教育王國
標題: 中學生去遊學團，有無家長可分享下呢？ [打印本頁]
作者: etK@n 時間: 13-11-4 09:51 標題: 中學生去遊學團，有無家長可分享下呢？
請問有無家長認識舉辦遊學團的「DAS Educational Services」？
學校委託了這間去新西蘭，有無人跟呢間去過？可否分享一下呢？
作者: polo819 時間: 13-11-4 19:08
你可上網找下資料，看一看有無家長COMMENT。
我大女兒上年跟另外一間去過澳洲，都不錯呀。
作者: etK@n 時間: 13-11-4 21:18
回復 polo819 的帖子
你女兒去完返來有咩分享呢？有什麼得著？與同住的Host Family相處難不難？
我兒子初時對英文有點怕，上到中學漸漸學多了就願意同老師講下，但此終在香港都係環境關係，講英文既機會少，難得今次佢話想去，雖然只去16日，都叫見識一下吧！
作者: satu 時間: 13-11-4 23:18 標題: 回覆：etK@n 的帖子
請問去16曰澳洲要幾錢？行程有咩內容？
作者: bigfoothk 時間: 13-11-5 11:43
提示: 作者被禁止或刪除 內容自動屏蔽
作者: Yanamami 時間: 13-11-5 11:57
本帖最後由 Yanamami 於 13-11-5 11:58 編輯
跟學校去(Excel Academy搞），低班（F1/F2）住homestay，高班（F3或以上）住果邊中學宿舍。辦得唔錯，學到野又開心。都唔喺太貴（二千二百幾鎊），只喺暑假時機票好貴（$14,000).
作者: polo819 時間: 13-11-5 16:37
回復 etK@n 的帖子
其實我真是膽粗粗去報名的，還記得我是6月尾才CONFIRM所有野。
我大女（現年13歲，上年去遊學團12歲）是一個慢熱的人，由細到大老師都說她很不願意結識新朋友，玩來玩去都是個幾個朋友，她害羞，不敢於陌生人面前說話，所以我好想找機會給她練下膽子。
話說今年6月， 我上網找遊學團資料， 她知道後說都想去，但最好是有她的好朋友一同去， 我說應該很難，因時間應該很難就，她說如沒有朋友同行就不去了， 所以之後就不了了之。 點知有一天她同我講自己一個都想去睇下，那時候唯有硬着頭皮跟她上網找資料，看看還有沒有得報名，因那時已是6月尾了。
我都曾經考慮過，要她自己一個人去，有咩事發生我肯定要付全責，因為是我提出遊學團。
跟住就上網找資料，發現當然有好同唔好的COMMENT， 有些COMMENT我本人覺得是家長過份緊張而己， 如投訴HOST FAMILY要小朋友沖涼不得超過5分鐘和沒有足夠的被子．．．等等， 但有些可能是真的！
最後我幫她報了3星期澳洲遊學團，住寄宿家庭，每天要上3節Ｘ40 分鐘的課。
到出發那天，我萬般不捨．．．．
待續！
作者: Leung2010 時間: 13-11-5 17:04
polo819 發表於 13-11-5 16:37 
回復 etK@n 的帖子
其實我真是膽粗粗去報名的，還記得我是6月尾才CONFIRM所有野。
作者: lv222 時間: 13-11-6 09:28 標題: 回覆：中學生去遊學團，有無家長可分享下呢？
多謝你無私的分享
作者: Yanamami 時間: 13-11-6 11:19
本帖最後由 Yanamami 於 13-11-6 11:21 編輯
Sasaalan 對於那些經濟不富裕的家庭, 還是很貴呀....
