教育王國
標題: 發展遲緩係唔係跟一世? [打印本頁]
作者: winwinwan1121 時間: 13-11-15 04:16 標題: 發展遲緩係唔係跟一世?
bb而家2歲半，整体發展遲緩，未識講野，同同齡小朋友相對大落後，係唔係等如佢將來讀書成绩會好差，有冇家長可以分享?
作者: mosquito_chu 時間: 13-11-15 08:24 標題: 回覆：winwinwan1121 的帖子
當然吾系，愈早發現，愈早接受治療，家長同小朋友做練習，痊愈機會好高嫁！
作者: shuna 時間: 13-11-15 08:26 標題: 回覆：winwinwan1121 的帖子
要睇佢本身potential, 有potential 你又努力訓練佢, 會追得返變正常小朋友學習能力但可能有一d野爭少少, 冇potential, 你又努力訓練, 會追近d正常小朋友或有限智能讀到普通小學, 未必讀書好叻, 又可能係輕度弱智, 冇potential 你又唔努力可以係輕度弱智或中度弱智。6歲評估就知, 所以好好把握而家既時間幫佢,將來既事係無限可能。
作者: crystal媽咪 時間: 13-11-15 09:26
只要加以適當訓練, 視乎小朋友邊方面的遲緩(加上PT / OT/ST/PST....)
其實早發現已很好, 多做家居訓練, 多練習.
可以把差距追近同齡, 也有小朋友語言同小肌肉都慢2年多,
而家都追得返, 讀普通小學, 沒有支援.
加油 !!!!!
作者: pocoyo123 時間: 13-11-15 10:16
小兒是一個例子, 小時評估, 整體相差1年半, A仔傾向, 入學前評估智能中下,A仔,今日在一間一線尾小學讀, 40人一班, 傳統教學,讀程不淺, 成績在全級中間, 真係要睇下你怎樣去面對佢的差距, 努力和小朋友向前行, 你會見到好多美好一面
作者: 湘兒 時間: 13-11-16 06:28 標題: 回覆：發展遲緩係唔係跟一世?
晤會。
我仔小時都係遲緩，情緒問題。初時家長的確難面對，係協康會早期接受左三年training ，repeat 一年k3。
到升小學前，CAD 個評估話他追返同齡，真係好感恩。宜家讀緊小一，亦比預期理想，中規中矩。
作者: methy 時間: 13-11-16 17:58 標題: 回覆：winwinwan1121 的帖子
有無發現慢，都無人知自己小朋友將來讀書叻定唔叻。眼前最緊要做評估（如果未做），搵訓練（如果未排到政府服務），幫助小朋友追返發展水平，以應付生活上能自理，語言上能表達需要，社交上能同人相處等等，將來係點、就算小朋友正常（發展），都唔知佢有無書緣，作為家長，盡左責任教佢，能力範圍比佢最好最多既資源就是了。
其實小朋友身體健康最緊要。
作者: fmc 時間: 13-11-19 23:26
其實所謂追番,係剛猛車邊,唔會完全追到,我仔都係遲緩現在小3,普通淺課程學校,
小一默唔到書,考試唔使講,唔會及格,現在小3,追到D D,只有中文唔得,但功課令佢好吃力,落去補習班好D5點半去,9點會返來,唔落去就12點先會做完
作者: winwinwan1121 時間: 13-11-20 02:35 標題: 引用：bb而家2歲半，整体發展遲緩，未識講野，同
原帖由 winwinwan1121 於 13-11-15 發表
bb而家2歲半，整体發展遲緩，未識講野，同同齡小朋友相對大落後，係唔係等如佢將來讀書成绩會好差，有冇家 ...
