教育王國

標題: 德信PM VS 富榮迦南AM [打印本頁]

作者: elainetong616 時間: 13-11-19 11:39 標題: 德信PM VS 富榮迦南AM

如德信同富榮迦南, 請問你地會點選, 兩間都收我個仔, 各有優點? 不過迦南無學券, 德信就有學券, 真係唔知怎選擇, 希望大家比D意見 !

作者: ~瑤瑤~ 時間: 13-11-19 13:23

elainetong616 發表於 13-11-19 11:39
如德信同富榮迦南, 請問你地會點選, 兩間都收我個仔, 各有優點? 不過迦南無學券, 德信就有學券, 真係唔知怎 ...

好睇你小學想行咩路。我仔而家係德幼讀K1, 之前係迦南讀N (不過唔係富榮果間), 其實我都好中意迦南, 又近屋企, 行返學唔洗10MINS, 但我自己一向心儀天主教男校, 亦希望阿仔可以讀德小, 所以揀咗德幼。雖然小學都係大抽奬, 但如果大抽奬唔得, 我諗讀德幼叩門機會始終大D。

作者: TinMenna 時間: 13-11-19 14:31 標題: 回覆：德信PM VS 富榮迦南AM

兩間都收咗我個仔，我選德信。請問德幼上德小係咪容易㗎？

作者: elainetong616 時間: 13-11-19 14:34

回覆 ~瑤瑤~ 的帖子

咁你仔仔讀得開心嗎? 德幼程度深唔深? 老師有愛心嗎? 德幼屬於大班教學, 老師會主動話比你聽, 小朋友的校內情況嗎?

作者: ~瑤瑤~ 時間: 13-11-20 13:02

elainetong616 發表於 13-11-19 14:34
回覆 ~瑤瑤~ 的帖子

咁你仔仔讀得開心嗎? 德幼程度深唔深? 老師有愛心嗎? 德幼屬於大班教學, 老師會主動話 ...

我仔仔話返學開心呀!
始終係有學劵, 程度一定唔係深, 不過每日都有簡單功課好似連線, 填色。
老師比較成熟, 但好NICE。我諗如果小朋友冇大問題, 老師唔會特別講小朋友係學校情況, 不過我試過有野問, 老師好詳細咁答。

作者: popeyemuimui 時間: 13-11-20 15:31

回覆 ~瑤瑤~ 的帖子

同意我都係, 阿仔而家讀緊pn 迦南, 我都好like, 但無學卷; 想名仔讀天主教學校, 德信有學卷, 重德行, 自己覺得好似啱多d
如想深課程, 迦南一定深d, 家長要清楚想小朋友點發展

歡迎光臨教育王國 (/)