**********************
唔去英美澳加紐，可以去臺灣、北京呀。真喺唔太貴。有d好似仲喺3大辦的（唔知有唔記錯？），信得過。
E.g. http://www.als.hku.hk/summer/content.php?id=VmtSR1Jn
作者: candyhmama 時間: 13-11-6 19:29
我女小五開始已經去臺灣（跟學校），唵唵從桂林返來，真系學到好多嘢，我都放心，中學會北佢去遊學團繼續見識多d呀
作者: etK@n 時間: 13-11-7 00:09
好多謝polo819既分享，我都好期待呵！
我都好讚同遊學團太貴實在是難負擔的，自已都不是富貴的家庭，正就是這樣使我想到孩子學外語的困難，加上自己既外語太水唔識教！環境因素令孩子對外語無咩興趣，雖然去果兩星期返來都唔會識飛，不過係十幾歲出去見識下，細路仔學野好快，若提起到佢興趣又不防試下。
今次係學校與GAS搞明年8月去Auckland 16days $22,800.星航，行程有一半是english lesson，另外是visit Museum(亞仔超鍾意),city tour…etc,住homestay。希望可培養亞仔自理能力、有膽量、對英語有興趣就夠了。十幾年來儲起佢既利是，依家就有用啦！
我問亞仔怕唔怕同老外住溝通唔到，佢話都估自己有限既英文都可以應付呱，佢話一定會帶字典機同電話，有咩5掂就用口講輸入法。我好安慰！
我幾怕佢5肯去，而且第一次出國又唔知GAS搞得好5好，我想問多D人學下野，不過名額有限希望佢有份啦！
作者: candyhmama 時間: 13-11-8 19:03
etK@n 發表於 13-11-7 00:09
好多謝polo819既分享，我都好期待呵！
我都好讚同遊學團太貴實在是難負擔的，自已都不是富貴的家庭，正就是 ...
加油ya！對於仔仔同你黎講都係好special的體驗！我囡去臺灣果陣，雖然only6days，but我真系好擔心，因落緊雨同埋阿女先9歲，但佢好有自信同耐心等遲到+同學仔，第一日已經學識好多嘢，成個人唔同曬！
即將踏入中學時代，我唸我好快要面對離開囡囡半個月+現實！
作者: polo819 時間: 13-11-9 14:32
回復 polo819 的帖子
因小女兒考呈分試的關係，無時間上來分享。 現在可繼續分享．．．．
我們選了22天澳洲黃金海岸和悉尼行程。
其實她去之前，AGENT已將寄住家庭的資料發給我們，由於資訊科技發達，我們好快就可以係網上看一看HOST FAMILY的居住和周邊的環境， 看似不錯呢！
我選澳洲是因為她可以最少和1位至3位的人入住同一寄住家庭，不需要單獨，感覺比較上會好些。 加上我們在黃金海岸有親友可幫忙照顧，即有事發生時可以即時9秒9飛樸過去。 加上AGENT都建議如第一次去，澳洲是比較適合。
她上飛機那天才和她的16位團友正式見面，有一位20多歲的導師同行，在這團裏，有些是和同學，朋友一同去，有些是單獨自己一個去的，我阿女是其中一個。
大合照之後就入閘，心開始有想哭感覺。 回到家中，好不容易才過了那晚，因擔心她在飛機的情況，始終沒有我們在身邊．．．不過，早上起來不久就收到AGENT的SMS說已安全到達，開始展開她的遊學團。
到中午，就收到她的WHATSAPP，原來那麼幸運，她的HOST FAMILY有WIFI 給她們上網，澳洲不同香港，沒有無限上網，就算有WIFI都未必會比她們用，因費用貴。 所以很快就收到了她第一張相，有新相識的朋友，看她的笑臉，就知她是很開心快樂。 原來她在上飛機前她已主動認識了幾個新朋友，有些更會和她入住同一HOST FAMILY， 她每天回家後都和我們WHATSAPP， UPDATE每天有甚麼快樂事情，原來她已漸漸長大，性格也不是我們想像中那麼害羞。
