教育王國

標題: 有冇邊D中中可以推介呢？ [打印本頁]

作者: simsim 時間: 13-11-13 19:01 標題: 有冇邊D中中可以推介呢？

一直以來都覺得亞女唔多適應英中生活，想揾下資料，可以幫下忙嗎？津貼、直資都冇緊要，thx！

作者: 黃巴士 時間: 13-11-13 19:03

你想插班?

作者: simsim 時間: 13-11-13 22:11 標題: 回覆：有冇邊D中中可以推介呢？

係呀！亞女係英中中二，不過好似不太適應，考慮中。。。

作者: tracy668899 時間: 13-11-14 07:32 標題: 引用：係呀！亞女係英中中二，不過好似不太適應，

原帖由 simsim 於 13-11-13 發表
係呀！亞女係英中中二，不過好似不太適應，考慮中。。。

請問係band幾？同埋邊區？

作者: simsim 時間: 13-11-14 10:11 標題: 回覆：有冇邊D中中可以推介呢？

亞女呢家間係B1,九龍城區

作者: Sasaalan 時間: 13-11-14 10:51

回復 simsim 的帖子

是否成績跟唔上或耆學習態度有問題?? 有冇嚐試請專人補習較差科目? 有冇諗過如果轉校阿囡要重新適應新環境, 都會影響學業. 當然這只是我個人想法.

作者: dobbybabie 時間: 13-11-14 15:05 標題: 引用：回復+simsim+的帖子是否成績跟唔上或耆學

原帖由 Sasaalan 於 13-11-14 發表
回復 simsim 的帖子

是否成績跟唔上或耆學習態度有問題?? 有冇嚐試請專人補習較差科目? 有冇諗過如果轉校 ...

我都覺得轉校不是1個好方法,中二啫,还有得追,問問各科老師應該怎樣温習,你轉得來中三又选科,而且說實話,band1讀得成绩不好,好些的Band2都不1定收,Band2尾那些又要考慮下校風,直資都是英文多的啦.

作者: simsim 時間: 13-11-14 20:51 標題: 回覆：有冇邊D中中可以推介呢？

多謝各位意見，我都係考慮緊啫！仍在摸索間！我女個case幾煩，佢從小有焦慮症，到中一就變咗抑鬱，舊年好辛苦捱過，但今年可能因為舊年hea老師都唔敢迫，所以學習態度唔多好，佢自己話全部英文好有壓力，所以我先諗下啫！其實佢自己都唔想轉，不過我唔想佢再百上加斤，做亞媽有時都好矛盾，我都唔知點樣先叫對佢最好！本來以為小學為佢選咗間有直屬嘅，可以冇後顧之憂，點知又會有另外嘅問題！不過都好多謝大家畀個空間我發洩下！

作者: dobbybabie 時間: 13-11-15 08:00 標題: 引用：多謝各位意見，我都係考慮緊啫！仍在摸索間

原帖由 simsim 於 13-11-14 發表
多謝各位意見，我都係考慮緊啫！仍在摸索間！我女個case幾煩，佢從小有焦慮症，到中一就變咗抑鬱，舊年好辛 ...

媽媽,加油,你女的情况真是要趁早解決,我覺得轉好的了,越上越多读书壓力.加油,

作者: 黃巴士 時間: 13-11-15 10:37

本帖最後由黃巴士於 13-11-15 10:40 編輯

會否捒一些都是BAND1校, 而又無咁谷的BAND1C地區中學呢?? 都是全英的, 但英文程度不會太深的.
朋友的小朋友都是不可有太大壓力的, 在沒壓力下, 她自己會讀

作者: Sasaalan 時間: 13-11-15 12:01

本帖最後由 Sasaalan 於 13-11-15 12:01 編輯

simsim 發表於 13-11-14 20:51
多謝各位意見，我都係考慮緊啫！仍在摸索間！我女個case幾煩，佢從小有焦慮症，到中一就變咗抑鬱，舊年好辛 ...

我都有朋友既囡早兩年有抑鬱症, 屋企人好緊張, 不過佢是在B3學校, 學習冇壓力, 食左幾個月藥沒事了!!
明白你心情, 始於健康最重要, 多同囡囡傾下, 了解下佢需要甚麼!

作者: simsim 時間: 13-11-15 18:18 標題: 回覆：黃巴士的帖子

想請教你朋友嘅小朋友響邊間學校？

作者: elbar 時間: 13-11-15 19:44

本帖最後由 elbar 於 13-11-16 09:35 編輯

simsim 發表於 13-11-13 19:01
一直以來都覺得亞女唔多適應英中生活，想揾下資料，可以幫下忙嗎？津貼、直資都冇緊要，thx！

...

或直接向九龍真光、胡兆熾, 深水埗匯基和唐乃勤查詢

作者: kimberlybaby 時間: 13-12-16 18:11

本帖最後由 kimberlybaby 於 13-12-16 18:12 編輯

yr daughter from heep yunn school ??

