教育王國
標題: 有咩表現一定收？ [打印本頁]
作者: daisylhn 時間: 13-11-13 23:29 標題: 有咩表現一定收？
純粹攪下笑，大家不妨分享下
講我女暫時兩間收am，兩間都發生左啲攪笑嘢，第一間in到後期，老師問佢邊個帶你來，我女望一望我，話：「佢囉」跟住再問佢係邊個，我女達我全朵
跟住老師問：「咁爸爸呢？」佢又達爸爸全朵……問爸爸係邊？佢話爸爸返工賺錢錢
引我同老師都笑左
我懷疑夠攪笑所以收左
第二間，group in，阿女玩玩下玩具想食，比老師發現制止佢，佢扮哂嘢話佢攞來「唱歌歌」，然後開始唱歌 跟住隔離喊左好來的小朋友望住我女唱就停左唔喊，最後老師同阿女唱哂成首歌比小朋友聽，令小朋友開心返 又係攪笑！ 老師擺左佢想食嗰個玩具放一邊，臨尾tidy up佢唔肯走，指住張枱嗰件玩具話要執執，放番入去先走。
兩次都真係幾攪笑，可能面試識攪gag可以提高錄取機會
作者: AgapePa 時間: 13-11-13 23:35
我個女都有攪gag, 老師問嘴巴用來做乜?, 阿女答用來唱歌.
最後當然收喇
作者: doris880 時間: 13-11-14 02:18 標題: 回覆：有咩表現一定收？
我亞女面試時老師比咗4幅圖一一問佢，亞女回答:呢架車囉、船呀、係花黎架、呢個係bird呀、（扮小鳥）吱吱吱吱咁㗎。我估亞女以為老師真係咪知呢4樣是什麼所以問佢，所以佢答時咁賴叻，好彩老師buy 佢。
作者: jelly726 時間: 13-11-14 09:11 標題: 回覆：有咩表現一定收？
作者: ozduckie 時間: 13-11-14 09:16 標題: 回覆：有咩表現一定收？
我個仔玩到唔願走嗰幾間都有offer. 我覺得合眼源之外，老師喜歡小朋友有多互動。
作者: Maymay201102 時間: 13-11-14 09:56 標題: 回覆：有咩表現一定收？
有間老師指住架火車 問我個仔係乜，我個仔大大聲話 "Thomas ar"
老師呆一呆，因為嗰架係thomas火車頭
作者: doris880 時間: 13-11-14 12:00
亞女仲IN咗一間不過無收佢，因為IN的過程中亞女心情唔好唔合作，但我咃走時同老師講BYE BYE，我女竟然同老師BYE BYE完好認真話 "我會番黎架"，個老師即時呆一呆話 "你點知你會番黎？"亞女仲要答 "係呀，我係會番黎架，BYE BYE" 班房內全部老師爆笑。
作者: 藍藍媽 時間: 13-11-14 12:08 標題: 引用：亞女仲IN咗一間不過無收佢，因為IN的過程中
原帖由 doris880 於 13-11-14 發表
亞女仲IN咗一間不過無收佢，因為IN的過程中亞女心情唔好唔合作，但我咃走時同老師講BYE BYE，我女竟然同老 ...
如果見net teacher, 要好型咁講"I will be back!"
作者: pirudi 時間: 13-11-14 12:26 標題: 回覆：daisylhn 的帖子
所以大家放鬆d
作者: sbux 時間: 13-11-14 12:51 標題: 回覆：有咩表現一定收？
想當年我個囡考PN做完Task，自己雙手 Thumb Up，老師笑咗，仲回番個俾佢
作者: 小曳人 時間: 13-11-14 12:58
大仔in K1時，都有d...攪鬼 (我無去，但聽到
)
話說又係都師問：邊個帶你嚟架？
咁佢手攞住份報名表 (應該係攞俾面試老師嘅)，然後指住老豆個名~
老師問：即係邊個呀？
仔指住個名: xxx囉！
老師: 咁即係你邊個呀？
仔：爸爸！
呢間係傳統教學嘅KG，打定輸數.. 但收am
作者: 天使仔 時間: 13-11-14 13:06
我女IN K1, 佢地玩緊煮飯仔, 老師話開始煮時阿女好認真同老師講佢未開爐, 仲有佢IN N班時, 老師叫佢攞塊面包, 老師收左放埋一邊, 阿女同老師講: 你都未食
作者: 文文豬豬 時間: 13-11-14 13:47
我女in k1，老師問你叫咩名，阿女答我咪媽媽囉!陳媽媽吖!