如是者她每天都發一些相過來，很多都是她和朋友，老師的合照，她說很不捨得他們，要好好記住這個PERFECT MOMMENT。
我感覺上她回來後，真的長大了很多，不再害羞，學會了自己解決問題，能在陌生人和眾多同學面前說話，是我覺得今次去遊學團最想學到的地方。
如家長覺得去遊學團是為了學英文，我覺得是不甚可能的，但若然是給孩子機會去放眼世界，我覺得是不錯的選擇，因始終去的地方和所看見的事物是不同的。
謝謝！
作者: zooweemama 時間: 13-11-9 23:36
如果計劃明年暑假參加，大概幾時準備或報名？
作者: ThanThan2000 時間: 13-11-10 10:36 標題: 回覆：polo819 的帖子
請問polo819你是跟邊間報澳洲遊學團？
作者: polo819 時間: 13-11-10 12:07
回復 ThanThan2000 的帖子
其實我們是第一次選遊學團，所以在沒有比較下，不能給予很正面的意見，更不想幫人買廣告呢！但第一次可以說是感覺良好，而女女同團的朋友很多都是第二次跟這間去遊學團，我想應該不錯吧，坊間其實有很多不同的機構辦的。
如你想知，可PM我。
作者: polo819 時間: 13-11-10 12:08
回復 zooweemama 的帖子
其實可現在開始選，因有EARLY BIRD 提早報名優惠。
作者: zooweemama 時間: 13-11-10 22:58
回復 polo819 的帖子
可否Pm我你孩子參加過的公司和團名稱？來年還會參加嗎？他中一嗎？希望能收到你的回复，謝謝！
作者: polo819 時間: 13-11-11 14:57
回復 zooweemama 的帖子
她去澳洲時剛是13歲，完成中一。另資料會PM 你。
她出年想去美國，參加國際班，因已有一次經驗，大膽了
作者: wcheuk 時間: 13-11-11 20:44
本帖最後由 wcheuk 於 13-11-11 20:47 編輯
Hi 各位好，我好耐無上呢個網站，剛剛睇到這個遊學團這個主題，真係正正可以比我將亞囡今年暑假去遊學嘅不快事講出嚟，希望你哋真係要小心去選擇\辦遊學嘅機構!!!
今年7月亞囡跟咗EF去奧克蘭遊學2星期，到達奧克蘭當天，EF安排在校內的午餐的確不錯，我想希望亞囡真的會享受這次短短兩星期的遊學(因為我囡很喜歡吃東西)，但其後都是吃得不足夠，隔一天便吃咖喱或壽司，有一餐重係無肉，只得咖喱汁撈飯，這段時間，奧克蘭天氣只得幾度至10多度，亞囡每日都Whatsapp我，話好肚餓!!!
這個遊學期間，EF安排了4位女學生回到同一HOST FAMILY住，Host第一天已經同亞囡講，你哋喜歡去邊就去邊，不會帶我囡周圍遊玩，這兩星期Host並沒有跟學生共進過一餐晚餐，每晚亞囡用膳後都是躲在房間玩手機，真係失去咗呢次遊學團聲稱文化交流嘅意義，我明白這個問題自己女兒都有責任，最離譜嘅係當遊學期間臨尾幾天，Host Family全家去了旅行，留低4個女學生在家，Host自行安排了一個男親友來照顧她們，當期時這屋還有一個中東男性嘅留學生，而EF帶隊老師明知HOST走咗都沒有作任何安排，極不負責任，好彩亞囡及其餘三個女學生都安全回港，如果有事，我都無知點好，現在再講，我都心唔舒服。回港後已向學校申訴這事，而學校也安排了EF與我們面談，EF所回應都係官腔說話，說對這事真的不知情，但EF在報名前有個講座，說是嚴選HOST FAMILY，真係講就天下無敵，嘜都話管唔到，咁點搞遊學團!!! 這次遊學真係嚇怕了亞囡，我完全對這EF遊學機構極之失望及氣憤。
作者: Leung2010 時間: 13-11-12 13:44
Oh my God!
