教育王國
標題: 今日明我(奧運校)interview,各子女表現如何? [打印本頁]
作者: mandy8415 時間: 13-11-9 14:33 標題: 今日明我(奧運校)interview,各子女表現如何?
今日9:00我同仔仔去in明我,首先係門口等派籌,跟住入去等分批去玩具聒玩玩具,玩玩下老師就過來同仔仔講早晨,仔仔都有回應老師早晨,然後老師問仔仔叫咩名?仔仔都有答,老師之後就再去問其他小朋友,過左一陣老師又返來,拎全架車問仔仔係咩?仔仔冇笞,跟住老師再問仔仔,今日邊個陪你黎?仔仔又唔出聲,然後老師指住我,仔仔都係唔出聲,我就同老師講仔仔好怕陌生人,老師就話唔緊要,跟住玩多一陣,老師就話小朋友幫我拍返d櫈仔,仔仔見我拍櫈,就跟住我拍櫈,仲拍埋其他同學仔的櫈,所以最遲出去,唔知老師會唔會以為佢玩到唔捨得走.......
跟住又係出面等,入去面見室同老師一對一面試,仔仔今次肯自己坐,老師問佢叫咩名,仔仔有答,老師再問仔仔,今日邊個陪你黎?仔仔又唔出聲,然後老師指住我,仔仔都係唔出聲,我就同老師講仔仔好怕陌生人,跟住老師同仔仔講故事,講完就問仔仔,頭先故事中的小朋友,用咩畫畫,老師攞住一枝筆同埋一支叉,仔仔諗左一陣,就簡左枝筆,跟住老師就叫仔仔拼圖,仔仔最後都完成到,但過程唔係好順利,老師再攞住把梳,問仔仔咩黎,仔仔又係唔出聲,然後再叫仔仔疊杯,仔仔做到,但最後個杯就放錯,要老師教佢做多次,最後老師又問返個故事裡面,邊個去接小朋友放學,係咪佢媽媽,老師叫仔仔指幅圖邊個係佢媽媽,仔仔又唔指,老師再問邊個係媽媽,仔仔就捉住我,臨走時老師再問仔仔叫咩名,仔仔竟然自己起身行出去,跟住我叫仔仔同老師講拜拜,仔仔都有講。
最後要見埋校長先走得,校長問仔仔叫咩名,仔仔唔出聲,校長再攞住張FORM,問仔仔相裡面果個係邊個,仔仔都係唔答,跟住校長就俾左枝珍寶珠仔仔,問仔仔要講咩,仔仔唔答,跟住校長就叫仔仔跟佢講多謝,仔仔有跟住講,最後校長俾左架車仔仔,再問仔仔要講咩,仔仔又唔答,跟住校長就叫仔仔跟佢講多謝校長,但仔仔都只係講左多謝,校長同仔仔講拜拜,仔仔都有講(但好細聲)。
問題
仔仔表現咁差,係咪多數唔收呢?其他家長,你地的子女今日表現如何,可以分享一下嗎?
作者: 小露比* 時間: 13-11-9 14:43
我都係今朝9:00 IN ..
我女又係問遷咩名都係唔答 (我地問先會答)
我覺得八成唔收囉 .....
同埋唔知點解入去學校個印象麻麻地咁 , 無想像中咁好 ,,,
作者: lulugogo 時間: 13-11-9 15:54
回復 小露比* 的帖子
我都係同一感覺間學校冇想像咁好，係有d差tim呀，d年紀大的老師都冇晒熱誠，表現到好唔友善，問問題時一點耐心都冇，一問答等一陣未等就唔再問，連校長都好似冇嘜對幼教育冇嘜熱誠咁對住小朋友好冇耐性咁，失望！
作者: SharonMommy 時間: 13-11-9 15:59
我今日10:00冇去見明我!因11:50 and 12:30 要見另外兩間!明我學校好舊!環境麻麻地!
作者: leyland88 時間: 13-11-9 16:01 標題: 回覆：小露比* 的帖子
玩玩具時，老師問個個小朋友名都冇答，中途我個B離開了位去玩另一個玩具時，老師便走去同佢玩，仲有問佢名和幾歲，最後叫佢返埋自己位玩。
個別in時，考疊柸，拼圖3塊及看圖講故事問問題，感覺老師好nice.
