校服不是有米色裙仔嗎？為何offer letter 話只訂運動服嘅？而且，很少見D女學生穿米色裙仔。另外，朗思學生在叩門（小一）受歡迎嗎？學術程度深嗎？

作者: wch106 時間: 13-11-27 20:11 標題: 回覆：BERNICEJUNE 的帖子

我都想知叩門會唔會吃香D

作者: lilbabe 時間: 13-11-27 22:10 標題: 回覆：BERNICEJUNE 的帖子

米色裙仔好似係到LK,UK 先著

作者: THSo 時間: 13-11-28 09:41

BERNICEJUNE 發表於 13-11-27 19:21
我想問朗思校服不是有米色裙仔嗎？為何offer letter 話只訂運動服嘅？而且，很少見D女學生穿米色裙仔。另外 ...

唔同級d 校服唔同架。
LN & UN 只係著運動衫，方便老師/EE 同佢地去VeeVee。
LK & UK 女仔有裙仔，好似國際班又有少少唔同.....

朗思始終英文底唔差，應該OK吧~~ 同埋見畢業生都有升去一呂沙呂果d .....

作者: THSo 時間: 13-11-28 09:46

BERNICEJUNE 發表於 13-11-26 14:40
生日禮物是否給所有學生？好開心的校園生活

生日果d先會有生日禮物....
但我小朋友班主任成日都會買小禮物(女仔有頭夾, 貼紙, 餅餅, 吹泡泡, 糖, etc....) 獎勵小朋友~~ (其他班主任就唔知....)

作者: BERNICEJUNE 時間: 13-11-28 11:04

平日獎貼紙已ok！
原來高年级才有米色裙仔著

作者: BERNICEJUNE 時間: 13-11-28 11:09

學習或活動時的照片會不會給家長下載架？？

作者: littlebeany 時間: 13-11-28 11:34 標題: 引用：我想問朗思校服不是有米色裙仔嗎？為何offe

原帖由 BERNICEJUNE 於 13-11-27 發表
我想問朗思校服不是有米色裙仔嗎？為何offer letter 話只訂運動服嘅？而且，很少見D女學生穿米色裙仔。另外 ...

我都想知程度深不深

作者: THSo 時間: 13-11-28 12:03

本帖最後由 THSo 於 13-11-28 12:35 編輯

BERNICEJUNE 發表於 13-11-28 11:09
學習或活動時的照片會不會給家長下載架？？

Movie 會定期放上網，開學後遲d 有 login & password 俾家長 login睇。
相的話會定期叫家長俾 USB，老師會 copy 去手指俾小朋友帶返去。

作者: THSo 時間: 13-11-28 12:35

littlebeany 發表於 13-11-28 11:34
我都想知程度深不深

如果依家我讀緊LN，9月開始正式上堂，如果講學術上教左d 乜字，數字有1-5，中英文都教1-5，普通話就去到1-7添，中文字就人、月、口、耳、天、果、米，會教認字，同用手指按筆畫寫出來，唔係用筆，英文我無深究教左乜，但我小朋友無啦啦會指住d 野同我講個英文單字囉，佢話係老師教。

其實佢地係好活動咁教日常生活嘅野，之前教秋天有乜特徵，天氣涼要穿外套，介紹下唔同種類嘅衫，秋天有咩活動，圖工做下衣櫃、風箏、樹葉畫；最近教食物就成日返來唱食物歌，樣樣都要食，上星期仲分班帶左去左美心買麵包。。。

又教下佢地講下句子之類，中英都有。又有自理....

我覺得咁細個小朋友唔應該係坐定定死讀書塞入腦，佢地係活動中學野開心好多。

作者: wch106 時間: 13-11-28 13:24 標題: 回覆：THSo 的帖子

咁課程都好唔錯

作者: THSo 時間: 13-11-28 15:07

wch106 發表於 13-11-28 13:24
咁課程都好唔錯

其實我d朋友都覺得課程幾好，但貴，仲貴過九龍塘。
不過我覺得近近地慳返d時間，唔洗咁貴校車錢，小朋友又無周車勞頓咁辛苦，值得嘅，唔係話出九龍塘就一定好囉，出左去讀識飛咩？！.........純粹個人見解，不喜勿插。。。

作者: wch106 時間: 13-11-28 15:53 標題: 回覆：THSo 的帖子

我都留左think ...口啤好，自己本身1516英藝同think，但聽你咁講，課程又真係好唔錯！

作者: BERNICEJUNE 時間: 13-11-30 14:38

我都交了留位費

作者: c_heidi 時間: 13-11-30 16:55 標題: 回覆：馬鞍山 think

我都交左留位費，鍾意佢小班。
但think响語文方面係咪比GF/ GH好？

作者: BERNICEJUNE 時間: 13-12-1 13:12

GF 應該都幾好

作者: BERNICEJUNE 時間: 13-12-1 23:30

但看畢業禮的片段（YouTube)，think 好過GF。GH英文方面麻麻，在open day時見N班D習作好淺，GH好似著重母語丶自理及羣體生活多點。

作者: rayseed 時間: 13-12-3 10:06

我都交左留位費，請問 am & pm 0既返學時間

作者: halflower 時間: 13-12-3 19:22 標題: 引用：學費4500另書薄+2xxx 仲有其他吧。。我都

提示: 作者被禁止或刪除內容自動屏蔽

作者: c_heidi 時間: 13-12-3 19:48 標題: 回覆：halflower 的帖子

N交11個月，因為8月開學
K1交10個月，因為8月尾開學

作者: halflower 時間: 13-12-3 21:08 標題: 引用：N交11個月，因為8月開學 K1交10個月，因為8

提示: 作者被禁止或刪除內容自動屏蔽

作者: rayseed 時間: 13-12-4 10:56

但學費真係好貴

作者: BERNICEJUNE 時間: 13-12-4 12:34

回覆 rayseed 的帖子

Am class. 上午8：45至中午12：00
Pm class. 下午1：15至4：15

作者: halflower 時間: 13-12-4 13:12 標題: 引用：但學費真係好貴

提示: 作者被禁止或刪除內容自動屏蔽

歡迎光臨教育王國 (/)