教育王國

標題: 究竟幼稚園收生係未真係咁 [打印本頁]

作者: MMAAXX 時間: 13-11-3 23:23 標題: 究竟幼稚園收生係未真係咁

個個都話睇父母學歷同職業多過小朋友自己面試表現，我真係好想知係未真，如果係真咁樣對一啲n冇家庭就好唔公平

作者: yk2 時間: 13-11-4 00:22 標題: 回覆：究竟幼稚園收生係未真係咁

一間間啦。

作者: ZELY1005 時間: 13-11-4 00:32 標題: 回覆：究竟幼稚園收生係未真係咁

in咗邊間咁感慨?

作者: NICOLE123 時間: 13-11-4 03:47 標題: 回覆：究竟幼稚園收生係未真係咁

我想講你生活左咁多年你真的相信公平2字?一句到尾識人好過識字·有$人識校長/校董人士比平常人易·他們上一代入神校比其他人易·之後他們子子孫孫考小-都比平常人多10分·
'n無就好好栽培下一代擺脫n無身份

作者: Holam920 時間: 13-11-4 04:24 標題: 回覆：究竟幼稚園收生係未真係咁

我個女都係N無，但個遊戲規則係咁，都無法！
另外，如果你係校長，要收生，請選擇（純假設）：
1）父律師母家庭主婦，住獨立屋
2）父地盤工人母店務員，住公屋

作者: tkinwong 時間: 13-11-4 08:09 標題: 回覆：MMAAXX 的帖子

我認為學券幼稚園唔會理父母或家庭背景。至於非學券幼稚園，一般的我認為都唔會理。但去到那些神級幼稚園，學費極貴，專收中上層、富家子女那些，我就唔敢說。

話說回來，依家非學券幼稚園英文可以很深，個別幼校考慮埋父母教不教到小孩，也不能怪他們。

作者: cloudwingwing 時間: 13-11-4 09:51 標題: 引用：我個女都係N無，但個遊戲規則係咁，都無法

原帖由 Holam920 於 13-11-04 發表
我個女都係N無，但個遊戲規則係咁，都無法！
另外，如果你係校長，要收生，請選擇（純假設）：
1）父律師 ...

我覺得做律師未必有著數，萬一有咩問題，不斷send 律師信俾學校，咁學校就頭痕，不過我無律師朋友，唔知他們小朋友通常讀咩學校。

作者: lizwai2003 時間: 13-11-4 10:02

本帖最後由 lizwai2003 於 13-11-4 10:03 編輯

回復 Holam920 的帖子

....朋友做地盤...一日$18xx X 28 days = $ 5X，XXX..
老婆係Sales....(買 high fashion) .... 都搵$2x,xxx-3x,xxx
公屋同老人家住。。方便睇小朋友。。

作者: bonbon1220 時間: 13-11-4 10:23

真係識人好過識字 ! 我都有識幾個教幼稚園的朋友 , 如果入佢地教既學校 , 基本上有去in就會入 , 否則waiting 都會call 你

作者: ashleycece 時間: 13-11-4 10:41

bonbon1220 發表於 13-11-4 10:23
真係識人好過識字 ! 我都有識幾個教幼稚園的朋友 , 如果入佢地教既學校 , 基本上有去in就會入 , 否則waitin ...

認同,真係識人好過識字

作者: NICOLE123 時間: 13-11-4 10:46

回復 lizwai2003 的帖子

有高收入唔等於一定識教 ./ 可以教到小朋友

以你剛才的例子. 收入不錯. 不過家長是否可以比到好既學習環境 / 指導 / 態度小朋友呢?
今時今日好多時學校都係靠父母自己教. 又多親子功課.
如果你係學校校長有得選擇你會點選

作者: lizwai2003 時間: 13-11-4 10:56

我只想話做地盤都好收入...唔差的職業...

作者: cloudwingwing 時間: 13-11-4 10:58 標題: 引用：我只想話做地盤都好收入...唔差的職業...

原帖由 lizwai2003 於 13-11-04 發表
我只想話做地盤都好收入...唔差的職業...

岩岩話紮鐵6萬蚊人工

作者: NICOLE123 時間: 13-11-4 10:58

回復 lizwai2003 的帖子

我好明白..地盤收入係唔差呀
不過...識唔識教 / 有心無力我都好明白.

