教育王國

標題: 2011 年細B 家長的矛盾 [打印本頁]

作者: sweet_heart2011 時間: 13-10-31 00:08 標題: 2011 年細B 家長的矛盾

11年12月女，出年一月會返PN
依家全力報 2014 K1, 幸運地已經有一個am offer, 加埋PN 果間原校升K1, 接下來幾個禮拜可以放心揀一線學校面試。
到出年K1, 已經有七個月PN 經驗，希望跟得上。
下年九月可以再以超大B 報最心儀既K1 再睇下PN/K1讀成點同出年邊間收而決定使唔使repeat K1

想法如下：
1. 要做大B, 我寧可repeat K1 而唔係超大B 讀PN, 因為怕佢大B讀PN 既野會悶
2. 每個小朋友既發展都唔同，除非真係跟唔上（PN 果幾個月希望可以知道），我覺得做細B 無咩問題。相反做左超大B 但卻比細B 差，可能仲大壓力。
3. 唯一令我擔心做細B 既係K3 頭考直資或私小既時候只得四歲九個月，同一班五歲幾既哥哥姊姊爭，會好蝕底。因為自收分唔高，又唔想聽天尤命，所以點都要報下直/私。
4. 剛好今年做大B又會撞龍B

都真係十五個吊桶......

細B 家長真矛盾！

作者: looklook_66 時間: 13-10-31 00:23 標題: 回覆：2011 年細B 家長的矛盾

提示: 作者被禁止或刪除內容自動屏蔽

作者: sweet_heart2011 時間: 13-10-31 00:26

係囉，唯一擔心考直/私會蝕底

作者: vivi_ma 時間: 13-10-31 01:50 標題: 引用：11年12月女，出年一月會返PN依家全力報+201

原帖由 sweet_heart2011 於 13-10-31 發表
11年12月女，出年一月會返PN
依家全力報 2014 K1, 幸運地已經有一個am offer, 加埋PN 果間原校升K1, 接下來 ...

Congrats, 我個女都係11年12月, 1月又係會返PN, 都有報其他校k1, 但仲未有 interview, 另外亦報了一些唔收細b嘅 school, 請問邊間收咗你女女k1呢？

作者: smiletigger 時間: 13-10-31 02:50

我選擇咗做大B讀PN，因為男仔，語言能力比家姐同期差好多，紀律更差，我見家姐身形唔算高大，家姐之前間PN收咗，費事煩，其他K1都唔去In啦
不過每個情況唔同，自己諗法重要!

作者: ckfamily 時間: 13-10-31 06:35 標題: 引用：11年12月女，出年一月會返PN依家全力報+201

原帖由 sweet_heart2011 於 13-10-31 發表
11年12月女，出年一月會返PN
依家全力報 2014 K1, 幸運地已經有一個am offer, 加埋PN 果間原校升K1, 接下來 ...

其實大小b既分別，只係會响幼稚園k1,2比較明顯，到左小朋友考小一，個不別已經不大，我大女班中，有好多細b, 都好叻，你而家已經有k1offer, 照讀上去先，唔駛擔心

作者: abccynthia 時間: 13-10-31 09:13

其實,我覺得如果係11或12月的b反而係多個機會,又可以做細b讀k,又可以做大b讀n。我女11年10月,話細又唔算最細,至少仲有11同12月的b仲細,但比起1,2月的b又差左成八,九個月,如果想做大,又好似真係大得滯,唔係間間學校接受。高不成低不就的半天吊,唉

作者: fungtaitai 時間: 13-10-31 09:19 標題: 回覆：2011 年細B 家長的矛盾

我囡都是12月B，有學校收左14年k1啦，我又吾怕佢跟吾上，到時返學，作為家長我都會check住，打左幾間pN問冇位，吾知邊到PN仲有位呢?

