教育王國

標題: 如何處理自己孩子被同學仔取笑 [打印本頁]

作者: bckwong 時間: 13-11-5 07:10 標題: 如何處理自己孩子被同學仔取笑

本帖最後由 bckwong 於 13-11-5 07:17 編輯

我仔係sen, 語言較遲緩，說話經常幾個字講，有點像漏口，佢明年升小一，班中有個新移民的同學仔又係sen,但唔係語言方面，起初佢媽話佢仔無人同佢仔玩，叫我仔多同佢玩，有時覺得佢個仔幾野蠻，無咩禮貌，曾有其他家長話佢個仔無家教，過左一年，佢仔經常取笑漏口，搞到回家話討厭佢同唔多開心，又話將來無女仔同佢結婚，雖然如此，我仔始終都成日想有人陪佢玩，見到佢又找佢玩，有時見到個仔俾佢個仔笑，我很心痛！明年將入讀同一間小學，我也打算轉校唔註冊自行收生呢間小學，一來谷，二來唔想我仔成曰同佢比較！，不懂處理！請各位指教！！

作者: iloveu2 時間: 13-11-5 07:36

都要教小朋友堅強面對le 個情況，始終人ge 一生總會遇到好多le 類人，避得一時唔避得一世

作者: sexymami 時間: 13-11-5 08:20 標題: 引用：+本帖最後由+bckwong+於+13-11-5+07:17+編

原帖由 bckwong 於 13-11-05 發表
本帖最後由 bckwong 於 13-11-5 07:17 編輯

我仔係sen, 語言較遲緩，說話經常幾個字講，有點像漏口，佢 ...

如果係sen 好似搵學校都要留意下學校有冇支援。
如果因為谷，唔揀，都可以，但唔好因為有人笑，就避開佢。因為去到間間學校都有哩啲小朋友。

你要教下小朋友點樣處理，例如佢有冇開聲叫那小朋友唔好咁樣講？話佢知換轉角色佢都會唔開心？
又或者你仲識唔識其他家長／小朋友？叫佢地多啲同你個仔玩？等佢熟啲其他小朋友？

作者: 已刪除用戶 時間: 13-11-5 09:14 標題: 回覆：如何處理自己孩子被同學仔取笑

可以考慮上一d面對逆境既課程，學下正面去面對吾如意既事。我仔都上緊。SEN又好吾SEN又好, 每個人都係獨特，有長處同短處。要音調節自己心態去令自己開心。我仔社交問題都令我好頭痛，加油

作者: 已刪除用戶 時間: 13-11-5 09:19

http://www.edu-kingdom.com/forum ... ;extra=#pid37169088
小小SEN選校心得

, 希望你仔仔都搵到間適合佢既學校

作者: bckwong 時間: 13-11-5 09:35

嗚嗚。。

多謝你地既意見！我知道避也不是辨法，始終佢沒有兄弟姐妹，我也嘗試找這類課程俾佢！佢經常希望同別人玩同認同，見到佢好熱情揾人玩，但小朋友拒絕佢，甚至取笑佢，我心裡也很難過！但願佢升上小學會識到朋友！

作者: 已刪除用戶 時間: 13-11-5 09:52

所以搵到間包容既小學, 老師肯出手, 效果差好遠, 呢類仔真係要人幫一幫
我仔就加埋ASD (非典自閉, 中唔晒), 唔太在意社交朋友, 哎, 有時都唔知應該開心(佢無要求), 定唔開心(佢連咩叫"朋友"都唔知)

作者: HaYi 時間: 13-11-5 10:22

我個有小小ADHD, 以前幼稚園時都好多朋友仔, 冇大問題.

不過上小一初時, 因為自理不好, 手冊書包成日好亂, 又成日愛做騎哩又好玩的野, 例如跳騎馬舞, 搞到人人好開心, 男同學覺得有趣, 女同學說他不乖, 見到我時會圍住投訢佢嘈, 我見好多時佢都係同一兩個男同學friend,其它有時都埋不到去, 有時都幾被動的. 我告訴他我見到的問題, 暑假又參加了協康一個社交班改善下.

二年班後我第一次參與他學校活動, 見佢多左好多朋友同埋係一齊玩, 覺得佢大個左, 好多野包括人地的反應佢明多左, 自理好左, 人地同學仔又知道佢的性格只是貪玩, 所以亦樂意同佢玩埋一堆. 希望情況會一路好些.