有錢去請人教都唔一定work 因為現在學習真係父母既參與好緊要..
好多野學校都拋番個波比家長. 唔似以前咩都交比學校....

作者: AJH 時間: 13-11-4 11:04 標題: 回覆：究竟幼稚園收生係未真係咁

即使現實係咁我地又可以點？世界本來就不是人人平等，除了接受，作為家長只能盡力教好子女。

作者: cscsmlkyh 時間: 13-11-4 11:38 標題: 回覆：究竟幼稚園收生係未真係咁

我覺得總有學校係咁，但呢個世界亦係咁run。做左咁多年人，接受左

作者: abby0624 時間: 13-11-4 11:56

其實亂填都冇人知，唔通真係去搵人查你家底?

作者: 2010YL 時間: 13-11-4 12:36

回復 abby0624 的帖子

點解要亂填 / 騙人? 難道入名校緊要過身教???

作者: dd0412 時間: 13-11-4 12:39 標題: 回覆：究竟幼稚園收生係未真係咁

好同意，識人唔做咁辛苦

作者: vnghk0001 時間: 13-11-4 12:40 標題: 回覆：究竟幼稚園收生係未真係咁

而家幼稚園真係好多親子功課，變相係比家長做，阿女k2, 上星期要搜集牛奶資料，要上網搵，好彩print 左出黎有同佢講一次，因為原來佢要係堂上講比同學聽，交左第二日，又話要一份奶類製品食譜，又要佢係堂上講，如果父母要返工真係比較吃力！

作者: abby0624 時間: 13-11-4 12:50

回復 2010YL 的帖子

我本人當然覺得無需要騙人。但如有啲家長咁緊長學校係咪睇背景去收生，佢地可以鐘意點填都得，睇下係咪填叻啲學校就會收佢個小朋友

作者: Holam920 時間: 13-11-4 12:50 標題: 回覆：究竟幼稚園收生係未真係咁

咁樣講無話唔得，唔講父母職業叫公平，咁將藍領工人家庭同專業人士家庭睇齊，但藍領家庭亦應同無業家庭睇齊，咁先叫公平！

作者: abby0624 時間: 13-11-4 12:53

無業家庭的話，學校可能會驚你冇錢交學費

作者: Holam920 時間: 13-11-4 12:54 標題: 回覆：究竟幼稚園收生係未真係咁

果兩三歳人仔，當大家表現差唔多，點會唔睇係咩家庭吖！

作者: Holam920 時間: 13-11-4 12:55 標題: 回覆：究竟幼稚園收生係未真係咁

有政府幫，不知幾穩陣！

作者: irene_the_pooh 時間: 13-11-4 12:55

abby0624 發表於 13-11-4 11:56
其實亂填都冇人知，唔通真係去搵人查你家底?

小朋友嘅言行其實反映到家長係點!你睇大6人嘅小朋友係點排隊點爭位?

有時D野呃到自己唔等於呃到其他人!

作者: Snafkin 時間: 13-11-4 14:30

最近發生左一件事都好令我不满，真係好想打番學校問下校長收生準質係咩！

話說我囡當日面試兩間，一間九點，一間十一點，加上我囡前一晚有燒，所以我都好小心睇住我女情緒，當佢面試第一間時，係小組，開始時佢ok架！但後來入左幾位小朋友大喊大叫，加上好多小朋友都要父母包住，我女見咁，就開始要我抱佢，但當老師開始講姑事，我女都肯出去玩下，表現唔係最好，但都算幾ok！到後來一齊去油顏色，老師一個一個同佢地傾計，阿女就上身，十問十答，問人地個小朋友，人地小朋友唔答，佢就幫人地答埋，後來沿路出番黎，佢都肯同d校長老師嬸嬸打招呼，個個都讚佢發音清晰。最後呢間當然收左佢。