作者: tinlingyuetka 時間: 13-10-31 09:22

我係兔年的, 讀龍年班大, 一路競爭都好大, 連排隊都長過人的, 以前的學號可以去到四十幾號....... 我個女又係兔年的, 開頭我都想佢讀兔仔班, 但之後覺得順其自然了........ 今年兔年的人係多過龍年人的, 而龍年細B好多都走難去蛇年, 其實兔年或龍年真係差唔多.

作者: baby0523 時間: 13-10-31 09:24

我囝都係11年12月B, 出年一月讀PN,原校保證有K1讀,但PM班, 但已有其他學校K1 AM OFFER, 我都係打算俾阿囝讀上去先算, 最多REPEAT K1, 大仔大把學校揀啦。

其實做大做細或者洗唔洗同龍B爭，都只係不過係家長諗得太多, 讀上去阿囝表現會話俾你，每個Ｂ既能力都唔同，如果佢有能力讀到又讀得開心，何必迫佢做細Ｂ呢？

作者: ac28 時間: 13-10-31 09:35

我個囡都係11年10月尾B, 初初我都好擔心佢K1會無幼稚園收, 所以自己都做左怪獸家長, 報左好多間幼稚園. 不過, 經過呢三個禮拜不停去面試, 發現阿囡有好大進步, 依家都有一d幼稚園收左阿囡. 我覺得細b能力未必差過大b, 最重要係家長們每日花少少時間同小朋友練習下, 寓遊戲中學習, 比信心小朋友, 佢地都一定得嘅.........

作者: twllc 時間: 13-10-31 09:41 標題: 回覆：2011 年細B 家長的矛盾

我對孖仔係09年12月底b,細b返pn和k1上學期明顯俾其他同學弱（尤其說話方面），但k1下學期距離已收窄，只係小肌比人弱，不過呢個係我冇一早幫佢地訓練。

佢地讀k1時我都有以超大仔身份報龍校k1,冇offer。咁就叠埋心水考比較出名學校插班k2，反而都有幾個offer (不過多數唔係最top果d）。

依家細女係11年11月細女，佢的說話認知能力強過大仔好多，所以我都會用大仔的策略，只有讀龍校先考慮轉做超大女，否則繼續做細女算喇

作者: lu8 時間: 13-10-31 10:17 標題: 回覆：2011 年細B 家長的矛盾

請問收細b係邊間？？

作者: Rose0708 時間: 13-10-31 10:27

我仔係11年11月, 而家報咗3間N, 2間K1. 最初本來諗住一心做大B, 我見今年d人勁跨張, 我仲要係住北區. 而家要迫住改變吓諗法, 暫時IN咗一間N, 今星期六IN 一間K. 邊間收就讀邊間.

作者: mobimobi 時間: 13-10-31 10:38 標題: 引用：11年12月女，出年一月會返PN依家全力報+201

原帖由 sweet_heart2011 於 13-10-31 發表
11年12月女，出年一月會返PN
依家全力報 2014 K1, 幸運地已經有一個am offer, 加埋PN 果間原校升K1, 接下來 ...

你諗法同我係一模一樣

作者: kayeea 時間: 13-10-31 10:58 標題: 回覆：2011 年細B 家長的矛盾

我反而幫佢報左間pn班，因為今年無pn肯收佢，雖然佢有間k1收左，但如果個間肯收佢出年9月讀pn我都會俾佢讀，唔收就下年再考的好的既k1 repeat，依家太多學校唔收12收b,我相信到左小學同一班應該都好多大b,所以我噁太擔心佢會大過其他同學而唔開心

作者: jywy 時間: 13-10-31 11:10

回復 sweet_heart2011 的帖子

我都係咁諗AR, 我果個都係11年12月B女, 其實決定左做細B架LA, 因已有1間K1全日OFFER, 亦有另一間N班會2月插, 可惜N班係私校, 學費都幾貴, 考慮緊讀唔讀, 但唔讀又怕佢讀K1仲要番全日都幾辛苦....唉! 總之又係苦惱緊....黎緊都仲會再IN K1, 已無N班可以IN, 因我果區的N班全FULL 了, 報左N都CALL來問我轉報K1....

