教育王國

標題: 幼稚園面試 [打印本頁]

作者: usagisyu 時間: 13-10-29 15:37 標題: 幼稚園面試

如果2歲小朋友面試的時候問極唔答又唔理人，你係家長會點做? 如果不斷重覆老師的問題或俾提示，或者家長講埋答案等小朋友重覆答案，會唔會反而影響面試印象?

作者: kuo0912 時間: 13-11-1 22:50

我仔都係2歲又係吾答所以in左好多好D學校都吾收佢，但家長有吾可以幫小朋友答架

作者: 藍藍媽 時間: 13-11-1 23:27 標題: 引用：如果2歲小朋友面試的時候問極唔答又唔理人

原帖由 usagisyu 於 13-10-29 發表
如果2歲小朋友面試的時候問極唔答又唔理人，你係家長會點做? 如果不斷重覆老師的問題或俾提示，或者家長講 ...

我會教個女答，唔係希望佢收我個女，係費事尷尬， dead 晒air 咁

作者: bingbingo 時間: 13-11-1 23:41 標題: 引用：如果2歲小朋友面試的時候問極唔答又唔理人

原帖由 usagisyu 於 13-10-29 發表
如果2歲小朋友面試的時候問極唔答又唔理人，你係家長會點做? 如果不斷重覆老師的問題或俾提示，或者家長講 ...

我上年同阿囡 in K1 時，如佢完全唔答嘢，我唔會重複老師問題，亦唔會幫佢答，由得佢，我地亦唔會表現得好緊張，只會保持微笑，同埋用鼓勵嘅眼神望住佢，當有眼神接觸就向佢點一下頭，以示支持。極其量只係喺走嘅時候叫佢同老師講拜拜。

作者: Chirley 時間: 13-11-1 23:47

我都唔會教自已小朋友答，
如果我囝周圍望我就會引導佢返黎聽下miss講野。
今日我囝interview時都係周圍走，
個miss忍唔住要捉佢返黎，
我就用隻手繞過佢後面扶住凳唔俾佢走。

作者: joysic 時間: 13-11-2 13:26

明明全部都識答嘅一面試就十問十唔應•••暈

今朝又係咁

作者: piyohk 時間: 13-11-2 15:49 標題: 回覆：幼稚園面試

我的小B都一樣，平時多多嘴，平時老師問他，他都可以答句子；今日，不答任何問題。

作者: Kakawing329 時間: 13-11-2 16:45 標題: 回覆：幼稚園面試

我女都一樣,一句都唔答,未入去面試仲不停唱歌

算啦,佢盡左力就ok.始終咁細要是面試已經好慘。所以冇怪佢。個女咩性格自己最清楚,都預左

作者: iess23 時間: 13-11-2 17:17

我就會照引導囝囝答，反正如果咩表現都無都預咗唔收，咪盡下力提下水囉，起碼比老師知佢識講嘢吖！博下waiting！反正都係唔收梗係幫下手啦！我唔覺得佢地會係小朋友無反應下因媽媽唔幫手而收囉！而家競爭咁大，又唔係無學生揀！以上純粹個人意見，不喜勿插！

作者: ^GGmami^ 時間: 13-11-2 23:10 標題: 引用：Quote:原帖由+usagisyu+於+13-10-29+發表如

原帖由 bingbingo 於 13-11-01 發表
我上年同阿囡 in K1 時，如佢完全唔答嘢，我唔會重複老師問題，亦唔會幫佢答，由得佢，我地亦唔會表現得好 ...

我都一樣，想佢試下，當係一個學習經驗。雖然佢十問九唔應，但我知佢好驚，肯自己一個坐，唔叫媽媽抱，已經覺得佢好敢，可以控制到自己情緒。始終兩歲太細，我自己兩歲仲響屋企食緊奶咀

作者: lui 時間: 13-11-2 23:15 標題: 引用：我就會照引導囝囝答，反正如果咩表現都無都

原帖由 iess23 於 13-11-02 發表
我就會照引導囝囝答，反正如果咩表現都無都預咗唔收，咪盡下力提下水囉，起碼比老師知佢識講嘢吖！博下wait ...

