教育王國

標題: 兩歲半幼童放學返來滿面傷痕，學校與校車隱瞞實情，玩＂ [打印本頁]

作者: Heely 時間: 13-10-31 23:42 標題: 兩歲半幼童放學返來滿面傷痕，學校與校車隱瞞實情，玩＂

兩歲半的Ethan就讀於BoxHill International Kindergarten ,10月28日中午12點40分，Ethan乘搭校車返到屋企，爸爸發現他左臉血紅一片，布滿傷痕，校車保姆立即解釋話'不關佢事，上校車之前已有傷'。爸爸即刻打電話到學校追問事件，被告知學校正在開會，之後才能答覆。30分鐘之后學校來電說'對此事不知情，Ethan上車前並未受傷'。
Ethan受此重傷時一定會大聲哭叫，而他返學期間一直在學校或校車，去洗手間都有人陪同，校車亦有司機和保姆，不可能沒有人聽到他的哭聲！
此類事件已是自Ethan入讀BoxHill之后第四次發生，但每一次學校都話未見佢受傷，每一次都話吾知情。第三次受傷時本人已跟學校投訴請老師留意此事，但時隔兩星期左右慘劇再次發生，今次係最嚴重！最深的一條傷痕位於下眼皮，險及眼球!打架、跌倒、碰撞都可能致傷，這些對於小朋友來講是很常見的意外，但學校與校車一再隱瞞實情、企圖推卸責任，實在令人懷疑!難道這中間有什麼不可告人的秘密?!還是學校面子大過責任?!一句'不知道'就可以不了了之！如此教學，誰敢再將子女交給學校?!
鑒於學校、校車在明知Ethan吾識表達的情況下刻意隱瞞實情和推御責任的態度，本人万般無奈之下唯有以此途徑向廣大民眾求助，以求公議!向學校施壓！還我一個真相!!!我會堅--持--到--底！！！替Ethan討--回--公--道！！！

作者: YINYIN630 時間: 13-10-31 23:48 標題: 回覆：Heely 的帖子

請問係邊間Boxhill?

作者: Heely 時間: 13-10-31 23:51

華景山莊

作者: epsonprinter 時間: 13-10-31 23:52 標題: 回覆：兩歲半幼童放學返來滿面傷痕，學校與校車隱瞞實情，玩＂

提示: 作者被禁止或刪除內容自動屏蔽

作者: swyan3102 時間: 13-10-31 23:53 標題: 回覆：兩歲半幼童放學返來滿面傷痕，學校與校車隱瞞實情，玩＂

似係指甲抓傷！

作者: swyan3102 時間: 13-10-31 23:54 標題: 引用：I+think+u+should+call The+police+becoz+t

原帖由 epsonprinter 於 13-10-31 發表
I think u should call
The police becoz this is serious!

非常贊成！

作者: tc080628 時間: 13-11-1 00:03 標題: 回覆：兩歲半幼童放學返來滿面傷痕，學校與校車隱瞞實情，玩＂

事態嚴重，一定要報警，搞大佢，最好call埋蘋果日報

作者: wingyan008 時間: 13-11-1 00:05 標題: 回覆：兩歲半幼童放學返來滿面傷痕，學校與校車隱瞞實情，玩＂

Support u to call the police

作者: kayan37 時間: 13-11-1 00:06 標題: 回覆：兩歲半幼童放學返來滿面傷痕，學校與校車隱瞞實情，玩＂

你可嘗試向葵青區的教育局投訴，他們必會認真處理，學校一般都會驚教育局介入！

作者: Heely 時間: 13-11-1 00:08

已報警，已通知教育局和防虐會，今日才發貼是想等學校交待，直到今日學校的答復依舊是不知情，實在心灰意冷，才發貼以警醒大家。
Ethan當日已退學。最令人傷心的就是Ethan吾識講，每次問佢點樣受傷，佢都吾開心，又講吾出。一幫大人欺負一個兩歲半的小朋友吾識講！

作者: Maggiebbchan 時間: 13-11-1 00:48 標題: 回覆：兩歲半幼童放學返來滿面傷痕，學校與校車隱瞞實情，玩＂

而家D學校越來越不負責任

作者: Ern 時間: 13-11-1 01:05 標題: 回覆：兩歲半幼童放學返來滿面傷痕，學校與校車隱瞞實情，玩＂

BB好可憐, 不論係點發生, 一定有極大恐慌

作者: Weldon 時間: 13-11-1 01:26 標題: 回覆：兩歲半幼童放學返來滿面傷痕，學校與校車隱瞞實情，玩＂

見到自己的小朋友這個樣子..真係好心痛呀!

