教育王國
標題: 孩子讀得開心左嗎? [打印本頁]
作者: Febeona 時間: 13-11-12 13:49 標題: 孩子讀得開心左嗎?
本帖最後由 Febeona 於 13-11-13 07:08 編輯
這裡有70後的父母和我經歷一樣嗎?
不知名幼稚園: 就近入學, 大過問阿媽點解揀呢間唔揀第二間? 一個字平d!
沒有讀N班, K1, 一讀就K2. 因為阿媽話K1喊得犀利, 所以遲一年先返學.
村校小學: 家姐讀邊間便讀邊間. 中文為主, 本地的英文老師自然是港式口音, NET是更加不可能. 返上午半日. 學科有中英數社科健, 除了中英數, 其他科只要是小學老師都可以教. 體育就更加唔專業. 課外活動星期六返, 玩左幾年公益少年團.
村校中學: 經過學能測試, 填自願考入. 英文書廣東話授課, 接著要會考, 高考
靠好成績入本地大學
那個年代外面太易搵$, 有一些老師是有熱誠的, 但亦有一批是逼住做, 打份工.那是一個老師面試學校要送叉燒飯o既年代.
現在對教育有熱誠, 沒有周身刀, 可以連一個教席都搵唔到. 老師質素是好了, 學校大左, 設施好左, 孩子讀得開心左嗎?
明明是學校爭學生的年代, 但變成學位緊張, 營造有$到讀唔到o既局面. 選幼稚園已經令人頭痛, 還有直資, 教學語言, 銜接小學, 銜接中學等問題.
贏在起跑線? 輸在終點? 我們這一批已經是大學生, 俾$讀一兩年又是Master, 咁小朋友咪應該有PhD才算是超越我們這一輩? 工作呢? 二十年後的職場又會是怎麼樣?
最後, 返璞歸真, 還是給孩子一個愉快的童年吧!
作者: kittyland06 時間: 13-11-12 15:02 標題: 回覆：孩子讀得開心左嗎
同意，我覺得幼稚園應該係去玩，玩完返屋企咁，我比阿女讀 n 係因為我係 working mom, 唔想佢成日响屋企對住工人睇電視，所以比學費佢去玩咋
作者: tiffany_319 時間: 13-11-12 15:34
作者: kiukiu1017 時間: 13-11-12 15:39 標題: 回覆：孩子讀得開心左嗎?
童年得一次、過去左就沒的了。
作者: HelloNBaby 時間: 13-11-12 15:55 標題: 回覆：孩子讀得開心左嗎?
絕對同意！！
作者: teambuilder 時間: 13-11-12 16:11
你人生是不是只有讀書？不是吧。你想你的子女行你行過的路？還是他能獨當一面？我也是讀村校入大學，番學唔開心。幼稚園已要考試，講緊三十幾年前。
作者: Febeona 時間: 13-11-12 17:01
30年前一般幼稚園教師都沒有幼兒教育培訓, 又沒有課程指引, 仲可以有體罰. 除時把孩子身心摧殘, 唔再鍾意返學.
我們的舊路在教育質量上並不理想. 只可以說比天台學校, 升小有考試o既年代幸福. 猶幸我們能在有限的資源下自強不息和樂天知命, 尚算擁有一個愉快的童年.
現在, 資源好了, 我們應該讓孩子懂得珍惜這個得來不易的學習機會. 包括從小可以接觸純正的英語和普通話, 有更多種類的課外活動, 有更多見識世面的機會. 但水能載舟亦能覆舟. 如何能為子女作出合適的安排確是一太學問.
童年確實只有一次. 當每年公司晚宴時有同事表演呢樣表演個樣, 我都會諗點解細個父母唔摧谷下我作多方面的興趣發展呢? 不過我又會諗, 付出咁多時間又值唔值呢? 我反而懷念係同家人一起過o既每一個節日. 熱熱鬧鬧. 未有小朋友前有空閒還可以去學習自己真正有興趣的東西. 冇錯, 係真正o既興趣, 因為係自己俾o既真金白銀和付出寶貴時間.
今時今日, 我又會諗, 為左入名校而做好個portfolio, 參加咁多活動, 犠牺親子時間, 到頭來又值唔值呢?
作者: cathygum 時間: 13-11-12 17:32 標題: 回覆：Febeona 的帖子
非常同意你的觀點，你的孩子好幸福。
作者: muimui2012 時間: 13-11-12 19:28 標題: 引用：這裡有70後的父母和我經歷一樣嗎?不知名幼
原帖由 Febeona 於 13-11-12 發表
這裡有70後的父母和我經歷一樣嗎?
不知名幼稚園: 就近入學, 大過問阿媽點解揀呢間唔揀第二間? 一個字平d!
作者: ccjm 時間: 13-11-12 21:16 標題: 回覆：Febeona 的帖子
agreed
作者: lilyrico 時間: 13-11-12 21:47
我果個年代，小學先學ABC.