作者: fmc 時間: 13-11-20 10:29 標題: 回覆：winwinwan1121 的帖子
唔使驚，現在小學，唔比留班，我同我仔學校講想留班，兩年都唔成功，一係話無位，一係話佢唔係最差個個，除非佢有埋其他野，例如過度活躍症………
作者: shirleyley 時間: 13-11-20 13:40
我囝同你囝差唔多年紀,都好擔心但沒法子,唯有積極面對,現在讀緊N班,亦在外面搵多啲培訓及多做家居訓練,希望跟得上,大家一齊努力吧~~~
作者: angels'mom 時間: 13-11-21 21:51
回覆 winwinwan1121 的帖子
小朋友在幼稚園留班也很常見，若留班幫到佢，點解要咁執著﹖
朋友的兒子重讀K1，因為小手肌發展遲，上K2根本寫唔到字，點讀﹖
我個仔K1下學期才開始返學，讀了一年半K1，冇辦法，當時認為阿仔未得，現在覺得對他是一個正確的決定。
作者: bauhiniakan2000 時間: 13-11-22 11:05
winwinwan1121 發表於 13-11-15 04:16 
bb而家2歲半，整体發展遲緩，未識講野，同同齡小朋友相對大落後，係唔係等如佢將來讀書成绩會好差，有冇家 ...
你落心機教會相差好遠,看過文章曾比醫生應為弱智既小朋友,後來知道是自閉,佢媽媽不籪努力下,個仔讀到碩士,係中文大學返工,我仔係a仔,二歲四個月未識講野,bb話都無,現在三歲八個月,我落心機教,可睇住k1的書,讀晒d字出來,識晒三字經d字同識背,理解功課d題目,現在除體能外,大部份都追得返.
作者: Letter_lalaland 時間: 13-11-29 23:45
其實如果幼稚園肯俾小朋友留班係好好彩嘅事，起碼學校唔怕麻煩肯幫手教。
而家一班主流幼稚園25人嘅班，閒閒哋都4-5個學生會有唔同程度嘅特殊學習需要。
作者: waiwai2468 時間: 14-7-1 16:25 標題: 回覆：發展遲緩係唔係跟一世
up
作者: mademoiselle 時間: 14-7-1 23:25 標題: 回覆：發展遲緩係唔係跟一世
我囡剛6歲, 今年9月上小學喇! 4月底喺中九龍度見咗言語治療師, 評估佢言語能力得4歲左右, 剛喺6月中見埋兒童心理學家, 評估佢係有限智能, 但佢報告建議上普通小學, 因為阿囡好聽話, 又肯跟指示做, 覺得可以上, 但我都好擔心。 冇喺出面做治療, 因為經濟未許可長期做, 我係去上講座, 自己同佢跟。
作者: Olympian 時間: 14-7-1 23:43 標題: 回覆：waiwai2468 的帖子
父母希望孩子每天進步是理所當然的事。我們特殊小朋友的家長，進步的目標通常是追到同齡的能力；正常小朋友家長的目標，可能是要比同齡超前。追追趕趕，忐忑憂慮，其實兩班家長都有相似的地方。這幾年我興幸兒子進步良好，但當然某些方面依然落後。不過，自已要求孩子追及同齡的心態不斷減少，因為我知道這只會是無止境的追逐，跟好許多正常小孩家長其實無分別，長此下去，有一天也可能變成怪獸家長。相返，我對孩子的限際越來越接受。這種改變，令我心境平靜許多。平靜了就更能欣賞孩子和感受與孩子的親密感覺。當然，我仍會努力幫助孩子，不過我會時時刻刻提醒自己，盡了力就可以了，結果如何還是由命運決定，平常心，順其自然就好了。
作者: dorabmon 時間: 14-7-2 14:59
回覆 Olympian 的帖子
Can't agree more! 
作者: kenwong888 時間: 14-7-4 17:24
Olympian 發表於 14-7-1 23:43
父母希望孩子每天進步是理所當然的事。我們特殊小朋友的家長，進步的目標通常是追到同齡的能力；正常小朋友 ...
