教育王國
標題: 轉工的煩惱 [打印本頁]
作者: swng21 時間: 13-10-31 20:59 標題: 轉工的煩惱
各位家長，我都知事情可能同小學無大直接關係，但迫在眉睫，想請教各位意見。
小妹本身有份工，人工遠低於市場，但放工時間準時六點。有小孩一個，將會入讀2014年小一，原本一心係自己區返學，自行分配學位都揀咗自己區，打算放學到托管中心做功課温書等我返去接佢，我自己亦兼讀緊，2014年9月底讀完。最近有份無論人工同發展都好一大截嘅工揾我見，但可能每晚都要OT，仲可能O到八九點，人家都落實會請，只差等我首肯，點算好，我實在決定唔到，各位，可以俾些意見嗎？
作者: torunpoland 時間: 13-10-31 21:28
只可以說句，針無兩頭利，就看你自己想怎樣：
(a) 準時收工，跟女兒有較多時間接觸，若女兒功課跟不上，你可以幫手；但跟得上，你其實跟她每晚一起的時間也只是幾小時，親情無價
(b) 晚晚OT，萬一女兒功課跟不上，你又忍不住手要提點幫忙，到時你人未吃飯，已經疲憊不已；如果跟得上，你每晚和她相處的時間只有更少．你用高薪為交換，也許放假時，一家大細去旅行去得密一些，去得遠一些，買玩具買衫鬆手些
(a) 或 (b) 沒有對與錯，即是問你喜歡紅色或藍色．人人口味不同．最好當然是準時收工但工資高啦，但如果是這樣，世界便沒有那麼好玩．
作者: swng21 時間: 13-10-31 21:54 標題: 回覆：轉工的煩惱
其實當中的利弊我唔係唔明，但我做緊行業行頭窄，機會咁好嘅，唔係咁易有，而多出嘅錢亦可令經濟壓力得到舒緩，所以先咁難決定，好頭痛！大家可否話我知，如果係你，你會點揀？
作者: longlokma 時間: 13-10-31 21:58 標題: 引用：其實當中的利弊我唔係唔明，但我做緊行業行
原帖由 swng21 於 13-10-31 發表
其實當中的利弊我唔係唔明，但我做緊行業行頭窄，機會咁好嘅，唔係咁易有，而多出嘅錢亦可令經濟壓力得到舒 ...
作者: swng21 時間: 13-10-31 22:17 標題: 回覆：轉工的煩惱
個agent係咁催我，我好頭痛，唔知點算好！
作者: swng21 時間: 13-10-31 22:18 標題: 回覆：轉工的煩惱
好驚自己做錯決定，連累屋企人，好似有舊大石壓係心口！
作者: sumyau1012 時間: 13-10-31 22:20 標題: 回覆：swng21 的帖子
我曾經在女女小一初返新工，上年十月返工，我晚晚返到家已經8：00，（阿女9：00訓）間中更夜。新工係一間好大既公司，人工福利樣樣都好，我都好鐘意，到左今年6月，我食回頭草。因為我唔想無乜時間陪女，變左每晚只叫佢練習，無溝通。但返返舊公司，又覺得人工福利太小。總括，我覺得人係開心左，不過就好似放棄左自己前途。（我自己也算是年輕）所以我都唔知對與錯。
作者: swng21 時間: 13-10-31 22:34 標題: 引用：我曾經在女女小一初返新工，上年十月返工，
原帖由 sumyau1012 於 13-10-31 發表
我曾經在女女小一初返新工，上年十月返工，我晚晚返到家已經8：00，（阿女9：00訓）間中更夜。新工係一間好 ...
作者: swng21 時間: 13-10-31 23:05 標題: 回覆：轉工的煩惱
頭先agent打俾我，同我講，個dept head話如果我要返學，啲時間可走盞，只不過見工當然唔會講到咁實啦！講講下，我終於忍唔住喊出唻，不過我知，事情總要被解決！
作者: fc926 時間: 13-10-31 23:16 標題: 回覆：轉工的煩惱
依家才11月，仲有10個月先至小一開學，俾自己試下先囉，唔啱或到時再轉，或者你呢10個月表良好，公司會珍惜你呢位員工而到開學後俾多D flexibity呢
作者: huba 時間: 13-10-31 23:23 標題: 引用：各位家長，我都知事情可能同小學無大直接關
本帖最後由 huba 於 13-10-31 23:25 編輯
原帖由 swng21 於 13-10-31 發表
各位家長，我都知事情可能同小學無大直接關係，但迫在眉睫，想請教各位意見。
小妹本身有份工，人工遠低於 ...
