教育王國

標題: 請問各位對玫瑰崗評價如何？ [打印本頁]

作者: peterchoi89 時間: 13-10-31 23:48 標題: 請問各位對玫瑰崗評價如何？

好開心收到玫瑰崗offer. 已交留位费和報Elite 班，但覺得好似冇乜人心儀呢間學校，好少人報又冇乜人討論，請問各位對玫瑰崗評價如何？
見到其他post有啲家長收到幾個reject 但又好似冇報呢間學校。點解唔報呢？是否很差呢？

請問玫瑰崗家長，您們的小朋友讀得開心嗎？是话動教學嗎？是英語教學嗎？有幾多課是net teacher 教的呢？

作者: chingcging 時間: 13-11-1 00:07 標題: 回覆：請問各位對玫瑰崗評價如何？

玫瑰崗係大班，傳統教學。佢哋嘅k3已做緊接近p1level嘅功課。我覺得過深，太谷了(我講k3)。

作者: rchiu 時間: 13-11-1 01:11 標題: 回覆：chingcging 的帖子

讀完小學你會想走，中學只是Band3，港島好過嘅學校都有很多。

作者: bobo101^*^ 時間: 13-11-1 09:29

chingcging 發表於 13-11-1 00:07
玫瑰崗係大班，傳統教學。佢哋嘅k3已做緊接近p1level嘅功課。我覺得過深，太谷了(我講k3)。

...

玫小一班25人, 應該係小班教學，玫幼先至係大班教學!

作者: yfchoy 時間: 13-11-1 09:41

中學部申請緊會轉直資

作者: monchhichibb 時間: 13-11-1 10:03

本帖最後由 monchhichibb 於 13-11-1 10:04 編輯

我都收到玫瑰崗offer. 亦已交留位費和報了Elite 班, 請多多指教!
我都希望佢中學快d轉直資及搞得好d!

作者: Jack-Chan 時間: 13-11-1 10:20 標題: 回覆：請問各位對玫瑰崗評價如何？

多人少提玫小主要有幾個原因:

1. 玫瑰崗中學並非咁好，好多鍾意一條龍嘅家長未必選擇

2. 玫小會收大量玫幼學生，餘下的學額不會太多，減少外來家長報名意慾

3. 地點遠唔方便

但其實玫小教學質素不錯，以英語教學為主，中文以普通話教，仲有新加西班牙語課程，小朋友語文訓練必定足夠。另有上年剛轉校長進行改革，未來幾年可望將教育質素再度提高。

作者: bbhellokitty 時間: 13-11-1 10:22 標題: 回覆：請問各位對玫瑰崗評價如何？

玫瑰崗小一25人一班，不是大班，不是傳統教學，不算谷，每日3-4樣功課，英語教學，中文普通話教學，English Oral 是 net teacher教，朝早 reading session 有時也會是net，另要讀西班牙語，中學部會在2015年向教局申請轉直資一條龍，成功的話，2016年便有第一屆直資中一。

作者: Jack-Chan 時間: 13-11-1 10:25 標題: 回覆：yfchoy 的帖子

希望改革後可重拾二十多年前的名氣，不竟玫小不受歡迎主因係玫中質素差影響玫小名聲

作者: mmcc102 時間: 13-11-1 10:32

請問校車是否小學生和中學生一起坐的？

作者: bbhellokitty 時間: 13-11-1 10:44 標題: 引用：請問校車是否小學生和中學生一起坐的？

原帖由 mmcc102 於 13-11-01 發表
請問校車是否小學生和中學生一起坐的？

校車是小學生和幼稚園生一起坐，中學生不用坐校車。

作者: Jack-Chan 時間: 13-11-1 10:56 標題: 引用：玫瑰崗係大班，傳統教學。佢哋嘅k3已做緊接

原帖由 chingcging 於 13-11-01 發表
玫瑰崗係大班，傳統教學。佢哋嘅k3已做緊接近p1level嘅功課。我覺得過深，太谷了(我講k3)。

...

