教育王國

標題: 起跑線有感。。。 [打印本頁]

作者: hastalavista 時間: 13-11-12 03:15 標題: 起跑線有感。。。

作為父母，今天心情的確很矛盾的。相信大部份的你我，都不是家財萬貫，富甲一方。眼見綠色的稅單，每年要交1～2個月糧給政府，換來卻要幫忙供養雙非的小朋友。

先別說什麼起步線等問題，以小朋友現今的資源，加上有心的爸媽栽培，本質上輸極有限，相信只是95 跟105 的分別！

學卷學校，有政府資助，佔盡資源的雙非爸媽，一定是首選，無奈地除了北區外，全港也有他們的踪影。別說什麼認識b6 家長很有素質，整體上看，大家都有一定的文化教育價值觀等背景差異。有差異，便有磨擦分歧。近朱者赤，小朋友容易影響小朋友，學到好的東西固然好，但是學壞只需三天！在家跟小朋友建立有愛心，與人分享的精神，上學一個星期就可以忘記了！說我們應該什麼包容，有耐性等等。慢著，我們為什麼要忍受不關我們事的東西呢？何況。。。你願意拿自己的小朋友作賭注嗎？
另外，k3 上 p1，很多父母都說現今有很大的程度差距。普遍上，學卷學校小朋友都較難適應，這是另一議題，但是教育局會不知道嗎？
結果：很多學校也退出學卷制，港爸媽也不選學卷學校，雙非爸媽瘋狂地搶。

可笑地港爸港媽選私立學校時，又給別人冠以＜怪獸＞＜輸贏起跑線＞等形容。學位不足又說成因家長位位都報10多間學校。跟本就是制度政策有錯，混淆視聽將問題轉嫁給港爸媽。

相信很多爸媽，都不是希望小朋友做到頂尖中的頂尖，而是希望小朋友從小打好基礎，快樂的成長。

說什麼要有多少成就，除了如樂器外要不斷透過重覆訓練才有成果的東西外，學術上的，打好了基礎，今天的世界，只是求拿一個degree 類的物體，難嗎？再深遠的學術或者事業上的成就，可以控制得到嗎？或者你以為今天可以複制自己成功的一套，但是到小朋友長大了，可能所謂成功的一套，已不合時而！

作者: pakyin11302009 時間: 13-11-12 03:39 標題: 回覆：起跑線有感。。。

我淨係覺得香港癲癲地，幾歲人仔就要識英文普通話，廣東話都未講正啦！好大壓力！

作者: tiffany_319 時間: 13-11-12 08:41

所以現在香港的小朋友唔會有我地以前一樣的快樂童年, 他們一生出來便要開始同人爭 .... 現在都會同朋友講, 如要生小朋友的真的要三思

作者: ballg 時間: 13-11-12 09:02 標題: 回覆：起跑線有感。。。

但睇你怎樣處理，可能我們當年的學習模式會比下去，但我認為小朋友應該從生活中愉快學習，其他人怎樣都不能影響我給小朋友過輕鬆愉快的童年，flash card no way !!

作者: superdaddy888 時間: 13-11-12 09:13

我囡囡未出世已經要同人爭醫院牀位 E加爭K1 我都唔知仲要爭到幾時我只能死跟吾跟就大把人超前你無奈

作者: Jessie730818 時間: 13-11-12 09:23 標題: 回覆：起跑線有感。。。

根本依家香港就係一個唔快樂嘅城市，壓力由0歲已開始，因為出生係一個爭奪年代，想佢哋幼稚園開開心心，真係好辛苦，所以大家媽咪要努力，互相幫助呀！

作者: C-Line1127 時間: 13-11-12 09:33

大家媽咪要努力，互相幫助

作者: abby0624 時間: 13-11-12 09:59

每個家長都希望自己小朋友有個快樂童年，呢個係必然，有邊個會選擇比自己壓力？但香港教育制度唔配合，有時又好難怪有啲家長會因為呢個教育制度帶嚟GE壓力而緊張，可能做得過份咗。

作者: minirat 時間: 13-11-12 10:01

ballg 發表於 13-11-12 09:02
但睇你怎樣處理，可能我們當年的學習模式會比下去，但我認為小朋友應該從生活中愉快學習，其他人怎樣都不能 ...

我非常認同"flash card no way!"

