教育王國
標題: 好內疚, 其實我應唔應該俾佢食藥? [打印本頁]
作者: cae688 時間: 13-11-2 01:55 標題: 好內疚, 其實我應唔應該俾佢食藥?
小朋友 ADHD, 一個食緊藥, 一個排緊見醫生.初初覺得食藥是對佢地學習有幫助, 食了自己教時又舒服D..
但, 最近看了很多都可以唔食藥, 去訓練好佢地..
點解我做唔到?
上網SEARCH, C仔有可卡因成份,到底是真是假?
如果係真, 那我咪即係餵個仔食緊毒品?
停藥, 自己對住佢地時, 情緒真係控制唔到..
每次鬧完, 都覺得自己唔識做媽媽, 點解自己咁恐怖?
我細個個陣, 邊有呢D活躍呀, 障礙呀..只有話D小朋友百厭, 唔聽教..
我地咪又係咁大..點解依家自己會覺得小朋友有病, 要佢食藥?
俾佢食藥, 真係好似餵佢食毒品的感覺, 怕大個有咩副作用...
唔俾佢食藥, 自己又真係控制唔到自己, 覺得對佢地咁惡, 自己好恐怖..
自己一路都食緊情緒穩定藥, 食了個人變到好死..
咩都唔想理唔想做...教佢地好似變到無晒耐性,
只想快D做好功課, 我就可以訓..
我因為咁, 自己自行停了藥, 希望可以唔好咁死...
可以有精神教佢地做功課,
但,一諗起佢地如果無食藥, 我教就會發神經..我就想佢地食左藥先..
到佢地做好晒功課, 訓晒交, 自己又會諗..
點解我要為左可以自己教得舒服D而要佢地食藥?
我係咪好自私?
我應該點做...好灰...
作者: Kyle 時間: 13-11-2 16:18 標題: 回覆：cae688 的帖子
你自己有事未自己吔囉！唔明點解要喂細路吔。吔咗自己都知成個鈍晒，西醫係咁賺人錢喎！治標不治本。
作者: lillymarie 時間: 13-11-2 20:53
cae688 發表於 13-11-2 01:55 
小朋友 ADHD, 一個食緊藥, 一個排緊見醫生.初初覺得食藥是對佢地學習有幫助, 食了自己教時又舒服D..
但, 最 ...
醫生開得藥，即是話覺得妳囝囝有咁既需要啦。
妳以為係為妳自己，但其實都係為囝囝架。
佢成日被人罵都唔開心啦，而且唔只妳一個罵，在學校都一樣會有問題架。
小朋友可以專心上課，做好功課，唔使被老師長輩母親罵。佢開心過妳啦！
ADHD藥唔係軟性毒品，完全另一回事。妳將心中的問題寫底，覆診時問醫生啦！
作者: Kyle 時間: 13-11-2 22:06 標題: 引用：Quote:cae688+發表於+13-11-2+01:55+小朋友
原帖由 lillymarie 於 13-11-02 發表
妳唔好自己停藥呀，停咗藥，妳現在諗野係咪好灰？藥係醫生開的，唔係妳自己隨便買的嘛！
醫生開得藥，即是 ...