面試完呢間，去同佢食茶點，就扭到非起，唯有帶佢去公園玩，但佢一直扭計，係咁話要入阿哥以前學校玩，好難挨先挨到夠鐘，入到去，阿女自動波乖巧番，無扭計，無cry過，所以我放心比佢自己玩，而我邊睇住阿女，邊留意同場考生架表現，因為阿女當日唔多舒服，而學校講明就算哥哥姐姐喺呢間學校讀過，都無分加，全扉實力，所以為了安心，先了解其他小朋友狀況，自己心中都叫有底，到阿女入去考，考架老師識架，但無教過我仔，以為心會定D，入到去，阿女表現好好，有問必答，重要答得好清晰，重要問D你諗都無諗過佢會問架問題，哥哥喺邊吖！你鍾意食咩？而我女全都答到，老師重讚佢表現叻叻，後來問左家長一個問題，我覺得我答得幾好的，出到去，就有其他老師嬸嬸搵阿女傾計，阿女都肯答同無扭計，本以為會收啦表現到咁，點知唔收，都算，以為有D更好的我都無計，點知喺家長朋友網上知道阿仔以前同班同學架細佬入左，而呢位細佬，講野未係好清囉！就算佢同阿女一樣有問必答，但去到發音一定未得囉(佢兩YRS重要返健康院CHECK講野囉！)我知我咁比較係我唔啱，而我亦唔係唔服佢入到我地入唔到，只係好慶，又打晒電話比家長，話要考實力，但最後比我地兩公婆覺得係內定，重要因為我架問題，阿仔三年，我同D嬸嬸同老師關係好好，唯其唔識SOCIAL，無同校長和主任打交道，敗喺呢D位，真係慶到我飛起，講真又唔係D咩名校，入唔入到問題不太大，想阿女跟入，重點果間D老師真係好好，有耐性，連D嬸嬸都好好囉！加上哥哥喺呢間畢業，唔係阿女讀其他間有咩所謂，只係好慶學校咁做，佢地到底有無為小朋友著想，佢地個個入去考，其實小朋友自己都有壓力，面對咁多唔識架人，要克服情緒，無扭計，重要有問必答，佢地付出左，學校無權咁對佢地不公不平囉...

作者: c-wong 時間: 13-11-4 14:35

好睇mummy 係唔係full time mum.

作者: tc080628 時間: 13-11-4 14:50 標題: 引用：最近發生左一件事都好令我不满，真係好想打

原帖由 Snafkin 於 13-11-04 發表
最近發生左一件事都好令我不满，真係好想打番學校問下校長收生準質係咩！

話說我囡當日面試兩間，一間九點 ...

唔使咁㷫，其實呢啲interview只係一場遊戲，要睇化啲

作者: butterflyee 時間: 13-11-4 15:02

[size=15.199999809265137px]其實每間學校都有佢自己收生標[size=15.199999809265137px]準，唔收你唔需要交代原因。

作者: Babystitch123 時間: 13-11-4 15:11 標題: 回覆：究竟幼稚園收生係未真係咁

其實是考家長人脈關係是否夠多，識教師，校長，校董甚為重要。

小學世襲製咪一樣，有關係可優先取錄啦。

作者: Snafkin 時間: 13-11-4 15:15

回復 tc080628 的帖子

老實講，佢每家每戶咁打去講，打晒旗號考實力吖嘛！我重呆呆咁好聽話，同D老師無聯絡，無返學校搵校長主任，要公平吖嘛！但無諗過成日標榜無私公平公正架校風，最後都係一場空囉！睇化，點睇化先，我仔因為咁，問左我幾日，點解妹妹咁叻，識答晒，都唔收，我都唔想阿仔咁快面對大人世界，佢今早重自己開解自己同開解個妹(妹妹咩都唔知，其實無咩唔開心)，話覺得學校太有愛心，因為妹妹咩都識答，唔洗去佢度返學妹妹都識，學校見其他小朋友唔識，咪要收佢地返去教囉！換轉係你，你教我應該點面對呢！(我喺屋企，同老公都要等到對仔女瞓晒或者哥哥去上興趣班先敢談論呢件事架啦！但哥哥好緊張妹妹，面試完見到我地，第一時間問妹妹表現得點，跟住自己話希望阿妹入到佢以前果間架快槳大家庭，見到以前班主任老師，佢重走去問人地點解妹妹答啱晒又做到學校要求，點解重唔收我妹妹咁話，攪到果位老師都好唔好意思同唔識回答，我都話過哥哥叫佢唔好理呢件事，亦唔洗幫妹妹去咁問人地，但佢太緊張個妹...唉~~~

幼稚園係最前線，係最純真，視為一場遊戲，係咪都應該堅守佢地自己標榜架要求先...

