教育王國

標題: 請教各位 [打印本頁]

作者: myaz26 時間: 13-11-7 21:44 標題: 請教各位

各位媽媽：

我女兒在一間band1英中讀中三，開學至今兩個多月已對phy bio chem完全失去了信心，哭著閙著說上課完全聼不明，學校又祇有提供講義沒有書，現在是真得不知道怎麽辦好了。

想請教大家：
1，是否祇有出去找補習學校一條路，因不想她把時間花在來去補習的路程上，會不會以後四年只能依靠補習社?

2, 如是，請問有那些補習學校可以推薦的呢？我實在不了解各補習學校的區別，不知如何下手去好。

3，有沒有一些讀好這些科的經驗，至今總共只上了各八堂課，追起來應該不會太難吧

4，我女兒中史西史這些要背的科目完全不行，如以上科目還不掂的話，中四選課有什麽建議嗎？她的志願是讀翻譯

請大傢賜教謝謝

作者: 小彬彬 時間: 13-11-7 22:48

本帖最後由小彬彬於 13-11-7 22:56 編輯

myaz26 發表於 13-11-7 21:44
各位媽媽：

我女兒在一間band1英中讀中三，開學至今兩個多月已對phy bio chem完全失去了信心，哭著閙著說 ...

其實不是個個人都適合讀理科, 尤其是女仔, 好多都怕讀 phy chem bio, 升中四時揀文科便可以了

但問題揀科是睇總成績的, 加上一般學校文科位比較少, 難入過理科, 如果你囡囡總成績比phy chem bio 拉低的話, 好有可能被迫讀理科, 所以就算你囡囡打算中四讀文科, 今年 phy chem bio 都要考得好

補習社的進度同學校可能不同, 所以最好都係揾個私人補習老師補 phy chem bio, 中三phy chem bio 應該唔會好深, 好快可以追上, 不用太担心

如果中史西史唔掂可揀經濟, 地理, 唔怕計數揀會計都可以

作者: cow 時間: 13-11-7 22:56

小彬彬發表於 13-11-7 22:48
一般學校文科位比較少, 難入過理科, 如果你囡囡總成績比phy chem bio 拉低的話, 好有可能被迫讀理科

一般學校文科難入過理科, 係真唔係?

作者: 小彬彬 時間: 13-11-7 23:01

cow 發表於 13-11-7 22:56
一般學校文科難入過理科, 係真唔係?

真的, 小兒學校文科班比理科班少, 一個同學成績痳痳, phy chem bio 肥哂, 文科的科目唔係好, 但總算合格, 佢揀文科, 但因為總成績低被迫入理科, 結果考dse 全軍盡墨

作者: 73662710 時間: 13-11-7 23:30

大多數學校都是理科難入。叻人都會選擇理科，因為入U多些選擇。band 1學校叻人多，所以理科班多过文科班。女校會多點文科班，不過就算在女校，精英学生也多數選擇理科。

作者: judywan 時間: 13-11-7 23:39

回復小彬彬的帖子

我女兒學校剛好相反。

作者: 小彬彬 時間: 13-11-7 23:47

judywan 發表於 13-11-7 23:39
回復小彬彬的帖子

我女兒學校剛好相反。

是女校嗎?

作者: bigfoothk 時間: 13-11-7 23:48

提示: 作者被禁止或刪除內容自動屏蔽

作者: judywan 時間: 13-11-7 23:50

小彬彬發表於 13-11-7 23:47
是女校嗎?

男女校。

作者: 小彬彬 時間: 13-11-7 23:53

bigfoothk 發表於 13-11-7 23:48
學校又祇有提供講義沒有書，很多學校是用notes,年年去賣舊書,佢本本新的一樣.

想請教大家：

中三還可轉IB 嗎?

作者: 小彬彬 時間: 13-11-8 00:33

轉IB 也可以考慮, 經濟許可到英國考GCE AL也是不錯的選擇

作者: Yanamami 時間: 13-11-8 08:50

F4還可一揀BAFS/Econ/Geog/ICT吧，但仍要成績好先揀到科。如3科理唔掂，會拉低曬d分，就難同人競爭了。翻譯好似唔限要乜elective？但中、英文要好好。

作者: EASTCOAST 時間: 13-11-8 10:41 標題: 引用：轉IB+也可以考慮,+經濟許可到英國考GCE+AL

原帖由 小彬彬 於 13-11-08 發表
轉IB 也可以考慮, 經濟許可到英國考GCE AL也是不錯的選擇

IB 比dse 更難，中三成績差，應該捱唔到IB課程。GCE AL 應該較易應付。

作者: October. 時間: 13-11-8 10:43

myaz26 發表於 13-11-7 21:44
各位媽媽：

她的志願是讀翻譯
...