小兒讀緊玫小K3,仲係11月嘅細仔，K2時學校加強催谷時的確有點吃力，一日3-4本功課，寫中文字兩頁，英文字兩頁，寫數字一頁，另中英文配對、填顏色、畫圖、宗教作業教等，小兒當時只得3歲幾日日做兩個鍾頭功課真有壓力，但一年辛勞有成果了，今年K3好像變了另一個小孩，無論寫字計數英語功課都超快完成，現時他做功課時還懂得追求原美，要拿高分拿貼紙，似乎很enjoy學習，呢啲都係學校同一眾老師嘅功勞，相信就算小兒升讀那一間小學亦可應付自如。「谷」好定唔好？見仁見智了！

作者: mmcc102 時間: 13-11-1 10:57

bbhellokitty 發表於 13-11-1 10:44
校車是小學生和幼稚園生一起坐，中學生不用坐校車。

這樣我比較放心，因為怕中小學生一起坐校車，小學生會學壞。

作者: chingcging 時間: 13-11-1 11:29

bobo101^*^ 發表於 13-11-1 09:29
玫小一班25人, 應該係小班教學，玫幼先至係大班教學!

thanks for information!

作者: Charlotte_mom 時間: 13-11-1 11:38

mmcc102 發表於 13-11-1 10:57
這樣我比較放心，因為怕中小學生一起坐校車，小學生會學壞。

放心啦, 中學生(一般市場狀況)9成都唔肯坐校車, 如果仲肯坐, 應該係乖寶寶

作者: mmcc102 時間: 13-11-1 11:42

Charlotte_mom 發表於 13-11-1 11:38
放心啦, 中學生(一般市場狀況)9成都唔肯坐校車, 如果仲肯坐, 應該係乖寶寶 ...

咁又係

作者: bobo101^*^ 時間: 13-11-1 11:43

Charlotte_mom 發表於 13-11-1 11:38
放心啦, 中學生(一般市場狀況)9成都唔肯坐校車, 如果仲肯坐, 應該係乖寶寶 ...

下, 乜有9成咁多咩?? 但我朝早6點幾(返學)同下午2點幾(放學), 見到RHS校車, 車上係中學生喎

好肯定小學生就同幼稚園生一齊搭校車。

作者: bbhellokitty 時間: 13-11-1 12:18 標題: 回覆：bobo101^*^ 的帖子

2點幾放學？小學4點半先放學喎

作者: bobo101^*^ 時間: 13-11-1 12:27

bbhellokitty 發表於 13-11-1 12:18
2點幾放學？小學4點半先放學喎

2點幾係中學生放學。
4點半小學生+幼稚園下午班及全日班啊!

作者: MyTeddyBear 時間: 13-11-1 12:29

其實玫瑰崗和九龍塘小學是否差不多境況呢? 兩者都是因為中學較差, 小學是很好的嗎?

作者: Jack-Chan 時間: 13-11-1 12:37 標題: 引用：Quote:bbhellokitty+發表於+13-11-1+10:44+

原帖由 mmcc102 於 13-11-01 發表
這樣我比較放心，因為怕中小學生一起坐校車，小學生會學壞。

資訊發達社會人同人接觸面咁廣，朋友圈子、補習班、上網、電視、小朋友都有機會接觸到不良資訊，至於會唔會因此學壞就要睇家庭及學校教育。請相你個小朋友，更加要相信自己嘅愛心同教育，亦請唔好帶有色眼鏡睇一班中學生，佢地唔係讀band 1學校唔代表佢地會係壞學生，或教壞其他小學生。

作者: Charlotte_mom 時間: 13-11-1 14:07

bobo101^*^ 發表於 13-11-1 11:43
下, 乜有9成咁多咩?? 但我朝早6點幾(返學)同下午2點幾(放學), 見到RHS校車, 車上係中學生喎

好 ...

我聽其他家長講係咁啊! 可能我女果間唔算難搭車, 好多人都唔肯搭

作者: bobo101^*^ 時間: 13-11-1 14:36

bbhellokitty 發表於 13-11-1 10:22
玫瑰崗小一25人一班，不是大班，不是傳統教學，不算谷，每日3-4樣功課，英語教學，中文普通話教學，English ...