作者: Mamaskhy0011 時間: 13-11-1 01:35 標題: 回覆：兩歲半幼童放學返來滿面傷痕，學校與校車隱瞞實情，玩＂

我睇到都好心痛呀！其實就咁跌好難跌得損lee d位喎⋯不過係我個人諗法je

作者: yycma 時間: 13-11-1 07:45 標題: 回覆：Mamaskhy0011 的帖子

真的很過份, 不要讓小朋友上學了直至查明原因! 見到都心痛，仲要發生咗幾次! 有無問吓同班其他家長佢地小朋友又點呢?有d早識講嘢的小朋友可能會透露到D真相. 不過你已報警, 就交比佢地查啦!

作者: shertam 時間: 13-11-1 07:46 標題: 回覆：兩歲半幼童放學返來滿面傷痕，學校與校車隱瞞實情，玩＂

PN係社福署管轄的，應該要向果邊反影。因為PN唔洗教局批牌。

作者: sailob 時間: 13-11-1 07:58 標題: 回覆：兩歲半幼童放學返來滿面傷痕，學校與校車隱瞞實情，玩＂

提示: 作者被禁止或刪除內容自動屏蔽

作者: Lilianyu500 時間: 13-11-1 08:34 標題: 回覆：兩歲半幼童放學返來滿面傷痕，學校與校車隱瞞實情，玩＂

告佢啦，宜家啲學校好不付責任

作者: walalala 時間: 13-11-1 09:40 標題: 回覆：兩歲半幼童放學返來滿面傷痕，學校與校車隱瞞實情，玩＂

傷到眼部，相信是被其他小孩「希負」，被抓至走投無路，其實你BB一定會大叫和哭，如在園內發生，為何冇當值姨姨或老師留意到？他們說不關他們，第一次事件後有冇想解決方法如反學和放學之時影張相？
同樣，校車最大疑犯是隔離左右的小孩。
校車姨姨如說不關她事，小孩上車前無留意他面上有異樣？向校方或即時致電家長？心痛見到這種幼兒被「希負」的事件，希望警方找出疑犯

作者: nickykiu 時間: 13-11-1 09:44

如果學校有CCTV，要求睇返當日發生咩事!!

作者: Heely 時間: 13-11-1 10:13

EThan也是Koala C班，受傷當日我地已去學校追問責任，也有要求睇學校CCTV,但學校以不識操作為由拒絕我地查看，直到后來警方到場才查看了小童放學上校車的片段，看不出也看不清有何異常。學校只有四處監控，都是無關痛癢的地方，根本看不見學童，課室、洗手間都無監控，校車也無監控，所以搵吾到證據！但令我奇怪的是到現在為止都未見Ethan嘅班主任，也未有來電問候或解釋！Ethan今年7月開始在BoxHill(都係華景）讀暑期班，那時只有兩歲一個月，中間未間斷過一直升讀N班至事故發生，暑期班時比我感覺好好，后來升左N班後開始不停地有些小問題：1、尿濕褲子（佢一歲已戒片，而且識講大小便，暑期班時都未有過尿濕褲子），老師叫我幫佢帶尿片，我當心疑心佢地有冇准時帶佢去洗手間，如果有准時一個鐘去一次，我敢以母親名譽擔保佢吾會尿濕條褲!所以我堅持吾幫佢帶尿片（如果用左尿片重新戒片好辛苦嘎!）2、手冊填寫不准時。大家都知學生手冊老師日日會填寫，但佢果班是幾日填一次，每次填寫時補返之前幾日未填的叫家長簽名，所以好多消息我地係過左才知道。3、派返來的資料錯漏。一次手冊派錯，一次未派圖書卻再三催促我交圖書，一次派返來一本厚厚的文件要求家長填寫並於21日上交，但可笑的是果本文件是21日中午放學才派返來!4、小朋友放學返來塊面沾滿已干的鼻涕！經投訴后才稍有改善。
今日學校interview，學校昨日來電＂安慰＂，但也只是一堆廢話，未有交代，我想是佢地可能係吾想我地去攪局，心痛啊!作為一間學校竟然不知道自己的責任在哪裡!!!一味地維護自己的聲譽而不顧小朋友死活!!!