作者: Potato001 時間: 13-11-12 22:08 標題: 回覆：Febeona 的帖子
我係八十後，一樣係讀最近屋企嘅幼稚園，跟姐姐讀屋企附近官小，年年考頭幾名，計過可以入到在第二區的直屬官中, 或者區內名校，但最後選了跟姐姐讀區內的band 2中學，因為我阿爸話，池中無魚蝦蟆最大，去到band 1學校，只會是中游份子，去band 2可以年年考頭幾名。最後，會考有幾個A, 入本地大學first hon 畢業再讀埋master，有份收入穩定又唔太忙嘅工作。
其實唔一定要讀"最好"的學校，讀二線學校輕鬆又開心，之後出來搵工，都冇人睇你邊間小學中學，只係睇邊間u和公開試成績。成績表只是搵第一份工有用，之後的都是靠工作態度 經驗 待人接物等，不是谷就能學懂的。
作者: Febeona 時間: 13-11-12 22:08
lilyrico 發表於 13-11-12 21:47 
我果個年代，小學先學ABC.
小一中文的第一課書課文我到依家仲記得: 花 紅花 一朵紅花 這是一朵紅花
作者: Joball 時間: 13-11-12 22:09 標題: 引用：這裡有70後的父母和我經歷一樣嗎?不知名幼
原帖由 Febeona 於 13-11-12 發表
這裡有70後的父母和我經歷一樣嗎?
不知名幼稚園: 就近入學, 大過問阿媽點解揀呢間唔揀第二間? 一個字平d!
我也是七十後！
分享我的故事！
姐姐小時同我一起讀名牌小學，佢大我幾年！
佢考入名女子中學
但會考二十多分也入不到這中學預科！
之後，佢去左某名中學讀預科，最後因頂不住學習壓力, 讀左poly high dip ！
最後沒有degree 畢業！
佢Down 左幾年，再讀本地名大學full time MBA！
MBA 畢業後，又因找不到好工作，患上情緒病兩年！
相反，我在名小考試已不合格，派左入band 2 中學！
會考得16分，全班尾二讀預科，最後我1 take 過入本地名牌大學！
我個班有三十二個人，九個人入不到大學，扣埋入poly city 的，全班得十幾個入傳統大學！
今日我算是個小中產，但係大學只係大部份工㮔入場卷，EQ重要過一切！
我姐姐中英文也比我好，小時想笑我英文不入流！
但EQ和逆境智商低，所以工作一直不順利！
我地起跑線一樣，中間佢贏我好多，但係我之後又追過她！
希望我這個例子會俾媽咪們有D啟發！
作者: Potato001 時間: 13-11-12 22:10 標題: 引用：我果個年代，小學先學ABC.
原帖由 lilyrico 於 13-11-12 發表
我果個年代，小學先學ABC.
作者: mamaishere 時間: 13-11-12 22:16 標題: 引用：Quote:原帖由+Febeona+於+13-11-12+發表這
原帖由 Joball 於 13-11-12 發表
Agree
我也是七十後！
作者: irisban 時間: 13-11-12 22:28 標題: 回覆：Febeona 的帖子
我小一第一課都係花，紅花，一朵紅花，這是一朵紅花，我好同意你的看法，亦很懷念小時候考試個日先讀嘅日子
作者: Febeona 時間: 13-11-12 22:52
回復 Potato001 的帖子
謝謝分享!
今時今日如果有C6提出"池中無魚蝦蟆最大", 要小朋友棄band 1讀band 2, 肯定會家變. 
作者: Febeona 時間: 13-11-12 22:55
回復 Joball 的帖子
謝謝分享!
我們真的不能忽略EQ的訓練. 報紙報道小學生已有情緒病. 可見讀書壓力之大.
作者: conniewktang 時間: 13-11-12 23:38 標題: 回覆：Febeona 的帖子
Totally agree,本人冇讀過Kg，直接讀小學，最後上大學，然後也一樣碩士畢業。
作者: DevilPig 時間: 13-11-12 23:56 標題: 引用：我係八十後，一樣係讀最近屋企嘅幼稚園，跟
原帖由 Potato001 於 13-11-12 發表
我係八十後，一樣係讀最近屋企嘅幼稚園，跟姐姐讀屋企附近官小，年年考頭幾名，計過可以入到在第二區的直屬 ...
作者: JulieB 時間: 13-11-13 00:03 標題: 回覆：孩子讀得開心左嗎?
多謝分享。做父母真係好艱難，我相信個個都係為左仔囡好，有時不知不覺變左怪獸...所以間中睇到呢d post, 真係有提醒作用！
作者: Miumiulab 時間: 13-11-13 00:15 標題: 引用：Quote:原帖由+lilyrico+於+13-11-12+發表我
原帖由 Potato001 於 13-11-12 發表
我小學一年級，中文第一課書係 "上學去"，英文係 "hello", 數學係數1-10. 而家有啲小學面試已經要識計乘數 ...