作者: herman0114 時間: 13-11-4 15:21 標題: 回覆：究竟幼稚園收生係未真係咁

學校根本冇可能核實家長職業或學歷，所以我覺得填呢D資料只係作參考，唔會影響到收生準則。

作者: tc080628 時間: 13-11-4 15:29 標題: 引用：回復+tc080628+的帖子老實講，佢每家每戶

原帖由 Snafkin 於 13-11-04 發表
回復 tc080628 的帖子

老實講，佢每家每戶咁打去講，打晒旗號考實力吖嘛！我重呆呆咁好聽話，同D老師無聯 ...

我明白你心情，而家無謂再深究，盞自己唔開心，咪當阿女同呢間學校有緣無份囉，況且，有一間已經收咗阿女，至少唔使擔心先啦，有啲媽咪連一個offer都未有，統統都waiting or reject

作者: Snafkin 時間: 13-11-4 15:31

回復 butterflyee 的帖子

我都知，所以有朋友提議我去搵校長，我都SAY NO，搵佢我唔知要講咩，又唔知佢收生標準係咩！根本無POINT同人講D咩！去佢面前話人地小朋友唔夠自己小朋友，咁就變左自己唔啱(呢D最多同朋友呻先可以講下啫！)去佢面對求位，咁我咪即係唔信自己對眼，唔信自己個女架表現...但忍左三日啦！我真係覺得好慶，真係唔係慶入唔到去讀，因為依家未係最後結果，佢地重有抽簽架，我要平心後先諗下要唔要入紙申請抽簽，我老公反對入紙，佢話對呢間學校失望，但哥哥今早叫我幫妹妹入紙試下，因為佢真係好鍾意呢間學校D老師，我都有眼見佢地係好好，好有耐性咁幫我教好同引導佢地。所以喺公司呆呆咁就有D衝動想打去學校問啫！(其實未出結果前同出左結果後，原來好多人已打電話比校長同主任，係我咁白痴先信有公平有公正架咋...)

作者: babyaabb 時間: 13-11-4 15:35 標題: 回覆：vnghk0001 的帖子

I know a few kids, their parents are either professionals or work at advertising agencies, have long working hours. They hire art directors or teachers to do the parent-child artwork or teach them show n tell.

作者: ktgps 時間: 13-11-4 16:12 標題: 引用：回復+butterflyee+的帖子我都知，所以有

原帖由 Snafkin 於 13-11-04 發表
回復 butterflyee 的帖子

我都知，所以有朋友提議我去搵校長，我都SAY NO，搵佢我唔知要講咩，又唔知佢收 ...

我情況和你有些相似，也是妹妹入不到哥哥的學校，好擔心！我比你更差的是暫時連一個offer都未有！所以你已經好好了！明白你的不開心！我暫時做到的是不斷提供機會俾女兒in,最後關頭也要硬著頭皮找校長，亦是最不想做的事啊！

作者: snoopyyip 時間: 13-11-10 02:38 標題: 引用：回復+abby0624+的帖子點解要亂填+/+騙人?

原帖由 2010YL 於 13-11-04 發表
回復 abby0624 的帖子

點解要亂填 / 騙人? 難道入名校緊要過身教???

同意，身教更重要。

作者: ahirun 時間: 13-11-10 12:25

我都有種感受, 眼見我哋啲家長好擔心周圍揾學校, 而我認識有個唔太熟嘅朋友, 因為佢屋企有人喺名校揸校巴, 佢只同個仔就報呢一間, 每日見佢超輕鬆, 話學校實收, 完全唔駛經歷我哋預備interview, 擔心, 之後等通知心情, 我真係覺得超唔公平, 連揸校巴都叫識人！本來我都想報呢間好多人都喜歡嘅名校, 我仲想打去問間學校係咪咁, 但算吧, 一定有官方答覆, 嘥氣

作者: joannec05 時間: 13-11-10 13:00 標題: 引用：我個女都係N無，但個遊戲規則係咁，都無法

原帖由 Holam920 於 13-11-04 發表
我個女都係N無，但個遊戲規則係咁，都無法！
另外，如果你係校長，要收生，請選擇（純假設）：
1）父律師 ...