妳先生的工作量如何？家庭財政壓力大嗎？可有跟丈夫商量？
作者: swng21 時間: 13-10-31 23:42 標題: 回覆：轉工的煩惱
其實我倆收入唔高，所以新工人工嘅調整，有好大吸引力，大家嘅壓力真係減輕唔少，我先生其實俾到我嘅意見同各位差不多，決定權始終睇我自己，由於無人知點先係最好決定，所以先令我覺得好大壓力，畢竟，我要顧的不是我自己一人！
作者: swng21 時間: 13-10-31 23:45 標題: 回覆：轉工的煩惱
我都曾經希望新工加班嘅情況無想像咁惡劣，但我又怕，萬一真係點算好？！
作者: huba 時間: 13-10-31 23:48
本帖最後由 huba 於 13-10-31 23:49 編輯
swng21 發表於 13-10-31 23:42 
其實我倆收入唔高，所以新工人工嘅調整，有好大吸引力，大家嘅壓力真係減輕唔少，我先生其實俾到我嘅意見同 ...
大家明白妳有壓力，但決定始終要做，不去決定本身就已經是一個決定。
最重要是要接受自己的決定及負責，不要將來對孩子說什麼媽媽為他犧牲了前途之類的話。
作者: huba 時間: 13-10-31 23:53
swng21 發表於 13-10-31 23:45
我都曾經希望新工加班嘅情況無想像咁惡劣，但我又怕，萬一真係點算好？！
...
作者: 魚王 時間: 13-10-31 23:58 標題: 回覆：轉工的煩惱
我會不轉。另願慢慢找份人工高些又到準時收的。小朋友緊要些，老公都緊要。
作者: swng21 時間: 13-11-1 01:28 標題: 回覆：huba 的帖子
係呀！其實而家公司除咗準時放工無老闆夠膽話我地好走，同自己級同事和諧開心之外，無咩野好，啲老闆自己鉤心鬥角攞著我地唻搞，人工又差，啲制度愈搞愈亂，所以即使真係決定轉工，而又做唔長，都一定唔會食回頭草。如果份工係好，都唔會想轉啦！
作者: swng21 時間: 13-11-1 01:34 標題: 引用：我會不轉。另願慢慢找份人工高些又到準時收
原帖由 魚王 於 13-10-31 發表
我會不轉。另願慢慢找份人工高些又到準時收的。小朋友緊要些，老公都緊要。
...
作者: sumyau1012 時間: 13-11-1 07:53 標題: 回覆：huba 的帖子
無錯，如果決定了，一定唔可以話自己為仔女羲生。我老公有時會同我講，你為左女羲生一間咁有前途的公司，值得嗎。我回答，不可以這樣說，始終舊公司返工輕鬆，人又開心，唔可以提因女問題而轉。
作者: maggieddie 時間: 13-11-1 07:54 標題: 回覆：轉工的煩惱
我係你都唔會轉 仔女比金錢更重要 賺多多錢都彌補唔到親子關係！
作者: swng21 時間: 13-11-1 08:24 標題: 回覆：轉工的煩惱
如果決定咗唔轉，我唔係果種會對住仔女埋怨嘅人，就因為仔女對我而言同前途一樣重要，先左右為難！
作者: readymama 時間: 13-11-1 08:43
我讚成轉。你是媽媽，阿b 同老公以你為首，你要發展衝出另一個stage, 你個b 先唔會局限係個井底。就好似老細咁如果佢話俾多D 時間同同事相處同栽培同事而自己唔先打頭陣去發展間公司，之後叫同事話我放棄好多栽培你係你為公司出力既時候啦，你幫公司衝出去啦，個下屬都唔會衝到因佢採你都傻，佢會覺得你只顧自己舒服同感受，而唔grow, 但要d 細去grow. 你現讀緊書都係想再有發展機會，唔理佢最後是否出來有最好結果，但你既選擇同真係新工ot 到死亦會迫你再諗點處理，呢d 既decision making 都係成為你同阿b 第二時experience share 既info. 你阿b 雖見得你少但知阿媽努力會以你做旁樣。 就係見得少大家才會珍惜。但你既開心係會影響成家人。你去第二個圈識到第二D 同事媽咪又可SHARE D 唔同既training centre 同補習之類info,.