作者: kyleebc 時間: 13-10-31 11:31

常見到細B媽咪的擔心，自己有左個仔（不是細仔）亦唔覺考K1之優勢，現在接觸到一些K3的家長多了，知道一些名小喜歡收大仔.•••
個人認為小朋友讀幼稚園，親子應該好開心，母親看著由BB長成人仔果份天真無邪。

作者: patpat904 時間: 13-10-31 11:32

回復 abccynthia 的帖子

十月大得滯，唔洗諗

作者: abccynthia 時間: 13-10-31 11:39

patpat904 發表於 13-10-31 11:32
回復 abccynthia 的帖子

十月大得滯，唔洗諗

yes..

所以先話高不成低不就的半天吊

唉

真係好擔心

作者: teambuilder 時間: 13-10-31 12:19

唔係潑冷水，樓主咁安排對考名幼係絕對不利。到你想考名幼repeat k1時就會後悔點解唔入左該校pn先要搞到k1插班。冇錯你係有兩次機會考龍/名幼，但唔保證考到。老實講如果唔介意讀咩學校，5歲8個月去大抽獎就得，k3都唔駛讀。建議揀學校係睇學校質素，而唔係收你做大定做細。純個人分享。

作者: sheryl.lam 時間: 13-10-31 12:44

我仔都是11年12月細B，本來一直只打算報k1，已經in佐兩間都唔收，都驚驚地，唔知點算好啦，黎緊仲有兩間in，如果都唔收唔知點算，仲有無pn班收人啊？

作者: 小洪寶 時間: 13-10-31 15:47

樓主既諗法/ 顧慮同我完全一樣，11月細囝，未開學所以唔知佢跟唔跟到，但而家已經要諗申唔申請repeat PN (如果老師話佢跟唔上，我反而心安理得做大囝)。同意repeat都唔想係PN，但正如其他家長講K1位好少，要爭得入都有難度
入唔入到名幼都係小事，最慘係考小學時候細囝仍然有差距

作者: annayu 時間: 13-10-31 21:05 標題: 引用：唔係潑冷水，樓主咁安排對考名幼係絕對不利

原帖由 teambuilder 於 13-10-31 發表
唔係潑冷水，樓主咁安排對考名幼係絕對不利。到你想考名幼repeat k1時就會後悔點解唔入左該校pn先要搞到k1 ...

正確得很！

作者: fablee 時間: 13-10-31 21:13

我個女係11年12月，本黎都諗住可能下年先報k1，但九月有學校收佢插14年1月讀pn（可以直升k1），諗法就唔同左，學得唔需要再等多一年，今年報幾間出名既k1，得就得，唔得就算....多得有個k1位，壓力真係細好多...

作者: kayeea 時間: 13-10-31 22:13 標題: 引用：我個女係11年12月，本黎都諗住可能下年先報

原帖由 fablee 於 13-10-31 發表
我個女係11年12月，本黎都諗住可能下年先報k1，但九月有學校收佢插14年1月讀pn（可以直升k1），諗法就唔同 ...

邊間肯收插班讀pn咁好？

作者: sweet_heart2011 時間: 13-10-31 22:24

回復 teambuilder 的帖子

我都想過報出年名幼PN, 以便做超大B容易D入該名幼K1，但出左d意外，就係錯過左蘇浙同玫瑰崗既deadline，好自責。我會報維記PN。其他港島名幼無咩邊間有PN，所以有以上想法。

