教育王國

標題: 日出康城學之園vs青衣學之園 [打印本頁]

作者: agaperamy 時間: 13-11-4 16:48 標題: 日出康城學之園vs青衣學之園

請問兩間的質素，如師資、課程、環境是否差不多？邊間好D？謝！

作者: hoihoima 時間: 13-11-4 18:32

回復 agaperamy 的帖子

地理位置差好遠！你住邊？

作者: Evachau 時間: 13-11-4 19:20 標題: 回覆：agaperamy 的帖子

我唔會揀康城，因為隔離係環保大道，空氣唔好！

作者: fifichung 時間: 13-11-4 21:39 標題: 回覆：日出康城學之園vs青衣學之園

雖然近環保大道，但唔係電視講啲空氣噤差，我係康城分校加住户用家，啲老師好有愛心，小朋友每日都好開心咁返學，連放假都想返學！！

作者: fifichung 時間: 13-11-4 22:05 標題: 回覆：日出康城學之園vs青衣學之園

青衣師資我不太了解，但我相信全部是有經驗的，康城分校方面，以我仔班主任為例，佢好有愛心同好有經驗照顧小朋友，不斷因應不同小朋友嘅性格而幫助佢哋，課程是四校一樣嘅，有個小組專責設計課程，至於環境好睇個人，康城是最新，其他分校要靠其他媽媽提供資料

作者: micmic37 時間: 13-11-4 22:05

一個東，一個西，樓主選擇都好廣泛喎
近返學對小朋友都幾重要呢，就算自己揸車接送都係咁話

青衣果間就唔清楚，康城果間...... 我聽咁多個評價都係正面

作者: agaperamy 時間: 13-11-5 00:21 標題: 回覆：micmic37 的帖子

多謝各位回覆！家住將軍澳，但多數都是聽到青依的評價，所以問一問。我一定唔會咁儍叫阿B去咁遠返學！

作者: cheung2000 時間: 13-11-5 01:04 標題: 回覆：agaperamy 的帖子

我係TKO人都未必會揀康城學之園（因要搭兩程車+行），由Tko去青衣更加唔會囉…兩歲人仔啫…

作者: HauMiranda 時間: 13-11-5 01:07 標題: 回覆：agaperamy 的帖子

如果你家住TKO, 咁你放心去康城LH啦！論派位，的確青衣校派得好好，康城校既成績要由時間慢慢磨鍊出黎，但女女今屆K3既同學offer都唔錯。喺將軍澳區，LH算數一數二，出名課程好，有好多校本書籍教財，仲有親子遊戲，連我有些讀Kv, SC既朋友都問我借教材。不過預左K3為左谷成績大人同小朋友都幾辛苦：每日四樣功課，每月有評估（要讀書俾老師聽），每週中、英默書各一次，仲有天才表演及講故事。老師都唔錯，當然有啲超級超級好既老師！

作者: agaperamy 時間: 13-11-5 01:18 標題: 回覆：HauMiranda 的帖子

謝謝回覆😊

作者: anthonet 時間: 13-11-5 02:52

我提議你最好先實地視察下，除非你真的住日出康城，否則康城LH其實離地鐵站和接駁小巴站(由君傲灣開出)都幾遠下……所以就算你住tko，返學去LH可能都係坐校車會好d....

作者: agaperamy 時間: 13-11-5 10:42 標題: 回覆：anthonet 的帖子

謝謝妳的提議！

歡迎光臨教育王國 (/)