St Catherine 是一定不收父母幫口的，大家應該留意。其實interview 目的是看小朋友反應，不是幫口後的反應，家長要明白。例如circle time or group in, 如你叫小朋友拍手啦，一定衰架。

作者: little_m 時間: 13-11-2 23:29 標題: 回覆：幼稚園面試

你地小朋友至少都肯坐低，最多未必做晒老師問既野，但我個女一入學校就喊，上到課室見到老師就喊到劏豬咁，完全in 唔到，咁點算呀？

作者: iess23 時間: 13-11-2 23:55

lui 發表於 13-11-2 23:15
St Catherine 是一定不收父母幫口的，大家應該留意。其實interview 目的是看小朋友反應，不是幫口後的反應 ...

St Catherine啲問題都唔係比一個正常兩歲小朋友答㗎啦！佢唔憂揀學生，門檻一年比一年高！答得出嘅一係超大仔，一係父母之前勁谷過先識！我個仔做唔到或無反應我唔覺係我小朋友問題！反正唔收，我就係要提下佢比佢當練習，下一間in得好啲！同埋係人都知係考小朋友啦，但係真係咩反應都無你都局幫下令佢定啲吖！我in過york，kv，啓小附幼，啟思，靈糧全部都無話唔比家長出聲囉！嚟緊ms如果遇着係net或普通話老師in，我個仔唔會識聽，咪又係局住家長要翻譯，點唔出聲呀！以上都係我自己認為啫，其實無一定嘅，總之過得自己就得！

作者: tc001039 時間: 13-11-2 23:56 標題: 回覆：lui 的帖子

咁點解要家長陪？可以自己入去in，有啲學校係咁！陪佢入去，但又唔可以出聲，only坐係度，好似唔參與咁，佢有佢我有我咁！你唔講我真係唔知

作者: iess23 時間: 13-11-3 00:06

回復 tc001039 的帖子

唔係,佢有問卷要你填嘅！不過我覺得個目的純粹轉移你視線，等你無得參與囉！

作者: iess23 時間: 13-11-3 00:19

我c6講咗最重要一樣嘢就係：咁唔答無反應收唔收先？既然都係咁咪幫下口囉，博下印象分，博下有waiting！等於你教仔做卷都係啦，唔識都撞下嘛！不過都係st cat係講明有咁要求啫，其他都無，暗啞底就唔知啦！btw，我都認同應該盡量比小朋友自己發揮，但樓主而家係問問極唔答又唔理人嘛，呢個情況我就選擇幫囉！

作者: lui 時間: 13-11-3 00:28 標題: 引用：Quote:lui+發表於+13-11-2+23:15+St+Cather

原帖由 iess23 於 13-11-02 發表
St Catherine啲問題都唔係比一個正常兩歲小朋友答㗎啦！佢唔憂揀學生，門檻一年比一年高！答得出嘅一係超大 ...

媽媽，你不用勞氣，我想講很多學校（other than st cath),真係唔expect 父母幇口，我知道才告訴你。學校不一定要小朋友答得到，是看他反應，及專注力，還有也是選家長的。以上也有人說答對了但有幫口不收，不是全對媽沒有幫口反而收了。至於st Catherine 的問題是否很深？我認為不是。反而很全面。我女是10月細女，除了圖形砌不完，其他也可以。我認為一般年中出世的是可以做到。况且，學校的評分不是只看對錯，很多行為也計分的.有些學校是計埋父母衣著的（k字頭一定）

作者: bbalau 時間: 13-11-3 00:41 標題: 引用：Quote:原帖由+iess23+於+13-11-02+發表St+C

原帖由 lui 於 13-11-03 發表
媽媽，你不用勞氣，我想講很多學校（other than st cath),真係唔expect 父母幇口，我知道才告訴你。學校不 ...

我去SC interview，砌Lego 時，有個阿媽不停提個女攞這塊那塊，俾人少少怪獸感覺囉，如果我係老師都唔like。玩Lego 之嘛，輕鬆D啦。至於答問題，如果小朋友冇咩反應，幫兩咀當鼓勵都ok，切忌太著跡。

作者: iess23 時間: 13-11-3 00:55

lui 發表於 13-11-3 00:28
媽媽，你不用勞氣，我想講很多學校（other than st cath),真係唔expect 父母幇口，我知道才告訴你。學校不 ...