作者: tamyingchi 時間: 13-11-13 00:17
多謝分享
作者: sbux 時間: 13-11-13 07:54 標題: 引用：Quote:lilyrico+發表於+13-11-12+21:47+我
原帖由 Febeona 於 13-11-12 發表
我也是小學先開始學ABC
小一中文的第一課書課文我到依家仲記得: 花 紅花 一朵紅花 這是一朵紅花
...
作者: sbux 時間: 13-11-13 08:21 標題: 引用：Quote:原帖由+Febeona+於+13-11-12+發表這
原帖由 Joball 於 13-11-12 發表
Agree
我也是七十後！
所以而家教囡，會盡量開拓佢視野，見識多D，所謂名校神校，會俾機會去試，但唔會為咗入而谷。試，只係睇下自己個囡係咪學校眼中適合嘅人，如果有幸收咗，最後我仍然會同老公以小朋友性格同平衡生活為最大考量決定中學之前條路。中學同之後條路，我希望只係Consultant角色，同佢討論優劣，要佢自己決定喇（當年佢亞媽同係逆公公意自己揀中學嘅）
作者: TwogirlsMama 時間: 13-11-13 08:31 標題: 回覆：孩子讀得開心左嗎
Thanks for sharing.
Can't agree more.
作者: Doris_Ray 時間: 13-11-13 08:39 標題: 回覆：孩子讀得開心左嗎
C6係統傳名牌男校畢業，我係普通中學，大家各自考上香港名牌大學畢業(計考試分和畢業成績，我應略勝)，搵到份穩定工作。
學術上似沒有太大分別，在我和他的朋友接觸時，有感眼界，視野，他們真的很出色，還有思考問題的全面性，是我無法比的。所以，所謂名牌與否，是要考慮到底只一面到"谷學生"，還有學校可以怎樣培養一個全面的學生。
btw, 我小學第一課也是上學去和 hello sam susan。
至於小朋友返學是否開心? 這是我常常問女女的問題，她每次都笑笑口答 "開心"，我很滿足。這幾天學校假期，起身知道唔使返學，好唔學心。佢學校算谷，但係谷家長，要家長參與小朋友學習過程，其實就係親子，對於已經唔記得點解我會識寫字，識串字的我，學校提供了好好的support，等家長去一齊教育小朋友。
作者: joysic 時間: 13-11-13 09:43
好同意70 80後嘅觀點. 不過依家時移世逆
香港已經搵唔番舊時嘅價值觀.
舊時努力有出頭天起碼養得起一家大細
過多二十年 ...
我會盡量給孩子過個快樂童年, 順其自然.
共勉之
作者: yamin 時間: 13-11-13 10:07 標題: 引用：Quote:原帖由+Febeona+於+13-11-12+發表這
原帖由 Joball 於 13-11-12 發表
Agree
我也是七十後！
作者: Joball 時間: 13-11-13 11:35 標題: 引用：Quote:原帖由+Joball+於+13-11-12+發表Agre
原帖由 yamin 於 13-11-13 發表
謝謝你的分享。希望你姐姐可以樂觀面對一切。情緒病同性格、遺傳、環境也有關。我也是70後，也是家人有情緒 ...
她現在已經好返了！
還有一觀點想share。
E排我帶八月BB考N，我只報了三間，身邊的朋友話我hea !他考一間已有am offer，我諗住不再考
朋友話E間學校麻麻，話考英普N好D！
我成日諗二十年後的香港會係點？
所有大學畢業生都會俾父母谷英、普，
語言一定好好！
九成人都會大學畢業，七八成會係master 、三四成係phd！
E.g.
今日我去外地旅行上網買機票、酒店、租車！
去到當地, 用GPS渣車，語言不通用goggle translator，spa email confirmed 曬！
以上例子，旅遊業比二十年前少了多少工種？
全球一體化，科技發達的年代，二十年後，語言好、學歷高，真的能為小朋友帶來優勢？
二十年後，定其他軟件，如創意，EQ、AQ，problem solving skill 重要D？
我沒有答案，請大家谷前想一想！
不要盲目扼殺小孩童年！
作者: Zhuangshinai 時間: 13-11-13 12:15 標題: 回覆：孩子讀得開心左嗎
其實不必和以前比較，年代已經唔同，今時今日個個小朋友都識好多野，要佢哋停留在只識ABC，只會減低佢哋的競爭力，我相信一代比一代聰明，及見識會更廣濶。重點係要佢哋學得開心，我相信愉快才是讓小朋友學懂怎樣學習的元素。
| 歡迎光臨 教育王國 (/) |
Powered by Discuz! X1.5 |