教育王國

標題: 報左幾間N班就被人話係怪獸家長，真係好無奈 [打印本頁]

作者: Kangaroojoey 時間: 13-11-12 20:10 標題: 報左幾間N班就被人話係怪獸家長，真係好無奈

好無奈

而家幫個仔揾N班，原意都係唔想婆婆向屋企太'種'佢，唔想佢成日向屋企睇Dvd, TV同玩玩具咁無聊。

但因為今年戰況激烈，咁就隨波逐流咁報左幾間n班，in又已經in左幾間，由10月開始不停被人問: '點呀！你個仔有學校收未呀？仲未有？點解呀？你係咪報d名校？你唔好做怪獸家長呀！'

我報左幾間n班已經被親戚朋友話我係怪獸家長。
實我無意做怪獸家長，我報N班，原意都只想佢唔好成日向屋企被人'種'同無聊冇野做。

成日話小朋友要有快樂既童年，3歲先讀都未遲。我夠知啦！！！如果我報一間就一定收，咁到法定6歲先報名入學都唔遲囉！！！

作者: siplee88 時間: 13-11-12 20:34

回復 Kangaroojoey 的帖子

i agree & understanding your saying fully! Honestly, those relatives or friends are just too boring and like to gossip a lot as their daily habbit..you NEVER have to listen to what they gossip about, cox you know the BEST of what your child needs and what is suitable for your child, you should just keep clear mind and ignore those opinions which not worth to listen/pay attention. Don't take too serious & don't mind too much about their saying! There are many parents out there doing the same thing which you and I are doing, and I am pretty sure they are not the REAL monster parents at all ! So, as long as what you think you are doing right then just go for it with a positive mind!! Good luck to both you and your child!! add oil JM~~

作者: Mrslot 時間: 13-11-12 20:48

理得人講咩，況且怪獸與否根本唔關其他人事

作者: superdaddy888 時間: 13-11-12 20:55

我個囡囡都係11月細B 報左8間我會同人講INTERVIEW係比我同BB架經驗知道點玩法為下年做準備 (好過比幾千銀上面試班E加都唔駛三陌) 當然有得收一定讀

作者: newdaddy 時間: 13-11-12 20:59 標題: 回覆：報左幾間N班就被人話係怪獸家長，真係好無奈

Support!!!
Don't lose heart. Set a good example for your kid on how to stay cool in the face of adversity :)

作者: teambuilder 時間: 13-11-12 21:05

我諗是否怪獸家長同報學校多少冇關。只要知道自己想點，又搞得掂，又冇害人，怪獸又有咩問題？呢個世界，又好多人自己懶又想人同佢懶埋一份。

作者: gloriachan1015 時間: 13-11-12 21:34 標題: 回覆：Kangaroojoey 的帖子

你D親戚跟本就唔知今年報N班媽媽的苦況，又唔係報左一定收，唔報多幾間試下可以怎樣！你估做家長唔辛苦咩，樓主我支持你

作者: Potato001 時間: 13-11-12 21:43 標題: 回覆：Kangaroojoey 的帖子

我仲多啦，報咗十幾間，不過全部邨校。我阿爸話，以前面試係咁易見下個小朋友，正正常常就會收，邊仲洗練習同準備o架。近來唔知係咪佢啲朋友嘅孫都開始面試，知道有幾難，開始幫下手教我個女眼耳口鼻。

作者: MELODY430 時間: 13-11-12 21:53 標題: 回覆：報左幾間N班就被人話係怪獸家長，真係好無奈

唔駛理人點講，講個的人针秸唔到肉唔知痛，無書讀個唔係佢個仔，我地只係幫仔女凈取多個機會面試啫

作者: ballg 時間: 13-11-12 21:56 標題: 回覆：報左幾間N班就被人話係怪獸家長，真係好無奈

啲人都唔明，聽少啲好啲！

作者: dollylash 時間: 13-11-12 22:22

針唔拮到肉唔知痛，無細路嗰啲一句頂埋去你無細路唔明咖喇，有細路嗰啲就話你嗰個唔係龍b 唔明咖喇!

