教育王國
標題: 資優本身就是一個病/問題嗎? [打印本頁]
作者: derek0811 時間: 13-11-18 10:53 標題: 資優本身就是一個病/問題嗎?
資優本身就是一個問題嗎? 甚至是一種病嗎?
究竟是資優還是有病? 真的攪不清....是以下咁的:
仔仔現在K3, 從小對文字及數字異常地敏感及喜歡, 可以過目不忘, 而且理解當中意思. 所以他中文(無論讀及寫)及數學也是資優, 已能寫通順短文(相信也是小三以上程度)及計對他年齡來說很複雜的數(小4年級程度).
他拿起筆便能寫出心中所想; 他看完書, 便能複述書中艱深的理論; 看完巴士站一會兒, 便能告訴你巴士途經的站頭. 他心算及換算都很快.
看似很叻, 很神奇是嗎? 但問題便來了, 他無論做咩都會寫字....叫他做美術手工, 他會在那些手工上寫字或句子; 叫他畫畫, 他又大部分變成寫字; 叫他做功課, 他又在功課上另外寫一些他當時想到的字及句子.
看見數字, 他會計算, 例如商場舖頭貼個牌出來: "11月4-10日進行裝修, 不便之處請見諒." 他讀完後便說: "咁即每日裝修1/6啦." 總之佢好多野都會連繫到計數上去....
好似佢既生活裡, 解讀文字及計數已佔了大部分的時間, 佢好似為了這兩樣東西而活, 完全不平衡!! 但他好像不能自拔, 不這樣便會不開心...
所以起初時我地幾高興, 以為有個叻仔, 咁細個已識睇咁多大人程度的書, 學到好多知識, 咩複雜的字都識用識寫, 而計數又快又叻. 但現在細心思考.....完全不平衡, 不正常, 太側埋一邊了.....去到一個程度可能要進行心理輔導及調節, 將佢由極端拉回平衡點.....培養佢體能, 人際, 同理心及其他方面的興趣.....但發覺有難度....不知從何入手?
有否類似經驗的家長可分享做法? 另外, 我應繼續提供文字及數字的方便給他嗎? 還是要有意識地禁止? 如何禁?
先謝謝各位.
作者: lillymarie 時間: 13-11-18 12:21
有沒有評估過會否有自閉傾向或其它問題？資優只是IQ test 一個分數，不是病。小朋友可能有其它問題。
作者: derek0811 時間: 13-11-18 12:30 標題: 回覆：lillymarie 的帖子
有評估過，醫生認為無其他問題。但生活上我地的覺得佢太迷戀文字及數學，有時會造成不便，例如佢未寫完段嘢，地震冧樓佢都唔會罷休。
作者: lillymarie 時間: 13-11-18 12:59
咁佢係太鍾意自己做的事罷了。在家有沒有定規矩教他節制呀，好似沉迷打機咁應付。
作者: MASAYA 時間: 13-11-18 23:30
以香港標準係難容納一些偏才, 每個人都要求每個人要係全才...
好似唱歌好聽又嫌醜樣, 樣靚又嫌演技差, 好演技又嫌冇身材...
如果唔係偏側到日常生活有問題或成績唔係100分就係0分, 其實都唔駛太緊張
作者: goodday 時間: 13-11-19 12:36
本帖最後由 goodday 於 13-11-19 12:37 編輯
以前上家長課程聽一位家長講，她兒子沉迷噴水池，任何事物都聯想到噴水池，思路永遠環繞著這方面諗；另一個案系沉迷關注廁所，例如馬桶，廁所板設計等等。
唔知系咪資優小朋友都會有某種對知識的固執？
作者: Melody_BB 時間: 13-11-19 12:47 標題: 回覆：資優本身就是一個病/問題嗎
資優本身不是病，但若影響他的人際交往，與人溝通，合作便有問題，從他小時候就要正視。因為他不是生活在自己的世界，而人是群體生物。若他不能融入，便會影響他長大後的生活，社交，自信，甚至工作，家庭。所以均衡發展很重要。
老實說，我有D擔心你囝囝的情況。因為他很似我一個朋友。他小學時己有高中程度的語文程度，但內心很寂寞。中英數科科第一，但和同學相處顯得格格不入，因為他嫌我地低B，我地又嫌他懶高深。態度性格當然也是他能不合群的主因。最後他把自己藏得更深……未能發揮他天賦的才能，好可惜
希望你囝囝可好好運用天賦，在學習和生活中取得平衡。
作者: Aerosol_Ma 時間: 13-11-19 13:56
回覆 derek0811 的帖子
妳小朋友情況和我小朋友以前差不多. 他在K3巳經讀完CTY既yr 4 Math. 又孝了幾個奧數比賽. 很多是可以跳級考,e.g World Class Arena 和AMC. 妳可以比他玩下.