作者: Isaacmommy 時間: 13-11-1 08:53 標題: 回覆：readymama 的帖子
我覺得可以試吓，因你小朋友出年先小一而到時你已讀完書，可顧少一樣嘢。到最後如果唔ok, 揾噃份低於市價但時間好啲嘅工唔太難掛！
作者: swng21 時間: 13-11-1 09:17 標題: 回覆：轉工的煩惱
由於今日一定要決定，心情仍處於沉重當中，今早同先生再傾過，佢話我太多野顧，又要讀書又想湊仔，根本搞唔掂，所以唔建議我轉。當時心情戚戚然，因為佢突然咁決斷性嘅答案令我打窒，我話反正兩面不是人，不如擲公字決定算吧啦！(當然，應該…純粹講下)，唉…還未能決定到！
作者: torunpoland 時間: 13-11-1 09:27
轉吧! 第一唔轉你唔心息, 會有唔甘心的感覺
第二, 試了幾個月先, 好處是可能另有一片天, 最差咪就係都可以有幾個月的高薪
其實問別人會怎樣選, 真是沒有參考價值, 因為人人的價值觀不同, 家庭環境考慮亦有異. 我就選擇放棄高薪厚職, 只做散工, 希望多些時間照顧家庭, 但話說回來, 如果先生收入有限, 而又沒有前景, 我也許不會作這決定.
作者: chunsamyuen 時間: 13-11-1 09:46
提示: 作者被禁止或刪除 內容自動屏蔽
作者: Anlam 時間: 13-11-1 09:53
從你聽到先生叫你唔好轉時的反應，你都應該想轉吧？
我覺得無論決定係咩，只係唔好諗後悔與否就無問題。
作者: swng21 時間: 13-11-1 09:55 標題: 回覆：轉工的煩惱
已經覆咗個agent話唔轉，其實我自己都好失望，畢竟自己學曆唔算高，見得成一份自己想要嘅工唔容易，不過屋企人唔贊成，都無辦法！(想打個表情符號，都無一個表達到呢刻心情……)
作者: swng21 時間: 13-11-1 10:04 標題: 回覆：轉工的煩惱
無錯，事實上，我的確唔甘心，因為新工唔差，無論前景同錢途都相當明朗，我亦唔係怕辛苦嘅人，只係，由結婚，生小朋友到而家，好像從無停止過煩惱，現在的工作週遭人嘅處事亦督眼督鼻，只不過勝在時間彈性而已，可能會唔開心一段時間，多謝你地嘅意見！
作者: LSKLTK 時間: 13-11-1 10:46 標題: 回覆：swng21 的帖子
本帖最後由 LSKLTK 於 18-1-27 18:04 編輯
Don't be upset. I changed job because of higher pay, better prospect.......although it was very stable
作者: BFIF 時間: 13-11-1 10:55
swng21 發表於 13-11-1 10:04
無錯，事實上，我的確唔甘心，因為新工唔差，無論前景同錢途都相當明朗，我亦唔係怕辛苦嘅人，只係，由結婚 ...
作者: swng21 時間: 13-11-1 11:20 標題: 回覆：轉工的煩惱
新工個經理反而講咗最壞嘅情況，就因為唔知情況係咪真係咁差，先唔夠膽摶！
作者: 魚兒小寶貝 時間: 13-11-1 11:26
swng21 發表於 13-11-1 10:04
無錯，事實上，我的確唔甘心，因為新工唔差，無論前景同錢途都相當明朗，我亦唔係怕辛苦嘅人，只係，由結婚 ...
作者: 豆豆B媽 時間: 13-11-1 11:33
可能新工個經理真係好like 你, 話比agent 聽比你準時收工呢. 哈哈
我見佢好似好like 你
作者: 魚兒小寶貝 時間: 13-11-1 11:34
你搵多了幾年錢，滿足了幾年工作慾，幫補了幾年生計，但。。。失去了什麼? 失去了的，可能是自己及小朋友一輩子的事情。
作者: swng21 時間: 13-11-1 11:46 標題: 引用：可能新工個經理真係好like+你,+話比agent+
原帖由 豆豆B媽 於 13-11-01 發表
可能新工個經理真係好like 你, 話比agent 聽比你準時收工呢. 哈哈
我見佢好似好like 你 ...