有時小朋友的社交都要俾少少時間去改善

作者: bckwong 時間: 13-11-5 11:22

本帖最後由 bckwong 於 13-11-5 11:28 編輯

回復 sexymami 的帖子

佢媽咪話佢個仔無問題仲好乖! 話見到我個仔才咁活躍, 又投訴我個仔曾推翻佢個仔玩具, 唉~ 我問番自己個仔, 佢話呢個同學仔不停模仿佢漏口同取笑, 我唯有同阿仔講唔好理佢或同老師講! 仲有成10個月幼稚園讀, 而且佢個班只得幾個同學仔, 因收生不足, 所以難有較熟既同學仔, 最擔心佢地升上小學同一班經常俾佢個仔, 呢間小學有支援特殊小朋友就讀, 現有升小一適應課程, 順便向呢間小學老師傾可唔可以唔同班, 佢地回覆話盡量安排!
其實我係咪過份擔心呢? 又或者係怪獸家長呢? 真係好矛盾!

作者: HaYi 時間: 13-11-5 12:13

SEN 小朋友要面對的困難有排煩, 交友是其中一環, 我覺得間間學校都會有不明白的小朋友/ 家長. 甚至老師, 做為家長只可以做好自己, 令小朋友不影響他人, 成績不差, 老師不討厭, 交友的問題可以有時間去處理,

作者: sexymami 時間: 13-11-5 12:19 標題: 引用：+本帖最後由+bckwong+於+13-11-5+11:28+編

原帖由 bckwong 於 13-11-05 發表
本帖最後由 bckwong 於 13-11-5 11:28 編輯

回復 sexymami 的帖子

你屋企附近有小童群益會嗎？
我個囡細個時社交都唔係咁好，好被動又怕羞。我成日放學就帶佢去小童群益會玩！
個到啲姑娘好好人，又專業！玩左一排，我同佢地講我囡的問題，佢地仲會俾好多意見可以點做，幫助下個小朋友。參加佢啲小組活動，佢又會主動幫佢搵朋友仔！
依家個女大左，又玩多多，真係改善左好多！我覺得小童群益會真係幫左我好多！

作者: bckwong 時間: 13-11-5 12:37

附近沒有小童群益會，　其實我返工時間長，　平日只係放６點後才可相處，　星期六，　日更加無得休息，　手停口停！　我仔係超級主動，　有時令人吃不消～　佢返左２年既ＳＥＮ中心係有進步！始終表達方面仍較未理想，　有時一句說話超過５個字就漏口，佢表達唔到時，　就會做些搗蛋事引人注意！佢咁做反而令朋友仔反感．．．有時解釋俾佢聽，　佢理解唔到又唔明，　真係替佢好傷心．．

作者: MrBeast 時間: 13-11-5 13:12

我識一個發音不正的小孩，間中被peer 取笑，搞到講野時冇乜自信，不過我唔覺那個peer group 特別差或曳，小朋友就是這樣的吧，很難避免的。

第一我會學識怎樣與小孩談心，有什麼不開心（或開心的）的都會話你知，之前學過一個technique做parrot，多聽少說話，要講都只是repeat 返佢講既野和感受, eg 哦，你今天不開心，因為xyz同學笑你, 乜佢咁衰ga. 跟著你可試下講下自己相同的經歷，只須要create 共鳴，不須要和他講任何解決方法。

第二，當然是找方法，在下愚見，你要每天和他做適合的訓練才能有效改善這問題，親k3還有多free time 要think think怎麼樣安排，不然我想上了小一問題只會變大.

作者: bobbob 時間: 13-11-5 13:22

如果淨係漏口而無其他問題應該唔難矯正，once改善咗漏口，社交之類嘅問題就應該自然解決。有無問過st喺家居有乜可以自己train? 做training嗰陣可唔可以要求sit in？

作者: bckwong 時間: 13-11-5 14:08

本帖最後由 bckwong 於 13-11-5 14:15 編輯

其實我每晚同佢一起讀圖書同sen中心既練習！佢都好俾心機跟，只係佢係好心急，當想同別人玩時想表達自己。。就漏口較嚴重！
什麼DHA魚油丸, 健腦操也做埋, 只希望佢升小一後會改善多點!