同意你。。。呢d係人之常情。。。。

作者: 藍藍媽 時間: 13-11-10 13:22 標題: 引用：+本帖最後由+lizwai2003+於+13-11-4+10:03+

原帖由 lizwai2003 於 13-11-04 發表
本帖最後由 lizwai2003 於 13-11-4 10:03 編輯

回復 Holam920 的帖子

Haha, Like!!! 科大尖子都去扎鐵啦！仲可以準時放工教仔

作者: Jessy 時間: 13-11-10 15:03

cloudwingwing 發表於 13-11-4 09:51
我覺得做律師未必有著數，萬一有咩問題，不斷send 律師信俾學校，咁學校就頭痕，不過我無律師朋友，唔知他 ...

但我覺得幼稚園都會選第1個case因為媽媽全職可以參加多d親子活動, 時間自由d多d可陪個小朋友

作者: JeanTUNG 時間: 13-11-10 15:15 標題: 回覆：2010YL 的帖子

Totally agree . We are our kid's model. Role modeling is very important nowsaday .

作者: assado 時間: 13-11-10 15:16 標題: 引用：Quote:cloudwingwing+發表於+13-11-4+09:51

原帖由 Jessy 於 13-11-10 發表
但我覺得幼稚園都會選第1個case因為媽媽全職可以參加多d親子活動, 時間自由d多d可陪個小朋友 ...

如果係甘，我早知填我是全職家庭主婦。反正冇人check，有D不公平。

作者: joysic 時間: 13-11-10 15:35

ahirun 發表於 13-11-10 12:25
我都有種感受, 眼見我哋啲家長好擔心周圍揾學校, 而我認識有個唔太熟嘅朋友, 因為佢屋企有人喺名校揸校巴, ...

揸校巴話晒都算專業人事（笑）、我估識學校掃地嗰個都一定入到。所以邊有公平㗎咪傻啦（一個未有offer的酸家長字）

作者: assado 時間: 13-11-10 16:57 標題: 引用：Quote:ahirun+發表於+13-11-10+12:25+我都

原帖由 joysic 於 13-11-10 發表
揸校巴話晒都算專業人事（笑）、我估識學校掃地嗰個都一定入到。所以邊有公平㗎咪傻啦（一個未有offer的酸 ...

如果要做校工，我去名津校做，有分加。哈哈。

作者: Jessy 時間: 13-11-10 19:44

assado 發表於 13-11-10 15:16
如果係甘，我早知填我是全職家庭主婦。反正冇人check，有D不公平。

我估姐，都唔一定既，或者將來你報小學可以試下

作者: helenchanz 時間: 13-11-10 22:16 標題: 引用：回復+tc080628+的帖子老實講，佢每家每戶

原帖由 Snafkin 於 13-11-04 發表
回復 tc080628 的帖子

老實講，佢每家每戶咁打去講，打晒旗號考實力吖嘛！我重呆呆咁好聽話，同D老師無聯 ...

其實如果咁鐘意間學校，真係可以試下打比校長問下有冇waiting位，話哥哥喺度讀得好開心之類。應該有誠意分的。唔得亦冇損失。

作者: Chirley 時間: 13-11-11 00:27

helenchanz 發表於 13-11-10 22:16
其實如果咁鐘意間學校，真係可以試下打比校長問下有冇waiting位，話哥哥喺度讀得好開心之類。應該有誠意分 ...

好岩...先俾封感情真摰既求位數...都好有幫助...
我曾幫我妹寫過一封求位數去一間區內名校小學...
好好彩咁我地中左, 有個學校俾小朋友...
只係後來因為學校太谷, 小朋友辛苦轉左校...