志願是讀翻譯,中英文該是不俗, 也可選修中國文學及英國文學, 不過, 不是每間中學都有開英國文學班.

作者: mummom 時間: 13-11-8 13:10

中三的phy,chem,bio 一般都好簡單，如果咁都吾明，個人意見可能真系吾系好適合讀理科。
但而家仲系早，找個私人補習，睇下得吾得。私人補要試，試2﹣3堂吾明就要換。人夾人，要找到夾的私補要時間。
吾得都仲有好多科簡。您要問問學校高中有咩科開。有D老師可能教得麻麻，要自學。

作者: Marco-ma 時間: 13-11-8 13:42

本帖最後由 Marco-ma 於 13-11-8 13:44 編輯

我個女中三都係肥哂 phy chem bio, 連 maths 都係緊緊合格,
結果拉低哂整體成績. 信心盡失 !

但好彩阿女女校無咩人揀文科, 佢直入中國文學/英國文學/中國歷史;
呢3年讀得好開心, 校長上年叫佢去家長會, 同家長分享點解會揀全文科,
依家佢連 maths 都好返埋. ...

個人建議,
現在要搵人幫下阿女先, 最好私補來一次攪哂 phy/chem/bio 好d....
長線來講, 要傾下要研究下學校有咩 dse 科可以讀....

大學想讀翻譯 , dse 揀咩選修科都得, 最緊要中/英文好 .

作者: 小彬彬 時間: 13-11-8 13:55

Marco-ma 發表於 13-11-8 13:42
我個女中三都係肥哂 phy chem bio, 連 maths 都係緊緊合格,
結果拉低哂整體成績. 信心盡失 !

DSE 選科比以前會考煩好多, 除非好成績, 否則好少揀的科目都全部成功揀到, 你囡囡好好彩

作者: Yanamami 時間: 13-11-8 14:09

Marco-ma 發表於 13-11-8 13:42
我個女中三都係肥哂 phy chem bio, 連 maths 都係緊緊合格,
結果拉低哂整體成績. 信心盡失 !

不如你同我地又分享下（點解會揀全文科）吖~~

作者: JuiceMum 時間: 13-11-8 16:11

提示: 作者被禁止或刪除內容自動屏蔽

作者: item 時間: 13-11-8 18:45

回復 cow 的帖子

應該係一般成績很好的學校

作者: Marco-ma 時間: 13-11-8 20:20

回復小彬彬的帖子

我覺得阿女好彩係因為學校係選科安排上好有彈性，同埋資源配合到，幾個人take 的都肯開班。
(以後吾知仲會吾會啦，因阿女話科宗教及倫理drop 餘一兩個去考dse)

呢兩年再見其他學校在選科多多限制，有d 仲係好吾合理，
例如揀a就一定要埋b，就真係覺得阿女好彩。

至於阿女喜歡的全中直入，已經是意料中事。
中史，文學，英國文學三科都只是得十零廿人囉。

作者: ANChan59 時間: 13-11-8 20:34 標題: 引用：回復+cow+的帖子應該係一般成績很好的學

原帖由 item 於 13-11-08 發表
回復 cow 的帖子

應該係一般成績很好的學校

應該是位少而已，供求問題！

作者: 小彬彬 時間: 13-11-8 20:45

Marco-ma 發表於 13-11-8 20:20
回復小彬彬的帖子

我覺得阿女好彩係因為學校係選科安排上好有彈性，同埋資源配合到，幾個人take 的都肯 ...

小兒中四揀phy chem bio, 最後只派到 chem bio econ

作者: Marco-ma 時間: 13-11-8 20:48

Yanamami 發表於 13-11-8 14:09
不如你同我地又分享下（點解會揀全文科）吖~~

yanamami 點解？阿女鐘意囉！

中三選科時佢都有猶豫過 : xx 叫我揀科Econ or geog 呀，邊有人好似你咁揀架！

但事阿女真係最鍾意果三科麻，學校又配合到，佢take 哂呢三科無撞時間，
真係無理由因為要平衡d 就揀科自己吾鍾意的來讀呢....

又有人會話讀咩科易拎高分，但要我個女對住科吾喜歡的，一定無運行。

雖然佢自己都估計呢三科博盡哂都只得5 ，擇星就要靠中英文，
但時光倒流再楝一次，應該都係咁揀囉。

作者: ANChan59 時間: 13-11-8 20:55

小彬彬發表於 13-11-8 20:45
小兒中四揀phy chem bio, 最後只派到 chem bio econ

阿仔學校最熟門是Phy Chem Econ. Phy Chem Bio 是次選。

作者: October. 時間: 13-11-8 20:55

小彬彬發表於 13-11-8 20:45
最後只派到 chem bio econ

我中意呢個組合. 靈活性大, 入U 選擇多. 當然, 選科應以能力+興趣行先, 千萬不可勉強.