香港已經演變到仔抄唔到手冊個阿媽都要仔食精神科藥物，您細時差少少，你阿媽就喂您食藥，您會有咩感覺？
叫人問西醫佢開的是否軟性毒品，不如去問個小偷有無偷錢？
作者: methy 時間: 13-11-2 23:42 標題: 回覆：Kyle 的帖子
唔好意思，我覺得你既回應好harsh..無媽媽會想仔女長期食藥，上網搵到大把資料又如何？我地唔係醫生，無藥物藥理知識，無臨床醫治經驗，睇完一知半解，而決定停藥後果可大可少。
藥物有其功效，當然有副作用，食唔食，父母係最大決策者，醫生都無得迫，大部分人都係衡量過藥物既好處大過壞處，先會決定比小朋食。
以前我地細哥點會無呢d問題小朋友（班上梗有人怪怪的，慢慢的，懶懶的），只係以前大家都集中＂食飽＂（至少我係），有書讀就讀。時代進步，認知多左，又有外國研究，我地呢個年代，點捨得唔理小朋友，由得佢。
唔知係咩既不快經驗令你不相信醫生。我都遇過不知所謂既醫生，但總體上，香港既醫生係有專業知識，有醫德，值得信賴。
睇得醫生，就預左食藥吧（或做手術醫病）對醫生所開既藥，我地有知情權，某種藥既作用，副作用，有無其他藥物選擇等.我一定問得清清楚楚。
作者: Kyle 時間: 13-11-3 00:00 標題: 回覆：methy 的帖子
你仔食唔食藥係你既選擇，扮無知不聞不問，以為出咗錢就解決到個問題又是您的選擇。如果說那不是軟性毒品，就有啲不知所謂兼不智。
幾harsh 我都講得出，你隔離的鄰居街外路人甲乙丙都話知您仔食唔食，講說話幾好聽都得。我好少走過人地處留言，下不為例了，就此為止。這個世界不是得您一個有個特殊需要小孩，亦不是得您一個教仔辛苦。
作者: 2muffin2 時間: 13-11-4 11:38
回復 cae688 的帖子
做父母的，有邊個想俾藥ADHD小朋友食。當然，如果依家香港教育模式可以接收特殊小朋友，就作別論。
我亦掙扰了好耐，先決定予小朋友作藥物冶療。
小朋友控制唔到自己，課堂上騷擾到其他人，一定會俾人弧立同標纖。
這是一個好現實口既問題。
好同乖小朋友遠離你，自我形象低，必然更搗蛋去惹人注意。
曵同坏小朋友咪走埋一堆。
以上係社工給予我的見解，我亦認同。
不喜勿答。
有人口口聲聲話軟性毒，有老師得悉要食藥，反應係:咁就一世。
請問口的人知唔知家長同小朋友在無藥物幫助下係大家極度痛苦。
請衡量用藥的得與失。
作者: Kyle 時間: 13-11-4 12:10 標題: 回覆：2muffin2 的帖子
你鍾意繼續俾仔吔就繼續到夠，講咗俾你知係軟性毒品，就唔好扮唔知，用好多藉口來否定個fact. 例如話：「醫生開的。」「醫生話不同那些安非他命，是另一種。」「醫生話有醫管局批準的。」「教仔好辛苦，用藥嚟幫個仔嘛。」
Fact is fact. 西醫用毒品醫病好平常，例如用瑪啡幫cancer 病人止痛，去到那地步，痛死還是吔瑪啡好？講真當然㨂瑪啡。用得呢啲藥就要清楚明白它真的係軟性毒品，而且每年都有幾千個案青少年是死於這些Ritalin, concerta, straterra .... 精神科藥品上。
權衡輕重時請不要精神分裂地又要用藥又係到自我陶醉地話它不是軟性毒品。若果自己一知半解，請自我增值，研究多些資料，以這樣水平，我係醫生就真係話咁易一句耍走個阿媽：「不同那些毒品，放心放心。」問果個只識應：「哦！哦！」
Sorry 我唔再回應了。
作者: IvyPluto 時間: 13-11-4 17:25
首先我有一個6歲便 confirmed 是 ADHD 的 仔仔, 他在瑪麗醫院定期覆診, 今年已經8 歲, 在主流小學讀小三, 他一直沒有吃 ADHD 的藥.
無可否認, 大部份的ADHD 藥物都是精神科藥, 但是精神科藥不等同毒品, 通常是指被濫用和己成癮才叫毒品. 例如咳藥水, 如果不正當地服用也可以成為毒品, 但當我們的小朋友咳得厲害, 我們也會餵他們吃咳藥水來舒緩咳嗽引起的不適, 這樣也讓他們食毒品嗎? 當然咳藥水不能治好他們, 最終也要靠小朋友己打敗引起咳嗽的細菌.
其實我不想跟任何人辯論應唔應該食藥或ADHD 藥物是否毒品, 因為這樣對樓主一D幫助都無.
