教育王國
標題: 唔係好想帶个仔同朋友吃飯 [打印本頁]
作者: winwinwan1121 時間: 13-11-16 01:53 標題: 唔係好想帶个仔同朋友吃飯
仔仔兩歲半發展遲綬，朋友个小朋友好叻果隻，次次會帶佢吃鈑，下星期會一班人吃飯，我選擇不帶仔仔了，費事自己唔開心
今日幼稚園有家長日，我阿媽話佢好多同班n1嘅小朋友都識表演，跟著老師做簡單動作，而我个仔就只係企喺度，唔知乜野事，我只係好無奈.，，，
知道佢有問題後，成日都好唔開心，老公又認为佢遲D會追返，唔使咁擔心，我自己就成日諗，成日唔開心，怪自己早產，好似累左阿仔，身邊沒人明日我感受，好辛苦，。。。
作者: lillymarie 時間: 13-11-16 06:01
小朋友早出世幾多週呀？
作者: 湘兒 時間: 13-11-16 06:20 標題: 引用：仔仔兩歲半發展遲綬，朋友个小朋友好叻果隻
原帖由 winwinwan1121 於 13-11-16 發表
仔仔兩歲半發展遲綬，朋友个小朋友好叻果隻，次次會帶佢吃鈑，下星期會一班人吃飯，我選擇不帶仔仔了，費事 ...
你做啊媽都嫌棄自己個仔，其實人又會點睇他呢？
凡事無絕對的！
你仔仔有無上training ?
3-6歲學前階級追得幾多就幾多！
作者: lovehinbear 時間: 13-11-16 09:13 標題: 回覆：唔係好想帶个仔同朋友吃飯
你要加油呀！我既仔仔是超早產b，我一直也都十分擔心因早產影響仔仔既發展，飲食又差，一直有上e位，而家4歲几啦！k2啦！好可愛加可惡，進步很多，番學冇問題，好開心！
但就算到了而家，一有小問題，我就直覺又關早產事！但就係因早產，令我更不敢鬆械，常找資料，和仔仔仲要比其他冇問題既小朋友更努力，小問題一出，更緊慎處理！
到了而家，有多少回報了，但依然要努力，擔心將來上小學時學習同其他方面有冇問題，所以人地話養兒一百歲，長憂99，哈哈，我諗如果我可以再長命啲，我諗起碼長憂109呀！你要加油呀！小孩頭6年係黃金期，唔好放棄！就算普通小朋友，每個都有差異呢！所以唔好比較（哈哈！講就容易），但多同其他小朋友接觸也能幫助刺激你的小朋友呢！如果兩個小朋友相處冇好大問題，真的不防帶兒子多參加聚會，對兒子有正面既影響呢！
作者: Capricorn2521 時間: 13-11-16 11:24
回復 winwinwan1121 的帖子
你個仔咪好喔，識得企響樹。我個仔N班表演rehersal時走咗出位，最後直情冇得參加表演呀！
作者: methy 時間: 13-11-16 17:31 標題: 回覆：winwinwan1121 的帖子
本帖最後由 methy 於 13-11-16 17:33 編輯
我仔N班連自己一個企係到既能力都無，能坐。無計，未發展再就係未發展到。
我照同阿仔出街見朋友，到呢刻我仔出街都引來大量＂個細路行成咁？＂既奇異目光，我唔理架，朋友都知道。
我明白如果小朋友年齡同自己既一樣，人地樣樣都得，自己果個唔得，的確唔好受，同埋老實真係無話題，人地講緊讀名校呀，學識左d咩外語，跳舞之類，我仍然停留係：嘩，阿仔今日放手行到兩級樓梯喇！仲要係成年都係d咁細微既進步，同人講多兩次都悶。但我係好替自己小朋友既進步而開心架，多欣賞佢，慢慢你會過濾到人地眼光。
認識小朋友都有類似情況既家長，會易溝通d,大家互相交流鼓勵，正能量都會多d.