作者: Letter_lalaland 時間: 14-7-5 18:29
本帖最後由 Letter_lalaland 於 14-7-5 22:16 編輯
上咗小學功課係忙咗、多咗，唔得閒"玩"，因為要用好多時間磨功課默書考試；
但如果連 K3 嘅基礎學習能力同冇的話，又點有可能夠輕鬆愉快學習？
好快就會由 K3 追到 --》P1 掹 車邊 --》P2 落後 --》 失望 --》 放棄唔試
就算 K3 畢業當時追返，但並不等如可以放哂手唔再跟進。
好似 健身 同 減肥 咁，明明開始有啲睇頭就放鬆心情，完全停晒唔再"操"，唔再注意飲食。 之後又要再重頭來過囉。
玩住學，學住玩，玩係小朋友嘅本份，玩 需要用腦、眼、耳、口、鼻、手、腳、身體、心、智慧、記憶力、專注力、情緒、社交技巧。
多玩多遊戲，尤其戶外活動其實反而俾小朋友更多機會練習一啲學習所需要嘅技巧同能力。
6 歳前大家努力地追，但6歲後都要俾返多啲時間小朋友keep 住去公園玩，用腦去玩屬於孩子嘅遊戲、練下啲大肌肉、心肺功能、出下汗、曬太陽幫助激活維他命D去吸收鈣質。
唔keep住用，能力不進則退，以前嘅心機同成果就會冇咗㗎啦。
作者: 悠悠110409 時間: 14-7-8 14:57
本帖最後由 悠悠110409 於 14-7-9 17:07 編輯
回覆 winwinwan1121 的帖子
....
作者: lucky2014 時間: 14-7-15 00:19
我個仔以前讀協康，大小肌肉唔協調，寫字差，性格求其，讀書專注，初入去唔識講嘢。我自己俾錢佢做偉氏，操作組below average,語言組高到去頂。而家咪一樣入到band1中學。最重要早點發覺，早點做training
作者: maybma 時間: 14-8-16 14:11
回覆 Olympian 的帖子
我老公常如你一樣，叫我平常心，但真係有點困難，可能我仔仔仍未足3歲，雖有其他訓練給仔仔，但因我們工作關係，每晚只有少許時間與佢訓練大肌，就此...我時時覺得有愧於佢，因俾唔夠時間佢，而影響佢嘅成長。每次諗到咁我就好心痛
作者: Olympian 時間: 14-8-16 19:12 標題: 回覆：maybma 的帖子
媽媽唔好比咁大壓力自己。妳每天放工都有跟他做練習真係好好。每天做少少，過一段時間就會見到成效。照顧訓練小朋友係長跑，要均速慢跑，一開始就衝冇可能跑得耐啊。
作者: maybma 時間: 14-8-18 12:35
回覆 Olympian 的帖子
多謝你！但我仍學習放下心理包袱！
作者: FiFi618 時間: 14-12-1 00:30 標題: 引用：我個仔以前讀協康，大小肌肉唔協調，寫字差
原帖由 lucky2014 於 14-07-15 發表
我個仔以前讀協康，大小肌肉唔協調，寫字差，性格求其，讀書專注，初入去唔識講嘢。我自己俾錢佢做偉氏，操 ...
謝謝解答
作者: kennyrita 時間: 14-12-1 14:47
bauhiniakan2000 發表於 13-11-22 11:05
你落心機教會相差好遠,看過文章曾比醫生應為弱智既小朋友,後來知道是自閉,佢媽媽不籪努力下,個仔讀到碩士, ...
可惜我係在職媽, 跟唔到呀囡咁多, 要靠佢自己了
作者: lovelyhuen 時間: 14-12-5 23:05
小女剛2歲,也是言語表達和體能也較慢的, 我也在學習平常心去教她, 過程中的心情常忐忑, 但她的少少進步, 就足已讓我們開心得很, 不用跟別人比較, 大家加油!!
作者: piglet0529 時間: 14-12-6 05:03 標題: 引用：回覆+Olympian+的帖子
我老公常如你一樣，
原帖由 maybma 於 14-08-16 發表
回覆 Olympian 的帖子
我老公常如你一樣，叫我平常心，但真係有點困難，可能我仔仔仍未足3歲，雖有其他訓 ...