樓主: ADHD 藥物只能幫助小朋友舒緩一些ADHD引起的不良行為, 最終你仍然要教導他們如面對自己的困難和問題, 每個小朋友的性格, 家庭因素, 資源和成長背景都不同, 不能一概而論要唔要食藥, 只有你最清楚自己小朋友的需要. 因為你是他們的媽媽, 沒有人比你更愛他們, 所以按照你認為最好的給他們. 如果有問題不防問多些專業人仕, 不要灰心, 希望在明天, 有很多同路人呢！
作者: cae688 時間: 13-11-5 02:25 標題: 回覆：IvyPluto 的帖子
佢喺學校可以好定。
但返到屋企，問佢教過咩話唔知，做咩功課又唔知。
同佢溫默書，試過喺屋企溫，食了藥，無問題。
到派回默書，得47分。
課本，手冊畫晒公仔。
我都唔想俾佢食藥，但佢無食藥的話，好多野都無記到，入唔到腦。
我都好煩，食藥對佢唔好，唔食藥對佢學習唔好。我成日叫佢試下控制自己（佢成日v嘩鬼叫）喺學校對住老師可能好一點，但一放學就又係咁。
我自己又食緊藥，我情緒都好大問題。
我都想大家唔洗食藥，唔洗咁多野煩，咁多問題。但我連自己都有問題，點做？
同醫生傾，同社工傾，個個叫我俾兩個小朋友去社區媬姆。我唔想囉
作者: IloveJJ 時間: 13-11-5 05:03 標題: 引用：佢喺學校可以好定。
但返到屋企，問佢教過
提示: 作者被禁止或刪除 內容自動屏蔽
作者: IvyPluto 時間: 13-11-5 13:34
樓主:如果小朋友在學校無問題, 真的要重新思考一下你同佢的互動.
1) 交小朋友俾人教也是一個可取的辦法, 不過要俾心機幫他們找一個可付托的地方/人. 我的小朋友由小一下學期, 每天一放學便去一個Anite屋企做功課, 大概1-2hr.才回家. 我承諾只要他做先功課, 所有的時間都是佢的. 除了考試和默書, 他不用溫習, 不用做補充練習. 所以我們有很多親子時間, 仔仔也可以每天定時上床睡覺.
2) 至於寫手冊, 你要真的了解一下他點解唔寫然後才可以對症下藥. 不過我可以俾少少參考你, 我在家推行一個獎勵的計劃, 名為 : 一叫就去做 ( First time response ). 因為我的小朋友做野很慢又成日要玩埋先做, 拖拖拉拉. 所以同佢講好, 以後每逢我一叫佢, 佢立即去做便有一個貼紙, 每個貼紙代表5分鐘,他可以用貼紙換任何平時我們不經常做的5分鍾的事情. 例如同爸爸去睇波, 一場90分鐘的足球, 他便要集齊18個貼紙. 這個辦法很好用, 只要你給他真正想要的事情. 關鍵在於初期你俾貼紙要很爽手, 例如我會提佢立即換衫有一個貼紙, 即刻擦牙有一個貼紙, etc. 慢墁習慣後他做事便快些, 聽話些. 到時候你便可以把目標再定, 現在我地的目標是早上於5分鐘內自行換好校服出問口, 連續五日都拿到貼紙便再獎5個.
3) 小朋友要一步一步來, 不能心急也沒有一個萬試萬靈的方法. 自己的情緒也要照顧好, 實在辦法便直接告訴小朋友自己就快爆炸, 要行開下或入房休息一陣, 小朋友會明白的.
最後我唔知你可不可以負擔得到, 我小朋友做了音樂治療一年多, 情緒好好多, 教佢容易左, 但很貴很貴, 一年要7-8萬, 所以如果你真的想知, 我會影張咭片俾你自己去問, 但聲明我只是其中一個用家，跟他們沒有任何關係.
作者: kk1186 時間: 13-11-5 14:06
回復 IvyPluto 的帖子
請問什麼是音樂治療, 可否pm我資料. thanks.
作者: IvyPluto 時間: 13-11-5 14:41
我在家有好動兒的網站http://www.adhdinchinese.org 找治療過動兒對策,行為導正的topic - 好一位"專心,有條理"的好動兒 5/19/2008, 看過有關介紹後經朋友知道香港都有才去的, 你先去看看吧!