想問下算唔算活動教學? 因我聽KG家長會時, 校長只講左小部份玫小情況, 我想再深入了解下。謝謝!

作者: bbhellokitty 時間: 13-11-1 14:51 標題: 引用：Quote:bbhellokitty+發表於+13-11-1+10:22+

原帖由 bobo101^*^ 於 13-11-01 發表
想問下算唔算活動教學? 因我聽KG家長會時, 校長只講左小部份玫小情況, 我想再深入了解下。謝謝! ...

其實點樣先為之係活動教學呢？

作者: peterchoi89 時間: 13-11-2 11:14

多謝大家意見，似乎玫瑰崗小學唔差，其實係中學唔好姐。

bbhellokitty 和其他玫瑰崗家長，請問您們的小朋友讀得開心嗎？學校也着重德育修養嗎？

多謝回覆。

作者: FREE 時間: 13-11-2 12:45 標題: 回覆：chingcging 的帖子

玫幼在灣仔是頗受家長青睞的幼稚園，課程深，接傳統小一課程無問題，不過考直資私小未見太出息，13年小一競爭劇烈，派位較前幾屆遜色，尤以12網為甚，所以玫幼生較多留下讀玫小.

以此推論，6年後的玫小學生亦會遇到同樣境况，而今年玫小的派位，仍有44%派往b3玫中，辦學團體真的要努力turn around，才能有理想的結果.

作者: bbhellokitty 時間: 13-11-2 12:50 標題: 引用：多謝大家意見，似乎玫瑰崗小學唔差，其實係

原帖由 peterchoi89 於 13-11-02 發表
多謝大家意見，似乎玫瑰崗小學唔差，其實係中學唔好姐。

bbhellokitty 和其他玫瑰崗家長，請問您們的小朋 ...

每個小朋友適應不一樣，我的小朋友是開心的，由於功課量不多，星期五還有課外活動，另外每月還有生日會，間中亦有不同主題 party，至於德育，相信現在大部份小學都注重的，玫小除了本身是天主教，亦有 Life Education lesson.

作者: Ultramama2008 時間: 13-11-2 13:56 標題: 回覆：請問各位對玫瑰崗評價如何？

小兒幸運地也有玫小offer。知道玫小的英文程度很好，但中文程度夠嗎？是否只有中文堂才學中文，每星期中文課有幾多小時？

作者: bobo101^*^ 時間: 13-11-2 17:21 標題: 引用：玫幼在灣仔是頗受家長青睞的幼稚園，課程深

原帖由 FREE 於 13-11-02 發表
玫幼在灣仔是頗受家長青睞的幼稚園，課程深，接傳統小一課程無問題，不過考直資私小未見太出息，13年小一競 ...

我認識今年幾位玫幼k3生，佢地考私校同直資學校都有得入second in，但最後結果暫時未知。而舊年有部份家長本身住net12區，在大抽獎都抽到第一志願，所以有部份讀左心儀津校。另一部份學生繼續升讀玫小，因港島區英小學校選擇不算多，吸引了鐘意英文小學的家長，所以在玫小讀小一。

作者: yee22222 時間: 13-11-2 17:28 標題: 回覆：FREE 的帖子

有44%去b3，咁係咪表示玫小的畢業生考中一編班試考得麻麻地？

作者: bbhellokitty 時間: 13-11-2 18:04 標題: 引用：小兒幸運地也有玫小offer。知道玫小的英文

原帖由 Ultramama2008 於 13-11-02 發表
小兒幸運地也有玫小offer。知道玫小的英文程度很好，但中文程度夠嗎？是否只有中文堂才學中文，每星期中文 ...