作者: lestat 時間: 13-11-1 12:23
swng21 發表於 13-11-1 09:17
由於今日一定要決定，心情仍處於沉重當中，今早同先生再傾過，佢話我太多野顧，又要讀書又想湊仔，根本搞唔 ...
如果唔甘心就轉吧, 但一定要盡力响呢段時間表現自己, 令公司覺得你係人才, 商業世界好現實, 做到嘢BARGAINING POWER自然高, 做唔到嘢留幾夜都係冇意思, 同埋可唔可以朝早先OT? 我自己份工都經常要OT, 有時候多嘢做, 七點就番到公司, 因為我唔想遲走, 如果你係幫得手, 相信新公司會願意配合, 所以大前提係要轉就要做到最好 
作者: swng21 時間: 13-11-1 12:39 標題: 回覆：轉工的煩惱
到咗呢刻，除咗無奈，我都唔知講咩好，好唔開心，但無辦法！
作者: babychin 時間: 13-11-1 14:58 標題: 引用：Quote:swng21+發表於+13-11-1+09:17+由於今
原帖由 lestat 於 13-11-01 發表
如果唔甘心就轉吧, 但一定要盡力响呢段時間表現自己, 令公司覺得你係人才, 商業世界好現實, 做到嘢BARGAIN ...
起碼自己唔會後悔
作者: swng21 時間: 13-11-1 16:03 標題: 回覆：轉工的煩惱
雖然係咁，都開咗聲推咗，想轉都無lu!
作者: sexymami 時間: 13-11-2 08:30 標題: 回覆：轉工的煩惱
我唔會轉工！
冇錯你人工係高左，但工作時間又長左啫！
咁係咪即係計返時薪係差唔多？
如又如果依家有份part time, 每晚由你放工做到8／9點，每個月會多一萬／幾千蚊，你會做嗎？
我地哩啲媽咪，都係想多啲對住小朋友，尤其佢依家咁細。到佢好快大左，你想陪下佢，佢都叫你行埋一邊喇！（誇張！）
不過我個時就係因為咁都轉左工！（但唔知到新工會咁辛苦！）後悔到我死呀！
到最後仲辭埋職添！
唔好睇少晚晚做到8／9點的壓力，唔止做多2／3個鐘咁簡單！
作者: sexymami 時間: 13-11-2 08:45 標題: 回覆：轉工的煩惱
所以你應該開心！冇轉工！
多啲親子時間，幾多錢都補唔返！
等過多幾年，小朋友大啲，小學又上左軌道，你知道可以再向前邁進一步時，再去搵都未遲！
作者: bckwong 時間: 13-11-2 10:26
如果係我..當然係選擇多時間陪小朋友啦~ 錢搵唔晒, 但佢既童年係無得TAKE TWO!
作者: jutau 時間: 13-11-2 20:30 標題: 回覆：轉工的煩惱
我會轉工，因為小一功課在k3都有教，小朋友已有啲認識，你可以在暑假期間再俾佢接觸多啲小一嘅課本。因為賺多咗錢我會再送佢去功課輔導班，你有請姐姐嘛？不過姐姐要醒目幫得手先得，唔係仲煩
作者: swng21 時間: 13-11-2 22:57 標題: 回覆：轉工的煩惱
望住阿仔，心裡明白唔轉工係應該嘅！各位，多謝你地嘅意見！
作者: swng21 時間: 13-11-3 01:23 標題: 回覆：轉工的煩惱
雖然事情已經告一段落，但從今次經驗，我知道：一，孩子及家人於我心目中最重要，我愛我的家人，縱使我很惡！^^二，我相信自己仍有市場價值，雖然每過一年，機會看似愈少，但到適當時，希望仍是會有的，就趁現在裝備自己吧！三，現在的公司，我可以講，是我給它機會，而非它給我機會！四，同事們，別睇死我不會轉工，只是不適合我罷了！雖然機會看似失去了，就寄望將來吧！
作者: swng21 時間: 13-11-4 16:43 標題: 回覆：轉工的煩惱
有位朋友知道我放棄咗份工，見份工好好pay想執二攤睇下人地請唔請，原本佢無家庭負擔又無讀書，應該好易就，不過佢想人地就佢下年四月no pay放整個月去歐洲旅行，唔知人地肯唔肯？！大家點睇？
| 歡迎光臨 教育王國 (/) |
Powered by Discuz! X1.5 |