作者: etK@n 時間: 13-11-12 23:10
回復 wcheuk 的帖子
甘都得！
起初我都有諗過呢間EF，原來安排得超差，全無責任感！唔知消委員受唔受理呢？希望多D人知唔洗害人！！
作者: pink1114 時間: 13-11-13 12:18
回復 polo819 的帖子
Hi, polo819
可否都PM我遊學團的資料呢？我囝囝到14年暑假就15歲，想比佢出外見識下！ Thanks!
作者: 701003 時間: 13-11-13 15:37 標題: 回覆：中學生去遊學團，有無家長可分享下呢？
我仔13歲時跟EF去英國威特島兩星期遊學好開心
滿載而歸！佢個接待家庭只負責三餐一宿，早餐自己開櫃拎粟米片加奶，午餐千篇一律，只得火腿芝士三文治加水果一個，仲有朱古力一包晚餐多數食外賣pizza,間中食意粉！自己搭巴士返放學，要幫手洗碗倒垃圾，自己洗衫乾衫換牀單送仔去遊學，為咗長見識、練獨立、講英文！唔係去旅行，亦唔好要求接待家庭好warm,人哋收錢，只提供基本食住
作者: 701003 時間: 13-11-13 15:49 標題: 引用：我仔13歲時跟EF去英國威特島兩星期遊學好開
原帖由 701003 於 13-11-13 發表
我仔13歲時跟EF去英國威特島兩星期遊學好開心滿載而歸！佢個接待家庭只負責三餐一宿，早 ...
作者: polo819 時間: 13-11-13 19:00
回復 etK@n 的帖子
其實我個女都係join EF的團去澳洲的，但見到WCHEUK 的POST，就不想再繼續討論，唔想比人覺得我幫EF買廣告。但見其他家長之後的留言，我又覺得有家長都覺得OK，可能每個人的價值觀不同。
寄住家庭是負責基本3餐，連接送到學校或其他旅遊參觀地點（不是個個國家都係）。 我女女都有說每天的早餐都是CEREAL和奶，午餐一定是三文治，晚餐有時會食飯或意粉，連續兩個幾三個星期都是， 她說自己都覺得食到好悶，但她覺得外國生活就是這樣，唔通每日都3餸一湯，白飯任裝咩，所以她從沒有投訴，只是回來香港時跟我說和分享。
其實出發前的簡解會是有講過的，不要期望寄住家庭提供的食物會很豐富，因外國人生活始終跟中國人不同。 我女女反而覺得食物不是問題，她享受遊學過程，喜愛的是外國的讀書生活，沒有香港那麼壓迫。 她說望上天空也覺得它比香港美 ！
還有，他們是沒有義務帶學生周圍去的，因他們都有自己的生活，所以我覺得都可以。
總括來說，我是滿意的。
作者: wcheuk 時間: 13-11-15 12:26
其實我喺出發前已經同亞囡唔可以要求有什麼好嘢食，預算都係薯菜，但去到係沒有食過，這個都都不要求呀，我主要係話HOST無責任心，自己走咗去旅行，留低4個女學生比一個成年男人照顧，我覺得係有問題，而我覺得應該都帶佢哋外出玩吓，雖然學校亦有安排活動，但星期六、日她們都是悶在家裏，我個人覺得，這是2星期遊學團，等同我們去參加旅行團，唔係做留學生，佢哋好似將兩者混淆了，另外，我囡問可否飲一杯奶，HOST都說這是不包括，我真係不知道是什麼一回事。
作者: dis398 時間: 13-11-18 12:01
wcheuk 發表於 13-11-15 12:26
其實我喺出發前已經同亞囡唔可以要求有什麼好嘢食，預算都係薯菜，但去到係沒有食過，這個都都不要求呀，我 ...
作者: ha8mo 時間: 14-2-17 12:29
提示: 作者被禁止或刪除 內容自動屏蔽
作者: ha8mo 時間: 14-2-17 12:29
提示: 作者被禁止或刪除 內容自動屏蔽
作者: h2dog1 時間: 14-2-24 10:34
回覆 polo819 的帖子
可否pm埋d 資料比我呀, thx
| 歡迎光臨 教育王國 (/) |
Powered by Discuz! X1.5 |