每星期有6堂中文，每堂40分鐘。

作者: sasiuman 時間: 13-11-2 18:08 標題: 回覆：請問各位對玫瑰崗評價如何？

以前玫小，小六得兩班，每班十幾人，我諗33%揀玫中，佔全級7-8個學生。我認識的小學生，有些小五已轉咗國際學校、有些考咗去名校、有些去了外國升學。

作者: Ultramama2008 時間: 13-11-2 18:58 標題: 回覆：bbhellokitty 的帖子

Thanks for your information. 還想知道西班牙語需要考試嗎？如果小兒的西班牙語追唔上，是否需要外出補習？不知道RHS 對學生學習西班牙語的要求有幾高，本人對西班牙語一點認識也沒有，有點兒擔心！

作者: aimee_chan 時間: 13-11-2 20:17

bobo101^*^ 發表於 13-11-2 17:21
我認識今年幾位玫幼k3生，佢地考私校同直資學校都有得入second in，但最後結果暫時未知。而舊年有部份家長 ...

認識去年的玫幼生考直資私小全部失敗, 家長結論玫幼老師較小encourage小朋友主動發言, group interview 非常蝕底, 可從學校網業了解有多少學生有直資私小的offer, 而學校之前幾年灣仔頭3志願都是100%, 去年競爭太大, 已經沒有這回事了. 當然, 亦有幾位玫幼生放棄了官津留在玫小, 因為玫小是英文小學, 不過人数應該不太多.

同意前文, 幾年後中一競爭就跟去年或今年的小一競爭一樣, 要知道今年的中一派位結果普遍不錯, 而玫小派band3玫中仍高達44%, 真的需要加油努力突破.

作者: bobo101^*^ 時間: 13-11-2 20:52 標題: 引用：Quote:bobo101^*^+發表於+13-11-2+17:21+我

原帖由 aimee_chan 於 13-11-02 發表
認識去年的玫幼生考直資私小全部失敗, 家長結論玫幼老師較小encourage小朋友主動發言, group interview 非 ...

資料來源是我朋友比我既，佢個囝囝舊年有留位在玫小，後尾大抽獎派到第一志願st joe，最後放棄玫小。佢話佢班同學派位派得好喎，只係個別派得唔係太好。另外，留意網頁學校資料都有學生考到高小，st louis，港同，陳守仁，播道等，以有學券的學校來說，成績已經算是不錯。有些KG肯本連數據都唔show比你睇。

作者: aimee_chan 時間: 13-11-2 21:19

本帖最後由 aimee_chan 於 13-11-2 21:26 編輯

bobo101^*^ 發表於 13-11-2 20:52
資料來源是我朋友比我既，佢個囝囝舊年有留位在玫小，後尾大抽獎派到第一志願st joe，最後放棄玫小。佢話佢 ...

我資料來源亦是朋友, 往年真的是100%灣仔首3志願, 校網之前有特別註明的, 今年真的不是了, 可想競爭之大.

朋友說扣門亦撞到多名玫幼生, 最後有因扣不到而留下來.

整體玫幼生留下來有4X名, 即佔玫幼畢業生29%, 當中有多少是自願留下, 有多少是派不到理想官津又考不到直資而留下的未有確實数據, 如有子女現在就讀玫小家長可以補充就更好.

作者: Ultramama2008 時間: 13-11-2 21:23 標題: 回覆：請問各位對玫瑰崗評價如何？

想請教現在的玫小家長，如果不考慮升中的問題，單看玫小的教學和師資質素，你們滿意嗎？如果很滿意，好在哪裏？如果不滿意，有甚麼不滿？請給一點意見。謝謝。

作者: bbhellokitty 時間: 13-11-2 21:29 標題: 引用：Thanks+for+your+information.+還想知道西

原帖由 Ultramama2008 於 13-11-02 發表
Thanks for your information. 還想知道西班牙語需要考試嗎？如果小兒的西班牙語追唔上，是否需要外出補習 ...

西班牙語要考試，但不是主科，類似音樂、美術、體育，要求不高。

作者: Ultramama2008 時間: 13-11-2 21:31 標題: 回覆：bbhellokitty 的帖子

Thank you .

