教育王國

標題: 有無bb上playgroup會咁？ [打印本頁]

作者: hysalice 時間: 13-11-18 23:30 標題: 有無bb上playgroup會咁？

BN13個月大，上playgroup每次做勞作都唔肯做，老師講故事時，唔想聽，要走。但聽音樂，唱兒歌就好投入。試過俾顏色筆佢畫，佢唔肯畫。好擔心佢大個唔肯渣筆寫字。

作者: hysalice 時間: 13-11-18 23:31 標題: 回覆：hysalice 的帖子

打錯寫，係bb13個月大。

作者: apple_love 時間: 13-11-18 23:33 標題: 引用：打錯寫，係bb13個月大。 +

原帖由 hysalice 於 13-11-18 發表
打錯寫，係bb13個月大。

我仔廿一個月都仲係咁，對勞作畫畫0興趣，但唱歌玩玩具又ok

作者: icefung 時間: 13-11-18 23:36 標題: 回覆：有無bb上playgroup會咁？

我個仔一樣，吾要做勞作！大哭，聽d老師講要慢慢訓練wo！唯有屋企同佢做多d囉！

作者: Potato001 時間: 13-11-19 07:28 標題: 回覆：hysalice 的帖子

似乎bb唔鍾意坐定定，不過bb仲細，剛學會走路，會鍾意四圍行。我個女之前都唔玩顏色筆，鍾意玩原子筆，因為見大人用，而且可以玩蓋和按掣。在家講故事都係講兩句走咗，到17個月才定啲，鍾意睇啲好大隻公仔嘅書。平時在家玩都是行來行去，企喺度玩。

作者: zebrabb 時間: 13-11-19 07:49 標題: 回覆：有無bb上playgroup會咁？

同我女一樣，只係搓下泥膠1分鐘，就企身走，我女17個月先識行，所以未坐定，你可以試下，用牙刷當筆整濕佢，係枱係甘劃，會發出聲，佢會好有興趣坐定定玩架，因為大家的bb係用耳朵「聽」去學習架

作者: Cajes 時間: 13-11-19 08:07 標題: 引用：BN13個月大，上playgroup每次做勞作都唔肯

原帖由 hysalice 於 13-11-18 發表
BN13個月大，上playgroup每次做勞作都唔肯做，老師講故事時，唔想聽，要走。但聽音樂，唱兒歌就好投入。試 ...

唔使緊張。我個囡13個月都唔肯畫。到18個月度你示範比佢睇畫佢識既野佢就會有興趣。比張枱同櫈佢會好些的。

作者: Elenalan 時間: 13-11-19 08:12 標題: 回覆：有無bb上playgroup會咁？

我囡14個月大都坐唔定㗎，但一唱歌就開心到癲左搖哂un哂雙手拎搖鈴打拍子又準，肯定係班上最投入果個。我諗小朋友天生有自己喜好，都好正常嘅。不過我之前留意到阿囡啲手指仔拎細物件唔係好靈活，佢小肌肉協調未係太好，可能導致佢做勞美或玩其他用手嘅遊戲有困難令佢冇耐性坐定做。所以我呢期多D訓練佢小肌肉，佢上堂玩小遊戲係有耐性坐得定左。

作者: halflower 時間: 13-11-19 10:10 標題: 引用：BN13個月大，上playgroup每次做勞作都唔肯

提示: 作者被禁止或刪除內容自動屏蔽

作者: Annbaat 時間: 13-11-19 10:22 標題: 回覆：有無bb上playgroup會咁？

我個女17個月先開始返playgroup，開頭情況一樣喊走扭，勁唔專心，跟同班小朋友比較，係最差果一個。之後，俾佢固定一個playgroup，每星期兩堂，開始習慣左個模式就好好多，唔洗擔心，要啲時間適應啫。

作者: 文文豬豬 時間: 13-11-19 11:04

my son is 14 months, he will cry once the teachers are singing.

What can I do???

歡迎光臨教育王國 (/)