教育王國

標題: 今年剛升小一的家長 [打印本頁]

作者: hellohelloruby 時間: 13-10-31 10:25 標題: 今年剛升小一的家長

我個仔返咗小學已2個月了, 我覺得佢好似應付唔上咁, 已經2次英默0分了, 我已經用咗一個星期同佢串字, 但唔知點解串極都唔入腦, 中文, 數學成績都麻麻地, 主要唔專心, 老師都有投訴過佢操行都唔係咁好, 我有少少懷疑佢有學習遲緩, 請問邊度有得評估呢? 好擔心佢再係咁會升唔到班, 我同爸爸都要返工, 返到嚟食完飯, 教得2個鐘就要訓, 好痛苦! 好想幫佢, 唔知點幫

作者: bckwong 時間: 13-10-31 10:36

本帖最後由 bckwong 於 13-10-31 10:37 編輯

打電話去健康院問護士, 或搵附近社會福利署既社工, 幫你轉介去有關機構做評估!!
又或者揾學校既社工幫手!!

作者: kiko840101 時間: 13-10-31 10:39

佢應該係抗拒的心理作怪，同埋可能係想你多D擺心思同佢玩，而唔係一味催功課，默書，說實話，我到宜家都未完全適應我個女返咗小學的生活模式，未收工就開始諗，功課唔知做到點樣，係唔係掛住睇電視或者悶到訓覺？又或者全部等我返到去先開始，一諗起就抓狂。不過，生活是現實的，唔返工又無可能，所以，唯有，每天都想抱住戰鬥的心態，但是方式卻儘量讓小朋友感到舒服D，用遊戲的方式串字，可能沖緊涼的時候，可能臨訓前，或者同佢一起在畫板上，希望每一次都有小小進步就OK拉....

作者: cecilau 時間: 13-10-31 10:55

回復 hellohelloruby 的帖子

學校會有小一識別計劃的, 老師應該會睇到的, 你都可以早d 同老師講你所擔憂的.
小朋友係一定會學到的, 不過係差左用咩方法同時間. 英文串字, 你可以用不用的方法, 唱歌, 圖像, 作故事去加深佢記憶. 每日串少少, 再重溫.

作者: hellohelloruby 時間: 13-10-31 11:19

回復 kiko840101 的帖子

現在的教育制度令人好攰, 間間學校都催谷, 我有想過轉校, 想搵間唔功課, 少d默書, 奈何現實中而家間間都係, 每日放工即走去接佢, 睇功課, 溫下默書, 好快又夠鐘要訓, 而家連親子遊戲時間都減埋,因為第二朝又要早起身返學

作者: bee918 時間: 13-10-31 14:05

cecilau 發表於 13-10-31 10:55
回復 hellohelloruby 的帖子

學校會有小一識別計劃的, 老師應該會睇到的, 你都可以早d 同老師講你所擔憂的 ...

請問 "小一識別計劃" 是如果執行? 所有小學都有嗎?

作者: clara1477 時間: 13-10-31 14:29 標題: 回覆：今年剛升小一的家長

可能遲D 家長要搞個反學校催谷小學生運動。。。

作者: MrBeast 時間: 13-10-31 14:34

如樓主孩子是讀官津，可和班主任或附責sen的主任商量，他們會refer給edb 的兒童心理e生做評估，不過可能要等。

作者: cecilau 時間: 13-10-31 14:43

回復 bee918 的帖子

應該所以官津校都有的, 你同學校的輔導老師傾下啦.

作者: cecilau 時間: 13-10-31 14:45

回復 hellohelloruby 的帖子

唉... 好有同感呀.. 而家的小朋友真係好可憐, 由其好多官津校都好多功課, 仲要好多無謂的功課呀.
最慘唔係個個小朋友咁醒目, 做得咁快的, 有d 小朋友真係做得慢, 學習得慢, 但都要跟呢個大隊填鴨模式.
跟跟下跟唔到得話, 小朋友就會無心機再讀書的啦. 仲要而家的課程係又快又深.

作者: 魚兒小寶貝 時間: 13-10-31 16:14

http://www.asld.org.hk/

家長敎育工作 -＞家長錦囊處下載小冊子

作者: chunsamyuen 時間: 13-10-31 16:37

提示: 作者被禁止或刪除內容自動屏蔽

作者: Cathy.Leung 時間: 13-10-31 17:15 標題: 引用：回復+hellohelloruby+的帖子請問讀幼稚園

原帖由 chunsamyuen 於 13-10-31 發表
回復 hellohelloruby 的帖子

請問讀幼稚園時有無自已同佢溫下中,英,數 ? 如讀名幼就不用,因為學術已深,不 ...

