教育王國

標題: 阿仔幾乎無書讀 , 兩個都有錯 ! [打印本頁]

作者: kasontsoi510 時間: 13-11-2 12:34 標題: 阿仔幾乎無書讀 , 兩個都有錯 !

本帖最後由 kasontsoi510 於 13-11-2 12:35 編輯

大仔嘅幼稚園收咗細仔 , 而留位費就等電話通知先交 , 過了幾星期都未收到電話通知要交留位費 , 尋日學校問點解未交留位費 , c9 話無收咗電話通知 , 而學校又話打咗電話通知 , 其實係 :
1.) 學校原來留咗言當通知咗 , 但又唔識打多一次同家長直接傾電話而知確認

2.) c9 又無聽留言 , 由得佢就算 , 有起事上嚟最叻就係識講 " 點知喎"

3.) 而我作為 c6 , 亦都問過 c9 學校點解仲未打電話 ? c9 就話要打就自然會打喇 !

阿仔幾乎無書讀.....
呻完...

作者: snowqueen929 時間: 13-11-2 12:46 標題: 回覆：阿仔幾乎無書讀 , 兩個都有錯 !

咁最尾係點先？其實個問題點解唔留多個電話可以聯絡埋你呢？

作者: kasontsoi510 時間: 13-11-2 13:00

本帖最後由 kasontsoi510 於 13-11-2 13:00 編輯

snowqueen929 發表於 13-11-2 12:46
咁最尾係點先？其實個問題點解唔留多個電話可以聯絡埋你呢？

最後學校通知問你細仔是否想讀書呀 ?
經過一輪對話後 , 學校叫星期一補交返留位費

在於我嚟講 , 算吧 ! 幼稚園肯收就得喇 ! 而我亦都費時同 c9 嘈喇 , c9 就埋怨學校留言 , 我想講 , 幼稚園同 c9 都有錯.... !

點解無打我電話 , 我都唔知 ! 事前我都問過 c9 交留位費未 , c9懶得理 , 話學校自然會通知

作者: ckultraman 時間: 13-11-2 13:07 標題: 回覆：阿仔幾乎無書讀 , 兩個都有錯 !

間學校留言當通知咗，仲點會再打比你呀

作者: micmic37 時間: 13-11-2 14:08

本帖最後由 micmic37 於 13-11-2 14:26 編輯

我覺得你C9要大部份責任啦。

學校方面，家長們都要體諒學校都有好多申請，有好多（其他）行政工作要做。打比你飛去留言既，佢都唔知你係一時忙，定係出左trip架，如果好多case都係咁，要逐個隔幾日打一次搵到為止，始乎沒完沒了。況且，今時唔同往日，近年係學生求學位，你唔讀後面大把waiting list呢。

開得留言信箱，就預左人會留口訊，機主唔去聽點知係咪重要事呢？！正如你等緊重要信，你都日日望下信箱啦。就算收到信，但放晌一邊唔開唔睇，咁真係幫你唔到喇。如果你C9自己果排搵緊工既，佢有會唔會去聽voicemail呢？！(sorry，我對果D開留言信箱但又唔去聽既人係好反感

。touchwood講句，突然有咩冬至豆腐要通知你，X言都無機會聽到，好累事！）
換轉係我，若知道有陌生號碼打來／留言，晌呢D非常時期，就算係好大機會係推銷既3字頭號碼，都接左先算啦！

不過，我又唔係想挑撥你地

。或者，C9真係日理萬機，無時間處理呢D小事。再有類似事發生，若然自己相對悠閒，又比較緊張既，自己做返個主要聯絡人囉。兩公婆，唔係你，就係我架啦。

作者: kasontsoi510 時間: 13-11-2 15:49

本帖最後由 kasontsoi510 於 13-11-2 15:53 編輯

micmic37 發表於 13-11-2 14:08
我覺得你C9要大部份責任啦。

學校方面，家長們都要體諒學校都有好多申請，有好多（其他）行政工作要做。打 ...