作者: Snafkin 時間: 13-11-12 13:34

回復 helenchanz 的帖子

謝謝您的意見！

其實我不太在意幼稚園班的，只要小朋友讀得開心咪得囉！加上又有學校收，不過到今日再諗番，我依然好嬲學校架處事方法，係！我明白今時今日靠關係入係好正常好普遍，但咁唔代表啱囉！再講，係佢地每家每戶咁打電話提醒家長，雖然校方無好明確講明佢架收生準則，但係佢自己向每個家長話明今次只睇面試成績架嘛！依家又將成績放邊，大人講一套做一套，咁其實可以教出咩學生啫！我嬲無用又無意思，但要我打電話或親自去搵教長，SORRY我相信我女會明白同支持我唔去的，因為我如果咁做，咁我有咩資格嬲學校架處事方法啫！我如果咁做，我會對唔住我女多D囉！因為咁代表我唔信佢，否決佢果日架表現，我做唔到，講真三年後都有間區內有名架學校等緊我女讀啦！我對我女有信心囉！衰D咁講句，佢唔收我女，係佢損失啫

作者: xoshan1025 時間: 13-11-12 13:59

Snafkin 發表於 13-11-4 14:30
最近發生左一件事都好令我不满，真係好想打番學校問下校長收生準質係咩！

話說我囡當日面試兩間，一間九點 ...

算了吧....打唔打電話都係咁.....阿仔仲O係度讀....何必呢......
阿囡入到都未必係件好事啦..

作者: Snafkin 時間: 13-11-12 14:06

回復 xoshan1025 的帖子

我仔畢左業啦！所以有相熟老師同家長建議我搵校長，我都SAY NO，老實講。要打交道先攞個學位，無意義囉！但我仔可能太鍾意老師，所以堅持要交表等抽籤喎！我反而諗住直著呢次機會教下我仔好過，我答應由佢去交表，但同佢講明機會近於零(但唔想比佢知學校架醜陋面)，但唔試就一定無機會，試左就最少有機會，即使微乎其微，都叫曾經努力過

作者: Mochibaby 時間: 13-11-12 14:17 標題: 引用：好睇mummy+係唔係full+time+mum.+

原帖由 c-wong 於 13-11-04 發表
好睇mummy 係唔係full time mum.

Full time mummy 係咪好好多呢？學校鐘意啲？

作者: c-wong 時間: 13-11-12 15:12

回復 Mochibaby 的帖子

yes, I went to 5 interviews and almost all kinder asked me this question (although I indicated in the form already).

even primary schools like FTM.

作者: Mochibaby 時間: 13-11-12 22:31 標題: 回覆：c-wong 的帖子

Wow thank you , i think i will wait till the b starts kindergarten before going back to work then .

作者: Potato001 時間: 13-11-12 22:55 標題: 引用：Quote:原帖由+joysic+於+13-11-10+發表揸校

原帖由 assado 於 13-11-10 發表
如果要做校工，我去名津校做，有分加。哈哈。

之前睇報紙講八爪魚家長，話真係有個媽媽，本身好好學歷的，申請入一間名津教書，就係為咗小朋友入學加分和方便照顧，無記錯係教到小學畢業媽媽就辭職。上playgroup 的老師，以前是教幼稚園的，話好多朋友在名幼教書，幾辛苦都要捱，就係為咗學校會收自己的子女入讀。

作者: Potato001 時間: 13-11-12 23:01 標題: 引用：我認為學券幼稚園唔會理父母或家庭背景。至

原帖由 tkinwong 於 13-11-04 發表
我認為學券幼稚園唔會理父母或家庭背景。至於非學券幼稚園，一般的我認為都唔會理。但去到那些神級幼稚園， ...

學券幼稚園都有選家長，有啲要填父母職位，公司地址甚至收入，不過，目的可能睇番邊啲人其實係用學校做後備，唔會入讀。朋友教幼稚園，講開往年收生五十個，申請人都係六七十個，扣除住私樓，父母高收入，最後都唔會讀邨校的人，最後多數全部收晒。

作者: Ak27 時間: 13-11-12 23:25

assado 發表於 13-11-10 15:16
如果係甘，我早知填我是全職家庭主婦。反正冇人check，有D不公平。

假設間幼稚園真係淨係揀FTM，經常喺辦公時間安排各式各樣要家長參與嘅嘢，咁到時：1 每次都請假去幼稚園節目
定
2 再講多次大話話面試完就搵到工?

歡迎光臨教育王國 (/)