等他知道 ”一山還有一山高”. 妳不用擔心他只想文字和數學. 當小朋友大小以後知道什麼是XBOX, Angry Bird, Candy Crush以後,他們多了這些興趣, 就會自自然然分心. 不會再這縻沈迷. 現在可以帶他多去公園. 多點和同年紀o既小朋友玩.
作者: Radiomama 時間: 13-11-19 16:09
Aerosol_Ma 發表於 13-11-19 13:56 
回覆 derek0811 的帖子
妳小朋友情況和我小朋友以前差不多. 他在K3巳經讀完CTY既yr 4 Math. 又孝了幾個奧 ...
作者: Aerosol_Ma 時間: 13-11-19 16:31
本帖最後由 Aerosol_Ma 於 13-11-19 16:31 編輯
回覆 Radiomama 的帖子
他學校知道他數學水平後和考了World Class Arena (Math) 拿Dist以後, 現在准他(小二)和小五一齊上課後資優班. 這班會在明年Sping 考World Class Arena o既Problem Solving, 除之這個課程, 他現在自己在網上參加了一個Pre-algebra 課程. 比CTY平好多. 比他有時間時 (say Sat/Sun) 玩o下, 當消磨時間.也會考奧數. 他自己看奧數書和一些Brain Test o既書. 我由得他, 我不會教.
作者: 魚王 時間: 13-11-19 18:01 標題: 回覆：資優本身就是一個病/問題嗎
我個仔我都懷疑佢有資優，now only n1.佢的愛好是音樂。我都覺得佢太沉迷，影響社交。所以比佢反全曰班，ok wor. 戎掉了一曰煲音樂碟的習慣。
作者: derek0811 時間: 13-11-20 10:54 標題: 回覆：Aerosol_Ma 的帖子
佢好似上癮咁，一日到黑都要睇書寫字，否則便很難過日子。他出街坐車就如一部scanner般，四圍看有字的東西。然後回家寫返出來，最經典是巴士路線，逐個站寫返出來。(佢人肉scan完便記得了。)
作者: Capricorn2521 時間: 13-11-20 11:30
本帖最後由 Capricorn2521 於 13-11-20 12:01 編輯
回覆 derek0811 的帖子
你講得對，真係要平衡一下。
評估醫生有冇建議? 幼稚園老師覺得有問題嗎?
很多亞氏保加/高功能自閉症小朋友，都有你個仔呢個問題，文字/數字超強，人際社交超弱，包括我個仔 (當然你仔強好多)。改善方法就係要用佢有興趣嘅題目，及有趣嘅方法去吸引佢學其他興趣。例如：佢鐘意數字，吾鐘意畫畫。可以，用colour pencil/crayon 畫數字，在數字上加上五官，手腳及動作，旁加屋、加樹。佢喜歡文字，可以買一些關於同理心，關心別人的圖書比佢睇，再同佢討論內容。
我吾贊成禁止佢，不過要多番解釋及引導。知道不容易，要花很多心機及時間。
我發現，特殊教育嘅專業人仕多著眼在我仔弱項，而普通親朋戚友老師多著眼在我仔強項。唯有我自己取其平衡點！
作者: breadbb 時間: 13-11-20 12:20 標題: 引用：佢好似上癮咁，一日到黑都要睇書寫字，否則
原帖由 derek0811 於 13-11-20 發表
佢好似上癮咁，一日到黑都要睇書寫字，否則便很難過日子。他出街坐車就如一部scanner般，四圍看有字的東西 ...