作者: sasiuman 時間: 13-11-2 22:37 標題: 回覆：請問各位對玫瑰崗評價如何？

我仔是今年玫幼畢業生，沒有揀玫小，係因為我仔第一輪入到心儀津小，我仔班好多同學留番玫小，有D係跟本連大抽獎都無參加，有D入到直資或派到第一志願都無揀，留番係玫小，係因為他們都喜歡這所學校，而且對校長有信心。當然有些係被逼留底，抽唔到心儀，都有間灣仔區校網英小Back up，相比沒有小學back up的幼稚園好好多。整體聽番同學仔父母comment, 小朋友讀得開心，課程密集，外來生(其他幼稚園學生）較辛苦，有D未追上進度。

作者: aimee_chan 時間: 13-11-3 22:44

sasiuman 發表於 13-11-2 22:37
我仔是今年玫幼畢業生，沒有揀玫小，係因為我仔第一輪入到心儀津小，我仔班好多同學留番玫小，有D係跟本連 ...

朋友有點被玫小上玫中的比率嚇怕, 因為如果付足6年私小的學費, 結果都是入Band 3 的玫中, 倒不如去讀一間免費的官津, 將錢幫助小朋友裝備自己, 小二再考插班, 幸運地, 朋友的小朋友最後都有理想的offer.

不過, 朋友都有提及留下來讀玫小的小朋友是喜歡上學, 而且校舍環境真的很不錯.

作者: EMS 時間: 13-11-3 23:04 標題: 回覆：aimee_chan 的帖子

聽講早幾年嘅玫小，個風氣係好多叻人都去其他名校插班成功，已經一級唔係好多人，再小幾個叻人，型成TSA考得唔係咁好囉。但上年開始轉咗校長改革咗，呢位本來玫幼校長，佢教學真係做得好好，家長對佢有信心，小一由以往2班變5班，加上谷慣嘅玫幼升上去，TSA成績相信會進步。而且玫中2015年轉直資後，如果學校可以自己選擇學生，可能多咗玫小學生，相信banding會好好多

作者: bbhellokitty 時間: 13-11-3 23:25 標題: 引用：Quote:sasiuman+發表於+13-11-2+22:37+我仔

原帖由 aimee_chan 於 13-11-03 發表
朋友有點被玫小上玫中的比率嚇怕, 因為如果付足6年私小的學費, 結果都是入Band 3 的玫中, 倒不如去讀一間免 ...

其實有冇實質數據去分析玫小上玫中百分率？以往數據中，只得兩班小六生，而當中有不少是外藉非華裔生，有多少是自願選擇玫中的呢？亦有2/3入其他不錯既中學？玫中的學生中，亦見到不少外藉非華裔學生呢，我都好想知道實際情況。

考小一已經好辛苦，如果再要諗考小二插班，再要守望一年時間，還要去用一年在課程緊迫既小一裏去裝備自己既小朋友再去打扙，真係要好有能耐既家長才做到呢！成功固然好，失敗的話，又要面對再一次打擊！

作者: Ultramama2008 時間: 13-11-4 00:28 標題: 回覆：請問各位對玫瑰崗評價如何？

既然玫小教學質素不錯，小朋友語文訓練足夠，尤其英語強，大家可以抱着入讀半龍學校的心情去看玫小。只要小朋友在RHS小學階段語文基礎打得好，升上brand 1中學一點也不難。反而在一線勁谷小學的學生，如果學業成績唔好，一樣會派去brand 3中學。

作者: aimee_chan 時間: 13-11-4 11:39

bbhellokitty 發表於 13-11-3 23:25
其實有冇實質數據去分析玫小上玫中百分率？以往數據中，只得兩班小六生，而當中有不少是外藉非華裔生，有多 ...

朋友自行階段落空, 直資私小沒有offer, 最初的打算是先留位玫瑰崗, 等待大抽獎, 1) 如果大抽獎ok, 是最理想的結果; 2) 如果大抽獎不理想, 校風不太差, 先讀津校小一再裝備小朋友插班小二; 3) 如果抽到的津校校風太差, 就讀玫小, 小二再插其他學校.

幸運地, 小朋友最後得到理想的Offer, 朋友不用考慮 2) 或 3), 現也無從知道如果沒有好的offer, 朋友會不會真的小二再考插班.