作者: mandytanghk 時間: 13-11-5 15:00
回復 Kyle 的帖子
其實你只係見到短短的文章, 你又有幾清楚人地小朋友情形呢 ? 我相信醫生開葯總有佢的理由.
所謂一家唔知一家事, 人地既難處你未必知道, 講說話都係留有餘地好..
作者: fatjaimama 時間: 13-11-5 18:35
我自己的大仔都係A仔, 很明白媽媽的憂慮, 並在家管教時面對的挑戰.如努力嘗試各種可行方法後仍感困難, 食藥會是最後一步.
1. 食物 是否己介口, 一般為白糖食物, 即糖果及汽水. 多食對腦部發展有益之食品. 媽咪 “Kyle”在自閉寶寶討論區有很詳盡及專業的分享, 絕對值得參考.
2. 環境是否已經將小朋友與所有電子產品隔絕, 即無得打機, 每日看電視不多於15分鐘.
家居佈置是否整齊, 因A仔的SENSE of ORDER很強, 屋企一亂, 佢地就會心情唔好. MODEM 是否長開; A仔對電波亦好敏感, 開住佢地會專注力不足.
廚房用具是不會再用 “易潔”及 “塑膠” 產品.
3. 管教多運動, 每週不少於一次, 每次不少於60分鐘. 運動後的48小時, 大腦會分泌 “多巴胺”, 可安撫情緒及帶來快樂的感覺. 小朋友心情好, 媽媽心情都會好D.
父母多學習管教技巧, 要不打不鬧不黑面, 同時又要有策略地提昇小朋友的自尊/自信. 要求他們做家務便是一個好方法, 既提昇生活技能, 亦提昇自信及責任感, 又可加深父母與子女間的關係. 加上使家務是用右腦, 可以比左腦放下假. 小朋不知幾開心.
不容易呀. 我仍在學習中. 可考慮在協康會借 “理盧幼慈”的講座聽及睇. 不花費, 又有效. 理太是 “問題小朋友” 方面的權威, 對ADHD, ODD等小朋友有一套特別的方法去提昇他們的學習能力. 千萬不要去補習班, 因去補習班會令小朋友依賴. A仔並不是智商問題, 他們各有自己的天份
而最重要的是讓小朋友感到他有一個充滿愛的家庭. 即大人不會在小朋友面前吵鬧. 家中常有和諧的感覺.
若以上方法都做盡仍未見改善, 那可考慮食藥. 但我仍會衡量依藥的果效是否值得. 如小朋友無食藥得47分, 但食藥後都係70左右. 算啦. 但如食藥後, 課課 “90仲有幾”, 咁就可以考慮.
希望各位考慮比小朋友食的父母在餵藥前想清楚.
作者: eerr 時間: 13-11-6 08:49 標題: 引用：小朋友+ADHD,+一個食緊藥,+一個排緊見醫生.
