教育王國

標題: 又一村 VS 協和，難取捨！可俾些意見嗎? 感激！ [打印本頁]

作者: hhheidi1998 時間: 13-11-7 06:04 標題: 又一村 VS 協和，難取捨！可俾些意見嗎? 感激！

又一村pm offer, 協和am offer
你們曾經也有這兩間幼稚園的決擇嗎?

煩惱中！

作者: wynnlitheboo 時間: 13-11-7 06:27

我都有lee兩間offer,揀左又一村

作者: hhheidi1998 時間: 13-11-7 06:50

回復 wynnlitheboo 的帖子

又一村上午班定下午班？？大B定细B？？協和已交留位費？？
協和有興趣班，其中一個係非洲鼓，仲有小童軍添，但又一村都有興趣班，就平常d嘅！

又一村令到家長有賓至如歸嘅感覺，同咪係一間滿有愛心嘅學校！

作者: hhheidi1998 時間: 13-11-7 06:54

回復 wynnlitheboo 的帖子

点解你会選又一村呢? 可否分享吓呀?

作者: wynnlitheboo 時間: 13-11-7 10:01

協和(只拎到下午班既form)同又一村都係下午班, 我個囡係十月細B。協和果到交左留位費啦, 因為係第一間有offer，所以一定要留左位先。兩間學校既老師都好nice，我相信兩間學校既老師都有愛心，確係好難揀，唯有從外表取決啦，無論校舍(大同設施相對多)同名氣(二千幾人爭二百幾個位)，協和一定係比下去，果日我係搭的士去in，落的士時有個我估係校工既男士幫我開車同閂車囉，我真係幾咁唔好意思呀。至於興趣班，我都未必一定喺學校學，lee d唔係我最考慮既因素。

作者: 小兔子乖乖 時間: 13-11-7 10:32

AM OFFER時間上好用好多。

作者: luvysl_blythe 時間: 13-11-7 14:56

協和am

作者: WongYvonne 時間: 13-11-7 15:14

the one with am

作者: BabyGisele 時間: 13-11-7 15:20

聽講好似又一村轉咗好多新老師, 冇以前咁好, 所以都苦惱緊 take唔take呢個offer

作者: ymnhappybaby 時間: 13-11-7 15:37

協和am

作者: hhheidi1998 時間: 13-11-7 15:45

我相信又一村係各位媽媽嘅dream school!
而協和係希望可入到協和小學！但實際有無幫助呢?
今日急轉直下!因今日我問左一位教育界朋友，佢話幼稚園也有排名，學校派得好唔好都有影响！

作者: BabyGisele 時間: 13-11-7 15:48

唉....所以好苦惱, take 唔take 又一村個am offer, 人地又話開心學習, 上到小學好辛苦, 但我見佢校舍咁大真係好吸引,

作者: hhheidi1998 時間: 13-11-7 16:03

回復 wynnlitheboo 的帖子

我對又一村嘅感覺也是與你相同！實在係賓至如歸！感覺好好！我老公鐘意協和，而我鐘意又一村！

作者: Ak27 時間: 13-11-7 16:12

BabyGisele 發表於 13-11-7 15:48
唉....所以好苦惱, take 唔take 又一村個am offer, 人地又話開心學習, 上到小學好辛苦, 但我見佢校舍咁大真 ...

"上到小學好辛苦".. 其實喺香港，一係三歲開始辛苦，一係六歲開始辛苦je。

作者: 小耳瑪姬 時間: 13-11-7 16:17

我係協和pm offer,又一村am offer,都煩惱緊，驚小學適應唔到，同埋呢排睇bk comments話老師流失率高，但唔知內裡原因，樣樣都係靠估，唔想因為人云亦云影响咗阿囡所行嘅路。

作者: BabyGisele 時間: 13-11-7 16:20

老師流失率高係事實, 所以我先咁苦惱

作者: jebbie 時間: 13-11-14 11:53

想問一下, 是又一村資深老師流失率很高嗎? 其實Interview那天見到D老師, 普遍超後生架... 所以有D擔憂

作者: wubobo28 時間: 13-11-14 13:24 標題: 回覆：又一村 VS 協和，難取捨！可俾些意見嗎? 感激！

我同事個仔都係讀又一村讀得好開心，今年9月讀培道小學（係直資-＞已經比較少功課），依家頭痕中，個仔唔肯做功課，因為不嬲功課唔多。

作者: 小曳人 時間: 13-11-14 13:28

我唔清楚協和，但有朋友小朋友嚟又一村開心3年，換來惡夢一樣嘅小學生涯..
因為實在太hea 喇！

當然，要睇返家長嘅教育理念，係咪想咁啦！

作者: 小曳人 時間: 13-11-14 13:37

Ak27 發表於 13-11-7 16:12
"上到小學好辛苦".. 其實喺香港，一係三歲開始辛苦，一係六歲開始辛苦je。 ...

