教育王國

標題: bb低燒好精神，去唔去面試好? [打印本頁]

作者: Potato001 時間: 13-11-14 07:54 標題: bb低燒好精神，去唔去面試好?

bb已經低燒咗幾日，耳探都是37-38度，睇咗醫生，冇鼻水冇咳，好精神。醫生話唔似感冒，可能有啲病毒。問過學校，如果bb病咗去唔到面試，冇得再安排，咁去唔去面試好呢？

作者: mv_lee 時間: 13-11-14 08:15 標題: 回覆：Potato001 的帖子

係咪玫瑰疹

作者: fdsafdsa 時間: 13-11-14 08:34

有病就唔好返學.

作者: 小貓1124 時間: 13-11-14 08:34 標題: 回覆：bb低燒好精神，去唔去面試好?

有冇offer喺手？係咪心儀學校？如果發燒我就唔會去面試〜
我個仔原本好番，點知昨晚半夜晚發高燒，星期六要interview,但如果仲燒，就唔去〜但暫未有offer! 依排d菌好勁，大家小心身體！

作者: Charlie妹 時間: 13-11-14 08:37 標題: 回覆：bb低燒好精神，去唔去面試好

如果唔會傳染，而bb又有精神，我覺得可以去

作者: michelleung 時間: 13-11-14 08:42

回復 Potato001 的帖子

你睇下佢個身或頸後會唔唔有D紅點? 我個仔之前低燒都係好精神，但身有少少紅點醫生話可能係玫瑰疹。

作者: liliankaykay 時間: 13-11-14 08:55 標題: 回覆：bb低燒好精神，去唔去面試好?

手足口病都會有低燒，病徵少到可能唔覺，但足以令小社區爆發，仲傳埋大人，我就係受害者

盡量小心....

作者: Potato001 時間: 13-11-14 10:03 標題: 引用：回復+Potato001+的帖子你睇下佢個身或頸

原帖由 michelleung 於 13-11-14 發表
回復 Potato001 的帖子

你睇下佢個身或頸後會唔唔有D紅點? 我個仔之前低燒都係好精神，但身有少少紅點醫生 ...

醫生話玫瑰疹通常高燒，同埋要燒完至出疹，要燒3-5日才退燒，所以都未知係咪。不過我睇過未有紅點，之前bb間中個身有一兩點紅點，醫生話可能係敏感或俾蚊咬，但今次冇點。

作者: Potato001 時間: 13-11-14 10:09 標題: 引用：手足口病都會有低燒，病徵少到可能唔覺，但

原帖由 liliankaykay 於 13-11-14 發表
手足口病都會有低燒，病徵少到可能唔覺，但足以令小社區爆發，仲傳埋大人，我就係受害者盡量小 ...

前幾次bb個身有紅點，帶bb睇醫生，都有問過係咪手足口，反而今次醫生冇提過。自己check 過bb 手腳和口，都冇紅點，係咪一發燒就出紅點o架?

作者: kwokbobo 時間: 13-11-14 10:19

本帖最後由 kwokbobo 於 13-11-14 10:22 編輯

Charlie妹發表於 13-11-14 08:37
如果唔會傳染，而bb又有精神，我覺得可以去

你點知唔會傳染?? 發燒即是發病當中, 如果發燒就當然唔好去, 要有公德, 唔好傳染比其他小朋友。

作者: kwokbobo 時間: 13-11-14 10:21

Potato001 發表於 13-11-14 07:54
bb已經低燒咗幾日，耳探都是37-38度，睇咗醫生，冇鼻水冇咳，好精神。醫生話唔似感冒，可能有啲病毒。問過 ...

如果醫生話係病毒就更加唔可以去interview, 果度咁多小朋友, 你無理由明知自己個bb病左都帶佢去, 要有公德心先得架。

作者: elaineli1110 時間: 13-11-14 10:24

其實小朋友唔舒服就唔好去INTERVIEW, 一來會傳染其他小朋友, 二來再吹下風可能嚴重D... 我身為媽媽都好明白好想自己小朋友考到好學校, 但唔舒服又未必在狀態, IN 都未必表現咁好....我相信總會有其他更好嘅機會...身體最緊要!!!

作者: Charlie妹 時間: 13-11-14 10:57 標題: 引用：bb已經低燒咗幾日，耳探都是37-38度，睇咗

原帖由 Potato001 於 13-11-14 發表
bb已經低燒咗幾日，耳探都是37-38度，睇咗醫生，冇鼻水冇咳，好精神。醫生話唔似感冒，可能有啲病毒。問過 ...

佢係男仔女仔呀？會否尿道炎？我有個frd個女低燒咗幾日，又係無鼻水無咳，check唔到有咩事，最後發現呢樣

作者: AgapePa 時間: 13-11-14 11:03

大便有無血, 如果肛門流血會發燒

作者: Potato001 時間: 13-11-14 11:08 標題: 回覆：Charlie妹的帖子

女仔呀，又冇諗過尿道炎呢個問題。有啲bb出牙發燒，唔知關唔關出牙事，呢輪成曰成隻手放入口咬，出緊第十隻牙。不過穩陣起見，聽日都係睇多次醫生，check 清楚至決定去唔去，始終bb（自己和其他小朋友）健康重要啲。

作者: VickyCY 時間: 13-11-14 11:09

上兩次去INTERVIEW 要探左熱先入得。你去到都可能入唔到去。

作者: Charlie妹 時間: 13-11-14 11:32 標題: 回覆：bb低燒好精神，去唔去面試好

如果有醫生紙，有些幼稚院的面試可以改時間，如果醫生話會傳染，可以試下請學校改時間；如果醫生話唔會傳染，例如尿道炎，但有低燒，我覺得你可以請醫生證明唔會傳染，到時同學校講，希望可以面試

作者: liliankaykay 時間: 13-11-14 13:52 標題: 引用：Quote:原帖由+liliankaykay+於+13-11-14+發

原帖由 Potato001 於 13-11-14 發表
前幾次bb個身有紅點，帶bb睇醫生，都有問過係咪手足口，反而今次醫生冇提過。自己check 過bb 手腳和口，都 ...

手腳紅點唔係即刻出，前幾日已可傳染人.....上次我B低燒第一次睇醫生，無其他病徵，醫生只話細菌感染，令我地忽略左，雖有食藥但無特別同屋企人隔離，短時間內惹哂大人同小朋友，令我家族小型爆發手足口。

歡迎光臨教育王國 (/)