作者: Heely 時間: 13-11-1 10:16

shertam 發表於 13-11-1 07:46
PN係社福署管轄的，應該要向果邊反影。因為PN唔洗教局批牌。

多謝提醒!!!我都沒想到PN係唔洗教局批牌

作者: cutenabb 時間: 13-11-1 10:24

睇見d 相就知係抓成咁ga la~~ 又深又出哂血沒可能見唔到low~ 離哂譜ga~

作者: chungmavis 時間: 13-11-1 10:31

見到都覺得心痛, 單看傷痕, 憑我個人既感覺, 似是被指甲抓傷, 因我有時唔記得幫我囡囡剪指甲, 佢自己抓傷自己塊面都係類似這樣!!

希望盡快查出真相, 亦希望小朋友不會留下陰影!!

作者: cheng_christine 時間: 13-11-1 11:19

真係好心痛...bb咁細個當然唔識講,亦唔想提起,心靈受到傷害...要好好安撫bb...快d好番

作者: lexbb 時間: 13-11-1 12:03

WAH...傷成咁都話知, 唔係呀麻. 死LA, 我仲幫呀B 報左TKO BOXHILL架...TKO我見又OK架喎. 可能間間唔同..

作者: evaken 時間: 13-11-1 12:32

學校好過份

作者: mikiwu 時間: 13-11-1 12:33 標題: 回覆：兩歲半幼童放學返來滿面傷痕，學校與校車隱瞞實情，玩＂

其實小朋友與小朋友之間好易會整親，需要有大人一定程度的留意，以免彼此肉緊時抓親
學校真係要把關

作者: Purplemango 時間: 13-11-1 13:00 標題: 回覆：Heely 的帖子

希望Ethan早日好返.
學校太差了,不論當時見唔見到,係返學時間發生就一定係佢責任.況且而家唔係跌親咁簡單,

作者: keep-calm 時間: 13-11-1 13:08 標題: 回覆：兩歲半幼童放學返來滿面傷痕，學校與校車隱瞞實情，玩＂

好心疼。學校的處理方法好有問題！

作者: dbchu 時間: 13-11-1 13:08 標題: 回覆：兩歲半幼童放學返來滿面傷痕，學校與校車隱瞞實情，玩＂

其實會不會在校車發生？

作者: tinlingyuetka 時間: 13-11-1 13:21

有D學校BB返學時要CHECK父母有無幫佢剪指甲的, 除了衛生問題, 我估更重要係暴力問題....... D BB 玩起上黎無分寸的.......

作者: target4 時間: 13-11-1 13:28

最好是打比萍果, 因為間學校太有問題

作者: HKJOJOLAU 時間: 13-11-1 13:30

真係心痛啊! 吓人哋小朋友細細個唔識講咩?
間學校真係差勁, 就算吾係學校整到的, 有家長投訴,都要协助調查下了,
竞然連一個電話都無?
一點都吾負責任!

作者: Heely 時間: 13-11-1 14:00

其實我真係吾想搞大件事，對於我除左煩無半點好處，但學校左一句吾知右一句吾知真係讓人噴火!!!我小朋友交比你地發生咩嘢事居然無知?!好驚Wow！難道我地家長費盡心機送個仔到學校你地由得佢自生自滅?!

作者: Chilical 時間: 13-11-1 14:13

我日去左interview比我既感覺都唔係咁好
,見到樓主既事件,更令我郤步

作者: noviasobb 時間: 13-11-1 14:19 標題: 回覆：Heely 的帖子

有沒有試下問下小朋友是誰傷害他？一定要追究！我見到都好肉痛！

作者: Deutsche 時間: 13-11-1 14:53 標題: 回覆：兩歲半幼童放學返來滿面傷痕，學校與校車隱瞞實情，玩＂

這樣的學校學術幾好都冇用，小朋友返學連最基本的人身安全都保證唔到，仲講咩學習？學多學少係其次，身心健康成長最重要

作者: Heely 時間: 13-11-1 15:33

係呀!我吾要求學幾多知識，佢甘細個，最主要返學開心，但搞成甘樣，真係心痛不已!!!