作者: szenana 時間: 13-11-16 23:09 標題: 回覆:唔係好想帶个仔同朋友吃飯
其实唔需要理人点講，我照比我小朋友同朋友食飯，等佢見出面多D野，不过有时佢比人讚望人進步左，乖左，我都開心
作者: taylortse 時間: 13-11-16 23:32 標題: 回覆：唔係好想帶个仔同朋友吃飯
我個仔五歲，都係發展遲緩，讀左兩年k1都係上堂發呆，全班上台表演明明向左轉佢就向右轉，係今年讀k2先至進步左好多，而家只係認讀方面未跟得上，你要加油，唔好比壓力自己
作者: belau8009 時間: 13-11-17 07:50 標題: 回覆：唔係好想帶个仔同朋友吃飯
無最慘，祗有更慘，當你係街見到一些滿頭白發的人拖住一個(弱兒/坐在特別輪椅的)二十幾歲仔女，他們望著仔女的眼神係永不放棄，你個有心教將來會養到自己，可能教得好會養埋你！如果你啲朋友明知咁都要比較你好快啲遠離，交心的朋友才重要，包容的家長教出的小朋友更有愛心！希望你放得開一些所謂好的朋友唔好放棄教育自己的仔女！
作者: 已刪除用戶 時間: 13-11-17 11:03 標題: 引用：無最慘，祗有更慘，當你係街見到一些滿頭白
原帖由 belau8009 於 13-11-17 發表
無最慘，祗有更慘，當你係街見到一些滿頭白發的人拖住一個(弱兒/坐在特別輪椅的)二十幾歲仔女，他們望著仔 ...
我仔由兩歲講野可合格開始，俾左一連串刺激我：global delay、語障、大遠視大散光、扁平足、小肌弱、ADHD、最近中埋ASD（自閉）。我當然都試過down爆既日子，學你話齋，出入政府醫院大口環，見到有d病童，連坐都吾識坐，照顧自己都無力。望下自己果隻馬騮，仲有咩好怨？個天無俾小我，天生我才，我仔寫字大大鑊，但數學好叻，我仔上台都係碌木，但估吾到做戲劇司儀背台詞勁爆，連人地段稿都背埋，老師偶然搵佢負責下d角色佢不知幾開心。俾d時間佢地，俾心機發掘佢。每個孩子都有過人之處，加油
作者: methy 時間: 13-11-17 13:47 標題: 回覆：Charlotte_mom 的帖子
阿仔學校開放日表演，老師拖住佢出場，跟尾既同學要老師抱出黎，跟住安排坐特製既椅子，果一刻覺得阿仔雖然因為肌肉低張而行得怪異，但至少自己行到。出街我已經完全唔理路人目光了。
作者: 414928 時間: 13-11-17 18:31
早產是你自己選擇的嗎?既然不是自己問題又何必自責?能夠平安出世已比別人幸運。
遲左不等於不會進步,但最重要因素是父母能接受自己的子女是獨特和唯一的,這樣你才能放開心情地愛他,每天總是拿別人比較,自己會很辛苦,應該調整心態,要比較就是昨天的他和今天的他,有進步就要讚賞,你的讚賞是他進步的動力。
作者: lovehinbear 時間: 13-11-17 21:28 標題: 回覆：唔係好想帶个仔同朋友吃飯
我另外一個兒子就是一世坐都唔會坐得到既孩子。
作者: kenwong888 時間: 13-11-17 23:22
回復 winwinwan1121 的帖子
Never give up
作者: kennyrita 時間: 13-11-18 09:36
回復 winwinwan1121 的帖子
我個囡都係遲緩, 朝早做早操又係唔郁果隻, 唱歌嘅時候, 又係唔會跟住唱, 但唔一定代表佢唔識架, 佢日常生活中又會自己唱番出來的,
可能你小朋友鍾意觀察呢
作者: kennyrita 時間: 13-11-18 09:40
回復 winwinwan1121 的帖子
我囡3歲9個月, 都未識得表演, 你個小朋友算叻啦
作者: celia1606 時間: 13-11-18 19:27
提示: 作者被禁止或刪除 內容自動屏蔽
作者: belau8009 時間: 13-11-19 07:00 標題: 回覆：Charlotte_mom 的帖子
太好啦！你咁快就找到他的優勢，我仲發掘緊！祝福你們一家繼續努力！
作者: belau8009 時間: 13-11-19 07:06 標題: 回覆：唔係好想帶个仔同朋友吃飯
太太，好多人比你仔慘，亦有大把家庭和你一樣努力緊，我自己一個對兩個特殊小朋友，先生幫唔到手，但他都盡力而為，人生有命就有得改善，咪再沉迷自己的世界，仔仔仲細係訓練的好機會！
作者: celia1606 時間: 13-11-19 15:01
提示: 作者被禁止或刪除 內容自動屏蔽
作者: winwinwan1121 時間: 13-11-20 03:06 標題: 回覆：lillymarie 的帖子
阿仔出世34週，要急救用氧氣箱呼吸，唔知係唔係因为咁樣影響个腦發展，我見朋友果女細佢成8个月都叻過佢，佢果D n1同學仔己經對答如流，果日仲指住我个仔叫佢个名，而佢仲係几个單字發音。
老實講，果種感覺真係好難受，但只可以接受，因为無論奌佢都係我个仔。
作者: winwinwan1121 時間: 13-11-20 03:38 標題: 引用：回復+winwinwan1121+的帖子
我個囡都係遲
原帖由 kennyrita 於 13-11-18 發表
回復 winwinwan1121 的帖子
我個囡都係遲緩, 朝早做早操又係唔郁果隻, 唱歌嘅時候, 又係唔會跟住唱, 但唔 ...