作者: K722 時間: 13-11-12 10:16

有學卷D村校，好多都有大量big6，所以香港父母afford得到好多都會選擇無學卷私校。但係一開o左個頭，跟住就好難返轉頭，唯有繼續上直資/私立。

作者: isolg_ying 時間: 13-11-12 10:39

同意flash card no way，所以我都揀左學券幼園俾阿仔，仲要係揀間唔重學術既村校，要唔要俾小朋友有愉快童年，完全係父母自己既選擇。小一適應唔到？到時先算啦！教育局會咁設定絕對唔會有適應唔到既事，小朋友最重視既係父母既支持，深信只要父母理解、陪伴，以小朋友咁強既適應能力要應付不難。難就難在父母能否過到自己嗰關，能包容自己小朋友唔係考頭幾名，能夠拒絕將自己仔女同其他人比較。是否怪獸，並唔係以選擇咩學校黎界定，而係點樣處理仔女既事而定

作者: snoopyyip 時間: 13-11-12 11:33 標題: 引用：但睇你怎樣處理，可能我們當年的學習模式會

原帖由 ballg 於 13-11-12 發表
但睇你怎樣處理，可能我們當年的學習模式會比下去，但我認為小朋友應該從生活中愉快學習，其他人怎樣都不能 ...

作者: snoopyyip 時間: 13-11-12 11:34 標題: 引用：同意flash+card+no+way，所以我都揀左學券

原帖由 isolg_ying 於 13-11-12 發表
同意flash card no way，所以我都揀左學券幼園俾阿仔，仲要係揀間唔重學術既村校，要唔要俾小朋友有愉快童 ...

是的，重點在父母怎樣身教及付出親子的時間

作者: 魚王 時間: 13-11-12 11:36 標題: 引用：所以現在香港的小朋友唔會有我地以前一樣的

原帖由 tiffany_319 於 13-11-12 發表
所以現在香港的小朋友唔會有我地以前一樣的快樂童年, 他們一生出來便要開始同人爭 .... 現在都會同朋友講, ...

100X agree

作者: 魚王 時間: 13-11-12 11:41 標題: 回覆：起跑線有感。。。

我同一個做小學老師的朋友反影，說小孩子放學做功課温書吃飯，只剩下半點鐘玩或休息，叫佢不要比咁多功課給生，佢竟然講，有半點鐘玩米夠law!天呀！

作者: tiffany_319 時間: 13-11-12 11:43

isolg_ying 發表於 13-11-12 10:39
同意flash card no way，所以我都揀左學券幼園俾阿仔，仲要係揀間唔重學術既村校，要唔要俾小朋友有愉快童 ...

Agree x 100

作者: happytummy 時間: 13-11-12 11:49

isolg_ying 發表於 13-11-12 10:39
同意flash card no way，所以我都揀左學券幼園俾阿仔，仲要係揀間唔重學術既村校，要唔要俾小朋友有愉快童 ...

同意的, 是父母自己的選擇, 只要唔好成日拎子女同人比較, 其實父母同子女都會輕鬆好多, 無論有無學卷, 我都係揀happy school, Flash Card更加係諗都無諗過

作者: joyce_yeung 時間: 13-11-12 11:57

其實要睇自己個小朋友係邊種type, 未安排咩比佢囉

作者: Potato001 時間: 13-11-12 11:58 標題: 引用：我囡囡未出世已經要同人爭醫院牀位+E加爭K1

原帖由 superdaddy888 於 13-11-12 發表
我囡囡未出世已經要同人爭醫院牀位 E加爭K1 我都唔知仲要爭到幾時我只能死跟吾跟就大把人超前你無奈:cry ...

未出世: 爭床位
出世後: 爭打針（水痘針）
幼稚園: 爭學位

作者: Chirley 時間: 13-11-12 12:14

flash card NO way~呢句真係好好...
回想阿囝歲零時帶左佢去d pg玩...
玩左幾堂...連大人都頂唔順...最後無再同佢返呢d pg...
當教日常知識咁係屋企教佢野仲開心, 又可以親子多點...
係香港地而家好難完全唔跟個遊戲玩...
做家長只能自己調節, 唔好迫自己同迫個小朋友去到咁癲...
每過一段日子都有一d唔同時代需要d唔同既野,
家長可以幫小朋友安排既其實都係一段時間...
感慨係可以, 但唔好俾而家呢個怪獸氣氛打敗,
自己搵下平衡位囉~

作者: kelly201314 時間: 13-11-12 12:23

回復 pakyin11302009 的帖子

同感!

作者: 小小山 時間: 13-11-12 12:25

不做怪獸家長, 要Stand firm.