唔一定
當然家長要小心了解各小學特質先
要搵輕鬆小學，其實唔難

辛苦嘅係父母對小學教育有要求，要小朋友讀名校/傳統教學小學，但推小朋友去讀happy KG

學習可以開心，但測驗考試都一樣可以正面地面對！唔一定痛苦！
當然一樣有人讀happy kg之後入傳統小學無問題，但作為家長，如果一心想佢讀傳統小學，就應該俾小朋友多多少少都習慣一下自己做功課呢樣嘢！良好嘅學習習慣養成之後，上小學就自然大人細路都無咁吃力啦！

作者: MSmrsKWOK 時間: 13-11-15 00:36 標題: 引用：我同事個仔都係讀又一村讀得好開心，今年9

原帖由 wubobo28 於 13-11-14 發表
我同事個仔都係讀又一村讀得好開心，今年9月讀培道小學（係直資-＞已經比較少功課），依家頭痕中，個仔唔肯 ...

我亞仔畢業於又一村，讀地區津校多功課到嘔。。。但又無唔肯做功課喎，除左肯做功課(仲幾上心)仲有返小學交際無問題，身體又健康，自信又唔差。。。。。呢d 我有一半歸功於又一村架

作者: Elau719 時間: 13-11-15 00:40 標題: 引用：Quote:原帖由+wubobo28+於+13-11-14+發表我

原帖由 MSmrsKWOK 於 13-11-15 發表
我亞仔畢業於又一村，讀地區津校多功課到嘔。。。但又無唔肯做功課喎，除左肯做功課(仲幾上心)仲有返小學交 ...

請問多雜費ma?

作者: MSmrsKWOK 時間: 13-11-15 00:41 標題: 引用：我唔清楚協和，但有朋友小朋友嚟又一村開心

原帖由 小曳人 於 13-11-14 發表
我唔清楚協和，但有朋友小朋友嚟又一村開心3年，換來惡夢一樣嘅小學生涯..
因為實在太hea 喇！

其實我真係唔係好識，所以想請教請教。。。我仔讀過三間幼稚園(k1-k3)，頭兩間我係因為覺得愛心不足，唔夠全面而轉校去又一村。我想知道唔hea 嘅學校應該係點?其實我覺得又一村都唔係好hea ,學校上上下下都好有心。

作者: MSmrsKWOK 時間: 13-11-15 00:56 標題: 引用：Quote:原帖由+MSmrsKWOK+於+13-11-15+發表

原帖由 Elau719 於 13-11-15 發表
請問多雜費ma?

一年收兩次，每次大約1000左右，用於書簿美勞用品。
無d 咩生日聖誕禮物收費，所以收費正常

作者: OasisMa 時間: 13-11-15 11:21

本帖最後由 OasisMa 於 13-11-15 11:22 編輯

成日見人話幼稚園 HEA, 小學追不上, 我個人就不大同意, 我大女幼稚園 K3 HEA 到爆, 每日都係一样功課, 無考試默書, 而家 P1 係傳統學校, SO FAR 都唔覺得有什么問题, 我兩老都要返工, 仲係遲返屋企個隻, 功課大多佢自己攪掂, 我返到家就同佢改正. 至於默書測驗, 第一次時比較差, 但其后都可以 HANDLE 到. 我只想說, 為什么大人總小觀小朋友的適應能力, 為什么 3-6 歲的學前教育, 不是應該以開心為大前提嗎 ?!
至於我細仔, 是在又一村讀 K1 下午班, 開學后兩星期已聽我仔說沒有同學仔喊了, 亞仔日日期待返學, 成日話鍾意边個边個老師, 同边個边個同學玩好開心, 每天兩样簡单功課, 間中聽聞他說又係個大操場打籃球, 玩車車, 跑步, 我覺得可以這样返學, 夫復何求 !!

歡迎光臨教育王國 (/)