作者: fablee 時間: 13-11-1 08:46

kayeea 發表於 13-10-31 22:13
邊間肯收插班讀pn咁好？

冇學券既一般都得

作者: FerreDeng 時間: 13-11-3 22:24 標題: 回覆：2011 年細B 家長的矛盾

我又唔覺得大細B有好大差距。我仔K1，朋友女兒K2，無論英文，數學，中文認字，我覺得兩人識嘅嘢差唔多。我好俾心機湊仔，同讀書，返興趣班，陪玩，陪跑步。家長付出幾多，小朋友同樣吸收幾多。我覺得仔仔唔算聰明，但系佢肯學，我買左好多中，英，數習作，例如每天要寫5個1，但系佢會自己寫夠10個，20個。做晒功課和習作我會陪佢玩。所以家長要"以自己小朋友"定一個目標，而唔系與別人比較。

作者: 魚王 時間: 13-11-3 22:52 標題: 回覆：2011 年細B 家長的矛盾

不要矛盾了，做人b la

作者: 魚王 時間: 13-11-3 22:52 標題: 回覆：2011 年細B 家長的矛盾

大b i mean

作者: chiyin8 時間: 13-11-4 22:05

回復 abccynthia 的帖子

我女仲慘, 2011年9月, 但早產佐3.5個月, 所以佢而加既發展等同2011年12月,K1 interview問咩都答唔到, 就算想明年再報K1, 人地唔收超大B, 所以選擇都少, 應該點算啊??

作者: snowhxf 時間: 13-11-5 00:25

abccynthia 發表於 13-10-31 09:13
其實,我覺得如果係11或12月的b反而係多個機會,又可以做細b讀k,又可以做大b讀n。我女11年10月,話細又唔算最 ...

好有同感！我個仔都系11年10月！宜家報左好多k1都吾收點算！

作者: annayu 時間: 13-11-5 08:20 標題: 引用：回復+abccynthia+的帖子我女仲慘,+2011年

原帖由 chiyin8 於 13-11-04 發表
回復 abccynthia 的帖子

我女仲慘, 2011年9月, 但早產佐3.5個月, 所以佢而加既發展等同2011年12月,K1 inte ...

先揀間有位的私幼插入今年N班讀書。
明年再考。

作者: cwshkm 時間: 13-11-5 08:42 標題: 回覆：2011 年細B 家長的矛盾

唉！我個仔2011年11月報左4間有2間唔收，重有2間未面試，我都好擔心呀！

作者: Gorisma 時間: 13-12-12 00:43

Hello, 我女又是12月細B，之前in左較出名的k1，多為後備生或唔收，我都打算俾呀女讀住pn（私幼）先再算。
另外想問各位知晤知作為後備生，被取錄的機會大嗎？
感謝！

作者: MrBeast 時間: 13-12-12 08:57

chiyin8 發表於 13-11-4 22:05
回復 abccynthia 的帖子

我女仲慘, 2011年9月, 但早產佐3.5個月, 所以佢而加既發展等同2011年12月,K1 inte ...

恕直言，你呢個case, 早產B初初發展有機會會慢d，但大些會catch up到, 最好做大B，問下e生議見。

作者: 好有問題 時間: 13-12-12 09:11 標題: 回覆：2011 年細B 家長的矛盾

大家唔覺大細b有咩差距，因為仲細，到小一先發覺吃力，大b可能出50%力，細b就要出100%力追，睇你點諗，唔係跟唔到嘅，只係吃力d....

作者: explorerhk 時間: 13-12-12 09:26

本帖最後由 explorerhk 於 13-12-13 00:38 編輯

sweet_heart2011 發表於 13-10-31 00:08
11年12月女，出年一月會返PN
依家全力報 2014 K1, 幸運地已經有一個am offer, 加埋PN 果間原校升K1, 接下來 ...