作者: ballg 時間: 13-11-12 12:32 標題: 回覆：起跑線有感。。。

我都有返pg但只係玩，小朋友學到幾多都係佢自己揀！我都有報名幼，但我無迫小朋友一開口就講abc！小朋友本身係無壓力，佢點知咩係名校，眼見有媽媽入到入唔到名幼就抱住小朋友喊，到考小學就連小朋友都自己識喊埋一份！教育制度係有問題，但最大問題係部份家長怕蝕底，虛榮心重，話俾最好個小朋友但同時破壞佢哋簡單愉快嘅童年！無父母唔愛小朋友，我講係我嘅想法，每人都有自己想法同想行嘅路！

作者: ymnhappybaby 時間: 13-11-12 12:57

回復 ballg 的帖子

same here

作者: corachanyy 時間: 13-11-12 14:21 標題: 回覆：起跑線有感。。。

什麼不要輸在起跑線，只是生意人的marketing slogan, 但呢句話好成功咁令好多香港家長以為唔花錢比仔女去學好多嘢就係對唔住仔女，令佢輸在起跑線。
家長必須接受不可能每人的下一代都是天才／神童，孩子的特質在長大後就會顯現出來。
街上已經有好多新世代的小朋友被催谷大了，問心各位有幾多人會認為佢地個個都係神童？個個都比上一代的小朋友優勝？
但願做父母的都不要再拘泥於什麼起跑線，多D信自己吧！

作者: Feron 時間: 13-11-12 14:48

我們從外國回來,看到美國朋友小孩4歲才上學,好羡慕!我相信人生呢個遊戲係鬥長命同命硬,再咁迫落去,小孩同自己的命都短幾年!

作者: 金星媽咪 時間: 13-11-12 15:06

同意 ! 首先家長自己搵個平衡點, 不要太摧谷, 亦不要太遷就.
所有都是以身教為首要.

作者: 利口樂 時間: 13-11-12 15:15

提示: 作者被禁止或刪除內容自動屏蔽

作者: Febeona 時間: 13-11-12 15:34

本帖最後由 Febeona 於 13-11-12 15:35 編輯

香港太市場主導. 學卷出現本來就是可以規範幼稚園教d乜. 一有唔妥, 視學官會如實寫底. 教署有guideline的. 但實際情況係有heart搞學校的, 沒有gimmick, 根本吸引唔到家長, 到頭來又會殺校. 要抽簽入學, 入唔到心儀的又不爽, 結果要靠面試. 太簡單又分唔到高低...但小孩每一個月都進步好多, 一年後入學根本就判若兩人. 但幼稚園面試已經搞到家長心力交瘁, 何苦.

作者: 天使仔 時間: 13-11-12 16:12

依家做家長其實真係好辛苦, 我女係無讀n班, 無返playgroup, 出年3歲8個月返K1, 咁耐以來已經有不少有心人同我講咁唔得, 阿女會好輸蝕, 到依家佢考到一間有學卷既一條龍幼稚園, 本來都好開心架, 因為將來唔駛再煩搵小學, 但唔夠幾日就有人同我講, 你O個間程度好淺喎, 如果將來小學唔收返, 出去考有難度喎, 我其實一路都係無所謂, 考到邊間就讀邊間啦, 但比人講一講, 我又開始擔心, 又想再試下in其他學校, 好在我老公夠清醒, 提醒返我, 有時真係要時刻保持清醒先可以在呢個已經嚴重扭曲既教育制度下生存

作者: lui 時間: 13-11-12 17:47 標題: 引用：但睇你怎樣處理，可能我們當年的學習模式會

原帖由 ballg 於 13-11-12 發表
但睇你怎樣處理，可能我們當年的學習模式會比下去，但我認為小朋友應該從生活中愉快學習，其他人怎樣都不能 ...

我頭半年也有用flash card for words. 但否定了點數咭，後來阿女竟然在我讀flash card sentence 時背出來，我知道那是沒有用了。之後我同女兒常看故事書，他現在日看夜看出街也要帶書，小朋友要愛上閱讀，首先要愛書（she might not able to read the word at the age of 2. But she can really tell what the story is about).

作者: ballg 時間: 13-11-12 23:52 標題: 引用：Quote:原帖由+ballg+於+13-11-12+發表但睇

原帖由 lui 於 13-11-12 發表
我頭半年也有用flash card for words. 但否定了點數咭，後來阿女竟然在我讀flash card sentence 時背出來， ...

Reading a book is totally another story ! Good jobs and work hard every one !

歡迎光臨教育王國 (/)