作者: 小彬彬 時間: 13-11-8 21:33

ANChan59 發表於 13-11-8 20:55
阿仔學校最熟門是Phy Chem Econ. Phy Chem Bio 是次選。

新高中鼓勵選科理中有文, 文中有理, 唔想學生同時讀Phy Chem Bio, 所以一般都只留少數位比學生讀Phy Chem Bio

作者: 小彬彬 時間: 13-11-8 21:36

October. 發表於 13-11-8 20:55
我中意呢個組合. 靈活性大, 入U 選擇多. 當然, 選科應以能力+興趣行先, 千萬不可勉強.
...

其實econ 都好有用, 小兒今年大學 year 1 都要讀econ, 因為讀過, 所以讀得好輕鬆

作者: item 時間: 13-11-8 22:02

小彬彬發表於 13-11-7 22:48
其實不是個個人都適合讀理科, 尤其是女仔, 好多都怕讀 phy chem bio, 升中四時揀文科便可以了

但問題揀科 ...

記得小女選科時，理科競爭非常劇烈，有很多同學讀不到理科，都很失望。我有朋友千金成績不俗，但不是讀理科的材料，但爸爸堅持要讀理科，將來出路較佳，叻學生才可讀理科，後來越讀越差，中英成績就很好，其他的不至於不合格，但以她的語文能力，如讀文科，一定優勝得多，她的會考成績很一般。選科時，真的要選自己能夠讀得好，有興趣的學科。

作者: 小彬彬 時間: 13-11-8 22:21

item 發表於 13-11-8 22:02
記得小女選科時，理科競爭非常劇烈，有很多同學讀不到理科，都很失望。我有朋友千金成績不俗，但不是讀理 ...

正常是揀最易拿高分的一科

作者: cow 時間: 13-11-9 00:04

ANChan59 發表於 13-11-8 20:55
阿仔學校最熟門是Phy Chem Econ. Phy Chem Bio 是次選。

Phy Chem Econ 呢個組合幾好, 但讀Phy Chem Bio的選擇較多, 英國好多Medical / Health有關的科都要Bio.

作者: ANChan59 時間: 13-11-9 00:08

cow 發表於 13-11-9 00:04
Phy Chem Econ 呢個組合幾好, 但讀Phy Chem Bio的選擇較多, 英國好多Medical / Health有關的科都要Bio. ...

If just focus on Medic / Healthcare, Bio can be a good choice. Econ provides more options.

作者: cow 時間: 13-11-9 00:38

回復 ANChan59 的帖子

好似唔係好多U的科要求一定要有Econ.

作者: ANChan59 時間: 13-11-9 00:46

cow 發表於 13-11-9 00:38
回復 ANChan59 的帖子

好似唔係好多U的科要求一定要有Econ.

DSE 成績一直無乜特別要求，但好多神科要Econ. 例如IFAA / QFin Econ Mid-term test 平均分是85分，無底 ......

作者: item 時間: 13-11-9 00:51

回復 cow 的帖子

如果有讀過Econ，成績攞A攞B，又選翻Econ，大學係乘雙倍分

作者: cow 時間: 13-11-9 11:24

item 發表於 13-11-9 00:51
回復 cow 的帖子

如果有讀過Econ，成績攞A攞B，又選翻Econ，大學係乘雙倍分

"乘雙倍分"是指入大學DSE/IB/GCE Econ 分 x 2 ?
三大都係 ?
還是....

作者: 小彬彬 時間: 13-11-9 12:22

cow 發表於 13-11-9 11:24
"乘雙倍分"是指入大學DSE/IB/GCE Econ 分 x 2 ?
三大都係 ?
還是....

中大econ 最少 x 2, 港大, 科大只是 x 1

作者: khmama 時間: 13-11-9 12:35 標題: 引用：各位媽媽：我女兒在一間band1英中讀中三，

原帖由 myaz26 於 13-11-07 發表
各位媽媽：

我女兒在一間band1英中讀中三，開學至今兩個多月已對phy bio chem完全失去了信心，哭著閙著說 ...

你囡囡phy，chem，bio聽唔明，唔一定係你囡囡問題, 可能講義太簡單，老師講得太深入/片面都唔奇. 你先攞啲講義俾啲讀science嘅人睇下，如果太簡單，建議你自己去買text book. 阿女中三啲text book係講得好詳細嘅，只要識英文就應該睇得明. 你先試下買書睇，追返啲課程，以後上堂有唔明，要即刻問老師同同學，越積得耐越打擊自信。

作者: item 時間: 13-11-10 00:06

小彬彬發表於 13-11-9 12:22
中大econ 最少 x 2, 港大, 科大只是 x 1

小女是2010申請科大，當年在開放日，問過那些那些負責的同學，講有考A-Level Econ ，選Econ，Econ and financeA Level Econ 成績是X2，而家應該沒有變過。

作者: 小彬彬 時間: 13-11-10 00:51

item 發表於 13-11-10 00:06
小女是2010申請科大，當年在開放日，問過那些那些負責的同學，講有考A-Level Econ ，選Econ，Econ and fina ...

我再上科大網站check 過, 都係冇話econ x2, 或者你上去睇睇, 睇完話我知

作者: skkeung 時間: 13-11-10 09:24 標題: 回覆：khmama 的帖子

睇得好準！

作者: item 時間: 13-11-11 15:01

回復小彬彬的帖子

我上過科大的網站，真的沒有提EconX2倍分，因為小女最終沒有選修Econ，所以沒有這留意這幾年的變化，這在2009年科大info day 攞到資料，唔好意思，俾錯料大家。

作者: ANChan59 時間: 13-11-11 16:22

回復 item 的帖子

欣賞你的大方承認錯誤

作者: 小彬彬 時間: 13-11-11 17:51

item 發表於 13-11-11 15:01
回復小彬彬的帖子

我上過科大的網站，真的沒有提EconX2倍分，因為小女最終沒有選修Econ，所以沒有這留意 ...

你冇比錯料, 只是計分方法改左, 你囡囡最後揀左乜嘢讀?

作者: item 時間: 13-11-11 19:17

回復小彬彬的帖子

小女最後選修Acount，現在已在工作了。

作者: Marco-ma 時間: 13-11-11 19:38 標題: 回覆：myaz26 的帖子

我地傾得幾鬼開心，但樓主好似失蹤咗

作者: yklee 時間: 13-11-11 21:07

Marco-ma 發表於 13-11-8 13:42
我個女中三都係肥哂 phy chem bio, 連 maths 都係緊緊合格,
結果拉低哂整體成績. 信心盡失 !

請問你個女揀三科，多吾多要背？英國文學讀D咩？

作者: Marco-ma 時間: 13-11-11 21:20 標題: 回覆：yklee 的帖子

梗多啦，中史已經要勁背，中國文學都有嘢背的。

至於英國文學，我理解是分析d 英詩，解拆下用咗咩修辭技巧，有咩喻意等.....，其實我都係聽阿女呻過，希望我無誤解

溫馨提示 : 以上三科都分paper 1 & 2 , 最少都考超過二小時，亦有paper 是考二個半小時 - 要勁寫字的！

作者: myaz26 時間: 13-11-11 21:32

多謝各位的不吝賜教，這兩天我把每篇帖子看了又看，也一直告知小女不要放棄，但...

1,我于周末已帶同小女去買了textbook，希望能多看看書能理解多點

2，這三科我是沒法幫到她的了，我們去了一次現。教育，s3有補chem及phy,但我不明白的是，同一個老師面對不同學校上堂内容都不同的學生，準備的講義能適合每一個學生嗎？現。教育四堂課為一期，每四堂之後又重新開始，爲什麽不是按照教程進度連續下去呢？這些接待miss都答不到我，只強調他們有他們的方法。我是真的有點懷疑來回車程兩小時而只去上這一小時的課是否值得花時間花精力的。學費倒不貴。

現階段唯有去試下，有什麽進展再來和各位匯報。多謝大家

作者: yklee 時間: 13-11-11 21:44

回復 Marco-ma 的帖子

我個女佢對中國文學、中史有興趣，但中史分數時高時低,吾知点答長題目。

作者: 小彬彬 時間: 13-11-11 22:16

myaz26 發表於 13-11-11 21:32
多謝各位的不吝賜教，這兩天我把每篇帖子看了又看，也一直告知小女不要放棄，但...

1,我于周末已帶同小女 ...

加油..............

作者: yklee 時間: 13-11-11 22:19

佢F.3要選科，會揀中國文學，中史就1516，仲一科未有揀定。

作者: item 時間: 13-11-12 20:08

朋友千金會考中英文攞A，其他科不是D就係E，Maths攞C、A Maths 攞E，自己原校升中六差D入唔到，等到肯收她時，只可選修Bio、Chem、Business Studies, A level 英文攞A、中文攞B、其他的認真麻麻，A Level 英文攞A只有0.7-0.8%學生攞到，如果她一早選修文科，相信結果完全是兩回事。

歡迎光臨教育王國 (/)