教育王國
標題: 好感慨.... [打印本頁]
作者: terterarashi 時間: 13-10-30 14:34 標題: 好感慨....
點解而家大部份家長，評論學校好唔好，只係以學校課程深淺，有無一條龍為依據，好少聽係用品德培育做大前提。
好想講，我寧願要個成績ok嘅小淑女做我女，而唔要成績超好嘅小惡霸....
希望各位緊張子女嘅爸媽，入到名校梗係好，但德行都好緊要，養成公主病王子病，第日為愛情走去傷害自己，讀書幾好都無用
睇新聞有感
共勉之
作者: FranBB 時間: 13-10-30 14:41 標題: 回覆：好感慨....
就好多一條龍，學術，品德都好0個下弊丫!
作者: PrettyPC 時間: 13-10-30 14:42
回復 terterarashi 的帖子
非常同意, 所以我教仔女都係以德行為先, 學術為次, 德行可以終生受用, 而且學海無涯, 唔洗急於一時
就算俾你個小朋友第日讀埋博士, 但心存歪念走錯路咪重衰
作者: cyym 時間: 13-10-30 14:51
回復 terterarashi 的帖子
好有同感!昨天聽了一位兒童腦科醫生之分享,好有共鳴,她說:
培養兒女有好品德,人緣好,有親和力,自自然然多人幫,
同樣可以成功,而且更加快樂!
相反,學術好,人品差,又如何?
作者: terterarashi 時間: 13-10-30 15:11 標題: 回覆：FranBB 的帖子
呢個當然有，亦好認同，所以先好多人爭入。不過我諗唔係個個人都知名校其實都各有風格，我有幸以前讀書都見識好多名校生，真係一睇就估到佢讀邊間。有學校谷死讀書，個個都好薯；有啲學校乜都叻，大部份會串啲，好outgoing and presentable.有啲好謙厚；有啲以為自己間學校好出名，但實際比較井底蛙，好難接受失敗.......當然入到事但一間好多父母都已經好感恩，但事實入咩學校你仔女亦好易耳濡目染變成咁。只係見到太多小朋友自殺新聞，希望大部份家長唔好迫個細路咁緊要。話說老公以前k3已經要背乘數表，我小三先讀，cert 我拎A佢拎C。唔好以為一定要贏在起跑線，最怕最後係成個仔女輸晒。
作者: terterarashi 時間: 13-10-30 15:17 標題: 回覆：PrettyPC 的帖子
我以前打份工，有個三十幾歲碩士畢業同事，新入職時要求一萬蚊左右。佢黎做野終於明白，好宅男，唔識同人溝通，做左一個月都無就走左。唉，唔怪得做父母「長憂九十九」啦....出黎社會做野，人緣好，識溝通，真係比讀書叻有用好多
作者: siupingc 時間: 13-10-30 19:13
加上近來身邊見到很多精神病嘅例子，更加覺得一個好嘅個性同價值觀幾咁重要
作者: looklook_66 時間: 13-10-30 21:27 標題: 回覆：好感慨....
提示: 作者被禁止或刪除 內容自動屏蔽
作者: jaycee_mami 時間: 13-10-30 21:29
品德培育和學術是可以並行, 兩樣一齊做的, 唔係重視學術就忽略了德育. 學校沒有打正旗號將德育做主打, 不代表在課程中沒有加入這元素.
作者: ^GGmami^ 時間: 13-10-30 21:58 標題: 回覆：好感慨....
或者咁講，其實間間幼稚園培養品德方面應該都差不多，基本禮貌，尊敬長輩，愛護同學都一樣，響咁嘅基礎下，就自然會忽略呢個項目，集中睇學術囉
作者: 小洪寶 時間: 13-10-30 22:18
其實我覺得無心培養小朋友品德既家庭，無論讀名校或村校，品德也不會好
作者: Potato001 時間: 13-10-30 22:26 標題: 引用：Support!+而家太多怪獸家長，只要個小朋友
原帖由 looklook_66 於 13-10-30 發表
Support! 而家太多怪獸家長，只要個小朋友入到名校就完全唔理修養品德，好可悲。對我來說，一個有責任心同 ...
作者: zzzchow 時間: 13-10-30 23:00 標題: 回覆：terterarashi 的帖子
Agree!
作者: manyjennifer 時間: 13-10-31 00:19 標題: 回覆：好感慨....
我都認為德行人品重要啲，學識可以慢慢累積，因品德係影響一世，將來佢開開心心做個有理想的好人就夠，又唔需要佢大富大貴，又唔係要佢養，教好佢做個負責任的人，就算我將來死左，都對得住任何人。
作者: 您好媽 時間: 13-10-31 01:32
本帖最後由 您好媽 於 13-10-31 01:33 編輯
一樣米養百樣人，太多怪獸家長，大家價值觀唔同... 無得傾...
作者: miaomama 時間: 13-10-31 15:41
本帖最後由 miaomama 於 13-10-31 15:42 編輯
其實都唔知依家係怪獸家長多定怪獸學校多?
依家P1面試d題目嚇死你
K3學生要識答加減數(仲要係代數果隻: 5-?=2) 又要識推理?
點解佢哋認為一個5歲的小朋友會識呢?
作者: daisylhn 時間: 13-10-31 15:44
我覺得好多名幼係品德和學業兼備, 所以多人報讀.