作者: MrBeast 時間: 13-11-5 15:30

之前我聽過一個中大口吃（same as 漏口？）的講座，cover 過一些techniques，eg, 用機械人聲說話，我估樓主你的訓練或已包括言語治療吧，如沒有可enquire 一下。

作者: bckwong 時間: 13-11-5 18:05

回復 MrBeast 的帖子

嘗試! 另外"Anniemun 試吓返主日學。", 提議不錯,

作者: bckwong 時間: 13-11-5 18:42

我都唔肯定係咪心理！

作者: marble2004 時間: 13-11-5 22:22

其實試教小朋友不要太介意別人看法, 我自少A-Z 分不清, 常被人笑, 每次我當笑話, 不發怒, 久而久之, 笑我的人都give up, 慢慢成friends, 可能我有高度忍耐力, 又我中文發音不準, 我自己日日讀報紙改善.

作者: Yorkie 時間: 13-11-6 11:00

marble2004 發表於 13-11-5 22:22
其實試教小朋友不要太介意別人看法, 我自少A-Z 分不清, 常被人笑, 每次我當笑話, ...

Agree! Just ignore them and if they find no fun, they will stop. Try to teach your kids to ignore and forgive those bad people who laugh at him. Kids may meet this kind of people more and more when they grow up. Treat this as lesson for your son to learn and do not take it serious. He is the one to control his fate not others, i teach the same to my girl who has been bullied by her classmates quite a lot. Now she knew how to handle this rather than unhappy and suffer. Be strong! Add oil

作者: 已刪除用戶 時間: 13-11-6 11:22

細個果時大家父母都英文唔叻, 上到中學要改英文名, 有D同學唸唔到, 班主任好介紹幫佢改SHEILA, 估都估到緊係俾人叫"豬乸"啦, 個同學一D都唔介意仲叫人叫佢"阿豬", 直到而家幾十年後, 我地都係豬豬豬咁叫, 不知幾親切 (熟人至有份架)

你越介意, 受既攻擊會越多, 我女有個同學, 小小事就話人bully又投訴又搵社工(其實中學生, 對住個個都係咁粗粗魯魯講野架啦), 攪到朋友都唔多個, 哎, 都唔知點勸佢

作者: bckwong 時間: 13-11-6 11:54

本帖最後由 bckwong 於 13-11-6 11:54 編輯

唉~ 人身攻擊, 確實令到我仔臨訓前總係提到呢個同學仔又取笑, 令佢唔開心, 佢一向係樂天, 真不明所以記著, 我也不懂處理, 唯有叫老師盡量分開佢地!

作者: bee918 時間: 13-11-6 13:50

HaYi 發表於 13-11-5 10:22
我個有小小ADHD, 以前幼稚園時都好多朋友仔, 冇大問題.

不過上小一初時, 因為自理不好, 手冊書包成日好亂 ...

請問有協康社交班的資料嗎?

作者: 已刪除用戶 時間: 13-11-6 16:25

bckwong 發表於 13-11-6 11:54
唉~ 人身攻擊, 確實令到我仔臨訓前總係提到呢個同學仔又取笑, 令佢唔開心, 佢一向係樂天, 真不明所以記著, ...

或者請老師幫手, 讓小朋友擔任一D崗位, 做返D佢擅長既野, 等小朋友建立自信心, 唔好睇得自己咁低, 就會對別人批評都睇得開

作者: bckwong 時間: 13-11-6 20:24

本帖最後由 bckwong 於 13-11-6 20:28 編輯

事情希望告一段落! 今天老師已向同學們解釋不可人身攻擊, 以及要求我仔及同學仔彼此也道歉, 佢回家後說今天開心, 因大家已道歉, 做回朋友! 另外亦會盡量安排佢地唔一起坐, 我不期望做朋友一起玩, 只想佢唔好唔開心!

作者: notcool 時間: 13-11-6 21:51

bckwong 發表於 13-11-6 20:24
事情希望告一段落! 今天老師已向同學們解釋不可人身攻擊, 以及要求我仔及同學仔彼此也道歉, 佢回家後說今天 ...

I think it's a good time now to teach your kid how to face in future. You train in normal days.

作者: marble2004 時間: 13-11-6 22:43

回復 bckwong 的帖子

Good news! 小朋友其實好簡單, 希望你小朋友從此開開心心, 我細個都成日比人笑, 回想起當年, 只當笑話, 非常naive

作者: bobbob 時間: 13-11-6 22:46

bckwong 發表於 13-11-6 20:24
事情希望告一段落! 今天老師已向同學們解釋不可人身攻擊, 以及要求我仔及同學仔彼此也道歉, 佢回家後說今天 ...

如果學校處理到就最好，另外你不如試吓搵第二個ST，有時人夾人，如果train極都無乜進展就可能approach唔啱，最好換人，因為如果夾應該會好快見效

歡迎光臨教育王國 (/)