作者: fanny03 時間: 14-12-7 17:07
回覆 lovelyhuen 的帖子
請問你在那裏做評估
作者: maybma 時間: 15-1-3 11:43
回覆 piglet0529 的帖子
姑媽揍。其實我都好感恩有自己人願意協助之餘，仲好有心機，有時仲代我去學校上堂學習如何訓練。
作者: denden111 時間: 15-1-22 04:43
我囡囡剛25個月，剛揾心理学家做評估。主要要係語言理解遲緩12個月及認知遲緩半年，建議排S同E位。我担心同徬徨，担心入了S位，便永远入唔返主流。我自己每日以涙洗面，有無邊D地方可以傾訴同其他家長交流意見。
言語同認知係唔係可以追回？
作者: 濼晴 時間: 15-1-22 23:33 標題: 回覆：denden111 的帖子
我女當時同你一樣 但我speech 私人加操 認知 私人 上門教 一星期兩堂， 現在 響主流幼稚園讀k 1 只差咬字未清
以前說話delay 現在想佢收口都只要對症下藥 燒錢 同有心機時間 一定得
作者: ren 時間: 15-3-12 09:07
早發現，早治療早訓練，兩三年間變化可以好大，樓主唔好擔心。
我仔兩歲3個月都係得單字，大小肌唔掂，遲緩左9個月，
之後即刻搵言語治療，綜合治療，返k1時已好好多，
最衰我地k1k2停左訓練，到k3政府派e位俾我地，都話阿仔落後半年，
K3train左一年又進步番好多，宜家小一，學校一個月有半個鐘言語治療，
老師唔覺佢有問題，成績中上，唯一係體育同美術成績唔好，
但我都收貨了。
作者: Lingyau1221 時間: 15-4-10 10:23 標題: 回覆：winwinwan1121 的帖子
作者: Lingyau1221 時間: 15-4-10 10:34 標題: 回覆：maybma 的帖子
這個問題我也不斷想，我仔現在18個月,大小肌語言也慢，眼神社交弱,已排E位，但最快也要明年9月才有位，所以找私人綜合訓練train住先，月尾正式上第一堂，期望阿仔馬上便可追回同齡，不用再做任何治療，但明白這個想法並不現實，他是需要時間進步的⋯
如發展遲緩會跟一世，將來會自信心便會底，
作者: Lingyau1221 時間: 15-4-10 10:35 標題: 回覆：denden111 的帖子
為何沒有建議讀I位？
作者: olympic 時間: 15-4-11 16:45
我小朋友今年Ｐ５，上年重讀Ｐ４。讀緊主流ｂａｎｄ １小學，Ｉ歲開始發現整體發展遲緩，Ｋ３評估建議佢去讀特殊，因智力有限，但又未到弱能。我地最後都係寜願去主流，希望融合教育可以令佢學習速度快Ｄ。小一學校特殊識別試唔好彩識別唔到佢出黎，後期我地追問學校先安排番支援，但其實學校嘅訓練服務外判，每年導師都轉及次數有限。回望番有Ｄ乜可以做好Ｄ，應該係揾一間對發展遲緩支援好Ｄ嘅學校，ｂａｎｄ２或３但有愛心嘅較好，因可被一般孩子啓發，但又不用面對太大學習差異，自信心好Ｄ，另自己要帶小朋友去可靠的訓練中心定期接受訓練。
作者: natnat1410 時間: 15-4-15 15:13 標題: 回覆：denden111 的帖子
我同你有同樣擔心
作者: NurseSally 時間: 15-4-18 07:46 標題: 回覆：olympic 的帖子
Hi 我仔現P5, 小一repeat一年。佢有社交問題，學校吾出聲。屋企好正常。小一政府學校，言語治療做過下，repeat 轉関愛嘅私校。小一時吾想排期耐，去私家做職業治療評估及言語評估，但而家見佢小五社交能力極弱，成績當然吾理想。下星期會排政府評估，吾知會否排一年？？
作者: PMAN0917 時間: 15-4-22 10:15
回覆 NurseSally 的帖子
可否告知如何向政府排期做評估, 小兒現在中一, 在校社交能力弱, 被懷疑亞士保加, 小二時曾在小童群益會評估不是亞士保加, 而是語言能力弱, 在小學接受語治療, 已大有進步! 現在主流b2A 中學, 成績中上, 但不願交朋友, 又想同學不要注意佢, 擔心將來發展! 苦惱中!!
