教育王國

標題: 有人因為學校的樓梯,而不選擇這幼稚園嗎? [打印本頁]

作者: wawa~~ 時間: 13-10-31 14:45 標題: 有人因為學校的樓梯,而不選擇這幼稚園嗎?

收到一所幼稚園的上午班OFFER, 有外籍老師教英文,校舍好大

,但C6話有太多樓梯, 小朋友好易碌落樓梯,

就算自己好小心,也可能被同學仔推咗落樓梯,大家有什麼睇法,唔該

作者: titanlow 時間: 13-10-31 14:56

我女學校樓高兩層, 佢因為呢條樓梯先肯係面試答人問題...哈哈！兩個女讀了2年和3年都好平安, 亦無其他小朋友有事。

你老公太多疑啦, 平地...一樣可以俾其他小朋友推倒趴地,...上落樓梯反而老師會提醒小朋友要注意，咁樣都要驚, 唔好出街先得了！

作者: breadbb 時間: 13-10-31 14:58 標題: 回覆：有人因為學校的樓梯,而不選擇這幼稚園嗎?

行得多樓梯對大肌肉都好d啦！

作者: 剛果公主 時間: 13-10-31 15:08 標題: 引用：收到一所幼稚園的上午班OFFER,+有外籍老師

提示: 作者被禁止或刪除內容自動屏蔽

作者: Jane1983 時間: 13-10-31 15:08

上落樓梯都會有老師或嬸嬸睇住，日常亦吾會比小朋友係樓梯玩。

吾敢講話吾會出意外，但機會吾高，我吾會因為咁吾讀間學校。

作者: 小洪寶 時間: 13-10-31 15:27

有樓梯係好事

作者: GCG 時間: 13-10-31 15:32

absolutely unresonable.

wawa~~ 發表於 13-10-31 14:45
收到一所幼稚園的上午班OFFER, 有外籍老師教英文,校舍好大,但C6話有太多樓梯, 小朋友好易碌落樓梯, ...

作者: coffeeyu 時間: 13-10-31 15:32

系吾系黄大仙果間，想問下幾時會有通知，因我囝in 左～

作者: seiko123 時間: 13-10-31 15:38 標題: 回覆：有人因為學校的樓梯,而不選擇這幼稚園嗎

我仔讀n班間學校也有樓梯，但我仔每次上落樓梯都記得扶手，因為平時老師要求，幾好！

作者: 珠珠妹dy 時間: 13-10-31 15:39 標題: 回覆：有人因為學校的樓梯,而不選擇這幼稚園嗎

提示: 作者被禁止或刪除內容自動屏蔽

作者: BB_Duck 時間: 13-10-31 15:39

我仔每日要上四層樓, 有時仲要上多一層到天台玩.. 我覺得對佢地小朋友嚟講係好好既段練..

作者: beautylion 時間: 13-10-31 15:41

有咩野問題? 小朋友仲可以做多D運動~

作者: Rose0708 時間: 13-10-31 15:51

做多d運動身體好, 強化心臟, 增強抵抗力, 無咁易病呀!

作者: journeyman 時間: 13-10-31 15:56

睇下你既selection criteria 係mut? 隔離thread都有人話個interview process唔smooth所以唔去讀...

作者: sake_hk 時間: 13-10-31 15:56 標題: 回覆：有人因為學校的樓梯,而不選擇這幼稚園嗎

其實好多幼稚園都有樓梯！何況有老師睇住，做家長應該放心交比學校！就算真遇到意外擦傷，我相信只係個別問題！小朋友要長大，要慢慢學面對、獨立！

作者: isolg_ying 時間: 13-10-31 16:04 標題: 回覆：sake_hk 的帖子

越會有危機嘅地方，其實越安全，因為大家都會小心，有冇聽過以前啲人講啟德機場好少意外？因為大家都知道個跑道短，要特別小心，好少有唔小心造成的意外

作者: ivypooh 時間: 13-10-31 16:15 標題: 回覆：有人因為學校的樓梯,而不選擇這幼稚園嗎?

我屋企要行2層樓梯，冇lift,甘我小朋友未唔駛返屋企

作者: fungtaitai 時間: 13-10-31 22:22 標題: 回覆：有人因為學校的樓梯,而不選擇這幼稚園嗎?

我都擔心，吾是驚佢吾行，是驚佢行得太快太急，我吾知第時上堂要行幾層樓梯，會有幾多老師，姨姨睇住行，我就吾放心囉，所以有其他選擇我就吾會選呢間。

作者: lanjarbi 時間: 13-10-31 23:01

小心老公變怪獸家長！

作者: tiggeryyw 時間: 13-10-31 23:25

回復 lanjarbi 的帖子

我不會因為條樓梯而不選，點解而家D小朋友行樓梯都擔心？我N年前在葵涌讀幼兒班至高班，我好記得要行起碼三十級樓梯先返到，爸爸返工順便帶我返學,佢只會企在樓梯下面跟我揮手直至我自己行到頂

現在女女讀的幼稚園都要行一層先到

作者: lc1010 時間: 13-10-31 23:28

journeyman 發表於 13-10-31 15:56
睇下你既selection criteria 係mut? 隔離thread都有人話個interview process唔smooth所以唔去讀... ...