Agree在幼稚園階段真的要多認生字，我仔係讀輕鬆既幼稚園，K2開始同佢差不多每天溫習認字，過程雖然勞氣，但宜家升小一見佢都差不多可自己睇題目做功課了。

作者: MrBeast 時間: 13-10-31 17:57

樓主，你小孩不專心，可能因為是他不明老師講乜和覺得難，首先你要放下成績分數（因為你孩子會sense 到你緊張），不是他的問題（不竟是你生出來和教的ma).

然後最好找他比較好的一料，找有效的方法去幫他加強，有進步他有成功感便有轉機，之後才tackle 第二料。

之於教法，因人而異，最主要是他能明白和記到，我見過一個mami 一輪嘴講30 mins, 我見到她小孩的樣子一舊雲肯定是唔知佢阿媽up 乜。

我的小孩k3時和你的差𣎴多，發現得早，用了很多不同的方法和時間to bring my kid back on track, 現時小學暫時也survive 到，只要你有心和堅持，一定可渡過到的。

最後，協康有個尋因越障小組課程，target 疑有讀障的小一生，check it out.

作者: 魚王 時間: 13-11-1 00:10 標題: 回覆：今年剛升小一的家長

仔仔初期温足四曰，教了他不同方法温串字，都記不到，最後鬧佢一輪，同佢講，五理你用乜方法，總知我比十分鐘你，你記左佢，我然後我離開，跟着十個字識串七個，然後讚佢，你係得的比心幾就得了，結論係，佢要立心诀定去記，和找到他自己的方法去記。

作者: hellohelloruby 時間: 13-11-1 08:42

回復 MrBeast 的帖子

thanks!

作者: MrBeast 時間: 13-11-1 09:43

本帖最後由 MrBeast 於 13-11-1 09:53 編輯

借花敬佛，送你一段片，skip to 29:00 to see some examples on 故事法
http://www.youtube.com/watch?v=Osj_VYPNNyk&sns=em

作者: bb560 時間: 13-11-1 10:13

hellohelloruby 發表於 13-10-31 10:25
我個仔返咗小學已2個月了, 我覺得佢好似應付唔上咁, 已經2次英默0分了, 我已經用咗一個星期同佢串字, 但唔 ...

你有冇發現佢做乜野會尊心？

作者: COE1205 時間: 13-11-1 10:57

魚王發表於 13-11-1 00:10
仔仔初期温足四曰，教了他不同方法温串字，都記不到，最後鬧佢一輪，同佢講，五理你用乜方法，總知我比十分 ...

SAME AS MY SON

作者: kiko840101 時間: 13-11-1 13:43

回復 hellohelloruby 的帖子

你咁樣會搞到自己好攰同埋對仔仔的信心減弱，俾D正能量自己，相信到了一定的階段，會慢慢好起來的。過程係辛苦的，揾D方法改善，同仔仔，同自己，同老公，唔係你自己一個人面對的，加油！！！

作者: 哈利媽 時間: 13-11-1 14:08

想知大家有冇攞假同小朋友溫書呀? (測驗 / 考試)

作者: FATSHIT 時間: 13-11-1 14:27

看看能不能多點時間陪他溫習，若吟情況，真係要一放學即搞，做功課&溫，去學校接佢，多問下老師，仲要搞下D品德，再係吟我想老師都會找你傾，我都知要返工又要同佢溫是很辛苦的，加油

作者: TOLAM 時間: 13-11-2 11:49

如果懷疑小朋友有學習上的障礙, 可以在第一次考試後的家長會和班主任提出.
班主任會和你分析小朋友既情況 & 有無需要做評估的.

作者: agnes128 時間: 13-11-4 22:53

我仔仔讀官津校,每日得兩三樣功課,一星期1次中英文默書, 小一全年評估,無測無考,小二打上先要測2考2!

作者: iloveu2 時間: 13-11-5 07:38

Agnes128 間學校好開心呀

作者: skkeung 時間: 13-11-5 10:26 標題: 回覆：今年剛升小一的家長

永恆的問題！學校有自已的教學進度，不會遷就個别學生！難為了學生！不明的地方越來越多，補習是唯一出路！補習同吃毒品一樣，容易出現依賴！

歡迎光臨教育王國 (/)