其實唔洗諗太多，見步行步，船到橋頭自然直，我小朋友同你小朋友差唔多情況， 10年11月B，而家讀緊internatinal kg K1, 由pn直升上去，今年9月會轉去sc repeat K1. 本來無打算repeat k1. 由於已經有書讀緊，所以今年只係報左幾間名幼博下心態，考到就諗，考唔到就唔洗諗，點知有意外驚喜，暫時有sc同kv offer. 我發覺今年小朋友考試同舊年最大唔同係佢已經讀緊k1, 老師問d問題老早識晒，好似數1至10果d跟本難唔到佢, 因為佢已經可以用英文數到去50，所以收到offer機會大左好多. 但上年報kg大部份waiting, 只得幾間2線kg offer. 以前我會好介意佢做超大b, 好似浪費左1年咁，但而家我完全改觀，做超大b好多好處，同一班永遠做最大果群，假設小朋友身心發展同同班小朋友差唔多，咁你小朋友永遠都係最成熟果群，班主任選乜代表都比較喜歡選成熟果d, 你又著數左，讀書理論上會易吸收過細b, 甚麼運動會果d比賽，小朋友體格又成熟d, 贏比賽又機會大d. 當然細b有d都超醒就另計，我講緊一般情況計. 我地已經好好彩，你諗下8，9 出世果d, 想做大b又唔比，永遠做最細果群， "sit"底晒，我自己就係8月出世，我讀書時已經發覺時時成績好果d都係春天出世，以前細果唔明，而家明晒.

所以有乜就讀住先，要repeat就repeat k1, 唔好repeat pn, 因為pn唱遊成份多，學唔到乜野

作者: fion_yinyin 時間: 13-12-12 10:36

我真係唔覺大、細b好多差距law。我大兒子11月出世，so far 升小學都無問題，考英文三份卷仲全部100分tim。所以唔係純年頭vs年尾出世既問題，係小朋友本身興趣同能力問題。

作者: SiuYin2010 時間: 13-12-12 10:54 標題: 回覆：explorerhk 的帖子

超有同感，我同你一樣10年11月B仔，早產1個月tim，今年讀緊K1pm，亦都有報三間勁多人報嘅半龍校，但無你咁好彩，唔係reject就waiting!碰下運氣吧!有N插N，當年報咗十間八間N，只有一間收，今年睇D post , 競爭仲大，加油呀各位細B嘅爸bi媽Mi

作者: 藍藍媽 時間: 13-12-12 11:37 標題: 引用：大家唔覺大細b有咩差距，因為仲細，到小一

原帖由 好有問題 於 13-12-12 發表
大家唔覺大細b有咩差距，因為仲細，到小一先發覺吃力，大b可能出50%力，細b就要出100%力追，睇你點諗，唔係 ...

唔係越細越覺差距，越大越唔覺咩？點解你睇法調轉咁得意的？

作者: MrBeast 時間: 13-12-12 12:08

fion_yinyin 發表於 13-12-12 10:36
...小朋友本身興趣同能力問題。

你說出個key pt.

作者: MrBeast 時間: 13-12-12 12:22

藍藍媽發表於 13-12-12 11:37
唔係越細越覺差距，越大越唔覺咩？點解你睇法調轉咁得意的？

我估佢意思係for the untrained eyes, 小孩太細很難確定有多少差距。

作者: 好有問題 時間: 13-12-12 19:36 標題: 引用：Quote:原帖由+好有問題+於+13-12-12+發表大

原帖由 藍藍媽 於 13-12-12 發表
唔係越細越覺差距，越大越唔覺咩？點解你睇法調轉咁得意的？

我都係好多前輩媽媽同我分享講嘅，另外可以search返有個post叫 ”時光倒流 PN / 幼稚園時.....”好多媽媽都有分享，都有話想小朋友轉做大b。

作者: chiyin8 時間: 13-12-12 22:12

回覆 explorerhk 的帖子

好同意你所分享的, 但我驚我女係2011 九月B到時明年係超大B, 好多K1唔收

作者: sweet_heart2011 時間: 13-12-12 23:13

回覆 explorerhk 的帖子

巧同意。依家有二線k1 offer, 放心晒。下年只揀幾間超好K1 再 int. 入到仲可以益埋細佬。

歡迎光臨教育王國 (/)