我都見到好多。

作者: marcuscyrus 時間: 13-11-1 10:00

樓梯舖哂地墊包哂角，要行嗰時老師同姨姨莉中後包抄，仲安全過在屋企。

作者: wawa~~ 時間: 13-11-1 10:34

Jane1983 發表於 13-10-31 15:08
上落樓梯都會有老師或嬸嬸睇住，日常亦吾會比小朋友係樓梯玩。

吾敢講話吾會出意外，但機會吾高，我吾會因 ...

c6話老師睇唔到咁多

作者: wawa~~ 時間: 13-11-1 10:35

marcuscyrus 發表於 13-11-1 10:00
樓梯舖哂地墊包哂角，要行嗰時老師同姨姨莉中後包抄，仲安全過在屋企。

係這間幼稚園做得好

作者: wawa~~ 時間: 13-11-1 10:37

titanlow 發表於 13-10-31 14:56
我女學校樓高兩層, 佢因為呢條樓梯先肯係面試答人問題...哈哈！兩個女讀了2年和3年都好平安, 亦無其他小朋 ...

點解有樓先肯答面試問題,好奇一問

作者: wawa~~ 時間: 13-11-1 10:38

coffeeyu 發表於 13-10-31 15:32
系吾系黄大仙果間，想問下幾時會有通知，因我囝in 左～

不是黃大仙,是在大角咀的深培中英文幼稚園

作者: 碟碟 時間: 13-11-1 10:41

呢個唔係考慮因素喎, 小朋友點都要學行樓梯, 行多的只會對佢好, 你先生太"小心"嘞...叫佢要學懂放手, 比機會小朋友成長....

作者: vnghk0001 時間: 13-11-1 10:41 標題: 回覆：有人因為學校的樓梯,而不選擇這幼稚園嗎?

咁有好多幼稚園都唔洗返啦

作者: wawa~~ 時間: 13-11-1 10:41

lanjarbi 發表於 13-10-31 23:01
小心老公變怪獸家長！

但他對女兒的學業一點都不緊張

作者: yamin 時間: 13-11-1 11:00 標題: 引用：收到一所幼稚園的上午班OFFER,+有外籍老師

原帖由 wawa~~ 於 13-10-31 發表
收到一所幼稚園的上午班OFFER, 有外籍老師教英文,校舍好大,但C6話有太多樓梯, 小朋友好易碌落樓梯, ...

看到樓主的post，我不禁回心微笑。我估你一定同老公在教養小朋友上有好多分歧，我也和你差不多。有時真係唔明點解老公的思想咁奇怪，講又唔聽，聽又唔上心，唔識又唔去學去問，自己覺得自己啱。有時我會好激氣。他們有自己一套的想法，我諗同他們成長經歷有關。你老公可能認為唔讀呢間學校唔使死，但讀左有機會跌至重傷。第時小朋友在此校有大大小小損傷一定話你唔啱，當初俾佢讀呢間。我覺得你應該聽你老公意見，由他話事，難得他肯話事，咁他就要負責、積極和你一起教養小朋友。或者撞幾次板，老公也會不斷從中學習點做父母，也會明白過分保護小朋友的壞處。你應該欣賞你老公，他咁緊張小朋友（女仔吧？）。我果個好冇心裝載，好求其，同呀仔玩到顛，欠安全意識

作者: wawa~~ 時間: 13-11-1 11:18

回復 yamin 的帖子

我都決定聽佢話,費事第時佢怨我,你真係講得好中,平時對阿女的學業什麼都不緊張,我只能無奈。現在阿女讀緊PN班,阿女超級喜歡返學,只是這間學校沒外籍老師,語言應細細個開始學,但轉校阿女唔一定喜歡新學校,如果再收到其他學校OFFER,都唔知轉唔轉校好,唉......

作者: candytsy 時間: 13-11-1 13:34

我想樓梯只係其中一個不理想學校的籍口,難得你老公咁有危機感,通常男人湊小朋友都唔會想到呢啲,既然大家意見不一就只好一方讓步,外人也不能多作意見.但我個人覺得樓梯可以幫小朋友大肌肉發展.