媽媽也不要誤會，大家交流下啫！Well，你女女好叻呀！做到大部份題目！我今年有很多朋友一齊考，基本上都認為係深，起碼同3年前考已經又深咗，不過可能我地大部份人都表現不理想啦，你做到就自然覺得全面嘅！不過我都要利申一下，其實過程中我就無幫口嘅，都係尤佢，反正佢又唔係無反應同我又志不在呢間，當練習同見識啫！唉，同埋而家啲學校收生準則係點真係佢地先知，一場遊戲啫！c6成日都講入到又唔一定讀到，成世人流流長，輸在超跑線唔代表唔可以贏在終點！

作者: lui 時間: 13-11-3 08:04 標題: 引用：Quote:lui+發表於+13-11-3+00:28+媽媽，你

原帖由 iess23 於 13-11-03 發表
媽媽也不要誤會，大家交流下啫！Well，你女女好叻呀！做到大部份題目！我今年有很多朋友一齊考，基本上都認 ...

知道媽媽你的想法也好。其實我只報了st Catherine 一間，也只是當見識練習，因為本身的PN好好，其實不是因為小朋做到而覺得全面，他們考的包括認知（有d學校考abc,數字我認為太過）、聆聽、大小肌肉，我和一些朋友分享，他們第一個反應是好全面喎。不過小朋友在formal setting 中很多時表現緊張，也沒法子（我那個不太專注，還說鄰座小女孩推凳走了

）

作者: mancyf 時間: 13-11-4 00:30 標題: 回覆：iess23 的帖子

Hu

作者: hosinai2012 時間: 13-11-4 00:48

我個仔in St Cat 時, 老師叫佢去後面拿樣野回來畫畫,我個仔一枝箭跑了去班房尾, 老師帶佢回來, 佢望住個架呆左, 好似唔記得要做咩, 我唯有指一指個架重覆老師的指示, 雖然我已經知咁做唔好, 但覺得總比老師以為佢做唔到好, 而且個陣有些尷尬, 我覺得提唔提水睇情況啦, 唔提一定唔得, 只是少少地重複指示都好過佢完全做唔到

作者: NICOLE123 時間: 13-11-4 03:21 標題: 回覆：lui 的帖子

其實你点解咁肯定幫口一定唔收?

作者: NICOLE123 時間: 13-11-4 03:39 標題: 回覆：幼稚園面試

我四年前大仔有sc英普Kv am offer·還有2間龍校offer 雖然事隔一段曰子不過我對之前什麼家長幫口一定吾收父母衣著差—定吾收的偉論不赞同·其實都in完不論你小朋友有幾叻or什麼都不能完成又如何?根本沒有人知道真正的收生標準.到12月出结果大把人會說不公平!收你是因為你好彩·識人好過識字等等.只有當事人知原因(甚至自己都不知道).我今次in sc我幫口幫到老師叫停我·因為我小朋友向我求教·我覺得沒有必要因為一埸遊戲傷害了小朋友心靈·遊戲剛開始家長們in完就放下.

作者: lui 時間: 13-11-4 07:02 標題: 引用：我四年前大仔有sc英普Kv+am+offer·還有2間

原帖由 NICOLE123 於 13-11-04 發表
我四年前大仔有sc英普Kv am offer·還有2間龍校offer 雖然事隔一段曰子不過我對之前什麼家長幫口一定吾收 ...

那些不是偉論，是從在校老師得知。識人好過識字我同意，但如果知道當中小細節，家長留意下囉。如果仔女向你求救，我也會出手。

作者: usagisyu 時間: 13-11-7 13:38

原來連衣著都計埋分，真係唔講唔知! 大家的意見都好有參考價值，嚟緊一輪面試真係要認真好好檢討下自己作為家長的表現再去作戰! 之前見親多數都唔收都唔知係因為阿女表現唔好定係阿媽幫得太多...唉!

作者: rosebb 時間: 13-11-7 15:01

我女IN SC時，一開始我無幫口，由佢自己，因為填緊問卷，但聽到佢其實好多答錯，其實父母在這個過程之中，忍到唔幫口其實好難，特別心儀學校，到最後我填完問卷，無想過我個囡係無幫助下答足吟耐，所以我都忍唔住同老師及阿女笑一笑，老師叫佢唱歌，那刻真係覺得佢獨戰左好耐，我出聲鼓勵佢不如唱ABC SONG。

不過，我同意佢地應該係睇小朋友無家長在控制下的反應，即是佢上課時的反應。

歡迎光臨教育王國 (/)