作者: NurseSally 時間: 15-4-22 22:02 標題: 引用：回覆+NurseSally+的帖子
可否告知如何向政
原帖由 PMAN0917 於 15-04-22 發表
回覆 NurseSally 的帖子
可否告知如何向政府排期做評估, 小兒現在中一, 在校社交能力弱, 被懷疑亞士保加, ...
作者: imlcc 時間: 15-4-22 22:28
本帖最後由 imlcc 於 15-4-22 22:31 編輯
阿女3歲時做評估，各方面都係得兩歲到，當時都好灰，驚佢呢世都係咁。喺協康同早期訓練中心做訓練，進步咗好多。今年入咗主流小學讀小一，我無谷佢讀書，重要係細女，今次考試15X人都考到6X名，同學重選咗佢做班長。係性格方面都重係較被動同文靜，不過性格呢樣嘢應該同係咪遲緩無關。
作者: PMAN0917 時間: 15-4-23 10:10
回覆 NurseSally 的帖子
Thx, 可能要學等學校社工再觀察先, 學校已安排心理社工跟進! 黃金期已過. 只好跟仔多溝通和輔導
作者: 洋蔥頭媽咪 時間: 15-4-27 08:45 標題: 引用：bb而家2歲半，整体發展遲緩，未識講野，同
原帖由 winwinwan1121 於 13-11-15 發表
bb而家2歲半，整体發展遲緩，未識講野，同同齡小朋友相對大落後，係唔係等如佢將來讀書成绩會好差，有冇家 ...
路係漫長嘅但請別灰心，孩子極須要你支持。
加油！
作者: 洋蔥頭媽咪 時間: 15-4-27 08:53 標題: 引用：回覆+NurseSally+的帖子
可否告知如何向政
原帖由 PMAN0917 於 15-04-22 發表
回覆 NurseSally 的帖子
可否告知如何向政府排期做評估, 小兒現在中一, 在校社交能力弱, 被懷疑亞士保加, ...
作者: PMAN0917 時間: 15-4-27 09:21
回覆 洋蔥頭媽咪 的帖子
當年在小童群xx做了評估, 不是亞氏. 只是語言能力差要做語言治療, 高小已大有進步。 個性被動， 有少許固執， 不是太喜歡獨處， 怕静！ 不善社交！！像亞氏， 但又好不是， 亦樂於參與集體遊戲， 但不主動！ 怕事， 害羞型， 似被動的女生。唉！！
作者: 洋蔥頭媽咪 時間: 15-4-27 12:13 標題: 引用：回覆+洋蔥頭媽咪+的帖子當年在小童群xx做
本帖最後由 洋蔥頭媽咪 於 15-4-27 12:15 編輯
原帖由 PMAN0917 於 15-04-27 發表
回覆 洋蔥頭媽咪 的帖子
其實是否亞氏都只係個名啫，而且你仔巳升中，就算排咩政府訓練已未必有用，反而應係響佢嘅社交圈子入面鼓勵佢多參與，多參與課外話動，結交朋友等等，試試主動聯絡班主任,學校社工等等，睇下可以點幫佢。
作者: magtim 時間: 15-4-29 14:02
因人(小朋友)而異，及早訓練總好過不訓練。努力！加油！
作者: tszkinmama 時間: 15-5-17 23:00
我大女都係發展遲緩 做左年幾言語治療 依家跟返其他小朋友啦！ 仲好多野講！ 總就之愈早治療就愈好！
| 歡迎光臨 教育王國 (/) |
Powered by Discuz! X1.5 |