作者: 靚媽1208 時間: 13-11-1 14:45 標題: 回覆：有人因為學校的樓梯,而不選擇這幼稚園嗎

有樓梯仲好，當訓練

作者: wawa~~ 時間: 13-11-1 14:54

回復 candytsy 的帖子

被你說中要點,這間只有半日,我自己喜歡全日,而且在BK有JM話這間學校的老師沒愛心,我都唔知信唔信好, 萬一是真的,就大件事了,

作者: GCG 時間: 13-11-1 16:04 標題: 引用：回復+candytsy+的帖子被你說中要點,這間

原帖由 wawa~~ 於 13-11-01 發表
回復 candytsy 的帖子

被你說中要點,這間只有半日,我自己喜歡全日,而且在BK有JM話這間學校的老師沒愛心,我 ...

吾好比我講中，妳老公話樓梯危險只係借口，只不過佢求其up 出來，其實原因佢最清楚亦吾想講比妳聽吧！

作者: manwai11 時間: 13-11-1 18:25

我試過, 我原本想幫囝囝報黃大仙一間幼兒園，但樓梯太高及要上四層先到, 最後我決定放棄, 我唔係驚囝囝會跌死, 而係我囝囝上到二樓, 因樓梯好高, 佢而家唔夠氣再上, 我要抱佢上去, 擔心日日要抱佢上足四層, 我自己會被壓死, 囝囝有成27磅.

作者: Chirley 時間: 13-11-1 18:39

我囝勁鍾意行樓梯啵, 所以我唔會覺得有問題
不過我贊同其他媽媽講, 小朋友既野要兩公婆有共識,
當你老公開到口, 就要兩個傾掂佢,
呢d野緊要過小朋友讀邊間...

作者: wawa~~ 時間: 13-11-1 21:46 標題: 回覆：manwai11 的帖子

終於揾到同道中人

作者: ^GGmami^ 時間: 13-11-1 22:36 標題: 回覆：有人因為學校的樓梯,而不選擇這幼稚園嗎

有，tko gv條樓梯超長，所以有pn offer都rej

咁細個仲要揹書包行好吃力！

作者: wawa~~ 時間: 13-11-1 23:12 標題: 引用：有，tko+gv條樓梯超長，所以有pn+offer都re

原帖由 ^GGmami^ 於 13-11-01 發表
有，tko gv條樓梯超長，所以有pn offer都rej 咁細個仲要揹書包行好吃力！

...

都好應同,pn班小朋友,好細個喎, 真係有危險

作者: leung_leung 時間: 13-11-2 00:30

我囝囝pn班，學校一入去就係樓梯要落，總共有三層。番咗兩個月學，原本由自己唔多識上落樓梯，到而家自己主動話要行樓梯，同放心唔駛拖住上落。我覺得佢進步好大，每次佢上落樓梯仲好開心。其實都係一種訓練，講真老師都會教小朋友上落樓梯要注意o既事項，小朋友亦會學懂遵守規則，尤其對生命有威脅時。當佢哋啲大肌肉發展得好時，上落樓梯已經係好簡單啦~

作者: kongman 時間: 13-11-2 03:04

如果係pn班，小朋友得嗰兩歲幾，當然未適合行咁多樓梯，但如果上到Ｋ班就無所謂，重可以順便鍛練身體。中區有兩間幼稚園——聖心同聖士提反女校，從大門口到課室不知要行幾多級樓梯，但係大把人爭住讀！

作者: HaYi 時間: 13-11-3 17:06

以前大仔未入SC K1 前我都有擔心此問題, 因為佢好易跌, 結果讀左3年, K2K3要上樓, 都冇發生過事. 依家細的在另一N1天天要行上一層才入課室, 佢好開心, 仲行得好快, 我反而不擔心.

作者: 花花之家 時間: 13-11-3 18:38

我阿女interview 時好鍾意D樓梯因此我決定去呢家 ! 行得多健康D !

作者: Jomei 時間: 13-11-3 19:21

回復 wawa~~ 的帖子

我以前識得一個家長又係話好肉赤個仔日日要行上行落甘多樓梯，仲講到好後悔入左間幼稚園，我即時既反應覺得好小事啫，駛乜甘困擾自己，梗何況學校係每層樓梯間有姐姐和老師睇住，咪當俾小朋友肌肉運動囉！我覺得很好，其實小朋友開始大了，做家長都開始學懂放手讓小朋友成長。

作者: Joball 時間: 13-11-3 22:25 標題: 引用：Quote:Jane1983+發表於+13-10-31+15:08+上

原帖由 wawa~~ 於 13-11-01 發表
c6話老師睇唔到咁多

我冇in 一間n, 因為攔河一米左右高，我14月B已有78cm 我上落都覺得危險！
報名日，員工不多

作者: cscsmlkyh 時間: 13-11-4 12:58

雖然我唔會因為咁唔讀間學校, 但有得揀既話我會揀間冇乜樓梯既

作者: eliselin 時間: 13-11-4 13:14

回復 Jomei 的帖子

作者: joanna1388 時間: 13-11-5 00:35

回復 wawa~~ 的帖子

歡迎光臨教育王國 (/)