作者: baby.bb61 時間: 13-11-1 15:37

比都唔讀

作者: 傻氣媽媽 時間: 13-11-1 15:53 標題: 回覆：兩歲半幼童放學返來滿面傷痕，學校與校車隱瞞實情，玩＂

提示: 作者被禁止或刪除內容自動屏蔽

作者: gouf0083 時間: 13-11-1 17:47 標題: 引用：EThan也是Koala+C班，受傷當日我地已去學校

原帖由 Heely 於 13-11-01 發表
EThan也是Koala C班，受傷當日我地已去學校追問責任，也有要求睇學校CCTV,但學校以不識操作為由拒絕我地查 ...

尿濕係小朋友行為倒退表現…Ethan情緒有異樣嗎？

作者: Heely 時間: 13-11-1 19:15

除左問佢傷時吾開心之外，其它時間都無異常

作者: Cavebaby 時間: 13-11-1 19:19

發生左一次就應該多加留意，有乜理由接二連三再發生。好明顯呢間學校好唔負責任，校車姨姨冇愛心，第一句就話唔關佢事。其實呢Ｄ事情報警都冇乜用，只會草草了事，更可況您已退學，更加搵唔到邊個做。
其實通常有呢Ｄ事發生，校車姨姨同學校都應該會多加留意。睇佢Ｄ痕跡似係比小朋友惡意抓傷，細佬可能係玩下，但大人要教。
正常校車姨姨同學校先會同小朋友換位，睇下仲有冇呢Ｄ事情發生。如果兩方面乜都冇做，呢Ｄ學校唔讀都吧！
錢就識收

作者: Heely 時間: 13-11-1 19:56

多謝各位的關心和支持!!!自此事發生后，本人一直悲憤不平！但也是保持了萬分冷靜來處理這件事，一開始本人是中意尼間學校、相信尼間學校才選擇了它，完全想吾到會如此讓人失望!受傷果日當我第一眼見到Ethan那一刻真是好心痛好火滾，我的第一想法係報警、通知傳媒、有幾大搞幾大！但最終還是冷靜下來一步一步處理，多次與學校交涉，想比機會學校去處理這件事，不想因為自己的衝動而錯怪任何一個人！時至今日，我想我已經比足機會佢地，希望佢地可以早點比我個交代，完結這件事。我好累、好累，主要是來自心理上嘅，每一日我都會拿相機記錄Ethan的傷，每一次影相時我的心就好似被刀划過一樣.....好在有甘多人嘅支持我才可以堅持去追討尼件事！謝謝大家！聽日我地會再去學校，今次會同防虐會一齊去，希望會有結果。一有新消息我會即刻話比各位知！謝謝你地嘅支持!本人甚是感激!

作者: Heely 時間: 13-11-1 20:00

Ethan傷口已好左好多，精神無大碍，只是佢眼皮果度可能會留下些許傷疤。

作者: Cocaine308 時間: 13-11-1 20:19 標題: 回覆：兩歲半幼童放學返來滿面傷痕，學校與校車隱瞞實情，玩＂

有無攪錯呀？一定要追究，咁樣學校唔可以一個唔知就算，太過份了。。

作者: daniello 時間: 13-11-1 20:24 標題: 回覆：兩歲半幼童放學返來滿面傷痕，學校與校車隱瞞實情，玩＂

吾單止Ethan小朋友一個係咁，我囡囡讀B班，9月尾嘅時候都試過連續三日放學，面上有損傷，頭兩日雖然吾算嚴重，老師亦有來電交待及應承會多加留意對方小孩嘅行為（因為我囡囡會表達比我知係同一人），點知第二日放學「一條L抓痕括住隻眼」，嘩！肉痛到我呢！打比老師，佢夠膽死話對方已經帶咗手套！吹水咩，有咩可能要人地帶手套上堂，打咗手套都咁（吾帶咪入肉）？之後當然上去揾校長投訴，講完一輪咪承諾吾會有下次囉！唉.....

圖片附件: myphoto.jpg (13-11-1 20:24, 52.13 KB) / 下載次數 25
/forum.php?mod=attachment&aid=MTY0OTR8NzEzOGNhZTd8MTc2NTY3MDQ0NHww

作者: JoJo 時間: 13-11-1 21:10

本帖最後由 JoJo 於 13-11-1 21:11 編輯

版主按: 根據本版版規, 會員不能作出跨版式發帖 (一文多貼).

請各位到以下連結繼續討論, 本帖亦會關閉, 敬請注意!

http://www.edu-kingdom.com/forum ... tra=page%3D1&page=5

歡迎光臨教育王國 (/)