作者: derek0811 時間: 13-11-20 17:13 標題: 回覆：Capricorn2521 的帖子
你說的很對，會多加注意。暫時就看不出有甚麼其他大問題，主要開發多些興趣。
作者: Chujai 時間: 13-11-20 19:39 標題: 引用：資優本身就是一個問題嗎?+甚至是一種病嗎?
原帖由 derek0811 於 13-11-18 發表
資優本身就是一個問題嗎? 甚至是一種病嗎?
究竟是資優還是有病? 真的攪不清....是以下咁的:
作者: LITTLESPICY 時間: 13-11-20 22:40 標題: 引用：Quote:原帖由+derek0811+於+13-11-20+發表
原帖由 breadbb 於 13-11-20 發表
我仔k1 都係好迷字同埋數字！出街永遠企好耐睇路牌！只搭巴士地鐵 上小巴勁喊 因為無野睇 唯有睇路牌！近日 ...
作者: Stillgood2 時間: 13-11-20 23:13
我細仔我都懷疑佢有資優, 學校的健康檢查也曾跟醫生聊過一下. 情況有是對數學有優勢. 小六畢業時, 數學並不是全級最好的, 隨便考試, 也不計成績, 往往得第三.四. 在校外數學比賽, 得獎是同學中最多. 可是, 我見細囝做一下數學功課和學校的數學班習作, 從不溫習, 就算考試, 都從不溫書. 其實, 細囝並不十分熱忱數學.
到了中一, 資優數班, 全年總結第三. 現在中二了, 班主任話, 班上學的數學是中四水平的, 大部份同學都達標. 細囝最近對數學沒了興趣, 不是因為數學難了, 而是數學給他的興趣不大.
我曾說過, 數學科, 強中自有強中手, 天資有很大幫助, 努力十分重要. 但是, 細囝一直找不到數學重大的意義. 希望, 有一天開竅.
樓主的題目很好. 是否需要困在數學裡!
細囝有一個好大的特點, 就是樂觀! 數學是他的工具而已.
作者: breadbb 時間: 13-11-21 01:27 標題: 引用：Quote:原帖由+breadbb+於+13-11-20+發表我
原帖由 LITTLESPICY 於 13-11-20 發表
你有沒有做亞氏同資優評估？
作者: derek0811 時間: 13-11-21 12:17
本帖最後由 derek0811 於 13-11-21 12:21 編輯
回覆 MASAYA 的帖子
"事實上，絕大部分的亞氏保加兒童都有其獨特的專長。由於他們對某些東西/事物有濃厚的興趣，且會很專注地研究了解，再加上他們頑強的記憶力，所以他們在某範圍的發展確令人感到吃驚。"
咁究竟是資優, 定只靠記憶及專注地研究而成的假資優?
如果只有很輕微的亞氏保加不好方面的症狀, 但卻有其獨特的專長--頑強的記憶力+很專注地研究事物, 那又怎界定這個小孩?
作者: Aerosol_Ma 時間: 13-11-21 13:00
回覆 derek0811 的帖子
資優其中一個被評估的是記憶. 妳可以看我以前一個post
http://www.edu-kingdom.com/forum.php?mod=viewthread&tid=2674733&extra=page%3D1
當然單單好記性沒多用. 一定要好好利用他們的優點.
作者: MASAYA 時間: 13-11-21 13:45
derek0811 發表於 13-11-21 12:17
回覆 MASAYA 的帖子
"事實上，絕大部分的亞氏保加兒童都有其獨特的專長。由於他們對某些東西/事物有濃厚的 ...
我係相信順其自然呢回事，因為越禁止反抗越大，
小朋友既世界太窄，所以佢地只可以挖深個世界，年紀越大世界越闊就會改善，
前提係醫生話無其它問題
作者: PingGu 時間: 13-12-3 12:01
請問在那裡有評估可做？多少$？ 我仔仔K2。。。
作者: shareholder 時間: 13-12-3 15:39
無問題呀, 如果俾我, 我就會俾更多書佢睇, 等佢發揮自己應有的長處,
我會同佢玩模擬買賣東西之類的遊戲, 等佢可以將數學同生活結合, 運用下創意, 就可以啟發到佢
| 歡迎光臨 教育王國 (/) |
Powered by Discuz! X1.5 |