另外, 培養品德最重要係父母身教。
作者: 初級媽咪 時間: 13-10-31 15:59
同意, 其實我都係揀左4,5間HAPPY SCHOOL, 因為小朋友開心童年最緊要, 反正佢讀到書唔代表第時係好人, 讀書唔叻又唔代表無出色, 我一直都係咁諗...而且身教比學術知識更重要啦...
作者: charbabies 時間: 13-10-31 16:04
本帖最後由 charbabies 於 18-7-15 15:50 編輯
-
作者: cherryird 時間: 13-10-31 16:10
提示: 作者被禁止或刪除 內容自動屏蔽
作者: worldcat 時間: 13-10-31 17:02
請問有邊間學術好嘅幼稚園、而品德教育唔好?
小朋友品德好壞、家庭環境更重要。
都係果句、學術定happy school睇小朋友性格。(但其實係睇家長心態、因為小朋友無得揀。)
無話對錯、亦無人知將來係點。
正如、如果k3識諗成數表、可能連c 都無。
掉轉k3已經學成數表、可能數學方便有更好成績。
自己覺得重點係只要唔好俾太大壓力自己同小朋友就好。
作者: creambun 時間: 13-10-31 17:22
因為品德修養我自己會教，做父母會身教! 揀間學術好嘅學校，係要佢打好個底，上小一冇咁辛苦!
難道諗住學校教品德修養自理，我自己教學術!
作者: shirleyyip04 時間: 13-11-1 09:04
其實除左學校,老師都好緊要,昨天到了名牌幼稚園,group in 時隔離坐了一個大陸媽媽和她的小孩,雖然她們是大陸人,但面試是人人平等,如果這大陸小孩做唔到學校要求,可以唔收,但那位老師對這個媽媽和小孩的態度真係好差,十分不友善,令她們十分難堪.
雖然我都不喜歡大陸人,但老師的態度將來會好影響我們小朋友會歧視人,提唔起人........
作者: terterarashi 時間: 13-11-1 13:56 標題: 引用：因為品德修養我自己會教，做父母會身教!+揀
原帖由 creambun 於 13-10-31 發表
因為品德修養我自己會教，做父母會身教! 揀間學術好嘅學校，係要佢打好個底，上小一冇咁辛苦!
難道諗住學 ...
作者: w_y 時間: 13-11-1 14:22
本帖最後由 w_y 於 13-11-1 14:24 編輯
品德係家校都咁重要。不要小看每天幾小時, 老師朋輩的影響不少於家庭。
德育, 唔係表面果"浸", 有禮貌, 識幫人, 而係深層次的理解體諒, 唔係得把口, 而係從心啟發小朋友對人對事物的愛護。幼稚園重學術的會叫你餘暇時間多報比賽公開試, 以助考小一; 重得育的幼稚園, 會請你多探訪長者, 賣下旗。兩者好明顯唔同。
至於話靠自己即可教得掂品德, 實在要先攪清楚做人要謙虛, 先再講其他。我認為相反, 學術, 只要有$$, 你隨時請幾個專科專教私人補習, $ 少些, 外面乜班物班中英數常普外語大把可揀。
作者: 藍藍媽 時間: 13-11-1 17:59 標題: 引用：Quote:原帖由+creambun+於+13-10-31+發表因
原帖由 terterarashi 於 13-11-01 發表
creambun媽媽，當然唔係咁，其實係因為校風都學校老師德行如何，係極之影響個小朋友架，有啲學校學習上比較 ...
作者: Gerard 時間: 13-11-1 18:04 標題: 回覆：好感慨....
提示: 作者被禁止或刪除 內容自動屏蔽
作者: cscsmlkyh 時間: 13-11-1 18:33
唉，今日同小朋友去interview 既時候先大開眼界，係一間算出名但有學卷既學校。有媽媽有好大一個紋身（我知其實好多人有，但個人黎講覺得太大既話其實幾scary），有媽媽register 後等緊就已經鬧仔，d 小朋友見到玩具完全唔知乜叫禮讓或排隊.....有家長遲到仲問＂時間過左點解我唔係即時上去in?" 雖然我明白其實間間學校都會有咁, 但呢間正正係校風純樸，品德行先既學校。
出黎第一句我就同我先生講，除非得呢間收，如果唔係唔會讀。好恐怖！希望黎緊既interview 見到既potential classmates & parents 唔婇咁驚嚇
作者: Charlie妹 時間: 13-11-2 00:03 標題: 回覆：好感慨....
同意，有時搭車，見到啲家長同小朋友温書，都唔讓座俾啲老人家；我覺得咁嘈温到啲乜吖，不如叫小朋友觀察下，有冇人需要讓座好過啦！
作者: joysic 時間: 13-11-2 13:35
最好笑係什麼什麼輸在起跑線之類嘅廢話•••回帰後好多價值觀都彎曲得恐怖
作者: snoopyyip 時間: 13-11-10 02:49 標題: 引用：Quote:原帖由+looklook_66+於+13-10-30+發
原帖由 Potato001 於 13-10-30 發表
其實間間學校都會教品德，但影響小朋友最大的始終係父母。有啲父母為咗入名校，聽聞學校鍾意媽媽係家庭主婦 ...
| 歡迎光臨 教育王國 (/) |
Powered by Discuz! X1.5 |