作者: zebrabb 時間: 13-11-12 22:26 標題: 回覆：報左幾間N班就被人話係怪獸家長，真係好無奈

我地都係建造業「鋪路工人」啫～並不算是怪獸的一種，係有血「錢」有汗「排隊」架～

作者: kittyland06 時間: 13-11-12 22:38 標題: 回覆：報左幾間N班就被人話係怪獸家長，真係好無奈

我會認怪獸，鬼叫我唔係李嘉誠新抱咩！

作者: Kangaroojoey 時間: 13-11-12 23:07 標題: 回覆：報左幾間N班就被人話係怪獸家長，真係好無奈

好感動~ 咁多人支持~ 其實只係想呻下
唉

我都明白只要係方向正確，對個仔是好的話，我都會盡力做，唔會理人閒言閒語。但我都真係有反思。
個仔係自己既，我唔太望子成龍，只希望佢做人品德好唔學壞就夠。
但我都想信近朱者赤，所以想揾d好少少既學校都係人知常情。
怪獸家長始終係貶義詞，所以唔開心梗有。。。所以上黎呻下。。。

作者: JamBBoy 時間: 13-11-12 23:18 標題: 回覆：Kangaroojoey 的帖子

大家喺香港讀書就要迫於無耐咁跟呢個遊戲玩法，如果好老定只係報一間學校，真係好容易冇書讀！做家長真係要有幾手準備！你揀學校、學校揀你！我哋呢啲父母只係想幫囝囡搵間適合又理想學校讀書，純粹盡父母責任，有咩問題呀？唔好聽啲三姑六婆講！佢哋已經脫晒節㗎喇！我哋呢一代嘅家長係有自己嘅分析力同想法、策略！

作者: BostonRedSox 時間: 13-11-12 23:51

我幫仔仔報咗都幾多PN,但沒有特登催谷他，只想他有正常開心童年。我哋當報PN,搵資料及面試為親子活動。我非常享受整個過程！我幫仔仔報覺得適合他和我們能參與多些的學校，面試是校方及家長作交流的好機會。放心，努力總是有回報的！我們寜願大人們費心一些，仔仔輕輕鬆鬆上陣便可！

作者: ballg 時間: 13-11-12 23:55 標題: 引用：我幫仔仔報咗都幾多PN,但沒有特登催谷他，

原帖由 BostonRedSox 於 13-11-12 發表
我幫仔仔報咗都幾多PN,但沒有特登催谷他，只想他有正常開心童年。我哋當報PN,搵資料及面試為親子活動。我非 ...

係呀！當用平常心去睇，我好開心了解多咗好多學校，對將來報k1都有幫助！

作者: 歐陽太 時間: 13-11-12 23:58 標題: 回覆：Kangaroojoey 的帖子

絕對同意，唔好同啲人一般見識

作者: 小洪寶 時間: 13-11-13 01:18 標題: 回覆：報左幾間N班就被人話係怪獸家長，真係好無奈

係怪獸又如何？亞仔亞女無書讀係咪佢比位我？

作者: TwogirlsMama 時間: 13-11-13 08:40 標題: 回覆：報左幾間N班就被人話係怪獸家長，真係好無奈

唔好理啲人，自己覺得冇問題就可以。

作者: janette_chan 時間: 13-11-13 09:48

我都俾人話唔少啦,你都係俾三姑六婆話,我99話我迫個大女入名校(我只係報咗幾間二線私小買保險),而家又迫個細女入名幼(最名我都只係報咗九龍塘迦南同方方其他都係啲邨校)。唔好理人講乜啦,做你自己認為最適合自己小朋友就OK,小朋友是自己的,其他人講乜都係癈話!!

作者: TeriAnla 時間: 13-11-13 09:59 標題: 回覆：報左幾間N班就被人話係怪獸家長，真係好無奈

我唔覺得報多啲學校就係怪獸。囝囝上年考咗13間PN，當然因為完全冇撞時間同一星期只係in 1間，除了競爭大報多啲之外，最主要係可以去學校睇下。有時聽人講，睇校網，遠遠唔及自己去學校一次感受下，亦睇下小朋友鍾唔鍾意。雖然佢地細但都係有感受的。

樓主加油。唔使理人。

作者: sweet_cake 時間: 13-11-13 11:37

身邊總有呢d口臭親戚....說話聽了就算....唔好擺0係心.....呢度咁多人撐你....係咪增加唔少正能量呢.....

作者: macyho0704 時間: 13-11-13 11:46 標題: 回覆：報左幾間N班就被人話係怪獸家長，真係好無奈

我完全支持樓主既做法，唔好理人咁多，我果個係大b, 係沙田區住，我都報左廿間以上！第一我唔知競爭有幾大，第二我地當interview 係去玩同埋去視察下人地間學校係點樣。