老師話佢平時都上唔到堂，坐定定唔喊己算好lah, 第一日陪佢返學，我都知佢有D問題，佢係全埸喊得最勁果個，个个跟老師做大肌肉運動，叶歌郁手郁腳，佢完全唔識，同學仔可以自己mi貼纸，有紋路地油顔色，佢完全唔得，人地搶佢D玩具，只識大喊，做集体游戲又係完全唔識，唔太想参予，根本佢就係未到果個level, 沒得講，基本上佢仲係停留在小b階段。
作者: kennyrita 時間: 13-11-20 09:43
回覆 winwinwan1121 的帖子
我囡2歲半時都係唔識mi貼纸，唔識有紋路地油顔色，人地搶佢D玩具, 呀囡直頭無反應, 做大肌肉運動，叶歌郁手郁腳，我囡都唔得, 做集体游戲又係完全唔識，直頭唔肯参予。我囡去遊樂場, 一見有人跟尾就驚, 即刻掉頭走tim
直到現在3歲幾, 除左識mi貼纸外, 其他都唔係好得, 現在只不過肯玩遊樂場
作者: methy 時間: 13-11-20 09:47 標題: 回覆：winwinwan1121 的帖子
表演就係表演，企出黎面對咁多人，點都會有點緊張，家長肯讚肯欣賞自然能提升小朋友自信。睇你回覆講到佢一無是處，放大佢既不足，唔知點解我覺得好心痛，第一日返學，新環境，好多小朋友都會喊，好正常。meet貼紙係要小手肌發展好先自如做到，細個未得都正常，比佢meet多d自然慢慢掌握到，邊方面弱就幫邊方面。正常個個小朋友發展都唔同，有d大肌好發達，有d把口好得，無得比較。如果小朋友發展慢，比黎都無謂，我只睇自己小朋友本身既進步，今個月比上個月又學識左新動作，進步左呀，我已經好開心。
作者: bauhiniakan2000 時間: 13-11-20 13:22
winwinwan1121 發表於 13-11-20 03:38 
佢所謂表演，只係企左係度，見到婆婆同公公己經想撲埋佢走啦。。。
老師話佢平時都上唔到堂，坐定定唔喊己 ...
開學才三個多月,去年我仔壆校小朋友有發展遲援的都追返晒,比心機努力呀,加油!
作者: yicbc 時間: 13-11-21 09:06 標題: 回覆：winwinwan1121 的帖子
別人眼光有朝一日你一定會適應及唔理，無論個仔係點，都要比佢適應社區，多啲接觸其他人，現階段你係最難受的，慢慢你會適應
作者: kennyrita 時間: 13-11-21 09:30
回覆 winwinwan1121 的帖子
同埋比多d 經驗佢, 係一件好事來, 好等佢自己累積經驗, 一定會有一日會用得番出來, 如果物都唔比, 佢根本學唔到野
作者: joeyk715 時間: 13-11-21 12:04
回覆 winwinwan1121 的帖子
我小朋友都係發展遲緩, 但總算係自己行到.. 好好彩佢兩歲開始入讀s位, 一年時間由唔可以自己企穏去到而家自己行, 扶住可以上落樓梯, 由唔識講野到而家成日唱歌講野, 一年既進步可以好大,好多.. 雖然呢d野人地兩歲一早識晒...
所以我地唔好因為一開始小朋友表現未如理想, 就覺得佢無機會進步。 換個角度諗, 你而家發現到佢小肌肉唔得, 咪train 多d小肌肉, 比佢接觸多d, 用多d, 自然會進步... 早d知道佢邊度不足, 早d 對症下藥... 你會發現原來係好有效果既
唔好怕比其他人見到你小朋友, 問自己怕什麼, 人地知道又如何, 咁咪同人講原因, 佢明白既會明白, 做得朋友應該係互相幫助扶持, 或者你朋友間識d 人可以幫到你小朋友呢?
加油~ 你小朋友好需要你幫佢!