作者: ppchan168 時間: 13-12-16 22:22

B1生在初中遇到學習困難，首先應該把問題搞清楚，是學習“理科”相關學科出現不適應？還是你說的英語學習問題？你要搞清楚她是文科的才料還是理科的才料。
日後中六的文憑試，四個必修科是中英數和通識，不少B1學校的通識科都以中文作答，你可跟學校了解一下。另外，數學科以英文作答根本影響不大，它只需要簡單的英語。最後，其他的選修科，學生可以根據自己的特長和缺點，到時作出適當的迴避。
所以對於初中生，把握好英文和數學就可以了。如果這兩科不行，去到那裡都一樣，不如趕快找補習老師救亡，才是正道。不要忘記，大概有一半的B1學生會在文憑試里被淘汰啊。

作者: dubbies 時間: 13-12-16 23:07 標題: 回覆：simsim 的帖子

如果有抑鬱,識朋友會唔會困難,唔係轉校又會帶來其他問題。同埋其實真係想轉都應該同班主任傾,佢地都會熟學校,真係走到呢一步信學校都係一個選擇

作者: fion6406 時間: 13-12-17 00:59 標題: 回覆：有冇邊D中中可以推介呢？

剛聽過講座，原來抑鬱症比焦慮症嚴重，會有自殺傾向…。樓主，我相信最清楚女兒情況只有你，如果要消除女兒壓力要轉校，就轉啦，或者問下醫生意見。真的是始終健康最重要。加油！

作者: Leung2010 時間: 13-12-17 10:15

同中學老師有冇溝通過?
或許學校可幫忙哩!

作者: simsim 時間: 13-12-19 00:34 標題: 回覆：有冇邊D中中可以推介呢？

多謝各位嘅意見，我女其實都算要面同唔輸得，小學時佢真係唔錯，但唔知係咪個病搞到。。。呢家唯有唔太迫佢，畀佢留低再試下先！

作者: simsim 時間: 13-12-19 00:35 標題: 回覆：ppchan168 的帖子

有咩方法可針對成績，令佢有改善？佢明顯理科較弱，可以點搞？

作者: ha8mo 時間: 13-12-19 09:25

提示: 作者被禁止或刪除內容自動屏蔽

作者: elbar 時間: 13-12-19 10:28

本帖最後由 elbar 於 13-12-19 10:28 編輯

ha8mo 發表於 13-12-19 09:25
九真唔係已變英中嗎？

九龍真光中學
Kowloon True Light Middle School
地址：	九龍沙福道真光里1號

2014/2015 學年擬開設科目
	中一至中三
	以中文為教學語言 :	中國語文、中史、視覺藝術、宗教、通識、體育、音樂、普通話
	以英文為教學語言 :	英國語文、科學、地理
	按班別/組別訂定教學語言/校本課程 :	數學、歷史、電腦、家政

英中 - 真光女書院
True Light Girls' College
地址：	九龍窩打老道54號A

2014/2015 學年擬開設科目
	中一至中三
	以中文為教學語言 :	中國語文、中國歷史、宗教教育、通識教育、生活教育、普通話
	以英文為教學語言 :	英國語文、數學、綜合科學（中一及中二）、物理（中三）、化學（中三）、生物（中三）、商業及經濟（中三）、歷史、地理、電腦、音樂、體育、家政、視覺藝術
	按班別/組別訂定教學語言/校本課程 :	-

作者: ha8mo 時間: 13-12-19 10:41

提示: 作者被禁止或刪除內容自動屏蔽

作者: aa06 時間: 13-12-19 10:44

本帖最後由 aa06 於 13-12-19 12:04 編輯

回覆 simsim 的帖子

她邊一方面不適應英中生活? 她有焦慮有冇食薬? 識有人讀普通小學都患焦慮需要服藥, 所以我的意見是最好看醫生, 看看是否須要食藥, 或者食了薬, 有改善情緖, 不用𨍭校呢! 因轉校亦有其他適應問題.

作者: OMGWTF 時間: 14-1-2 11:59 標題: 引用：一直以來都覺得亞女唔多適應英中生活，想揾

原帖由 simsim 於 13-11-13 發表
一直以來都覺得亞女唔多適應英中生活，想揾下資料，可以幫下忙嗎？津貼、直資都冇緊要，thx！

...

培道中學幾好，不過係女校，好似有3班英文班。

作者: simsim 時間: 14-4-30 23:54 標題: 回覆：有冇邊D中中可以推介呢？

思前想後幾個月，我都係想同佢轉，有個新環境、新開始可能好D！如果重讀中二，有冇邊Dband2學校可以推介下？
另有冇人知又一村香島如何？

作者: 思c 時間: 14-5-2 15:46 標題: 回覆：simsim 的帖子

提示: 作者被禁止或刪除內容自動屏蔽

歡迎光臨教育王國 (/)