作者: Charlie妹 時間: 13-11-13 14:38 標題: 回覆：報左幾間N班就被人話係怪獸家長，真係好無奈

我都報咗好多間，驚今年競爭大，有offer又未必係am, 諗住有offer 先再決定，其實我地做父母都唔想，帶佢去咁多學校都辛苦，但又想小朋友有好學校收

作者: Arashi_nam 時間: 13-11-13 14:54

形勢大氣候根本係咁,有D位作為父母既我哋都好被動。

作者: 新人物 時間: 13-11-13 14:57

其實囝囡係我地既,唔需要理會人地點講
我同事都話我仲乜報咁多間,我報左8間,打算IN6間,佢成日話佢當年只係報左2間,都唔明家下D人仲乜要報咁多間,但佢既當年係指2004年,我真係搭佢嘴都慳返

作者: Charlie妹 時間: 13-11-13 15:23 標題: 引用：其實囝囡係我地既,唔需要理會人地點講我同

原帖由 新人物 於 13-11-13 發表
其實囝囡係我地既,唔需要理會人地點講
我同事都話我仲乜報咁多間,我報左8間,打算IN6間,佢成日話佢當年只係 ...

2004？ 10年前呀！乜都唔同晒lu!

作者: garfielddog 時間: 13-11-13 15:42

你估去報/交留位費唔駛錢架, 去IN 又唔攰架咩, 但個遊戲是咁玩嘛

作者: Canise 時間: 13-11-13 15:48 標題: 回覆：報左幾間N班就被人話係怪獸家長，真係好無奈

其實今年報pn真係唔講得少，我地呢批龍b媽媽，係要繼續同內地人士一齊搵書讀，龍b出生率一向高，如果下年有心儀pn收咗，起碼黎緊唔駛為k1擔心先吖:;pppp:
唉，有得簡，你估d媽媽地真係好想周圍去面試咩

作者: RMC0101 時間: 13-11-13 15:48

我老公講俾99 聽..個女in邊幾間..跟住又會再in 邊間..上次返去99's home食飯..就聽到佢個妹問.."點ar..仲有幾多間要in??" sounds like I am a monster parent...我覺得好反感....:;pppp:

作者: BB25062013 時間: 13-11-13 16:11

我幫個囡報左十幾間(有兩間仲要瞓銜排隊交表), 同事親戚個個話我係怪獸家長, 我冇所謂

把口生係人地度, 冇仔生的冇謂理, 仔囡好大個果D已經脫節, 講都唔會明, 最緊要搵到間家長同自己小朋友都滿意的PN, 咁就perfect! 為左仔囡, 我係別人眼中的"怪獸"又如何, 吹咩

作者: booxxjac 時間: 13-11-13 16:15 標題: 引用：我個囡囡都係11月細B+報左8間+我會同人講IN

原帖由 superdaddy888 於 13-11-12 發表
我個囡囡都係11月細B 報左8間我會同人講INTERVIEW係比我同BB架經驗知道點玩法為下年做準備 (好過比幾千銀 ...

我都係 11 月細B報咗3間 ja

作者: pistos2001 時間: 13-11-13 16:17

樓主,你呢個TOPICE講得好好呀,真係有苦自己知,D同事都話

誇張,所以之後都無再同佢地講呀,講完佢地都唔會明白嫁啦,上黎EK呻下好過,龍mama們加油呀

作者: ecvy 時間: 13-11-13 17:12

我呢個係第二個了, 而家報左5間, 衰左一間, 之前哥哥都只係報左2間, 今年唔得了, 真係好激烈。最慘仲要D 人係咁同我講我個女已有咩咩OFFER 喇... 好似好易咁...

壓力可真大呀!

作者: kittyland06 時間: 13-11-13 17:46 標題: 回覆：報左幾間N班就被人話係怪獸家長，真係好無奈

我報咗10間，in 咗4間，2間撞冇去，so far 收到 1 個 reject, 真係冇一間收都唔出奇！

作者: Elenalan 時間: 13-11-13 17:55 標題: 回覆：報左幾間N班就被人話係怪獸家長，真係好無奈

我囡細B報左7間，得兩間有得in咋，仲等緊放榜。細B報多幾間正常，好多學校細B冇得報，有得報都未必輪到你有得in，有得in都可能係俾個waiting氹下你。

作者: ballg 時間: 13-11-13 18:04 標題: 回覆：報左幾間N班就被人話係怪獸家長，真係好無奈

誇張？！到無得返邊個可憐我哋？到時又話乜你個媽媽都無好好安排！我就相反，99唔知以為我報得少，成日細細聲講，個孫無書讀點算！

作者: cloudwingwing 時間: 13-11-13 19:15 標題: 回覆：報左幾間N班就被人話係怪獸家長，真係好無奈

千萬不要中三姑六婆的鬼計，佢地唔想人地好，第時佢有孫，我唔信佢地唔報

歡迎光臨教育王國 (/)