其實我都覺得係 C9 唔岩居多 , 但我又費時同佢嘈....所以都係算吧喇 !
好似唔多緊張 , 其實細仔面試日自己都記錯咗 , miss 咗面試 , 之後再同學校講返先可以第二日再面試 , 個刻真係激死我

作者: 964000 時間: 13-11-2 17:55

呢D野男人吾上心架！要留一定留自己电話

作者: mikiwu 時間: 13-11-3 00:26 標題: 引用：+本帖最後由+kasontsoi510+於+13-11-2+15:5

原帖由 kasontsoi510 於 13-11-02 發表
本帖最後由 kasontsoi510 於 13-11-2 15:53 編輯

咁奇怪打俾爸爸，不過我填個仔聯絡電話都是留我手機號碼，因為有時啲表填父，母資料，又唔可以唔填

所以我平時留電話，電郵都是我的，我呢個媽媽日日似個傻婆開郵箱，check電郵，我家爸爸教育冇咁神心

不過算啦，總算留到位

作者: kufubaby 時間: 13-11-3 01:22

樓主, 你第一句話"大仔嘅幼稚園收咗細仔". 大仔已畢業?
如果正在就讀, 接送放學甚至寫紙仔放啊仔書包都得啦. 學校一定有記錄知有哥哥在校嘛, 家長又可以keep check住問下重未有收到電話.

作者: gg123 時間: 13-11-3 09:30 標題: 引用：呢D野男人吾上心架！要留一定留自己电話

原帖由 964000 於 13-11-02 發表
呢D野男人吾上心架！要留一定留自己电話

其實樓主係咪就係爸爸，佢講c9唔係c6播

作者: happybbpig 時間: 13-11-3 09:53

書面話收，都仲會call?

作者: Potato001 時間: 13-11-3 11:47 標題: 引用：咁最尾係點先？其實個問題點解唔留多個電話

原帖由 snowqueen929 於 13-11-02 發表
咁最尾係點先？其實個問題點解唔留多個電話可以聯絡埋你呢？

我一定留自己電話，似終媽媽對幼稚園啲野了解多啲又上心啲。雖然我都成日聽唔到電話響會有missed call ,不過有留言我實聽。我都試過係幼稚園校長打來留言，話收到申請，大約幾時會面試。

作者: snowqueen929 時間: 13-11-3 14:39 標題: 回覆：Potato001 的帖子

依家樓主係個爸爸，講緊佢老婆唔上心呀〜你了解錯喇

作者: C蓓媽 時間: 13-11-3 15:36

即好老實, 我明白你地對個學位都坐定笠六架啦....但一日未交留位費, 個位一日都唔係你住, C9都明白學校會打來就要著緊D, 有MISS CALL 一定要CALL 回去, 即好似呢段時間我自己有MISS CALL 都一定會CALL 回去. 怕係OFFER CALL OR INTERVIEW CALL, 當然好多時打回去都係D 銀行或9唔搭8公司. 但至少自己知, 唔洗心掛掛....學校都有好多申請表架嗎, 你吾黎就下位架啦, 唔通仲打來挨你交錢咩?~?~? 如果係呢間學校都好唔掂.....

作者: mikiwu 時間: 13-11-3 16:45 標題: 引用：Quote:原帖由+964000+於+13-11-02+發表呢D

原帖由 gg123 於 13-11-03 發表
其實樓主係咪就係爸爸，佢講c9唔係c6播

哈哈，原來睇錯c6同c9,

原來大懵是媽媽，我誤會是爸爸
可能我家爸爸唔理教育 sorry sorry

不過現在搞定就好啦

作者: cloudwingwing 時間: 13-11-3 17:43 標題: 回覆：阿仔幾乎無書讀 , 兩個都有錯 !

呢個情況通常係爸爸濶佬懶理，媽媽應該好上心才是

作者: kasontsoi510 時間: 13-11-4 11:54

kufubaby 發表於 13-11-3 01:22
樓主, 你第一句話"大仔嘅幼稚園收咗細仔". 大仔已畢業?
如果正在就讀, 接送放學甚至寫紙仔放啊仔書包都得啦 ...

係呀 , 大仔現時讀緊 k3 , 而細仔 14年先入讀 , 所以報咗 , 後尾面埋試就收咗喇 , 但學校無因為大仔而留通告比我地知幾時交費用 , 而我個 c9 就懶得問學校點解未交留位費 , 我都有問過 c9 點解唔去問學校呢 ? 佢話放學時問會阻住學校安排放學, 聽完我都焗鬼氣 , 咁我話可以再早半個鐘前去問學校都得 , 佢又唔想咁早去 , 激死 !

歡迎光臨教育王國 (/)