作者: leyland88 時間: 13-11-9 16:07 標題: 回覆：leyland88 的帖子
除了帶位及in的老師外，其他則真係冇乜笑容。
作者: breadbb 時間: 13-11-9 16:23 標題: 回覆：今日明我(奧運校)interview,各子女表現如何?
我前年in n班，個老師年長d全程無笑過！所以我即刻扣哂分！
作者: prettyporky 時間: 13-11-9 16:35
頭先in 完西灣河明我,阿仔細B兩歲都未夠,可以做齊老師指示,一個不漏,老師都拍手讚叻叻,但講野只識單字,所以校長見佢時印象麻麻,應該衰既機會多
作者: 小露比* 時間: 13-11-9 16:43
其實IN果陣無咩問題 ... IN我女果個MISS係後生既 , 都好NICE
但真係年紀大果D , 真係無咩笑容 ....
但就真係唔明點解一入去感覺麻麻地 ///
作者: leyland88 時間: 13-11-9 16:55 標題: 回覆：小露比* 的帖子
可能校園比較細，同d唔知做乜的老師企曬係到。玩玩具好像耐了點。
作者: 小露比* 時間: 13-11-9 17:34 標題: 引用：可能校園比較細，同d唔知做乜的老師企曬係
原帖由 leyland88 於 13-11-09 發表
可能校園比較細，同d唔知做乜的老師企曬係到。玩玩具好像耐了點。
作者: cherrry 時間: 13-11-9 19:07 標題: 回覆：今日明我(奧運校)interview,各子女表現如何?
其實明我好唔好？
作者: EvaBen 時間: 13-11-9 22:05
我有朋友的女女係入面讀，朋友講佢課程深同小一派位幾好，所以我今日都去了interview,我覺得校舍不算新但也不太舊，不過我都係近半年先勤力睇下同問下人地邊D學校好，又要返工又要湊仔真係好忙，我本身都覺得年紀大的老師冇咁好熱誠，後生D衝勁D，今日見我的老師和校長都好後生同好好笑容，不過呀仔今日唔生性，平日好多野講，今日見老師時一句都不說，只砌左個砌圖，到見校長都不說，後尾校長送架車比佢先肯說多謝， 睇怕都唔收， 不過我報左4間，唔知會不會太小
作者: 小露比* 時間: 13-11-9 22:39
其實我都係知佢課程唔淺 + 近屋企先報 , 最緊要有學卷先 ....
校舍舊同細我都可以接受 ....
作者: mandy8415 時間: 13-11-10 03:38
我都係諗住佢啲課程幾好，想仔仔個基礎打好啲，將來上小學唔使咁辛苦，但老公就話間學校好似好細，感覺唔係咁好，我只係報左4間幼稚園，結果如下：
1太陽島(offer pm)
2.德貞（要second in)
3深培（reject)
4明我（等消息）
作者: 小露比* 時間: 13-11-10 12:51
mandy8415 發表於 13-11-10 03:38 
我都係諗住佢啲課程幾好，想仔仔個基礎打好啲，將來上小學唔使咁辛苦，但老公就話間學校好似好細，感覺唔係 ...
1. 德貞 ( am offer )
2. 迦南 ( 等結果 )
3. 明我 ( 等結果 )
但其實 2 會放棄 , 真係太貴了 , 雖然大女係度畢業 , 收細女機會好大 ....
作者: mandy8415 時間: 13-11-11 00:45
回復 小露比* 的帖子
如果明我取錄，你會入讀嗎？定係你會選擇德貞？點解報6間，但in得3間？
作者: leyland88 時間: 13-11-11 08:00 標題: 回覆：mandy8415 的帖子
如明我、迦南學費是一樣沒有學卷，會怎樣選?
作者: 小露比* 時間: 13-11-11 12:29
mandy8415 發表於 13-11-11 00:45
回復 小露比* 的帖子
如果明我取錄，你會入讀嗎？定係你會選擇德貞？點解報6間，但in得3間？ ...
| 歡迎光臨 教育王國 (/) |
Powered by Discuz! X1.5 |