走時，老師同阿女講:拜拜陳媽媽，阿女即答拜拜喇!
作者: tiggerpiget 時間: 13-11-14 16:06
阿女當年考k1時，老師問：小妹妹，你叫咩名？
阿女無講自己個名，反而講咗哥哥個名。我係XXX
其實果位老師係有份教哥哥，所以知到哥哥個名，仲笑住話你係XXX個妹妹，之後老師D指令都係用 "XXX妹妹"開始問，全個面試都無用阿女自己個名。
最後可能因為哥哥讀緊，所以收咗阿女。
作者: yingpear81 時間: 13-11-15 02:53
我個仔都有個攪笑經驗，個老師拎張狗狗咭出黎問你見過依隻未呀？囝好認真甘睇完後答未見過！老師：吓未見過！甘依隻咩黎架？囝答：dog dog.老師話：哦你未見過依個樣嘅狗狗係咪呀？囝答：係呀！之後到貓貓老師又係問佢見過未，佢又係答未見過，要再佢甘依隻係咩黎佢先答係貓貓囉！老師即時爆笑！後來老師拎部車出黎同佢玩，佢玩玩下爆肚指住部車話係泥頭車，老師話你好叻啵，泥頭車你識，囝仲答係呀係呀我好叻！老師又笑左！最後都係收左
作者: Elau719 時間: 13-11-15 03:17 標題: 回覆：有咩表現一定收？
試過去in老師話玩完玩具要點架？
我個b就將玩具放好，跟住又攞反過來枱擺，老師又話頭先做得好好放回玩具，做咩攞反反黎，呀b就即時駁嘴，我要「擺係度」，跟住老師話「下」，佢咁都識講呀？佢係細b黎架喎?,我心想大件事咁無禮貌一定唔收(這間是九龍塘某名幼），同時心想其實呀b歲半時已經識講呢D,跟住走時說再見，老師再問你叫咩名呀？呀b話晴睛囉重用手指住自己，我都以為衰梗，點知得咗
作者: Sumyeema1 時間: 13-11-15 05:59 標題: 回覆：有咩表現一定收？
當年阿女有一間面試在一月中， 佢一入課室，唔係講早晨，而係大大聲講：
happy new year! 新年快樂！ 各位老師
我心諗： 凍過水.....
结果： 收到 am offer
作者: kiukiu1017 時間: 13-11-15 08:27 標題: 引用：我個仔都有個攪笑經驗，個老師拎張狗狗咭出
原帖由 yingpear81 於 13-11-15 發表
我個仔都有個攪笑經驗，個老師拎張狗狗咭出黎問你見過依隻未呀？囝好認真甘睇完後答未見過！老師：吓未見過 ...
作者: daisylhn 時間: 13-11-15 12:20 標題: 引用：當年阿女有一間面試在一月中，+佢一入課室
原帖由 Sumyeema1 於 13-11-15 發表
當年阿女有一間面試在一月中， 佢一入課室，唔係講早晨，而係大大聲講：
作者: 6903658 時間: 13-11-15 23:58
inST.cat時，老师話攞咩抹嘴啊？囡攞毛巾，跟住老师問哩個咩來嘎？囡答：bear bear 熊！因為裏面印住公仔是熊仔！但是老师一點幽默感都冇啊，又問多次，我囡好堅持答，bear bear熊！！跟著老师不是好耐煩話，毛巾啊！我囡先話，毛巾。唉！死梗啦！！！
作者: wing214 時間: 13-11-16 09:22 標題: 引用： 純粹攪下笑，大家不妨分享下 講我女暫時
原帖由 daisylhn 於 13-11-13 發表
純粹攪下笑，大家不妨分享下
講我女暫時兩間收am，兩間都發生左啲攪笑嘢，第一間in到後 ...
| 歡迎光臨 教育王國 (/) |
Powered by Discuz! X1.5 |