作者: kikigal 時間: 13-11-22 23:08
回覆 winwinwan1121 的帖子
我明白的... 我個仔一出世已比人指指點點到3歲, 又只有我or老公湊...沒有長輩幫忙...
現在4歲了, 閒話終於少了些.
如果你湊小朋友辛苦, 當然可以自己赴會(若有其他人幫忙), 至少唔駛聽埋D閒言閒語.... 你也可以透透氣.
但如果是你真正的朋友, 會明白你的情況.... 只是朋友的細路會忍不住在人前認叻.....
最重要係, 若你想你個仔一樣認識你D朋友, 就帶埋仔去啦
...
今次見面未夠叻唔駛灰心, 下次見面, 其他人一定會發現你仔仔比上次見面有很大進步!! 加油!
作者: cksy_bb 時間: 13-11-23 20:27 標題: 回覆：winwinwan1121 的帖子
禁啦！你比一段時間自己，第一係繼續做訓練之外，每星期set 個比自己釋放既時間，個段時間完全唔做訓練。第二，係調整自己既看法，用你個仔同人比較，梗有距離，假如你達不到別人小孩既指標，咪以別人孩子既能力降低幾級，將你定好既級別比孩子在學識每樣目標後，獎勵自己，獎勵孩子。第四，你唔夠愛，真係唔夠，因為你目光放在別人孩子成第一，重自己感受又多過孩子感受，坦白講，呢度好多父母都會見到自己孩子在四歲先學識單腳企而驕傲，點解，因為佢地知道自己孩子好努力，好堅持，一步一步走上，覺得自己小孩好叻，直情將呢份榮耀蓋過媽媽所付出既所有，呢種愛，只有special mother 先感受到。第三，同孩子同朋友食飯，都無須理自己感受，更無須理別人孩子有幾叻，假如大家講起小孩有幾叻，考到咩，學識咩，你都可以講下自己孩子有咩進步架，一定要步伐一致先係「有用既人」？如果朋友怪異，我試過反枱，因為價值觀不同，包容度不同，朋友感情深厚，自然都因為見到你小朋友進步而開心！第五，A 仔開不到口說話，但都是一般小孩，有感受，如果你有讀心術，聽見孩子問你：媽媽，我係咪唔可以見你朋友，係咪會令你覺醜呀？，你會點？最後，你既struggling , 我試過，但無比事情發生，我從一開始就問自己好多問題，要自己公平對待自己孩子，比所有小朋友一致既權利佢，所以，你要加油，路⋯再難都要走，光明路，是自己走出來的，而且，你並不孤單
作者: bauhiniakan2000 時間: 13-11-25 01:07
cksy_bb 發表於 13-11-23 20:27
禁啦！你比一段時間自己，第一係繼續做訓練之外，每星期set 個比自己釋放既時間，個段時間完全唔做訓練。第 ...
講得好,你小朋友一定好幸福
作者: 濼晴 時間: 13-11-25 12:30 標題: 回覆：winwinwan1121 的帖子
我小朋友都有言語delay 我身邊朋友都很體諒
我亦冇介意 多帶佢出去合群 小朋友跟小朋友玩得多自然會好點， 另外唔好逃避 報一些訓練班 小朋友好快追得上
作者: 濼晴 時間: 13-11-25 12:31 標題: 回覆：winwinwan1121 的帖子
我女果時讀n 成個呆仔甘 每人發展不同， 健康就足夠。 唔好放棄
作者: bauhiniakan2000 時間: 13-11-25 13:25
作者: chowqv 時間: 13-11-28 01:13 標題: 回覆：唔係好想帶个仔同朋友吃飯
係朋友既會體諒明白，唔明仲有說話轉既，唔識也罷。
我愛我個仔既本相，佢有咩弱項都係我最愛既。
我信無論做咩訓練，治療都好，父母無條件既愛先係最佳良藥。
作者: szenana 時間: 13-11-28 02:32 標題: 回覆:唔係好想帶个仔同朋友吃飯
我仔初初返主流k1鏟地，尖叫，掩耳，周圍走，但出去訓練两个月，日日堅持同佢在屋企訓練，已经有好大進步，你都唔好放棄
作者: chynnamama 時間: 13-11-28 13:41
回覆 winwinwan1121 的帖子
我仔都係 n 班, 初返學日日問老師都係話佢坐唔定同叫唔應/做.... 現在返咗3個月又覺得佢進步多咗, 雖然可能都係比其他小朋友慢, 但係成日响屋唱歌... 比d 時間, 仲細有好大進步空間..