作者: sasiuman 時間: 13-11-4 13:13 標題: 引用：Quote:bbhellokitty+發表於+13-11-3+23:25+

原帖由 aimee_chan 於 13-11-04 發表
朋友自行階段落空, 直資私小沒有offer, 最初的打算是先留位玫瑰崗, 等待大抽獎, 1) 如果大抽獎ok, 是最理 ...

我在玫小讀緊的朋友仔，完全無諗小二再插其他小學，讀落也讚學校安排很好，還有些説沒揀錯學校

作者: FREE 時間: 13-11-4 13:18

Ultramama2008 發表於 13-11-4 00:28
既然玫小教學質素不錯，小朋友語文訓練足夠，尤其英語強，大家可以抱着入讀半龍學校的心情去看玫小。只要小 ...

之前另一個帖比較了玫小和高小今年的中一派位情況, 可作參考.

玫小小六生有32位,入讀的中學有:

B1: 華仁(1), 真光(2); 鄧肇堅 (2); Queens (1); St Francis (1); 中華基金(1), Ngan Po Ling (2) - 共10位(31%)
B2: 文理(1), YMCA(2), St. Stephen's College (1), SKH St. Mary's Church (1), Tang King Po (1), Lingnan (1), 慈幼(1) - 共8位 (25%)
B3: 玫中 - 共14位 (44%)

高小小六生有125人, 其中95(即76%)入B1, 12(即10%)入B2, 其餘約18人(即14%)入B3.

小學無Banding, 不過依據派位結果, 可依學校內的排名估計可獲派的學校, 在玫小要在頭31%有機會入b1, 在高小, 在頭76%就有機會入b1, 6年後競爭更大, 學生與學校又存在變數, 這数據只可作參考.

作者: chanti 時間: 13-11-4 13:24 標題: 引用：Quote:Ultramama2008+發表於+13-11-4+00:28

原帖由 FREE 於 13-11-04 發表
之前另一個帖比較了玫小和高小今年的中一派位情況, 可作參考.

玫小小六生有32位,入讀的中學有:

HK 文理應該係B3

作者: Ammeyogi 時間: 13-11-4 14:24

st stephen是band 1 or 2?

作者: Ultramama2008 時間: 13-11-4 17:37 標題: 回覆：FREE 的帖子

但是70%派第一志願，可能是那些非華裔學童要留在玫小繼續升學，所以看上去好似over 40% 學童派brand 3學校。
[attach]16601[/attach]

作者: FREE 時間: 13-11-4 21:49

本帖最後由 FREE 於 13-11-4 21:50 編輯

Ultramama2008 發表於 13-11-4 17:37
但是70%派第一志願，可能是那些非華裔學童要留在玫小繼續升學，所以看上去好似over 40% 學童派brand 3學校 ...

一般情況下, 學校都會預先知會學生的banding, 學生再根據自己的banding 選校, 70%第一志願命中率, 並非造成玫小44% 派入band 3 學校的原因, 因為banding 的比例是由前屆學童的"中一入學前香港學科測驗"成績決定.

作者: MyTeddyBear 時間: 13-11-6 17:04

EMS 發表於 13-11-3 23:04
聽講早幾年嘅玫小，個風氣係好多叻人都去其他名校插班成功，已經一級唔係好多人，再小幾個叻人，型成TSA考 ...

請問我可以從那裡知道玫中將會轉直資的資料呢?

作者: EMS 時間: 13-11-9 18:20 標題: 回覆：MyTeddyBear 的帖子

本帖最後由 EMS 於 14-5-21 00:03 編輯

.

作者: nlj1216 時間: 13-12-5 13:44

回覆 chingcging 的帖子

Student teacher ratio is 23:3 so is considered small size

作者: bbaunt 時間: 13-12-9 12:39

回覆 EMS 的帖子

when will change?

作者: Ballack2012 時間: 14-2-1 21:59 標題: 引用：今年校內活動時，公報咗中學變直資 +

提示: 作者被禁止或刪除內容自動屏蔽

歡迎光臨教育王國 (/)