教育王國

標題: 怕仔仔唔適合KV, 有無家長可以分享下？ [打印本頁]

作者: yui_michelle 時間: 13-11-14 12:49 標題: 怕仔仔唔適合KV, 有無家長可以分享下？

其實我覺得KV 鐘意啲靜態規矩既學生，但我仔仔成日坐唔定，我怕佢成日俾老師話會唔開心，變得唔鐘意返學。。請問有無讀緊KV 既小朋友分享下，係咪我多慮？
(佢而家讀緊比較活動多既PN, 返得幾開心，不過派位麻麻)

作者: hiccup 時間: 13-11-15 02:39 標題: 回覆：yui_michelle 的帖子

明白你的擔心，確實兩種小朋友我都見過，一種是被老師話過就成日話唔返學，另一種是小朋友怕老師,見個個小朋友都坐定定自己唔敢唔坐定定！我深信KV老師不會一開始便話小朋友，她們會有方法令小朋友什麼是對什麼是錯，做對會獎勵小朋友。若將來選擇較傳統小學我個人寧願給小朋友早些適應！我小朋友是從活動教學英普班過來，本身是坐不定，現在乖了很多自理能力高了，小朋友也說仲意返學。所以你要按自己想要什麼幼稚園去選擇，若有說錯地方希望不要介意！願你小朋友找到合適學校。

作者: yui_michelle 時間: 13-11-16 13:48 標題: 引用：明白你的擔心，確實兩種小朋友我都見過，一

原帖由 hiccup 於 13-11-15 發表
明白你的擔心，確實兩種小朋友我都見過，一種是被老師話過就成日話唔返學，另一種是小朋友怕老師,見個個小 ...

Thanks hiccup, 我小朋友唔會因為其他小朋友坐定定而坐定定

我都贊成你説應該俾小朋友早啲適應傳統學校！
你覺得學校老師有愛心嗎？

作者: hiccup 時間: 13-11-17 23:06 標題: 回覆：yui_michelle 的帖子

不用客氣！會不會他還細很難坐定定呢？或許隨着年龄增長，小朋友集中能力可能會增加呢。Anyway,若你問老師有無愛心，純粹按我們遇到的老師我覺得有否則我的小朋友不會成日講好仲意返學。不過學校真的要小朋友做每件事都要規規矩矩，我個人是希望我的小朋友學這些，因之前我的小朋友未返這間學校時玩玩具是周圍掉，現在玩完佢會話老師教要執番。純粹個人意見希望幫到你啦。

作者: siufung 時間: 13-11-20 01:55 標題: 回覆：yui_michelle 的帖子

恭喜你小朋友考到Kv...
我小朋友而家K1，她是門囗狗在家巴巴閉閉，出到去鵪鶉...
但我一百%相信Kv有能力調校各類不同性格的小朋友...所以大部份都能適應並愉快學習成長！

作者: joanne81 時間: 13-11-23 17:57

請問kv面試己知結果了嗎？

作者: alicelki 時間: 13-11-23 23:17 標題: 回覆：怕仔仔唔適合KV, 有無家長可以分享下？

我都想知？睇黎樓主好似已經收到信。

作者: Vlone778 時間: 13-11-24 23:14 標題: 回覆：怕仔仔唔適合KV, 有無家長可以分享下？

睇標題樓主應該係有計

作者: yui_michelle 時間: 13-11-25 15:20 標題: 回覆：怕仔仔唔適合KV, 有無家長可以分享下？

哈，我無計架，無關係，亦唔係sibling，亦未收到信，只係一名緊張媽媽。。成日幻想收左會點點點，我老公成日話我諗多左，甘多人爭，呀仔又唔係 in 得特別好，唔好抱甘大期望 tim!!

作者: quarterday 時間: 13-11-30 18:43 標題: 引用：哈，我無計架，無關係，亦唔係sibling，亦

原帖由 yui_michelle 於 13-11-25 發表
哈，我無計架，無關係，亦唔係sibling，亦未收到信，只係一名緊張媽媽。。成日幻想收左會點點點，我老公成 ...

我同你都係同類媽媽，老公叫我唔好諗咁多，收先至算。

作者: bluebon88 時間: 13-12-1 02:13 標題: 回覆：quarterday 的帖子

我係過來人，大仔KV畢業，現在小二了，他是坐唔定的小朋友，由KV到小學都比老師投訴。
KV可使小朋友守規則也能接到傳統小學。但真是要看小朋友本身的品性。
KV基本上是佷好，但因當中太傳統，有時做事或對學生也傳統起來了，以前，我仔仔太好動，成曰被老師提醒，老師也傳統地感到所有嘢發生時也是小兒不對，有次發生事，學校打來投訴及見家長，但由我同老師對話中知道老師末有詳細理解事件，當見家長時，老師及主任對我們說對不起。
現在仔仔在傳統小學讀，也面對一樣問題，我才發現，我仔仔不適合讀傳統學校。
註:我仔仔在學校成績很好，但只是不合適傳統的教育。

歡迎光臨教育王國 (/)