作者: 4月10日媽媽 時間: 13-11-29 22:31
看到這樣多的正能量，真的很感動，成日同自己講要接受自己個仔係發展慢，但眼看其他小朋友有幾叻，考到甚麼甚麼小學，總是心有戚戚然，但另一方面，對自己個仔早產，27週，而家身體尚可，只是瘦弱一些，又十分感恩，所以真的很感動，看到大家可以互相支持！
作者: yamadalei 時間: 14-4-10 16:46
winwinwan1121 發表於 13-11-16 01:53
仔仔兩歲半發展遲綬，朋友个小朋友好叻果隻，次次會帶佢吃鈑，下星期會一班人吃飯，我選擇不帶仔仔了，費事 ...
作者: kashin 時間: 14-4-11 00:55
我就係個仔吾鐘意同埋其他人一起...只愛和爸爸媽媽一起.....自閉症小朋友好有佢地自己想法....我仔都係早產一出世入icu...停左2次吾識透氣...成身都係喉..手腳流晒血....胃果條喉最心痛....成身無一處好肉.....好慘....日日係個氧氣箱又吾見左媽媽...久吾久比人做手術..好痛好慘....所以我同老公要愛他多好多好多...補償佢出世時既苦....而我就連陣痛都無...因為佢太細隻...一起身就穿半水趕住去生...我個肚完全無肚紋無花....生時連止痛既笑氣...藥都無用...就咁自然生...所以我好愛我個仔....佢為我受了很多苦....我既朋友們都好愛佢...但係佢就只愛爸爸和媽媽....一日起碼鍚我50次....好聽我話.....好乖.....但當然和其他小朋友一起好明顯有分別....別人一眼就知...有人會問我...我就話係....自閉症....而家讀特殊小一....我反而覺得阿仔比一般小朋友幸福..因為掛住個S牌...代表吾好比壓力佢....係...我都掛住個S媽既牌..都吾好比壓力我...
有時都覺得有少少濫用左....轉個心態去好好生活吧...慢慢你會發覺你同小朋友既新活會有好多改變....
作者: siufung 時間: 14-4-11 01:57 標題: 回覆：kashin 的帖子
值得嬌傲
作者: Y123 時間: 14-4-14 18:04 標題: 回覆：唔係好想帶个仔同朋友吃飯
無得避，要勇於面對，帶佢出去見多些人都好，朋友方面，可以單聲先，係真朋友會包容，係包容，唔係就，特別照顧，你岀去都開心d,唔好屈住
作者: DollyCC 時間: 14-4-14 19:03 標題: 回覆：唔係好想帶个仔同朋友吃飯
媽媽加油呀，發展遲緩可以追，我囡囡都遲緩，我地足月出生。努力train都好似差過同齡小朋友。明白既，做媽媽實擔心。但我同自己講唔再同人比只睇佢既進步。要比只同遲半年既小朋友比。要明白普通小朋友頭幾年每個月都識多野，要追正常，要比正常跑得更快。對佢唔公平，只要有進步，已經好好，我地係長跑。唔好急，一定追得番。
作者: LeeCC 時間: 14-4-19 06:33
如果係朋友會包容，唔炫耀自己小朋友有几叻，而係帶小朋友出來教你小朋友玩，我慶幸有幾個這樣的好姊妹，阿仔有幾個由出生開始一直扶持他的朋友仔
BTw，我個仔快6歲，社交只有4歲，而且仲未識單脚企
作者: Fanny媽媽 時間: 14-4-19 16:57 標題: 引用：仔仔兩歲半發展遲綬，朋友个小朋友好叻果隻
原帖由 winwinwan1121 於 13-11-16 發表
仔仔兩歲半發展遲綬，朋友个小朋友好叻果隻，次次會帶佢吃鈑，下星期會一班人吃飯，我選擇不帶仔仔了，費事 ...
作者: feipow 時間: 14-4-23 09:18 標題: 回覆：唔係好想帶个仔同朋友吃飯
提示: 作者被禁止或刪除 內容自動屏蔽
作者: idak 時間: 14-4-24 00:14 標題: 回覆：唔係好想帶个仔同朋友吃飯
我個女語言遲緩、固執同成日發皮氣，初初同朋友食飯只可坐半個鐘，就算有玩具、零食同電話，都坐唔到耐，以家可以坐到二個鐘。以前老公都唔想帶佢出去見人，比我鬧咁做只會令個女乜都唔識，如果真係朋友的話會體諒！
| 歡迎光臨 教育王國 (/) |
Powered by Discuz! X1.5 |