提示: 作者被禁止或刪除 內容自動屏蔽
作者: eerr 時間: 13-11-6 08:59 標題: 引用：我自己的大仔都係A仔,+很明白媽媽的憂慮,+
提示: 作者被禁止或刪除 內容自動屏蔽
作者: giftedpig 時間: 13-11-6 12:18
我不是為成績，當你去到一個地步是停地接投訴電話，a 仔的衝動開始影響到身邊的同學，用手腳去回應的時候，日日都擔心佢在學校會唔會攪大龍鳳等，做家長的是十分困擾，在家點難頂都有辦法去面對佢，在校的確睇唔到咁多，冇人會體諒和包容，只有罰，傷害到他人還會記過，大家都唔想，做父母的，有頭髮邊個想做 x 哩。
作者: 2muffin2 時間: 13-11-6 16:24
回復 giftedpig 的帖子
我很認同你，我仔K3已經在學校出哂事。我可講佢嘅衝動行為只可用離哂譜作形容。
我只求他學懂好品格，小朋友肯同佢相處。
學業，我無要求。
作者: giftedpig 時間: 13-11-7 14:00
回復 2muffin2 的帖子
同意，其實我正考慮用藥，抽畜的問題令我猶豫當中，點算？
作者: carrai 時間: 13-11-7 20:29
我囡係用家，她的冇心不當行為會影響別人，別人家長會投訴學校，學校就會同人地家長講個小朋友有adhd，個小朋友係學校對住老師，同學同同學家長真的不好受，我咁大個人點講我都頂得順，但個小朋友呢？
係囉！以前真的冇這回事，但這是以前，我們小朋友面對的是現在呀。
邊個家長真想自己小朋友食藥呀！唉！
作者: carrai 時間: 13-11-7 20:36
我相信a仔父母決定比自己的小朋友食藥唔係因為單係要好成績囉！
我大女係資優+adhd，成績band 1頭間學校都hea住讀，佢d同學時常叫我女比半個腦佢，成績頭幾名，又點？未要走上這條藥路。
作者: 2muffin2 時間: 13-11-8 09:31
回復 giftedpig 的帖子
我相信每個小朋友在用藥後的反應不一樣。你有無向醫生反映抽畜的情況呀？
試問醫生可否轉另一種藥幫幫小朋友呢？
就我自己而言，用藥後，人定了很多，仔方能聽到指令；說話時轉為有眼神接觸。
至少身體及手腳不再像摩打般停不下來，打斷別人說話的機會大大減少。
衝動行為若以分數計算，由10減至2左右啦。
母子關係有改善。(有藥到的時候)
我只可以天堂與地獄來形容用藥前後的不同。
當然，副作用是有的。
食慾是差了，升上小學後；午餐食得更小。
唯有在早餐及晚餐定下份量，及睡前補一杯奶。
幸運的，他沒有其他異常反應。
醫生處方長效十二小時concentra。
作者: 2muffin2 時間: 13-11-8 10:08
回復 2muffin2 的帖子
補充：在有藥到的時候，加強孩子自信及自理。
仔以前無藥食，每次學琴都被老師投訴，踢琴，打老師...樣樣齊；
次次10滿分，老師俾2分佢；仔仲成日話唔想學。
其後，開始用藥，慢慢有改善。
老師次次俾佢10分，依家反而最鍾意學琴。
因為，做得好有人讚。
Even依家，過哂藥，佢都會好開心坐埋位練。
我唔係鼓吹用藥，但有時小朋友的自信要在恆常培養。
下下俾人鬧、罰同無自信，會削弱自專。
說實話，我是有顧慮他的身體狀況；此終長期用藥.....。
好無奈亦很予盾。
作者: carrai 時間: 13-11-8 10:33
係，我比我女食藥真好難受，但好無奈。
作者: 2muffin2 時間: 13-11-8 10:47
回復 carrai 的帖子
我有見社工，佢同我講這類小朋友到十二歲左右會在行為上大大改善。叫我努力捱這六年....之後就有好日子。各位家長努力。。。
作者: carrai 時間: 13-11-8 12:08
回復 2muffin2 的帖子
多謝你的正能量。係呀！我有兩個女都食緊藥，現在我的目標就是想見她們停藥的一天。
作者: cae688 時間: 13-11-9 13:10 標題: 回覆：好內疚, 其實我應唔應該俾佢食藥
我給他停了一星期，結果又係出街俾外人鬧，放學返到屋企成日發脾氣，做功課唔專心都算了，功課上畫晒公仔。。仲成日大吵大鬧。。我就話頂到，但c6話再唔俾佢食返藥，好難忍到。
我應該點做？
作者: IvyPluto 時間: 13-11-12 13:42
首先你自己先要想清楚為什麼要吃藥? 為什麼要停藥? 小朋友不是白老鼠, 不是用來証明什麼方法可以治好ADHD的, 所以別人問我這樣有冇效, 那樣有冇效, 我只會告訴他們我不知道, 只把所有能給他的, 最好的東西俾他, 當然經過一翻努力和了解, 不是盲目地藥石亂投.
要相信自己, 不要為他人, 只為小朋友得到最好的成長環境. 至於老公, 一定要大家有共識, 教導要一致, 否則如何給小朋友一個融洽穩定的家庭環境支取養份呢?
作者: celia1606 時間: 13-11-13 14:52
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |